اختي بوح قلب الله يسعدك المشكله انا ساكنه بمدينه بعيده شوي عن اهلي يعني اذا بروح لازم اجلس اسبوع غير كذا المشكله الاساسيه في اختي اساسا لانها تزعل اذا اولادي ضربوا اولادها رغم ان اولادي اصغر من اولادها غير كذا تجلس تضرب اولادي وتخاصمهم يعني انا ماابغى مشاكل مع اختي لانها كل اجازه تجلس عند اهلي رغم اني اسكت اذا احد ضرب اولادي ولااتكلم
غير كذا اذا مرضوا اولادي اهلي مايودهم المستشفى يقولوا اذا ابوهم جاء هو اللي يوديهم فهمتي ليه مااروح
اختي بنت الحكمي الله يهنيك بزوجك واولادك انا الصراحه لما قلي يالله بوديك عند اهلك زعلت وسكت وقلت ماابغى اروح يعني معقول الناس يقول ليه مايوديها لاهلها طيب انا كل ماجات فرصه نروح انا وزوجي واروح لاهلي وحتى في الاجازه حقت زوجي اروح لاهلي واجلس اسبوع بس انشالله بطبق كلامك واحاول افر راسه رغم انه مايكلمني ومسوي زعلان مدري على ايه من جد صدق اللي قال ضربني وبكى وسبقني واشتكى
اختي قلبي حنون الله ينور قلبك ويسعدك انا زوجي يبغاني انام عندهم وهو المفروض براحتي يعني محد يزعل اذا مارحت
اختي موهبة الكويت الله يوفقك بالفعل اغلب السعوديات يروحوا لاهاليهم وقت الاجازه بس انا من تزوجت مارحت يعني من باب اولى ان زوجي معد يسالني نفس السؤال يعني حرام والاعيب اذا كنت غير الناس
اختي اميره الرومنسيه الله يخليلك بناتك وتفرحي فيهم يارب انتي يااختي زوجك متعود انك تروحي بس انا ماعودت زوجي اني اروح يعني المفروض مايزعل ولايسال ابغى اروح والا لا؟
ياحبيبتي اسالي زي ماتبغي انا احب الكل ياخذ راحته
اختي الماضي الدفين انا اذهب لاهلي اذا جات فرصه لزوجي وصدقيني عمري ماقطعتهم انا دايم اكلمهم وزوجي انسان عنده دوام يعني هوه ماعنده اجازه فالمفروض انه يفرح بجلستي معاه الله يسعدك اختي ويهنيك بحياتك

اختي سيدة الموقف الله ينورطريقك ويسعدك بالفعل زوجي بالعمل زملائه نسائهم جميعا يذهبن بالاجازه لاهلهم الا اللي اهلهم بنفس المدينه اللي نحنا فيها بس يااختي موذنبي اذا انا ماابغى اروح زوجي شغله ماخذ كل وقته يعني مايجي من الشغل الاهوتعبان ينام ويصحي ياكل ويصلي ويرجع ينام مره ثانيه حتى الوقت اللي يجلس معانا فيه جدا قليل يعني انا اغلب الوقت لوحدي يعني اي ملل بيجيه هوانا واولاده اصلا لما نجلس معاه ساعتين ثلاثه نجيبله ملل؟
اختي انا ماقطعت اهلي بس انا ماابغى اجلس عندهم بالاجازه يعني ليه يزعل عشان ماابغى اروح ؟

اختي لاتظلمونه الله يسعدك وجزاك الله خير على المرور

هلا فيج اختي اميرة

احنا تقريبا كل الكويتيين عندنا زوارة اسبوعية

يوم بالاسبوع يتجمعون فيه الخوات والاخوان

وبعدين الكويت صغيرونة ابعد مسافرة ما تاخذ نص ساعة بالطريج

غير جذي اغلب الكويتيات يسوقون فما يتحاجون الا الاذن من الزوج فقط

طبعا هذا طبع الحضر

اما البدو فالوحدة تروح بيت اهلها من الخميس بالليل لي السبت الصبح

هذا اللي اعرفه

يستغرب .. نعم .... لكن يزعل! .. لا أعتقد أن الموضوع يستحق الزعل .. وبعبارة أخرى أدق: لا أرى أن من حقه أن يزعل.


أرى يا عزيزتي أن تتحدثي معه لتفهمي بالضبط ما وجه ضيقه .. ولتعرفي هل الافتراضات التي افترضتها الأخوات هنا صحيحة (خائف على سمعته أمام أهلكِ ــ يحتاج إلى مساحة لنفسه بعيداً عن المسؤوليات الأسرية) .. أم أن له وجهة نظر أخرى.

الله يسعدك اختي مهره ويخليلك اولادك وتفرحي فيهم يارب انا ماادري ليه زوجي زعلان افكر اني اسكت معد اتكلم بالموضوع تصدقي احس قلبي حزين ليه فتره اعاني من صمت زوجي يارب ساعدني والله قلبي معد يتحمل تعب

والكويتيات مايروحون عند أهلهم ؟:25:

هههههه توني أقرأ ردك على سؤالي اجابتك منطقية يابختكم بالكويت والله ( قلب ينبض )

وصاحبة المشكلة .. لا تحرمي نفسك من أهلك علشان الأطفال

وحتى إنتِ حلووو يكون بينك وبين زوجك إجازة زوجية يتغير الروتين وتجدد المحبة ويزيد الشوق

تروحين بيت أهلك تروووقين وتنبسطين وتتدهرين بعمرك وتفكرين بمفاجأت لزوجك جررربي وشوفي الفرق