|
ان شاء الله انك منتي وحدانيه ، ياوخيتي تصبري ولاتستعجلين بقراراتك والحمد الله على كل حال ، حالك افضل من حال من سمعنا منهم وشفنا بأعيوننا ان شاء الله امورك تبي تتسهل ولاتدمرين حياتك ، وعسى الله يفرج همك ويصخره لك ولايفرق شملكم يارب |
الله يفرج همك ويقومك بالسلامة
لاحظت فيك السرعة في اتخاذ القرار مرورا من قصة اللمزين واستعجالك بالزواج من كبير والان لا تستعجلين وتطلبين الطلاق من قصة خاااااااااااااااااااااااادمة اصبري وحاولي موازنه امورك وخذي ما تريدينه منه باسلوب وطريقه لبقة اما ان تتنفسي عند اهلك مع اخذ مصروف منه او تتنفسي في بيتك مع خادمة مؤقتة اعانك الله ووفقك لمى يحب ويرضى |
واصلا الخادمات الاندونسيات موقفين الاستقدام منهم...ان كنتي في السعوديه...الاندونيسيات بطلوا يشتغلون عندنا
|
الس
لام عليكم الله يجزااكم خير على ردوودكم وارائكم شااكره لكم انا كلمته اولى جلست وقلت انا ابي اناقشك بموضوع ومااودي نختلف ياتقنعني يااقنعك قاال ايوه وش عندك؟ قلت انت شاايفني تعبانه والدكتوره مانعتني عن اي مجهود ولاحتى اني اشيل ولدي وبيتي صار له اسبوعين ماامسحت سراميكه وتعبت نفسيتي من القرف والغبار وملابسي ماغسلتها وكل شي حاايس قااطعني قاال خلاص انا ساامح لك رووحي لاهلك وارتاحي ولاخفيتي ارجعي الله يحييك بكل سهووله باعني عشان سلامه جيبه قلت تستغني عني وعن ولدك عشاان الفين وانت راتبك عشرين الف غير املاكك(ماشاء الله) مع العلم عمري مااكلمته بفلوسه ولااخذت مصروف زيااده حريم عياله ياخذون 2000 مصروف من رجالهم ورواتبهم 6000 هذا بس للسوق والطلعات وانا 1500 توه من شهر بدى نظام المصروف بعد مااترجيته وبكيت عنده وكل شي فيها مصروف ولدي والبقاله والطلعات وكل شي حتى كل شوي يقول كم بقى معااك ذلني حسبي الله عليه المهم قلت لاتطول السالفه برر لي سبب رفضك انا انسانه عاقله ومتزنه واعرف اوزن اموري قاال انا مقدم لو تجي اليوم ولابعد سنه تتحملين وشغاله بالشهر والساعه ماافيه مو عااجبك روحي لاهلك وارتاحي عندهم ولاطاح اللي براسك تعالي انتي تبينها تقليد الواحد ماايكون امعه قلت حتى حريم عيالك وبنتك وحرمتك كلهم عندهم خدم ليش انا مااجيبها حتى لو دلع زي مااتقول وانا ابيها من التعب مااتبي اللي في بطني نزلته بس لاتظلمني واولد ولاده مبكره ويجلس بالعنايه زي اخوه سفهني ولارد علي قمت اقول انا ضحيت بعمري فرق 30 سنه عشااني بكل امانه حبيتك تحملت كل شي وانت مستكثر علي فلوسك صنتك وصبرت وانذليت كله عشانك تحملت اهانات الناس لي لاني بكل اماانه حبيتك بكل وقاااحه قاال لاتتعبين روحك ويطق فيك عرق وتموتين تراك مو حمل زعل بتعصبين وبترضين انا عندي رحله عمل بكره لابغيتي اهلك خلي السواق يوديك ولاخفيتي تدلين بيتك احس بجمره بلعتها واحرقت صدري وربي اكتب ودموعي على خدي اول مره امسك نفسي ولا ابكي قدامه حسيتي دموعي فيه خسااره بكل امانه افكر اموت نفسي ولا انزل اللي بطني نفسي اقهررررررررررره قهرني واهاني بضحكه علي يضحك بصووت يقول باايخه حركه تهملين البيت عشان اجيب شغاله لاتتوقعين بااسلوبك تجبريني وش الحل معااه؟؟ ارووح لاهلي بكره ولا انطق بس والله مخنووقه اخااف يغمى علي من القهر صدري فيه ناار نفسي اصيح بصووتي كله مظلوومه مظلووووووووومه ماابي فلووسه ابي كرامتي ترجع لي داايم يحسسني اني اقل منه انا واهلي حسبي الله عليه وعلى اخواني بعت نفسي عشان ارتاح وبااعني هو !!!!!!! ابي راايكم تكفون وقفو معي مهمومه |
ما أصاب عبداُ هم و لا حزن فقال : اللهم إني عبدك ابن عبدك ابن أمتك ناصيتي بيدك ماضِ في حكمك ، عدل في قضاؤك أسالك بكل اسم هو لك سميت به نفسك أو أنزلته في كتابك ، أو علمته أحداً من خلقك أو استأثرت به في علم الغيب عندك أن تجعل القرآن ربيع قلبي ، ونور صدري وجلاء حزني وذهاب همي " . إلا أذهب الله حزنه وهمه وأبدله مكانه
فرحاً رواه أحمد وصححها لألباني.لكلم الطيب |
اقتباس:
|
عزيزتي وحدانيه
خليك حليمة وفطينة انتي ماتبين الطلاق و زوجك باقي ماتمكنتي منه صح يعني ممكن بلحظه ينهي كل شي بينك وبينه تعاملي معه بحنكة وفطنة اجلسي عند اهلك وخلي وحده من خواتك تروح تنظف لك البيت وخلي اهلك يساعدونك بشغل البيت على ماتولدين وتقومين بالسلامة على حسب مافهمت انك تدرسين او لادك خليهم عند امك واصحك تحملين من جديد الى ماتخلصين دراسة و اجلسي مع زوجك و قولي انا ما ابي خدامة خليه يحس انك انتي غير عن كل اللي حوله على فكرة زوجك رجال كبيرة بالسن يعني يتمنى ان زوجته هي اللي تسوي امور البيت كلها من غير خدامة انتي خليك مثل مايبي عشان تكسبينه و اضح زوجك الى الان مو واثق فيك وحاس ممكن في اي لحظة تتركينه ويمكن بعد في احد يقوله انك انتي طمعانه فيه وبس تبين تسرقين فلوسه حاولي تغيرين الافكار اللي في راسه عنك بيني له اخر شي يهمك الفلوس و اول شي يهمك سعادته هو اذا رجع للبيت لاتنكدين عليه بطلباتك وابي و ابي سويله مساج خليه يرتاح خليه يحس انو اذا جاء عندك انك تبينه هو مو فلوسه يمكن هو يحس كل اللي حوله اهم شي عندهم الفلوس بدليل تصرف امه واخته خليه مايندم انه تزوج وحده صغيره الله يكتبلك التوفيق |
يا قلبي عليكي.. الله يفرج همك ويريح بالك يارب.. حالياً روحي بيت أهلك.. عشان لاتتعبي.. ومافي غير تصبري .. مدام مقدمين على شغالة .. إن شاء الله تجي المحروسة.. أدعي إن شاء الله تجي طيبة ويعطيكي خيرها ويكفيكي شرها.. حبيبتي.. انتي نفسيتك تعبانه مع الحمل كمان.. عيشي حياتك ولا تفكري بغيرك.. اصبري وادعي وإن شاء الله تفرج |
هو قالك مقدم شغاله...خلاص انتي ليش تضغطين عليه...؟؟
روحي لبيت اهلك ارتاحي الين ماتجي.الشغاله..وكل اسبوع مره وحده جيبي اختك للبيت تساعدك في التنظيف احمدي ربك انه مقدم شغاله وما قالك لا...يعني شي أحسن من لاشي..ولاتسالينه عنها كل شوي وتزعجينه هي وقت ماتجي يجيبها لك الله يهديك بس...واتمنى انك تنتبهين لنفسك بعد الولاده وحاولي ماتحملين...الين يكبرونك عيالك عشان ترتاحين وتتفرغين لزوجك.....تدلعي عليه وخليه يرتاح في بيتك...ترى الرجال مايحبون الحرمه الي تزن عليهم ..وينزعجون من الحمل والانجاب الي ورا بعض.. وخذي افكار حلوه تخليه ينجذب لك ويلبي كل طلباتك وانا بصراحه ماني شايفه اي خلل في حياتك لاقبل ولا بعد الزواج بس انتي الله يهديك متشاؤمه وحساسه بزياده لفي على هالقسم وشوفي المشاكل الي يشيب لها الراس صدقيني بتهون عندك مشكلتك.. واحسني الظن في زوجته...دام انها ماتعرضت لك ولا اهانتك..انتي بيدك تقدرين تخلين حياتك من احسن مايكون.. |
اقتباس:
|
| الساعة الآن 05:13 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©