أخي الكريم..
الله يسعدكم دايما.. ترى أهم شي عند المرأه تفتكر مناسباتكم السعيده
يوم ميلادها.. يوم زواجكم.. لانها أيام مهمة في حياتكم ..
ولما تتذكرها هذا دليل انك تحبها ومهتم بيها وبمشاعرها..

عنصر المفاجأة زي ماقالو الأخوات خلييييه في بالك..
ممكن تجيب علب مختلفة الأحجام.. طبعا تحط الهديه في أصغر علبه
وتدخل العلب في بعض.. في النهاية العلبة الكبيره هيا الي حتفتحها أول شي..
وتفتح علبة ورا علبه هههههههه وشوف كيف حتكون ردة فعلها..
ممكن تعطيها بوكيه ورد وتقولها كل سنه وانتي طيبه وتستنى شويه
بعدين تطلع الهديه من جيبك..

أما عن الهديه.. أنا بالنسبالي أعشق الخواتم.. خاتم وعليه فص ملون ناعم.. حجر كريم .. لؤلؤه
ممكن قميص نوم حلو من لاسنزا أو محل تاني ..حلق .. تعليقه.. كلونيا.. ساعة.. شنطة.. ملابس.. جوال
مجموعة مكونة من كريم وبودي لوشن وصابون وبودي سبراي من بودي شوب.. وترى سعره معقول
أو أي حاجة كان نفسها فيها من زمان