|
اقتباس:
متحملة اتكاليته وبروده اللي يجيب المرض , هي متحملته بعد انا بحاول اقنعه بالهدااااوة وبحاول العب على الحبلين يمكن اشيل قشي واروح بيتهم هالكم يوم :25: |
اقتباس:
شكرا أختي على النصيحة والله يكتب لنا ولكم الخير |
خلي اخوكي يقرا موضوع ابوفهد45 او اطبعيه له ,,,اخاف يعرفك:d
حتى يكون عنده خلفيه عن جميع الاحتمالات اللي ممكن تصير .... وحاولي تطلبيه ياجل الموضوع ويعطيك الضوء الاخضر بانك تحاولي تتكلمي معها او توصليلها رسائلك بطريقه غير مباشره مثل لو تقوليلها قصه وهميه تحمل نفس حياتهم وان الزوج بيتزوج على زوجته او تزوج ولو ان زوجته تداركت كان حافظة على بيتها وزوجها ...ولعل تفهمها انه انذار لها وتدارك حياتها... او انك تشتري شريحه بدون اسم وترسلي لها زوجك بيتزوج عليك حافظي على حياتكم واحتويه (وتذكري ان العصبيه بتنفره ماتقربه حلي الموضوع بالعقل) اتووقع ان انسانه تحمل الماجستير بتعرف تتصرف لو جاها انذار من مجهول .... بس اخاف تغلبها طبيعة النساء وتروح تعلمه برساله وتفور فيه واكيد اخوكي بيعرف انه انتي المرسله :30: (معإني ماشجعك على هل حل ..بس يبقى حل وانتي ادرى بالحلول المناسبه لوضعهم) على العموم ممكن يكون اخوكي يمزح وده بس ماهو معزم .... انا مره اخوي دق على جوالي وقالي ابي اتزوج.....!! ارتبكت وقمت اقوله طيب وعيالك وزوجتك ووووو... وبالاخير يطلع مقلب وزوجته جنبه ....لا وضحك عليها قال قالتلي ايه من حقك:14: وليومك ماهي مصدقه انه يكذب تحسب اني فعلا قايلته!!!:27: بس احس من كلامك ان كلكم عارفين ان حياتهم ماراح تستمر بهدوء وانها عاجلاً او اجلاً بتنهار بدليل انكم ماتسولفون قدامه عن الزيجات- وسبق سألك عن صديقتك وهي عرفت -وتعصب من سيرة الزوج الثاني..... فاحاولي تصلحي بما ان اخوكي فتح معك الموضوع .. |
اقتباس:
فديتك بس :) الله يسخرهم لبعض ويمكن اخوك قالك عالموضوع وهو وقتها زعلان منها او ضايق صدره او او ..... حاولي تكلمينه قبل تكبر السالفه براسه وخليه يتفاهم معها ويناقشها واذا مانفع يهددها والله يعينهم ويخليهم لبعض ويخليييييييك لهم يالذهبه :d |
صباااح الخير انا ااشوف اخوك اقبل على شي خير والله يوفقه يارب لا تحمكون على الاشخااص بالظاهر ولا تقولون ليش يتزوج عليها يمكن هو ناقصه شي ولا محتااج شي مايشوفه في زوجته وانا عندي نقطه (انا اشوف كل المعلماات الله يهديهم يشفون انفسهم اقوياء قدام ازواجهم لانهم يحسبون السيطره والقوه بالمال او الراتب ) اذا ااخوك محتااج يتزوج لا احد يظغط عليه لانه هو الي عاايش الحيااه وهو الي يعرف وش يبي وش ماايبي والله يوفق الجميع |
اقتباس:
|
اقتباس:
هي حااارة شوي ونشوفها تتنرفز كثير عليه , وينرفزها موضوووع الزواج عليها كثير , فلهالسبب احنا ما نشجعه على موضوع الزواج لاننا ما نضمن ردة فعلها , ووش فايدة عمار بيت مقابل هدم بيت ثاني ! اما عن موضوع صديقتي هي ما كانت زعلانة انه سأل عنها هي تعرف وعادي , بس أنا خبيت عنها انه سألني لاني أعرف انها غيووورة , فأضمن اني ماقولها شي وهي فرحت بردة فعلي .. ان شاء الله بحاول مع أخوي الله يهديه ويصلحه |
عزيزتي طبع اخوك البارد جدا مع امرأة حارة وعصبية يكون كمن يصب الزيت على النار!!!
فهو يحميها بدل ما يطفيها!!! عزيزتي طالما ان اخوك فتح معك الموضوع انت بالذات فهذا يعني انه يثق فيك وبرأيك اولا وانك مقربة منه،، فاستغلي هذه النقاط للتأثير عليه.. ابدأي من اخيك ثم لابد من تنبيه زوجته،، اخوك له الدور الاكبر بحال زوجته الحالي ، بروده وتطنيشه وقلة النقاش وتوضيح مايريد،،، ذكرت موقف الوان الملابس، ربما انت عرفت بالملاحظة!! لكن هل اخبرها بما يحب وما يكره صراحة؟؟ وضحي لاخوك عواقف ما يريد الاقدام عليه،، طبعا انت اعرف بأخيك وقدرته على التعدد والعدل،، انت خضت تجربة التعدد فاشرحيها لاخيك،، ادفعيه للتفاهم مع زوجته والجلوس جلسة مصارحة لتحديد النقاط الاساسية التي يريدها منها ومايزعجه بتصرفاتها من حقها عليه منحها فرصة بعد تحديد مايريد بصريح العبارة،، بعدها فليهددها بالزواج من اخرى ان لم تفعل مايريد لكن ان يتزوج هكذا من غير سابق انذار فهذا ظلم في حقها،،، وبالنسبة لزوجة اخيك، حتى لو لم تفتح معك المجال ولم تأتي هي لتشكو (هذا الطبيعي!! كيف تشكو لأهله!! من سينصفها؟؟) انت اجلسي معها وقولي لها هناك امور انت تفعلينها وانا اعرف ان اخي لا تعجبه مثل هذه التصرفات،، اذكريها.. قولي لها ان تحاول التأقلم مع طبع زوجها، وانصحيها بكل ماتعرفين،، اظهري لها حقيقة اهتمامك فوالله ان هذا الكبت يفتك بها من دون ان تشعر،، وهو السبب في عصبيتها وحدة طبعها،، نفسيتها غير مرتاحة ونفسها تضيق وتضيق ولا متنفس.. زوجها لا يفتح لها المجال ليسمعها وبطبعها لا تحب اخراج اسرار بيتها لاهلها او لاي أحد فلا تقول لاهلها،،، واهل زوجها لاتريد افساد علاقتها بهم ، فمهما كانت علاقتهم بها قوية فلن تكون اقوى من علاقتهم بابنهم!!! فلن ينصفوها عليه!! اجلسي معها وتحدثي معها بكل هدوء وعفوية واظهار لحرصك عليها،، رغما عنها ان لم تستجب.. وفقك الله لكل خير... |
اقتباس:
أحرجتيـــــــــــــــــــــني :o ولكن فعلا هذا هو الصح وهذا اللي المفروض كل انسانة تسويه مع زوجة أخوها أختي الحمدلله أنا وخواتي مثل أمي , ما نتدخل في حياتهم ومالنا شغل فيهم الله يهنيهم ببعض , وندخل بالخير ما ندخل بالشر , والانسانة اللي تتقي الله فعلا ما راح تحاول انها تهدم بيت أي انسانة ثانية ولا تدخل بينها وبين زوجها بطريقة سلبية ... حتى قناعاتي بالتعدد أحتفظ فيها لنفسي أمام زوجة أخوي علشان ما أزعجها وأتسبب بمشكلة بينها وبين أخوي لانه كرجل أكيــــــــد بيوافقني وهي كزوجة بتعارضه وبتنشا بينهم مشكلة !!!!!... بالأول كنا نمزح معاها بالزواج الثاني يوم شفناها تزعل خلاص وقفنا , المزح يمزحه الانسان علشان يقرب بينه وبين الثانييين موووب علشان يزعلهم , واذا كان بيسبب فراق ونكد وزعل فبلاشي منه :d.. عموما بحاول أسوي اللي أقدر عليه |
اقتباس:
اللهم آمين شكرا أخوي |
| الساعة الآن 10:57 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©