|
الحل الوحيد يجعل لك جناح خاص عند أهله وملحق بمطبخ بحيث ماتحتكين بأهله وتبدأ أعصابك تبرد لأنه باين إنك محتقنة نوعا ما وبعدها يبدأ دورك في ترميم حياتك وتغيير أسلوبك لأنه أظن اللي انت فيه هو بسبب إحتكاكك المستمر بأهله ... الله يفرج همك
|
أختي أنا أشوف ان شخصيتك كلها تراكمات من وضعك مع أهله زوجك على الاقل لو مصر يبقيك عند أمه يحاول يعوضك بطرق ثانية انه يكون لطيف معاك وحبوووب وطيوووب عندها بتقولين اصبر لاجل عيونه اما مشاكل برا الغرفة ومشاكل داخل الغرفة بصراحة صعبة وما اخفيك أختي أعرف وحدة صديقة مقربة لي مرت بنفس اللي مريتي فيه تتعبى لين تطفح من أهله ويجي هو يقولها كم كلمة في الغرفة تنفجر فيه ونهايتهم كانت الطلاق وانفصال نهائي فأتمنى زوجك ياخذ هالشي بعين الاعتبار وانه يحاول يوفر لك خصوصية قدر المستطاع واذا مو بيت لحالك على الاقل قسم متكامل منعزل عنهم وتروحين انتِ لهم متى ماتكونين رايقة ولا ترتبطين فيهم ولا يرتبطون فيك قولي لزووووجك بنات اليوم يشرطووون مسكن شرعي مستقل , فرجاءا يكون واااقعي ولا يفرط في بيته على أمل يلقى شي نااادر ما راح يلقااااه , وغير هذا انتِ من حقك تعيشين مرتاحة مع زوجك ... نعم الوحدة تحترم أم زوجها ولكن اللي باين من كلامك انهم ما شاء الله عليهم ... الله يجمع شملكم أختي |
- مرة قالي اكتبي موضوع في المنتدى عشان نشوف رأيهم
أنا الصراحة حايمة كبدي والموضوع مو سهل يعني لازم أكتب كل صغيرة وكبيرة ولازم أذكر أطراف معنا واستصعبت المسألة والكتابة والتركيز والتفكير لأني تعبااااانة نفسيا ومافيني حيييل أكتب موضوع يعني رفضت وقلت له نفس كلامي اللي فوق ,,,,,,, قالي إنتي تضحين فيني عشان موضوع ؟؟!! - موقف آخر .. سألني سؤال ,, قالي لو يجي يخطبك واحد بيوفر لك البيت توافقين عليه وتتركيني أنا ترددت بالاجابة وقلت امممم ,, شوف إنت لاتقارن نفسك بالبيت لأني أبي بيييييييييييت .. وأنا كنت رافضة الرجعة بدون مايحط لي بيت وتنازلت عشانه مع إن البيت مهم جدا بالنسبة لي لأنو الحريم مايصلحون مع بعض ,, كل واحد في بيت أحسن له المهم قالي إنتي ضحيتي فيني عشان بيت !!؟؟ ( طيب أنا عانيت وتعبت نفسيا لأني ماكنت في بيت بلحالي ,, أرجع مرة ثانية للعذاااب لييييييييش ؟؟ ) وأنا خلقة كاااارهة هذاك البيت - موقف آخر طلب مني إني إذا رجعت البيت أجلس مع أمه وأطيب خاطرها وأقولها خلاص ماراح تشوفين مني إلا كل خير وحنا بنعيش بسلام ومن هالكلام وأنا رفضت وبقووووة ,, هذي أكبر اهانة لي ,, ويقولي لو تحبيني ضحي عشاني ليش رفضت ؟؟؟؟ لأنو طلاقي حصل بفترة مشاكل من أخته وأمه ,, والغلط كان من الجميع علاقتي مع أخته منقطعة لاأسلم عليها ولا شي ,, وعلاقتي مع أمه عادية جدا المشكلة إنو أمه توقف بصف بناتها لو كانوا على غلط ,, وأنا مايعجبني كذا (لو تضربني خالتي وتضرب بنتها بنفس الوقت والله ورب البيت مابقول شي) لكن ظلم عيني عينك ماأرضى فيه المهم أكمل سبب رفضي لطلبه .. والسبب إنو مجرد إني أسوي هالشي معناته إني أعتذر عن هذيك المشاكل واعتراف بإني أنا الغلطانة وإني أنا سبب مشاكل العائلة ,, مع إنو أخته هي سبب المشاكل والبلاوي اللي في العائلة كلها وأنا بعد ماأبيه يربط رضا غيره برضاه ,, معليش نطيع ونخدم ونحترم أمه لكن نبي شوية عدل منها واحترام لأهلي يعني زي اللي يبونه أنا أبيه ,, غير كذا لو تفكيرهم زي تفكير زوجي كان وافقت أنفذ طلبه ,, لكن أنا عرافة تفكيرهم وكيف راح يفهمون الموقف ,, لأني معاشرتهم وأعرفهم زين . على فكرة أمه فيها عيوب وليست خالية من العيوب ,, بس مايهمني غير وقفتها بصف بنتها وظلم بنات الناس وقالي إنو تنازل عن هالطلب ,, يعني هذي من ضمن التضحيات اللي سواها مع إني ماأشوف إنو تضحية ,, مجرد طلبه مني هالشي ,, حسيت إني ولاشي عنده الصراحة |
8
8 طلبه عادي جدا ومافيه حاجة ليه مكبرة المسألة ماقالك تسامحي من أختي قالك أمي ... بصراحة انت غلطانة تراها أمه مهما حاولت هي مقدمة . |
أختي الكريمه.. أنتي الآن في بيت أهلك.. وزوجك طلب منك ان تغييري بعض الخصال في شخصيتك للأفضل حتى تعود المياه لمجاريها.. عزيزتي .. من المؤكد انك تشعرين بضيق من وضعك.. ولكن عليكي أن تفكري في إيجابيات هذا الخلاف.. نعم له ايجابيات فبعدك عنه سيخلق لك الجو الذي تفكري فيه بهدوء.. وكذلك سوف يخلق اشتياق بينكم.. حاولي أن ترتقي بشخصيتك للأفضل.. ولكن أخبريه انك مثلما سوف تحاولي اصلاح مافيكي .. هو أيضا يقوم باصلاح مافيه من عيوب فلا يوجد انسان كامل..بإمكانكم القراءه في كتب العلاقات الزوجية ونفسيات الرجل والمرأه.. كذلك الحوار الهادئ بينكم .. وضحي له بصراحة مايزعجك ويوترك في بيت أهله.. واذا كان بإستطاعته عمل جناح خاص بكم كما قالو الأخوات فهو الأفضل.. الكلام الموجه للزوج.. إن كل امرأه تتمنى أن يكون لها ممكلة خاصه بها.. وتشعر بالإستقلال.. حتى تكون نفسيتها مرتاحة لاتجعل من مشكلة بسيطه.. سببا في الانفصال .. الله يجمع بينكم على خير |
حبيبتى عادى تسكنى مع اهله وصدقينى انا مريت بنفس التجربة مشاكل بره الغرفة وانفجار التراكمات داخل الغرفة لحد مازوجى ماقدر يتحمل كنت كل مااسمع كلمة ماتعجبنى اتفشش فيه لحد ماحياتنا وصلت للمحك بصراحة بذكائي قلبت الوضع صرت اهتم بامه وباخته هدايا حلى اى شي اقعد معهم وقت كل يوم وصرت اطبخ لزوجى على مزاجى افكر براحته اوصيه على امه اقله روح سلم على امك ان جاب شي روح اعطى امك والله حياتى انقلبت 180 درجة حتى زوجى من نفسه اقترح نبنى ونسكن فوق اهله شقة مستقلة والحمدلله قربنا نخلصها صدقينى اصبري وبتنولى عالاقل جناح خاص انتى حرة فيه او مثلا اتغدوا معهم وافطروا وتعشوا لحالكم والله الحياة بدهااخد وعطى وزوجك للمستقبل من نفسه هيدور على استقلالية الله يوفقك انتى وزوجك
|
أختي الماضي الدفين
معليش أنا خليت الردود اللي قبلك وجيت برد عليك زوجي تقريبا كامل ,, فيه عيوب بسيطة لكن نصبر عليها لأنو يستاهل والله ماشاء الله والحمدلله طيب حنون رومانسي يحبني مووت مدلعني مخليني على راحتي بأشياء كثيرة صح هو عصبي بس يمسك نفسه أحيانا ,, لكن إذا نرفزته عادي توصل عنده إنو يضربني بأي شي قدامه أيييي شييييي |
حبيبتى مادام انه تنازل يعنى بحبك ولسه شاريكى بس الام كمان غالية تخيلي بكرة اولادك بعد ماتربيهم ويتزوجوا يطلعوا من عندك واللى يقدم السبت يلاقى الاحد --خلص تجنبي اخته نهائيا وابعدى عن الشر وغنيله لكن امه صدقينى حاولى تحسنى وتتوددى وتجلسي معها صدقينى حينها زوجك هيلبيلك كل طلباتك
|
أختي بنت طيبة الطيبة
أنا قلت لو السالفة مافيها مشاكل سابقة من أخته والله أجي وأبوس راس خالتي وأعتذر بعد لكن السالفة فيها أطراف خارجية منبوذة بالنسبة لي ,, وشوية ظلم منها الله يهديها وعلى فكرة ,, أنا وأمه وأخته ,, كلنا غلطانين مو شخص واحد لكن بأي حق أنا اللي أعتذر ,, وراس المشاكل أخته ,, لولا وجودها ماصار شي من هالمشاكل |
والله العظيم كانه انا انتي وتفاجات بكلامك بالاول نفس الظرووووووووووووووووف والله انا حاسه فيها زيييييييييييين
الرجل يحب امور معينه من الزوجه يحب البيت مرتب يحب زوجته تهتم فيه تحبه تطيعه بالمقابل المراه تحب الاستقلال مو تبعيه لاطراف موملزمه فيهم وهالشئ الرجل يغمض عيونه عنه يااخواني المراه تحب لها مملكه تاخذ راحتها تستقل بنفسها ليش يظلمها مع اهله .. اهله لهم تقدير وحقوق وكذلك الزوجه له كرامتها لها حقوقها .. اذا على امه هي امه هو مو امها هي .. يعني البر يجي من الولد مو من مرة الولد .. يارجل امسك العصا من النص بر بامك مثل ماتبي لكن احفظ زوجتك كرمتها مو لازم كل يوم هي عندها وتسلم خفف الاحتكاك بينهم راح تقلل المشاكل وتريح راسك من المشاكل .. نفسيتها التعبانه من الضغط النفسي من الصدمه بالحياه الزوجيه شلون شخص نفسيته تعبانه وكل يوم مشاكل كل يوم استفزاز شكل وتبغى اخلاقها اخررررررر حلاوه ...!؟ لا تدور تغير زوجتك الا اذا منحتها الاستقلاليه لانها وقتها راح ترتاح .. يااخي سعادة وراحة زوجتك من راحتك انا كنت مثلها تماما .. وطلبت بيت والحمد لله استجاب لي على مضض .. ياليتك تقرا كلامي وتحس بقهر زوجتك .. |
| الساعة الآن 05:26 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©