|
اقتباس:
وهنا تركيزنا على الام بحكم انها اكثر شخص يجلس بالبيت .. مع الاولاد .. ولكنها نست او تناست دورها .. الله يستر علينا وعليها ...شكرا للحضوور .. |
اعتذر في الخروج عن الموضوع:
ولاكن الهجوم واضح جدا بسبب الماضي واقصد بذلك الموضوع السابق ياليت نناقش كل موضوع على حده ونتعلم هذا الشيء ونطبقه حتى في حياتنا الخلط بين المواضيع خطير جدا لايجعلنا نرى الموضوع من جميع ابعاده قد جعلت في النفوس تراكمات من الصعب ان تزول وربما تلاحقك حتى في المواضيع القادمه اما بالنسبه لموضوع الشغالات مالي فيه اي راي لأني من خرجت على الدنيا ما شفت في بيتنا ولا بيوت معارفنا او الجيران خدامه ومع كذا الاطفال في ضياع واضح والأم مهمله جدا وهي ماعندها انترنت ايضا يعني لا الخدامه ولا الانترنت سبب مقنع في حال الاطفال هذه الايام صح لهم دور لاكن مو ذاك الزود دايما يجي في بالي سؤال الان اذا صاحبة البيت خلت الشغاله تنف البيت وتطبخ وتغسل المواعين والملابس وتهتم بالاطفال وتلبسهم وتحممهم وتأكلهم هي ايش وظيفتها ؟ فقط زوجه ؟ ليش تتزوج طيب عشان الشكل الأجتماعي يعني شغالات الزمن هذا ينطبق عليهم مقولة الأم مو اللي خلفت الأم هي اللي ربت طبعا هذا الكلام غير معمم على جميع النساء هناك من النساء في قمة الأنشغال واولادها قمه في الأخلاق والأحترام ولاكن نحن نذكر السيء حتى نناقش اسبابه ونضع له الحلول وليس لأنه الغالب في مجتمعنا اتمنى ارى لك موضوع ضد الرجل (واللبيب بالأشارة يفهم ) ودمتم بود وعطاء ومواضيع لاذعه |
مع الاسف هذا الواقع تجد الام تتخلى عن دورها
بالكامل من تنظيف وطبخ وغسيل وتربية اطفال حتى وصل الامر ان الطفل يقتدي بالشغالة بكل شي حتى في عقيدتها !! وايضا يتعلم منها لهجتها المكسرة ! وكم سمعنا من طفل تعلق بالشغالة اكثر من امه حتى ان بعضهم يصاب بحالة نفسية عند سفرها واعجبني هذا الكاريكاتير الي يتكلم عن تعلق الاطفال بالشغالة ! والف شكر على طرح الموضوع |
امير الحرف وش الفايده من طرح الموضوع
يعني اللي عندها شغاله تسفرها واللي ناويه تجيب تهون واللي لاهيه عن عيالها تنتبه لهم عشااااااان تلقون عذر بنتزوج!!! ماهي فاضيه لي دايم مشغوله مهمله نفسها ماتهتم بنظافتها مريضه ويله من الاعذار.... لاجيل شغالات ولا شي ,,, اللي مهتمه بعيالها وبتربيتهم لو عندها عشر شغالات ماراح يأثرون عليهم ولاعلى تربيتهم,,, الشغاله وجودها بالبيت للتنظييييييف الاهتمام بامور البيت موللتربيه...لكن اكون صريحه فيه حريم تنوم الشغاله مع بناتها الصغار الشغاله هي اللي ترضع وهي اللي تلبس وهي اللي تروش واهي اللي تنوم مدري وش بقى على الام حتى لو متوظفه موعذر اسلمها الخيط والمخيط كل شي بحدود..بصراحه انقدعليهم حتى لابكت بنتها تنادي اسم الشغاله ماتقول ماااما لا فلانه اللي اهي الشغاله....الحمدلله الذي عافانامماابتلاهم به وفضلنا عليهم تفضيلا,,,بس بصراحه الشغاله ضروريه عشان افضى لنفسي وعيالي وزوجي .... |
مرحبا اخي على اني من المعارضين لوجود خادمه بالمنزل
ولكن وجودهم ضروري في غسل الاواني وغسل الملابس وغيرها من امور تنظيف ولكن يجب وجود الحرص والمراقبه بعين الاعتبار فمثل اذا كانت الام موظفه والاب موظف والابناء في المنزل يجب وضروري وضع الكاميرات المراقبه ولكن هاذا لايعني وجود خادمه بالمنزل ان الام متهاااونه في تربية الابناااء فليس كل الامهااات مثل بعض ؟؟؟ ولكن من كثر مانسمع من قضايا الخادمات اصبح هناك ووعي وثقافه في الحرص والخوف على الابناء وقبل ذللك كله يجب معاملة الخدم فيما يرضي الله سبحانه وتعالى.. |
اقتباس:
ولا وش تبينا نسوي حنا يالحريم لاكنا محتاجين احد يودينا ويجيبنا ولاتبونااا نسوووق سياره ونروح نجيب متطلباتنا ؟؟؟؟؟؟؟ |
اقتباس:
حلوة الموضوع الخطير :d الموضوع السابق له علاقة بهذا الموضوع ولكن لكل واحد ظروفه .. :21: وقلت اجيب شغالة للضرورة اذا تركت الام الاولاد وهربت !! على اساس الزواج .. وما قلنا نحرم العيال .. قلنا الان ان الشغالة هي الام البديلة في البيت وهذه المصيبة .. وشكرا على طلبك على كل ام ان تتفرغ لاولادها وتهتم فيهم وتركز عليهم حتى لو اهلمت الزوج لان الزوج سوف يبحث عن من يهتم به ..!!:22: شاكر لك مرورك العطر .. |
اقتباس:
شكرا لك .. اقتباس:
اقتباس:
اقتباس:
اقتباس:
اقتباس:
بارك الله فيك |
يوم كنت صغيره في بيت اهلي كان عندنا شغاله...وفي فترة الصباح الا الظهر نكون لوحدنا عندها تسوي لنا الفطور..وتجلس مقابلتا الا الظهر..
لكن عمرنا ماحسينا انها اخذت مكان امي...مستحيل لو تطقطق ماتجي مثل رجل امي...وبرغم صغر سني انا واخوي...عارفين الفرق بين الأم والشغاله.. ومو معنى انه الاطفال في الملاهي واقفه معهم الشغاله انه امهم متخليه عنهم..لا ..الشغاله تاخذ راتب مقابل تنظيف البيت او تنتبه للاطفال في وقت تكون الام تتسوق .. انا شخصيا..اكره وجود الشغاله في بيتي..وان شاالله اني مااحتاجها ابدا.. وامووت واعرف ياامير الحرف..ليش حاط فكره مو حلوه في مخك عن المراه والأم والزوجه..خاصه؟؟ |
الشغاله اذا وجدت هذا مايمنع من قيام الام بدورها في التربيه والتوجيه
كذلك وفي محيطنا الاجتماعي حتى الشغاله توجه توجيه تربوي يعني زي مانوجه ابناءنا نوجها لدرجة انو تطبع بطبايعنا من استقبال ضيوف وترحيب هذا غير تعليمها اصول الدين والعبادات ونسجلها زي مانسجل بناتنا في دور التحفيظ يعني الكلام الي فالموضوع مايعمم بالعكس حالات ربما نادره |
| الساعة الآن 07:28 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©