منتدى عالم الأسرة والمجتمع - زوجي تغير لما انتقلنا لأهله (مستجدات 26)

منتدى عالم الأسرة والمجتمع (http://www.66n.com/forums/index.php)

- المتزوجين (http://www.66n.com/forums/forumdisplay.php?f=6)

- - زوجي تغير لما انتقلنا لأهله (مستجدات 26) (http://www.66n.com/forums/showthread.php?t=222877)

هلا بلحظة أمل :)
الظاهر انه الفرق بالمستوى الاجتماعي له تأثير على علاقتكم وعلى علاقة أهلك بأهله .

أتذكر من موضوعك السابق انه زوجك ما يجي بالشد ... يجي بالكلمة الحلوة ... صح وللا أنا ناسيه ؟؟؟

وأتذكر انه كان بدورة بالجيش والأمور المادية شوي صعبة ...

اقعدي مع والدك أو أخوك ... اللي تشوفيه منهم على اطلاع على أحوال زوجك وعنده حكمة وتحاوري معاه ,, اذا كان زوجك ممكن يعدل من نفسه ويحسن من أوضاعه المادية لكنه مقصر بشكل كبير خليه يجلس معاه رجل لرجل ويتفاهم معاه .. لكن اذا كانت حالته المادية صعب تتحسن فالأفضل انك تعطي زوجك شعور بالتقدير وبوقفتك معاه بدل من التشكي عن شي ماله يد فيه .. لا تفكري بمساعدة أهله له ... اذا ودهم يساعدوا راح يساعدوا بدون ما يطلب ويمكن عنده شي بينه وبينهم ما يقدر يكلمك عنه .. انسي موضوع أهله .

عندك منه ولد والثاني على الطريق ... يعني برقبتك عائلة تحتاج منك صبر وعقل كبير حتى تحافظي عليها .

طبعا هو الحين مطنشك لانه شايفك غلطانة ...واضح انك نكدتي عليه وتذمرتي من حالته وهو ما قصر وكانت ردوده عصبية ... يعني الغلط منكم الاثنين ....
اصبري شوي الى أن يبادر ويكلمك أو يرسل أحد واستغلي الوقت بالتفكير بحياتكم وكيف ممكن تنظميها .. استفيدي من والدتك ومن أخوك ومن خبرتهم .. هم عارفين بوضع زوجك المادي ويمكن الوالدة تقدر تفيدك بطرق تساعدك على تدبير أمورك على قدر راتب زوجك.

قرأت موضوعك السابق بعد كتابت ردي الي فوق...

الغريب انك مستمره معه الى الان...بالرغم من اعترافه لك انه يحب وحده ثانيه..وانه ماراح يسعدك..هو قالها لك من اول ليله ...ليش انتي مصدومه الان المفروض ماتكونين مصدومه لانه عندك خلفيه عن حياتك مع هالشخص...وانتي اخترتي تعيشين معه وتنجبين منه..والان حامل بالطفل الثاني..معناه انك مقتنعه في العيشه هذي...
وانا اسفه لاني حطيت احتمال انه ممكن انتي سبب في تعامله السيء معك..لاني لم اقرأ الرابط..
واكتشفت ان معاناتك من اول ليله من زواجك..
كان الله في عونك..
والله لايسامح الي يتزوج بنت الناس ويذلها بس لانه يحب وحده ثانيه..طيب ليش ماتزوجت الي تحبها ..؟؟ليش تعيش بنت الناس في تعاسه وتقهرها..

اقتباس:

المشاركة الأصلية كتبت بواسطة rose30 (المشاركة 2607422)

زوجك ينطبق عليه المثل (رضينا بالهم والهم مو راضي فينا) هذا الشكللللللللل مايبغاله الا التطنيييش ,,,,,,,,,,لكن انتبهي مو كل سنه وانتي حااامل وتقولين اش اسوووي الله يصلحك المفروض من أول حطيتي له حد !!!!الحين يحسبك ميته عليه وعلى الخلفه منه (ماااالت علييييه) أهم شي أنتي مرتاااحه عند أهللك ولللللللللللا تتصلين أبدا خليه هو يبدأ بحل المشكله اللي جااابها لنفسه وانتي ادعي ربك (لا تقوول ياارب لي هم كبير ولكن قل يااهم لي رب كبيييييييييييييير)

يعطيك العافيه

اقتباس:

المشاركة الأصلية كتبت بواسطة مصدومه بحياتي (المشاركة 2607481)

فعلا طنشيه شوفي انتي واهلك وش نهايتها معاه يا اما يتعدل ويكون رجال كفو مع زوجته وعياله يامع السلامه بضيعك وبضيع العيال وش ذنبهم لا اكل ولا مصاريف ولايبي يسوي شي

يعطيك العافيه....

اقتباس:

المشاركة الأصلية كتبت بواسطة :Remas: (المشاركة 2607543)

برأيي حتى مايتطور الوضع تكون مشكلتكم عند الرجال افضل
لان بصراحه الرجل بصفه عامه كل ماغطيتي ع عيوبه يتمادى بس اتوقع اللي في زوجك ضيقه من الوضع المادي
يمكن مايكون عنده قدره ع المسئوليه وطبعا انتي ادرى بوضعه هل يستطيع او لا المهم لو لاحظتي انه مايقدر لابد انك توقفين جنبه وتصبرين عليه وربي يفرجها عليكم وفي حال انه قادر ويبخل عليكم اشوف تبلغين ابوك واخوانك يتفاهمون معاه .

يعطيك العااافيه..

اقتباس:

المشاركة الأصلية كتبت بواسطة ماريا (المشاركة 2607561)

كيف راتب زوجك ؟
حلو.. هل دخله فعلا قليل ؟ لا متوسط..
و هل هناك مجال لعمل اضافي ؟ ما ادري
مشكلته البخل بطبعه ؟أم انه فعلا فقير ؟ اتوقع كلا الحالتين

ويعطيك العافيه..

اقتباس:

المشاركة الأصلية كتبت بواسطة شوكه بين ورد (المشاركة 2607591)

اختي الله يهديك زوجك وفرلك بيت لكن ميزانيته ماتسمح انه يكمل البيت وجابك وكان مبسوط وفجاة انصدم لما انتي زعلتي لانه ماكمل بيتك واعتقد ان تصرفاته هذي نتيجه لتصرفك وزعلك لماجيتي البيت
بس ليه اهله يسوا كذا باهلك انتم كيف علاقتكم بهم وهل هم اقاربكم؟
لان اذا كانت علاقتك باهله موتمام فاكيد حياثروا على ولدهم

انا لما جيت مازعلت ولا حسسته اني مصدومه ومو راضيه...لكن قلت البيت ناقص وقال عارف وبكمله اذا جاء الراتب..

اما اهله للآن مو فاهمتهم لكن امرهم غريب

اهله مو راضين عني ليش.لأن عندي روماتزم:(>>الحمدلله

الله يتمم علينا نعمة العقل:22:

اقتباس:

المشاركة الأصلية كتبت بواسطة ليه الغرور؟ (المشاركة 2607597)

المفروض تكونين واعيه...وماتحملين في هالوقت...الين ماتعدلين وضعك مع زوجك..وتخلينه يتغير ويحبك..

مشكلتي ما اقدر استخدم حبوب منع الحمل او لزقات يضرون الروماتزم اللي عندي..وزوجي واهله رااااافضين اركب
لولب..امشي على المنع ايام التبويض ...تمشي كم شهر وبالأخير اطلع حامل

الحمل والاطفال يشغلونك عنه خصوصا اذا كانوا ورا بعض مثل حالتك..ماراح تلقين وقت عشان تغيرين في نفسك وفيه وتتفرغين له..وبعد ماتجيبين راسه وتخلينه يموت عليك...ذيك الساعه تفكرين في الطفل الثاني لكن قدر الله وماشاء فعل..

مشكلتك مع زوجك بخله...او فقره..انتي ماوضحتي ليش هو ماكمل البيت وليش مايجيبلك غرض؟؟بخل ام ضيق الماده؟؟
اقولك يقول ما عندي فلوس مع انه بعد يومين جاب الطعام..
انا طلباتي مرفووووضه واقل طلب خبز وكاتشب عاد الخبز بريال موضاره<<يعادني:(

يمكن هو انسان حنون وطيب بس انتي تصرفاتك خلته كذا...
لالالالالالا قاسي من البدايه
زي مثلا سؤالك ليش ماكملت البيت..او طلباتك كثيره او نكديه..
طلباتي مو كثيره انا طلبت بس الأغراض اللي تحتاجها اي امرأة لكي تطبخ وتنضف بيتها
وهو مايحب كذا...راجعي نفسك اكثر من مره وشوفي هل انتي فعلا السبب في تعامله معك ام لا...وبعدها قرري

وبخصوص عزومة دخولك البيت..وتركم لحالكم..انا مافهمت هذي الجزئيه ..كيف مايخليكم تختلطون بالناس يعني مانعك ومحذرك ماتجلسين مع الناس وهم في بيتك..والعشاء مانعك وحالف عليك ماتتعشين مع الناس ولا شلون..ياليت توضحين اكثرهذي النقطه

تجمع الحريم في العزومه كان في بيت امه...وحنا خلونا في بيتي...يعني ما خلونا نختلط..!!!!!!!!!!!!! لا مو مانعني..كذا تصرفاته تجي فجأة
لكن اول ماتزوجت وزرت اهله ماضيفونا وما خلونا نختلط بأهله...وكل مازرت اهله سوى كذا
اذكر سألته في اول زيارة ليش تسوي كذا؟ قال ما ابي الناس يقولون عنك حلوه؟؟؟؟؟؟؟؟؟؟

حتى العشا بقايا الأكل وقاعد يعتذرون والله نسيناكم وما انتبهنا:(

يعطيك العاافيه

اقتباس:

المشاركة الأصلية كتبت بواسطة Beta2 (المشاركة 2607600)

هلا بلحظة أمل :)

هلا وغلا خالتي بيتا:)
كيفك...؟
الظاهر انه الفرق بالمستوى الاجتماعي له تأثير على علاقتكم وعلى علاقة أهلك بأهله .
في فرق كبير
أتذكر من موضوعك السابق انه زوجك ما يجي بالشد ... يجي بالكلمة الحلوة ... صح وللا أنا ناسيه ؟؟؟
فعلاً صح:)
وأتذكر انه كان بدورة بالجيش والأمور المادية شوي صعبة ...
صح وخلصت الدورة واستقرت اموره

اقعدي مع والدك أو أخوك ... اللي تشوفيه منهم على اطلاع على أحوال زوجك وعنده حكمة وتحاوري معاه ,, الوالد يقول هذا مو كفو...كان سيء عندنا ولا راح لبيته صار اسوأ

اذا كان زوجك ممكن يعدل من نفسه ويحسن من أوضاعه المادية لكنه مقصر بشكل كبير خليه يجلس معاه رجل لرجل ويتفاهم معاه .. ابوي بيتفاهم معه لكن زوجي مو راضي يجي عندنا ..حتى حليب الطفل يحاول ان اخوي يجي ياخذه في مكان عام
لكن اذا كانت حالته المادية صعب تتحسن فالأفضل انك تعطي زوجك شعور بالتقدير وبوقفتك معاه بدل من التشكي عن شي ماله يد فيه ما تشكيت ولا حسسته بشي هو كذا انقلب وتغير فجأة .. لا تفكري بمساعدة أهله له ... اذا ودهم يساعدوا راح يساعدوا بدون ما يطلب ويمكن عنده شي بينه وبينهم ما يقدر يكلمك عنه .. انسي موضوع أهله .

عندك منه ولد والثاني على الطريق ... يعني برقبتك عائلة تحتاج منك صبر وعقل كبير حتى تحافظي عليها .
اقولك حياااااااتي متعبه مع هذا الرجل ...والأنفصال الآن افضل بكثير من بعدين لأني بعز شبابي وافضل من ان يكون عندي درزن اطفال
ما اخفيك اني من شفت تصرفاته كرهته ...اول مره من تزوجته اكرهه من قلب واعرف ايش معنى الكره تجاهه..
زوجي ما يحبني هذي هي الحقيقه وفي حياته وحده ثانيه:(
طبعا هو الحين مطنشك لانه شايفك غلطانة ...
عارفه لأني طلعت من البيت بوقت قصير.. بس هو يكذب علي يقول انا مداوم وهو بالبيت..
واضح انك نكدتي عليه وتذمرتي من حالته وهو ما قصر وكانت ردوده عصبية ...
في البدايه لأ حتى لما تغير علي ناقشته وانكر..
بس اخر اسبوع لي عنده اي نكدت عليه وبقووووووووووه:)
يعني الغلط منكم الاثنين ....
طبعا
اصبري شوي الى أن يبادر ويكلمك أو يرسل أحد واستغلي الوقت بالتفكير بحياتكم وكيف ممكن تنظميها .. استفيدي من والدتك ومن أخوك ومن خبرتهم .. هم عارفين بوضع زوجك المادي ويمكن الوالدة تقدر تفيدك بطرق تساعدك على تدبير أمورك على قدر راتب زوجك.

اعرف ادير بيتي بدون ما الجأ لأحد بس زوجي قصر كثيييييير والمعامله الحسنه ما يبغى لها راتب وفلوس...

يعطيك العافيه حبيت قلبي

اقتباس:

المشاركة الأصلية كتبت بواسطة ليه الغرور؟ (المشاركة 2607602)

لا مو مقتنعه بالعكس حاولت انفصل لكن هو رافض يطلق ..حتى اتطلقنا ورجعنا ابوي ...

وابويكان يبيني استمر بحكم انه راح يتغير مع الأولاد ....الاخر

الى الآن ما ابيه وما ابي استمر معه ...وربي يخلصني منه وتكون حضانة اطفالي لي