|
والله اني للان انتظر مسج منها فقط لاجل احس انها مو قاصدتني بلمسن
طبعي احب اني ماازعل احد ولا اخلي احد يزعل علي وهي يعلم الله اني اعزها واحترمها واتطلع ان نتصادق اكثر فااكثر وان شاء الله ظني وشكي يخيب .وتكون عاذره لي . |
عزيزتي همس الله يوفقك بدراستك الله الله بالمعدل اللي يبيض الوجه :d
بخصوص صديقتك ارى انك انسانة حنونة وطيبة وتؤلمك مشاعرالآخرين نحوك ؛ علاقة لمدة اسبوعين تعتبرتعارف فقط ليس للوم فيها مكان انتي موقفك جدا سليم وماعملتي غلط تبدأ الاختبارات سلمي عليها هي بتشوفك ومعاك الكرشه مارح تكثر كلام . اشكر لك اعطاء مشاعرالآخرين مساحة من تفكيرك فجزاك الله خيرا . |
الشرقيه زايد نورها بوجودك فيها حسيت اننا جيران :d
انتي حساسه وطيبه ... طنشي ياغلاهم ... وهي اذا عندها شئ بتتكلم .. اذا شافتك اقصد ولا فيه داعي وقتها تبرري كلي مواقف .. كلمتين ورد غطاها قبلت قبلت قبلت مومهم تقبل .. نفسي انتسب بس لين تعدي هالظروف عندي ... بالتووفيق ياااارب .... |
هلااااااااا هموسه ازيك وايه اخبار المذاكره ماشيه ولا نص نص بس يا ستي من وجهه نظري طول ما هي مقدرتش ظروفك ووضعم يبقي متستهلش انك تدايقي عليها او تشغلي بالك ومن الاساس هي متعتبرش صديقه دي مجرد معرفه دراسه لان الصديقه بتقف مع صديقتها وبتلتمسلها العذر دايما انت اهم حاجه دلوقتي انك تركزي في المذاكره علشان الامتحانات وربنا يوفقك ويكرمك ان شاء الله |
الله يسعدكم يالغالين وابسئلكم دامني فاتحه موضوع عن
سالفه اخرى وهي تعرفون محد بلمنطقه اللي حنا فيها فمقوين علاقتنا مع عوائل زملاء زوجي نزورهم يزورونا وفيهم الخير ..لان مهما كان لازم احد نعرفه نحتاج شيء او يحصل شيء لاقدر الله فلازم نتصل بااحد او شيء من هلقبيل .. الاهم الان في واحد من زملاء زوجي ماشاء الله متواصل هو وزوجي من المسجد ويرجعون مع بعض واحيانا اذا انا مسافره عن زوجي فيعزم زوجي ع عشوه عاديه ويتعشون يعني علاقتهم ممتازه واححس فيها الود والاحترام ومحبه (والاهم ان هلرجال ماشاء الله متزن عقله ودينه ) وهذا الاهم عندي بااصدقاء زوجي مااحب الاصدقاء الله ع قولتهم حقين سفريات وخرابيط لا كلهم ملتزمين الاهم زوجة هذا الشخص ابلقبها لخاطركم ب (ام عادل ) تزوجنا بسنه وحده وزرتها 2 مرتين بطلب من زوجي فما حبيت اكسر بخاطره لان زوجها يحلف زوجي الا تجون فيقول لاتحرجيني مع الرجال وهي ماجت لبيتي ابدا ابدا الا مره وحده فقط وبعد سنه من الزواج وحملنا وولدنا بلسنه نفسها اللهم وحده سابقه الاخرى وانا قبل وهي باقي حامل فما زارتني فعاذرتها قلت اكيد تعبانه من الحمل ..ولدت وقعدت كم شهر ثم زرتها ومع احلى هديه لولدها الله يخليه لهم يارب ومع ذلك للالالالالالالالالالالان لم تدخل بيتي وانا اذكر 3 او 4 زايرتها رغم عدم راحتي معها بلكلام لان من صفاتها ولا اعلم هل هي معي فقط ام كذا طبعها ( صاااااامته ماتسولف ابد ابد بس تعقيب ع كلامي فقط حسيت ماني مرتاحه اخرج وانا مو مرتاحه الحرمه صامته مااذكر لها سالفه ولا ضحك وكأني داخله بيتها غصب بجد ماالاحظ سوالف واخذ وعطاء ...مافي اسلوب النساء المعتاد بلترحيب بلضيف والسؤال والاخذ والعطاء مااقول تثرثر لا لكن تسولف ..تجامل طيب اذا هذا طبعها ..وش له السكووووووووت انا اسولف بس لاجل ماتكون جلستنا ملل واحيانا اسكت وبقوه انتظرها تتكلم مافي ! حسيت انه غير مرغوب فيني واحيانا اقول لا هذا طبعها البرود وعلى الصامت ! المهم اتصلت بي بااحد الايام بعد ماحلفت لزوجي اني معد ابروح لهم ابدا خلاص ليه هي ماتجيء مايصير انا اللي قاطه وجههي عندهم بكل مره ..ارجوك ياحبي افهمني ..هي ماجت الا مره وحده ..وش هلكلام وهذا من غير انها ماتسولف ولا تضحك بس ع الصامت ابتسامة مجامله وبس ماني مرتاحه لها ...تفاجىء زوجي من كلامي ...وسكككككككت وحسيته مو عاجبه الكلالالام واني ابحرجه قدام الرجاااااااااااال .... فقلت لزوجي احلف عليه مثل مايحلف اننا نجيء حنا اربع مرات وهم الا مره وحده ومتى يوم كنت عروس والان معنا عيال ! مايصير وضيافتها لي مش ولا بد ...وحتى مره زوج ام عادل ارسل لزوجي اعذرني مابمرك اليوم الصبح لروحة الدوام ولدي تعبان وبوديه الطورى .... فاارسلت لها الظهر بعد وصولهم ولم انتظر مسجها بنفس الوقت وقلت لها الكلام سلامته ومايشوف شر يارب .. لم ترد ولا ترسل حتى بعد حين ولم تجامل وترد ..سكت ماهمني بعد فتره دق جوالي فصدمت انها هي ام عادل ..! يالله اخيرا تنازلت المهم والحرمه غيييير تسولف وتعطي وتضحك وتسأل عن ولدي وظروفنا بذاك الوقت وتعالوا عندنا ؟؟!! فقلت خلاص دوركم عاد تنزلون اوزانكم وتجون ؟؟! حنا بكل مره يعني تعالوا والله يحييكم ؟؟ فقالت ان شاء الله نتقابل تعجبت منها ومن اسلوبها المتغيييييييير ..وقلبي قابضني حسيت في شيء ! المهم خخخخخخخخ جاء زوجي وقال ياهمس معليش ولكن ابو عادل طلب مني ان القهوه والشاي تكون علينا بكره بدااااله !!!!! قلت بالله وانا اقول وش هلاتصال والضحك والرحمه والسؤال اثرها مصلحه ..قال وش ؟؟ وعلمت زوجي بلسالفه ....وحسيته انقهر علي ..ولكن يحاول مايبين ولا يتكلم فيهم ابدا ..سكت وقلت ترى بس لخاطرك ياعسل لو مو انت طالبني ماكلن لبيت ولو انها هي طلبتني لكان اعتذرت لااني متعبه بذاك اليوم وصدق كنت مااصلي ...وانا طبعي وحالتي اتعب .. فسويت القهوه والشاي والحلى لخاطر وعيون زوجي لاجل مااخليه بموقف محرج ... المهم اللي قهرني اني حسيت انه كان غير مرغوب فيني اول و من اتصاله المصلحه الله ع الكلام والسوالف واللهفه تغيير مفاجىء لاني اصلن حسيت انها تبي تقول شيء لكن مو عارفه كيف تقوله ؟ وبلاخص يوم سمعت ولدي يبكي فااحاول استعجل بلمكالمه ؟... المهم الان زوجي وزوجها متواصلين ولكن هي مقاطعتني ولم تااتي الا بداية زواجنا وانا قد جيتها اربع مراااااااااااات بفترات متباعده واسلوبها ماارتحت لها طبعا انا من قبيله وهم من قبيله ولكن هذا مو بحاجز لاني متعرفه ع ناس من غير قبايلنا من عوائل زملاء زوجي ورب يانهم سمن وعسل المهم زوجي طلبني وقال وش رايكم نزورهم قالها لي اكثر من مره ؟؟! فقلت لالالالالالالا والله معد اروح وقلت له الاسباب وحسيته متضايق للان بقلبه ليه كذا بيننا .؟؟ طيب مو انا مخطئه هي ... ولو انها تعرف الأصول كان ردة الزياره .. فااكيد انا صح بتصرفي خلاص الى متى ارمي وجهي عندهم ...هم دورهم ... مع ان زوجي يقول لهم ويعزم ومايقصر ولكن حسيتها هي ماتبي فخليتها المهم لنا الان سنتين متقاطعين الا الرجال فحسيت زوجي متضايق من هالشيء ... فهل تصرفي صحيح بااني توقفت عن زيارتهم ..لانهم هي لم ترد الزياره فحسيت بااحراج ... يتقطع قلبي والله يوم زوجها يطلعون للصلاه ولا يتمشون شوي ويرجعون يعني علاقتهم تمام واحس زوجي وده ان علاقتنا حنا يالحريم ياليتها كذا ..... هل اصمم ع قراري ام اتنازل ....؟؟انا مصممه ع قراري ولكن زوجي من نفتح هلموضوع يحاول وانا ارجوك لاتزعل لا لن ازورهم خلاص كرامتي . هل قد مريتوا بمثل هلموقف ..انا اول مره بصراحه . والطامه الكبرى قبل فتره اتصلت وتسولف وتقول وينك ؟؟فقلت انا امر بظروف والله ومو فاضيه وانتي اعلم بها اكيد فقالت الله يعينكم المهم بنهاية المكالمه قالت تعالوا زورونا ....بغيت انفجر بغيت انحرق ...وش هلحرمه ياربي تناديني وهي ماجت بيتي الا زمااااااان وش هلاسلوب وهي اتصلت بس لخاطر زوجها لانه قابل زوجي وقال وش في عيالك مقاطعين عيالي ومن هلكلام عطنا رقم عيالك اهلي يبون يكلمونهم ..؟!!!!! فااتصلت كما قلت لكم ونفس الاسلوب الاول ماتسولف صامته الا بس رد ع كلام قلته ...... قهرتني والله ...تبين لزوجها اني المرحبه المتصله وهي زوجته القاطعه ومن هلكلام وهذا مااحسسته ... فهل انا صح ..واعترف مكالمات ماكلمتها والسبب؟؟! ماتسووووووووووولف ابدا ابدا فهل انا صح بحلفاني معد ابروح لهم ولا شيء الين هم يجون ويردون زياراتي؟! |
شوفي ياقلبي كلامك مبني على احس .. احتمال مني ومنك .. ويبقى حقيقة الامر عن ام عادل ..
يعني مانعرف ليش هي ماجات ..؟ وليش مابادرتك بمجامله بمسج ..- يمكن تتنتظر اتصال ...؟ وليش فجاءه قلبت وكلمتك ..؟وغيرت اسلوبها .. فيه ناس طبعها الصمت .. وفيهم ناس صمتهم حيا ولا يقط الميانه الا بعد فتره .. ويمكن ماتجيك لظروف .. يمكن عيالها ... ويمكن تتجاهل ان الواجب ترد الزياره .. ولو ماان الموضوع يحز بخاطر زوجك لااقولك طنشي ولا همك .. بس يقولك لجل عين تكرم مدينه .. {وَلَا تَسْتَوِي الْحَسَنَةُ وَلَا السَّيِّئَةُ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ * وَمَا يُلَقَّاهَا إِلَّا الَّذِينَ صَبَرُوا وَمَا يُلَقَّاهَا إِلَّا ذُو حَظٍّ عَظِيمٍ } قولي له راح اروح هالمره بس لاجل خاطرك .. وبعدها مستحيل اروح لها لين ترد زياراتي .. وذا رحتي لها .. قولي لها مدري وش فيك ياام عادل ماتجيني وكذا مره نعزمك وانتي تعرفين مدى صداقة زوجي وزوجك ...؟ - طبعا ماتحتاجين وصايه بالعتب اللطيف .. وشوفي وش براسها .. بالنهايه ياقلبي .. الامر يرجع لك اذا مو قادره تروحين لا تروحين .. وانتظري لين ربي يقومك بالسلامه وشوفي تجيك ولالا ..؟ الله يتمم عليك ويقومك بالسلامه .. |
الله يوفقك في امتحاناتك ويسهل عليك حملك ويعدي هالفترة على خير ....
يبدو ياأختي إنك تجاملين بزيادة وهذا اللي متعبك ... وسعي صدرك وأنا أختك ولاتفكرين كثير في الموضوع فيسبب لك قلق ... بالنسبة للصديقة بردي قلبك ومثل كذا مواقف تخليك تعرفين الناس وأطباعهم وكيف تتعاملين معهم .... أما أم عادل ... تصدقين دائما أجامل زوجي وأتعرف على زوجات أصدقائه وبعضهم ما يعجبوني لكن أقول ماأبغى أكسر خاطرة وهو فرحان بروحتي لهم ... أما بخصوص حضورها عندك هذا الواجب ... برأيي ماتروحين عندها حتى تحضر عندك أخاف تقول أنها كسبانه فيك أجر يوم أنها تقولك تشوفك تسولفين عليها قالت هذي فرحانه أني قلت لها ... الله يوفقك طولتها عليك... |
أنا لو مكانك بعمل مثلك أنسانه ماأرتاح لها وأحس أنها ماتبيني ليه أغصب نفسي عليها
ببين لزوجي أني مارتحت لها وأني أشعر بثقلي عليها وعدم أرتياحها معي وخلاص زوجي من النوع الي مايجبرني أو يضغط علي بزيارة زوجات أصحابه بس يمكن لو كان يضغط علي وأشعر أن زيارتي لهم تسعده بضغط على نفسي وأزورهم من فترة لفترة وزيارتي ماتتعدى الساعه ممكن والله اعلم |
حبيبتي
لاتظلمونه كل المرات اللي رحت لها فيها ...والله مجامله فقط ولعيون زوجي من الاساس ... انتظرت سنوات ولا جت عندي مجامله ع الاقل لاتسولف مو بلازم .. قلب صافي صدقتي بكلامك من واجبها ترد زيااااراتي لها اللي اكثر من مره . |
ندى
صحيح الزياره مدتها ساعه فقط ... وزوجي سعيد وانا بعد بزيارات زوجات اصحابه ولكن سبحان الله هذه صااامته ..وما همني لو ماتتكلم بشيء الاهم خجلت بصراحه ادخل بيتها ل 5 او 6 مره والسبب ! مجامله لزوجي وهي لم تأتي ترد لو زياره واحده ... ومثلا عندهم ظروف واشغال ....(كيف زوجها يحلف ع زوجي الا تجون ..؟! وهم ماشاء الله تبارك الرحمن مستقرين ماينزلون لديرتهم القصيم الا بلصيفيه او اجازه ... عكسنا يعني . |
| الساعة الآن 10:09 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©