|
اقتباس:
الله يسمع منك ويكتب ما فيه الخير والصلاح اشكرك على المرور والدعوه الطيبه |
اهلا اختي امول
من حيث المبدأ ان الاهل يخطبون لبنتهم مافيها شي إذا تقدرين على المصارحة توكلي على الله وكلمي امك اسأل الله ان يرزقك الزوج الصالح الي يسعدك ويقدرك |
ليش هو الا الان ماتزوج اعتقد عمره 35 سنه واخوانه اكبر منه بعد ماتزوجوا..
اذا كان متوظف توكلي على الله..يمكن هو يبي يتزوج بس اهله مو مساعدينه في البحث عن عروس او تشجعيه لزواج ..فيه ناس كذا.. خلي اخوك يساله ليش ماتزوج؟؟واذا جاوب يقله البنت عندنا واحنا شارينك ومانلقى احسن منك لبنتنا.. |
حبيبتي أنتي أدرى بشخصية أمك و أخوك لو يتقبلون منك هالموضوع او لا .. كثيير رجال خطبوا لبناتهم و خواتهم .. بالنهايه حبيبتي مالك ألا الدعاء .. و صدقيني لو لك نصيب فيه ربي بيجيبه لك .. أنبسطي بحياتك و توك صغيره لا تخلين هالموضوع يشغلك .. و صدقيني أيام العزوبيه مافيه أحلى منها:17: ربي يسعدك ويوفقك للي فيه الخير لك |
حياكِ أختي أمل .. الأسرة متفهمه هذا الأمر وأخوكِ من كلامكِ ممكن يقتنع بالفكرة .. كلمي أمكِ تكلم أخوك ويعرض عليه بنفس أسلوب أختنا (ليه الغرور) ..أجده طيب أن يسأله عن عدم زواجه الى هذا السن .. ومنها يكون المدخل ..!! بإمكانكِ أن تخبري والدتكِ وكأنكِ خارج الموضوع بحيث يكون بينها وبينه فقط ..!! أما فيما لو رفض هذا الجار فلا تحزني أخيّــه وإليك ماحدث معي قبل سنوات .. فقد كان لي صديق حينها كان في سن ال26 كان شابا صالحاً يحضر حلق الذكر بل ودروس المشائخ في منطقتنا إلى أن صار هو نفسه يقوم بالتدريس في المسجد يشرح الأحاديث النبوية والمختصرات الفقهيه وأعجبني كثيرا ..فعرضت عليه أختي الصغيرة كانت في 16 ، فقال أمهلني أيام وأرد عليك ..! وبعد أسبوع قابلني واعتذر مني بلطف ودعى لأختي أن يرزقها زوجاً صالحا و..الخ .. صحيح قد أكون أصبت بصدمه نوعا ما ، لأن أختي كانت فتاة أراها بنظري مناسبة له من حيث صلاحها وتدينها وحفظها للقرآن وحرصها على كل ما يقرب الى الله . لكن بنفس الوقت هي لم تكن تعلم بما جرى . المهم بعد سنوات تزوجت هي من شاب صالح أحسبه والله حسيبه .. وتزوج هو ..!! الآن هذا الشاب قارب على الأربعين وقد انتكس نسأل الله السلامه ترك حِلق الذكر وترك المحاضرات والندوات الدينية وودع الدروس وأهمل في أمور كثيرة وأصبح ديدنه السفر شرقا وغربا لممارسة ماحرّم الله . فانظري أختي كم من الشر صرفه الله عن أختي الحبيبة فيما كنت أنظر له على أنه خير ، وأحمد الله على ماقضى وكان . فإن حدث ورفض فلا تحزني ولا تقلقي فلن يدعكي الله ، وربما صرف الله عنكِ ما هو شر . أسأل الله أن يرزقكِ زوجا صالحا مصلحا . وأخبرينا بما يجري وفقكِ الله . |
أختي الكريمة
أنا برأيي لاتكلمي أحد في الموضوع ... وادعي ربك يكتب لك الخير فيه أو في غيره ... |
اقتباس:
والله بالنسبه لي انا ما اخبي شي على امي لا صغيره ولا كبيره وامي تفهم كل اللي يجول بخاطري وان غلطت راح توجهني وتنصحني بس الى الان ما كلمتها بجديه في الموضوع لاني ما ابغاها تقلق وتفكر والله قلقانه مرره حتى شغلني التفكير في الموضوع لاني ناويه اقدم على الخطوه هذي بس ما ادري متى بالضبط كل يوم اقول يمكن تجي منهم ويتكلمون قبل ما اتكلم انا ربي يسعدك ويوفقك على الدعوه الطيبه بارك الله فيك |
اقتباس:
الله يكتب اللي فيه الخير ان شاء الله اشكرك على التفاعل معي |
اقتباس:
امي واخوي ماعندهم اي مشكله المشكله مني انا ماني متشجعه وفي نفس الوقت خايفه من ردة فعله لو رفض ماودي انحط في هالموقف راح اتحطم لاني الحمد لله اشوف انه مو ناقصني شي غير الحظ الزين وانا معك ايام العزوبيه حلوه بس نبي نلحق على بزر او اثنين يساندونا في كبرنا :d الله يسعدك على الدعوه الحلوه ولك المثل ان شاء الله |
اقتباس:
كلامك كله صح الخير بيد الله بس انا بصراحه ضعيفه جدا ما ابغا الا ابن حلال يحافظ علي وما يذلني وانت عارف ان هالزمن ماتلقى فيه انسان طيب الا من رحم ربي والله ما طمعت فيه الا من اخلاقه وتعامله الطيب ابحث عن الطيب اللي مستحيل يقهرني او يستغل ضعفي في يوم والا القضيه مو قضية زواج والسلام ابغا العشره الطيبه مع انسان يخاف الله ويتقيه اشكركم على مشاركتكم لي همي ان شاء الله اذا استجد اي شي في الموضوع راح اخبركم |
| الساعة الآن 11:42 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©