![]() |
اقتباس:
|
اقتباس:
|
اقتباس:
و نرجع لموضوعنا ياغاليتي والله يعينكم حتى أنتم كمان ينادو عندكم يامحمد وعليها كمان شوية بهارات ياسي محمد والله يا أختي إني أحيانا أسمع عبارات لبعض الإخوان من جنسيات عربيه غير إسم ياسي محمد مثلا يجيك الواحد يقول والله والنبي وإلا عليك بالنبي وإلا أسألك بالنبي وإلا بجاه النبي فصراحة هاذي عبارات ماتجوز لأن النبي عليه الصلاة والسلام بشر مخلوق مثلنا فكيف يحلفون بالنبي ويتوسلون بالنبي وينسون خالقهم وخالق النبي وخالقنا الله ربنا عز وجل وللأسف هناك أخطاء كثير من الناس يرتكوبها بدون مايعرفوا حكمها أو ضررها و إثمها وهناك بعض العبارات يقولها البعض من الناس من غير معرفة وش حكمها في الدين وإيش معناها وهل هيه منهي عنها أم لا وأناقد سمعت من أشخاص عبارات وكلمات كثيره وأشك في معناها إنها كلمات فيها غلط و لا كن الوقت لايتسع الآن لذكرها وتحتاج لموضوع لحالها بارك الله فيك وأسعدني مرورك الطيب يا أم سامي وجزاك الله خير . |
اقتباس:
أنا حسبتها تنادي ولدها وإلا زوجها ولا ألتفت لها إلا وأشوفها تكلم العامل تأشر له على طقم إكسسوار تبيه يطلعه لها تشوفه قلت في نفسي لاإله إلا الله إنتقلت العدوى حتى الحريم صاروا ينادون يامحمد وزوجي كان معي وشاف الموقف ولما ركبنا السياره وتناقشنا بالموقف قال طيب وش تناديه لوماقالت يامحمد تقول له ياصديق وإلا رفيق بصراحه أشوفها قويه وسألني قال وش كان المفروض تناديه أنا قلت له كان من الأولى إن الرجل إلا معاها هو إللي يناديه و إذا كانت مضطره هيه تناديه كان قربت من المكتب الزجاج وطرقت عليه حتي ينتبه لها العامل أو قالت هييه أنت لو سمحت أبيك تطلع لي الطقم هاذا أشوفه وأ كيد في إحدى الحالتين راح ينتبه لها العامل ويرد عليها قال زوجي كل الناس تعودوا ينادونهم بهاذا الإسم وما أتوقع إنهم راح يتركونه بسهوله بس أنا شخصيا أتوقع إذا كان هناك تنبيه ونصح وتوجيه من العلماء والمشائخ وأئمة المساجد لناس في خطب الجمعه وإلقاء كلمة على المصلين بعد أداء الصلاة بهاذا الخصوص و تنبيه ونصح المعلمين لطلابهم بجميع فئاتهم في المدارس بهاذا الشأن أتوقع بإذن الله إن هاذا المسمى الذي يطلق على هاؤلائي العمالة راح يخف وينقرض عندما يعلمون بحكمه وإحلال بداله إسم عبدالله لكل عامل لا نعرف ديانته أنا هاذا إللي أفكر فيه وأتمنى يصير بإذن الله والمفروض إن وجد خطأ ما في أي شئ يمس ديننا وعقيدتنا أو يسئ لنبينا عليه الصلاة والسلام يجب علينا إصلاح الخطأ وتصحيح الغلط كل إنسان من منبره وعن طريق مهنته يستطيع أن يأمر بالمعروف و ينهي عن المنكر ويدافع عن الدين والإسلام بالحكمة والموعظة الحسنة . وأخيرا أشكرك ياغاليتي على مرورك العطر وجزاك الله خير . |
الغالية أم سلطان
بصراحة أول مرة أعرف هذه المعلومة .. ولم يمر عليّ سابقاً أن العامل الأجنبي ينادى بـ (محمد)!! وبصراحة لا أدري ما الداعي لهذه البدعة .. يعني طول عمرنا والآسيويين يعيشون في بلادنا ونناديهم بصديق أو رفيق .. فما الداعي للبحث عن مسمى جديد لمناداتهم به؟!!!! عن نفسي إن كان العامل أسيوياً ـ وهذا هو الغالب ـ فإنني أناديه (بَيّا <<< أخي باللغة الهندية ;)) .. أما إن كنت أتعامل معه بشكل دوري وباستمرار مثل بائع الصحف أو العامل في الجمعية فإنني أكون قد عرفت اسمه وأناديه به .. فبائع الصحف اسمه عبدالرزاق وعامل الجمعية اسمه يونس) أما زوجي فإنه ينادي أي عامل مهما كانت جنسيته بـ (boss <<< الرئيس باللغة الإنجليزية) ;) |
هلا ام سلطان 00 هلا بالنور كله 00 وشلون بنتك عساها احسن ؟
فعلا هو شئ يقهر ويحز بالنفس 00 الللهم صلي وسلم عليه 00 واسم عبدالله مناسب جدا 00كما تفضلوا الاخوان وانا مره وحده نبهتني 00 لما كنت في المستشفى 00 لما سمعتني انادي على الممرضه بسستر00 وقالت انه مايجوز لإنها غير مسلمه 00 فأصبحت اناديها بنيرس00 ولا اعلم عن صحة المعلومه 000 ابحث بإذن الله وارجع |
صحيح يخطر في باااااااااااالي كثير هالسؤال وزين سالتي بارك الله فيك
|
اقتباس:
ونعرفهم لاكن العمال إللي بمحطات الوقود والورش والمطاعم والمحلات التجاريه وحتى إللي يغسلون السيارات عندنا أ كثر أهل الديره ينادوهم يامحمد ومافيه أحد يناديهم ياصديق إلا مارحم الله وأنا أشوف إن كثير من الناس في ديرتنا للأسف إبتدت تنصاع لهاذا المسمى والحين لو كان الإنسان هاذا مسلم يشهد بأن لا إله إلا الله ومحمد رسول الله كان مافيه مشكله مادام إنه ديانته مسلم مايخالف لو ناديناه يامحمد لاكن لو كان ديانته غير مسلم وحنا نناديه بإسم أطهر خلق الله رسولنا الكريم صلى الله عليه وسلم أنا هاذا المسمى ما أستصغته ولا هضمته وإطلاقه على كل من هب ودب أحسه فيه إساءه لنبينا الكريم عليه أفضل الصلاة والسلام وأتمنى إن هاذي العاده عندنا تختفي ولانطلق إسم محمد إلا على من يستحقه وهو أهل له بالإسم والأخلاق فكل شخص له من إسمه نصيب وأشكر لك مرورك الطيب الذي نور صفحتي بارك الله فيك يا أم سلطان وجزاك الله خير . |
اقتباس:
من عندهم وبالنسبه للممرضات الباقين الهنديات والصينيات فأنا قد سمعت إنه مايجوز تنادينها بسستر وهي غير مسلمه لأن معناها أختي ولا أخوة بين المسلمين والكفار الأخوة في الإسلام فقط فأنا أناديهم نيرس بس المسلمات منهم أناديهم سستر والمسلمه معروفه بشكلها ولبسها وحتى في بطاقتها إللي معلقتها على كتفها مسجل مسلمه أو غير مسلمه على العموم بسامحك هاذي المرة يا أم هشام بشرط لاتتعودينها ولا ترى ترى ترى ترى ترى أحبك أ كثر يالغاليه يفز قلبي لا سمع طاريك فزت وانيت في دعساته يامرحبا بك في قلب مغليك إللي إذا شاف إسمك زادت دقاته أدعي الله إنه يحفظك و يخليك ويبعد عنك الهم والحزن وآهآته . ودمتي بود وخير وسلامه . |
اقتباس:
|
الساعة الآن 02:47 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©