|
ما شاء الله البنات ما خلو شي هذا الغسول حلوة ريحته تجنن وطبي وغالي بعد http://www.farmacia-internacional.ne...5bb1ab28e8b5d4 لما تنتقع بالماي تغسل منه جدا مريح بالنسبة للبيض المسلوووق تحديدا ما ناسب بعض اللي كانن النفاس ويخيس البطن |
الحمد لله على سلامتها
يا الله عندكم طرق حلوه للعنايه بلوالده ما كان يريحني الا الحليب الدافي مع التمر من اشوف حالنا وحال الانجليز اتعجب همه ثاني يوم يطلعو من البيت ولا اربعين ولا عنايه ولا شي فشلونا قدام ازواجنا |
بأسجلها كلها في ورقة دحين و أعطيها لأختي تقراه ..
و أبدأ أجهز لها كل شئ ،، أمس ولدي كمان سخننن و تعب و تعبني معاه و ماقدرت أهتم فيها مرة ، و اليوم الحمد لله ولدي طيب .. ^_^ الله يجزاكم كل خييييييييييييييير و تسهل لكم جميع ولاداتكم يارب :D |
هلا روح
شوفي أهم شئ الفطور يكون بدري يعني على 7 تكون أفطرت حليب. بيض مسلوق مع فلفل أسود الساعة عشرة فطور ثاني يكون خبز بر وعسل أو شئ من هالنوع الغداء مرقة لحم او مسلوقة الدجاح مع خضروات أو إدام خضروات مشكل +سلطة وكثري الخس مرقوق العصرية اعملي لها ترمس قشر القهوة مع تمر معجون بالقرفة والحبة السودء والرشاد كلها بكميات بسيطة شابورة كمان علشان ما تجوع بعد العشاء سويلها عشاء شوربة خضار سويلها ساندويش او شئ عند رلسها قبل تنامي علشان لو صحيت أخر الليل ترضع تاكلها هذه طريقة قهوة للنفاس مرررره حلوة وتنظف الرحم حيبي قشر + كمون + أوراق زعتر + نخوه او نانخه خذي منها كميات متساوية مقدار ملعقتين كبيرة في ترمس واضيفي ماء مغلي وحليها بعسل طعمها مو حلو بصراحة لكن ما تتخيلي كيف تنظف الرحم ابحثي عن طريقة. القشد الملكي واعمليه لها روعة انا داخلة من الجوال ولا كان جبت لك الرابط اذا تذكرت شئ برجعلك توي كنت نفاس قبل اربعة شهور وكنت لوحدي وانا قمت بحالي :( |
سيدة المواقف ألف شكر من جديد ^_^
.................................................. .. أم داليا سجلت القشر عندي في الورقة ، بس مادري إذا بيعرفه العطار و لا لأ ؟؟؟ و يارب ألاقيه .. ^_^ .............................................. أنفاس العطور سجلت النصايح كلها .. إيش هو (معبوط التمر مع الرشاد والسمن ) .. هو معجون تمر مع الرشاد و السمن ؟؟؟ أقدر ألاقيه بالسوق ؟؟؟ .............................................. aseera ألف شكر عالنصايح و سجلتها ^_^ و طريقة الرضاعة أنا اللي أستفدتها الصراحة ، لإني ما أعرف كيف .. <- من جد أفشششل .. : ( .................................................. ........ روح المساء ياليت إذا تقدري تسجلي لي طريقة (شوربة الخضروات بمرق الدجاج ) لإني كنت مرات أعملها لنفسي ، بس ماكانت تضبط .. فحابة أتعلمها عشاني أحبها مرة ^_^ و إذا ولدت إن شاء الله أعملها كمان بنفسي :) و كمان إذا ما أكثر عليك .. طريقة الحلا ؟؟؟ اشتهيتها و الله :D و أخاف تطلع في راس النونو اللي في بطني :D و تويي اللي انتبهت إنك روحي المجروحة سابقا ^_^ من أول أشوف الصورة الرمزية و افتكر روحي المجروحة و دحين اللي انتبهت للتوقيع مبروك عالإسم الجديد .. ربي يسعدك دايما إنت و الكل و والدتك ^_^ .................................................. .. رولادا .. كل نصايح مامتك سجلتها عندي و بأقولها لأختي و أحتفظها لنفسي كمان .. و حكاية الشال تغطي به راسها و أذنها ، أفتكر زميلتي يوم زرتها .. كانت كذا عاملة ؟ بس مادري لييييه و إيش السبب ؟ وو بأعمل مثلها إن شاء الله إذا ولدت ^_^ .................................................. ...... الماضي الدفين إيش رايك طيب بقشر الرمان كغسول ؟؟؟ بس أفتكر الشئ هذا أمي قالت لي عليه يوم ولدت .. هو أفضل و اللا الأشياء الطبية هذه ؟؟؟ و ليه البيض المسلوق ما نفع مع البعض ؟؟؟ .................................................. ........ قولب gawlp .. الله يعينك من جد ، كيف قدرتي تهتمي بنفسك ؟؟؟ شكلي بأصير مثلك على ولادتي الجاية إن شاء الله :D و ألف مبرووووووووووك لك عالولادة حبيبتي .. :) ما قلتي إيش جبتي ؟؟؟ ^_^ و اعذروني إذا أسألتي هبلة .. ترى من جد تنقصني الخبرة في كل شئ .. 1 - إيش هو ( خبز بر ) ؟؟؟ قصدك ، عيش ( الحب ) الأسمر اللي في البقالات ؟؟؟ و لا أعمله في البيت ؟؟؟ و لو أخبزه في البيت .. كيف الطريقة ..؟؟؟ 2 - التمر مع القرفة و الخلطات هذه .. إيش نوع التمر ؟؟؟ مو معجون التمر و لا ينفع أي تمر ؟؟؟ 3 - القهوة هذه ، المقادير أطلبها من العطار و راح يعرفها بسرعة ؟؟؟ 4 - راح أدور دحين من النت عن القشد الملكي ^_^ .................................................. .............. الغربة مرة صادقة و الله ، بس هم يادوب يجيبوا نونو واحد و لا اثنين بالكثييييير :D مو مثلنا ، كل سنة أو 2 ماشاء الله طفل .. و الجسم يروح فيها .. :D و حتى العوايل الكبيرة اللي عندهم و في القرى و عندهم أطفال كثيرين ،. أشوف حريمهم أجسامهم مو قد كذا .. ؟ و هم كمان يعملوا رياضة بعد الولادة و في فترة الحمل و النفاس و يمشوا كثير .. مو مثلنا .. يا حسرة ؟ نمشي من غرفة النوم للصالة ، و من الصالة لغرفة النوم :D . . |
اقتباس:
ويعينك على برها وينير حياتك ببسمتها وسعادتها |
أختي روح الطير بالنسبة للبيض المسلووووق فيه حريم نفاس كانوا ياكلونه وصار الله يعزك ريحته قوية في المعدة والاخراج , ولما سألنا وحدة تعرف بهالامور قالت النفاس ما تاكل البيض المسلوووق لانه يخيس البطن والتجارب أثبتت ... ممكن تاكل لكن ما تكثر منه ... أما عن الغسول فهذا الغسول تنظيف فقط ما يضيق ولا شي بس نظافة وانتعاش اما قشر الرمان مادري عنه ولكن هذه الاشياء مادري اذا تناسب كل نفسا بالذات اللي مخيطة يمكن تلتهب الجروح اللي فيها وتعرفين المنطقة تكون مجرحة كثير وصعب تحطين اي شي فانا اشوف انه الصح ما تخاطر بهالاشياء تحاميل او غسولات شعبية ... وتكتفي بالمشروبات والغذاء الزين والنوم الزين والرضاعة الطبيعة .. لا تخلينها تشرب بيبسي ولا الاشياء اللزجة مثل المانجا او باميا ولا تشرب الماء بارد خليها تشربه معتدل وتبعد تماما عن الاشياء الباردة وتكتفي بالمشروبات الحارة لا تنسين القرفة , والحلبة تدر الحليب , الحلاوة الصحينية خليها تدفى زين زين زين , وحكاية الشال علشان ما يدخل لها هوااا أظن وتدفى لا تزعجووونها يا روووح أبدا خلوها دايم مبسوووطة حطي عند راسها مسجل قرآن هادي مثل الشيخ سعد الغامدي , ولا تسولفون سوالف رعب أو مزعجة او تشاؤمية ترى النفساء تكون حساسة مرة انا في نفاسي صابني رعب ولكن انا شوي ظروفي كانت صعبة لانه مع بداية نفاسي كان انتهاء عدة الطلاق الله يقومها بالسلامة يااارب |
اقتباس:
الله يجزاك كل خير أخوي عزوبي بس رجل .. دعواتك أفرحتني .. و الله يعيييييننني من جد ،، لإنه مرة صعب البر بالوالدين و خاصة إذا كانوا قاسييين .. |
قبل كل شئ .. ما أخبي عليك حبيبتي الماضي الدفين و أعتذر على تطفلي ..
بس من زمان و يوم أشوف اسمك ،، أستغرب ليه قبلتي بشخص متزوج مرتين .. مو تقليل من شأنهم ، بس حسيتك انظلمتي منه و خاصة إنك ما قصرتي معاه .. حسيت إنك ظلمتي حالك يوم قبلتي فيه ، مو بسبب التعدد .. بس تستاهلي الأأفضل .. و ربي إن شاء الله يعوضك بالأفضل أضعاف مضاعفة .. و سامحيني لتطفلي ، بس كل ما أشوف اسمك .. أقول من جد ( خسارته ) .. . . اقتباس:
الله يعينك ،، مو كفاية كان تعب الولادة و النفاس .. بس إن شاء الله ربي ما يضيع أجر أحد .. :) |
السلام عليكم
مبروك على اختك والف صحة على قلب ما تشوفون شر حنا لما تنفس عنا اول شي نعطيها نصف لتر زيت زيتون صافي تشربه على جرعات نظرا لما فيه من فايدة وتقول جدتي ان النافس عظمها مفتوح منشان خيك نعطيها زيت ماادري مدى صحة المعلومة لكن الزيت اكيد انو مفيد للجسم ثاني شي اطبخي لها حاجات عجين ما ادري هنا عندنا الشخشوخة والبركوس للنافس لانو سبحان الله بيدر لبن... بس احدري لا تتثخن ههههههههه ثالثا تقدري تعطيها بيض مقلي وتحطي له شوية عسل منشان الجروح ثالثا وهدا شي اهم احنا نعطيه للنافس هو حبه الرشاد مخلوط بعسل النحل اللي يرعى بالجبل يعني مو اي عسل وسبحان له مفعول عجيب في التام جرح الخياطة تاخد منه ملعقة صغيرة على الريق لوقت تشوف الجرح التئم تماما هدا مستخلص العلاج من تقوم به جدتي اثناء نفاسي اما بخصوص مداواة الجرح فهناك شمبوهات تغتسل بيهم النافس على سبيل المثال lactacyd http://www.citymall.ma/images/P/lact...ene-intime.jpg وهو للنظافة الخارجية وانا شخصيا استعملو لانه لا ينشف البشرة وفيه ايضا بودرة للغرز اوعلى شكل مرهم اسمها madecassol http://t0.gstatic.com/images?q=tbn:A...IbUwJ8XGPJqpxg وان شاء الله ادا تدكرت حاجة ثانية رح نقول لك عليها |
| الساعة الآن 08:59 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©