توكل على الله وأكثر الأستغفار والدعاااء لله وصلاة الليل وبأذن الله ربي بيرزقك من حيث لاتحتسب ويفرج همك
من يصدق الله يصدقه
كنت اعتقد ان الواحد مايقدر يتزوج الا اذا كان عنده مبلغ ضخم مجمعه لكن زواج اخوي اثبت العكس كان يبغى يتزوج بعمر صفير 22سنه بس ابوي رفض بحجة أنه توه مشتغل ويبغاه يعتمد على نفسه اخوي أقدم على الزواج وتوكل على الله وماكان عنده الا الراتب وسبحان الي يسر اموره تزوج بمهر 20 الف والباقي هونه رب العالمين من جد سبحان الله كيف يسر امره وجاه رزقه حتى بعد زواجه زادو راتبه وعايش مستقل لوحده لكن أهم شي الصبر والللجوء الى الله
وأهم شي أقنع امك وابوك وربي بيسرها لك

الله يعينك

بس ودي اقول كلام بخاطري
انا لي فتره طويله اتابع المنتدى بدون تسجيل والحين بس الي سجلت عشان ارد عليك
اخوي حالكم من حال البنات
والله كثير يتمنون الزواج ولا هي قادره اول شي لانها بنت ومستحيل تروح لامها او ابوها وتقول يبه
انا ابي اتزوج دورلي على رجال

لاكن انتم تقدرون
صح العائق عندكم يكون مادي لاكن مقدور عليه بعد توفيق الله وطلب الرزق
لاكن البنت مكسوره نفسها تتزوج ولاهي قادره

حياها يمنعها تشكي حتى لامها حتى لاختها حتى لصديقتها

برغم حاجتها الكبيره لوجود رجل في حياتها
تمنحه كل حياتها وحبها وحنانها

في بنات كثير جالسات ومتعففات وصابرات ولا تكلمو ولا حسسو اهلهم بالضعف
لاكن بجوف الليل يقومون بين يدي الله ويطلبونه الستر والعفاف

كنت كاتمه بصدري ولا شكيت لمخلوق ولما قريت موضوعك حسيت انه حتى الشباب مثلنا
بس هم يقدرون يبدون
واحنا بس ننتظر

البارح شفت اطفال بنات عمي يلعبون برا
وربي ما مسكت نفسي دخلت غرفتي وجلست ابكي وادعي ربي والله مو حسد لهم بالعكس لاكن تمنيت اكون ام
تمنيت اكون مع زوجي لحظتها واضمه
ماقدرت اشكي لاحد
يا ناس هذا شي نستحي نتكلم فيه وبالرغم من كذا يحرقنا من جوا
محد بيحس فيني الا مر بنفس حالتي
يارب تفرجها علينا وترزقنا الازواج والزوجات الصالحين والبيت المطمئن والحياه السعيده والاطفال
وربي اكتبلكم وانا ابكي
مدري متى بيجي اليوم الي افرح امي فيه وتشوفني عروسه
انا مابي من الدنيا لا جاه ولا مال ابي رجال اذا ضاقت بي الدنيا اسند راسي على كتفه ويمسحلي شعري ويشاركني همي

اسفه اني تكلمت وطلعت الي بصدري بموضوعك
وانا اللي عمري ماشكيت همي غير لربي

لا فوض فوك

ما راح أزيد على من سبقني بالأخص رد الأخ رجل الرجال

لكن يا أخي وضعك الحالي لا يبقي لك من الوقت إلا 6 ساعات لا تكفي حتى للنوم..
لو تيسر لك الزواج الآن
كيف ستتحمل زوجه غياب زوجها طوال اليوم تقريباً ولا يأتي إلا للنوم..؟

وشيء آخر حتى لا تشعر بالحُرقه..تخيل نفسك والد لفتاة أو تخيل رجل تقدم لأختك
بنفس وضعك الآن هل ستزوجه..

وفقك الله ورزقك الزوجه الصالحه..والرزق الوفير

توكل على الله وأكثر الأستغفار والدعاااء لله وصلاة الليل وبأذن الله ربي بيرزقك من حيث لاتحتسب ويفرج همك

انت انسان طالب الستر والعفاف والله ربي مايخيبك

اسئل الله في طرفة عين او اقل من ذلك ان ييسر أمرك وتجد رجل صالح يخطبك لبنته بدون شرط ولا قيد

وانا اعرف انك قدها وقدود والرجل الي يتكل عليه

انت ذكرت انك راح تتوظف في شركة سابك...

وهذي الشركه ماشاء الله كبيره...ورواتبهم ممتازه...وعلى حد علمي ..شركة سابك اي موظف عندهم يرغب في الزواج يدعمونه ماديا..يصرفون له مبلغ عشان يتزوج...وايضا منزل..

وترى الزواج جمييييل راحه واستقرار...وعليك بحسن الاختيار..

وبالنسبه للمهور...اعتقد عندكم في الجنوب غاليه وتهد الحيل..فيه قبائل..مهورهم معقوله جدا..تقدر تتزوج من اي قبيله غير قبيلتكم..

انا اقول لا توهق عمرك اذا كانت حالتك الإقتصاديه وحالة اهلك عاديه

لأني اقولك من الحين الزواج موب لعبه يبي لك 150 الف بدون السياره

وبعدين وشلون بتصرف على زوجتك ؟؟

فكر ياخوي قبل ماتخطي هالخطوه


اذا توظفت واستقريت بوظيفتك ثلاث اربع سنوات

تزوج

لا عاد 150 الف...مستحيل

50 _60 الف لااكثر وتسوي احلى حفل زواج...

اما اذا تتزوج من الجنوب او نفس قبيلتك هذا شي ثاني والله يعينك على عاداتكم