|
يا أخي خاف الله بنات الناس ليسوا بلعبة , هل تريد أن تشعر بمقدار الذي ستسبب به تخيل ذلك مع أخواتك
أو بنتك ان رزقك الله بنتا , ستشعر بمقدار الألم .. وأواد أن أخبرك بشي عشت تجربتك , لكني لم أفعل فعلك بل عاندت الشيطان وصبرت حتى اسودت الدنيا في عيني وبالصبر والصلاة والدعاء المستمر انزاح الهم وحمدت الله أني لم أترك زوجتي بالفعل كنت سأندم أشد الندم .. |
اخى الكريم لن ازيد على كلام الاخوة والاخوات الكرام بارك الله فيهم ولكن سأذكرك بقول الله عز وجل {يَا أَيُّهَا الَّذِينَ آمَنُواْ لاَ يَحِلُّ لَكُمْ أَن تَرِثُواْ النِّسَاء كَرْهاً وَلاَ تَعْضُلُوهُنَّ لِتَذْهَبُواْ بِبَعْضِ مَا آتَيْتُمُوهُنَّ إِلاَّ أَن يَأْتِينَ بِفَاحِشَةٍ مُّبَيِّنَةٍ وَعَاشِرُوهُنَّ بِالْمَعْرُوفِ فَإِن كَرِهْتُمُوهُنَّ فَعَسَى أَن تَكْرَهُواْ شَيْئاً وَيَجْعَلَ اللّهُ فِيهِ خَيْراً كَثِيراً}النساء19 وانظر يا اخى الى قول الله عز وجل فَإِن كَرِهْتُمُوهُنَّ فَعَسَى أَن تَكْرَهُواْ شَيْئاً وَيَجْعَلَ اللّهُ فِيهِ خَيْراً كَثِيراً |
سبحان الله
الجمال طلع هو الأساس وليس الدين!!!!!!!!!! أعرف الكثير من الشباب يهتم بجمال الفتاة لكن لايسأل عن صلاحها أعرف الكثييييييييييييير من الشباب يتزوج الجميله وإن كانت قليلة الصلاة!!!!! أقسم بالله هذا الواقع يقول الجمال أهم والدين لنفسها تصلي هذا شي راجع لها!!!!!!!!! أستغفر الله ألهذه الدرجه أصبح الدين لاشي بالنسبه لكم!!!!!!!!!!!! المهم يا أخي إذا كانت الفتاة ذات دين تزوجها وأترك عنك الوساوس وماراح تحصل جمال يغري مثل الفضائيات ترى وربي يلعبون عليكم الفنانات والممثلات كل جمالهم صناعي ياليت تشوفها أول ماتصحى من النوم!!!!!!!!! وياليت تفكر بمشاعر البنت تخيل أنها أختك وخطيبها قال جمالها ماأعجبني وش راح تسوي!!!!!!!!! أظن بتسوي مشكله!!!!!!!!!! لكن أصبح الإستهتار بمشاعر البنات شي سهل بالنسبه للبعض!!!!!!! |
اولا مسااء الخير اخوووي
انا انصحك من الان اذا مادخلت مزااجك ماارايح تدخل مزاجك بعد الزوااج وراايح تكون حيااتك جحيم ولا ترا منها الشي الجميل لانك انت في دااخلك لا تريدها لاكن خوفا ان تكسر مشاعرها او خوفا ان يلوومك النااس رايح تضحي بنفسك انا اقولك الزوااج قبول ثم ود ثم احترام ثم حب اذا ماكان هناك قبول مااارايح تعيش بسلام مع نفسك ليس لانها سيئه لاكن انت ترااه بعينك كل ماتفعله سي والزواج مافيه مجااملات هذا عمر ليس بشهر او شهرين او سنه تقول بتحمل هذا قرار مصيري فاحاول ان تقرر الان بدون مجاملات وبدون ظغوطات وتخيل انت الوحيد في هذي الحيااه تعطي قرارك من غير انتقادات احد ولاتنسى انك انت اليووم في البر لا تقرر بعد ماتاخذ معك البنت الى نص البحر ثم تغرقها للتعود للوحدك هذي حياااااتك وانت الي بتعيش فيها انت من يقرر وانت من يعرف ماذا يريد |
انا حسيت بهذا الشيء وانا كنت ملكة حسيت اني ماعجبتة وبعد الزواج تاكدت وبعد مرور سنة تخاصمنا ورماني عند اهلى وكنت اتصل علية يرجعني بس هو مايبغاني طنشتة وسبتة وجلست اهتم بنفسي وبطفلتي وبعد مرور شهور الا وهويتصل على وانا مااعطيتة وجهة وبعدين صار الصلح ورجعنا واحين متزوجة لي 5سنين والله ماني قادرة انسا الي سواه فيني وكلة عشان الجمال الباهر الي يبغاة والله قاعدة اقول فنفسي لو اني بدرجة الجمال الي يبغاة كان سواء فيني كذا كان عذبني ومرمطني حتى انى كارهة الحمل منة مع انو الحين يحاول يرظيني بس لة زلات كثيرة واغلاط كثيرة كلة وهو شايف نفسة اجمل منىي بس هو والله شين ماهو وسيم مرة كنت في حديقة وهو راح مع بنتي وانا جلست الا شوي واقول ياربي منهو هذا البدوي الي جاي ناحيتى طلع للاسف زوجي الوسيم اقصد البشع مو حلو اسمر ومصلع من قدام انا افتح منة يمكن ب5 درجات ولا لمن اغير لوكي كل البنات يقولولى شكلك بالقصة حلو روعة والله انة ماعمرة سمعني كلمت مدح بشكلي احسة جارحني بس والله في قلبي عايشة عذاب وانا الحين بالغربة مسافرة بعثة والبعثة باسمي كل ماشاف حرمة مع زوجها هذي حلوة هذي ماهي حلوة والله بس ابغى اخلص غرظي منة وباطلب الطلاق لاني ماني قادرة اتحمل الوضع احسن نفسي ابكي نفسي انفجر من حركاتة ونصيحة اذا مانت مقتنع فية لية تاخذها وتجيب بزورة وبعدين تكسرها تتزوج عليها اوتطلقها حرام والله حرام احنا بشر موحيوانات
|
أولاً اخي العزيز الله يكشف ما اصابك و تتجاوز هالمرحلة
في البداية اخوي تعرف وشو قلق الزواج ؟؟ تراه طبيعي وكلن يمر فيه وهي اكثر منك ترا تبدى تقارن وووو و تتخوف.... اذا مافيه شئ كبير يخليك تتركها انا انصحك تفكر اكثر 1- انا شفت صور ممثلاث اجنبيات بالمكياج و بدون و بعدها شلت سالفة الجمال من راسي !!! والجمال جمال الروح والله 2- انصحك بالالتزام بالصلاة بوقتها !!!! وبالاذكار بعد الصلاة والدعاااااااء بأن الله يريك الحق و يهديك اليه --- احرص على اية الكرسي و المعوذات ثلاث مرات بالصباح والمساء وقبل النوم 3- حتى اجمل الجميلات بعد فترة من العيش معها تصير عادية...... اذكر فترة كنا نقول الممثلة الفلانية قمة في الجمال... بعدها بفترة طلعت ممثلة ثانية و هذيك الحين ما احد يطالعها !!! الجمال ما له منتهى ابداً.... مهما اخذت من جمال اكيييييد راح تشوف اللي اجمل منها... لذلك لازم ترضى اذا فيها الحد الادنى و ترى الجسم راح يتغير... الظعيفة تسمن .... واذا انها مثقفة و سمينة ..راح تضعف بالالتزام بالنصائح 4- شوف الباقيات الصالحات ..... وحدة ما راح تكلم رجال غيرك و تقدرك و تهتم فيك 5- اذا اللي فيك ما راح قبل الدخلة.... ما انصحك تدخل عليها وانت مو مقتنع فيها --- و ارجو انك تتواصل مع مراكز التنمية الاسرية و المصلحين الاجتماعيين و تاخذ رايهم ------------- مووووف الله يكشف ما اصابك حاولي بكل ما اوتيتي من قوة انك تغيري اسلوب حياتك وتواصلكم اليومي (( يعني قرري انك تحبينه و جربي كللل شئ تقدرين عليه وتحملي كللللل شئ يقوله وبعد فترة ان شاء الله راح تتجاوزين اللي صار))) جربي تقنية الحرية النفسية -- اعزميه على مطعم فخم و سمعيه كلام حلو مثل (( بفضل الله ثم فضلك انا جالسة ادرس وووو و هذا شئ بسيط مقابل اللي سويته لي .... الخ ))) و لا تتوقعي انه يصير رومانسي بيوم ولييلة ولكن على الاقل تصيرين سويتي اللي عليك اذا نفع زين ما نفع الله يكون في عونكم يا رب و يكتب ما فيه الخير والصالح بس متاكد ان التغيير في الروتين اليومي راح يغير طعم الحياة ---- تقنية الحرية النفسية عجييييييبة في طرد التجارب السلبية -- شوفيها ب يوتيوب موفقين يا رب |
اقتباس:
|
اموت واعرف ايش صار على زوجتك
|
لا تجررررح مشاعرها ..
بالله اذا سألوووك اهل البنت ليش تريد ان تفسخ الخطبه ايش حيكون ردك ؟؟!! بنتكم مش حلوووة !!, مو بنفس المواصفات الا انا اباها ...؟ تررررى اعرف كتيرين اخدووو ملكاات جماال ,لكن اخلااااقهم مش حلووة .. ايش الفايده تتزوج وحده حلوة بس ماعندهاش اي خلق ؟!! الزين ما يكمل .. دمت بووووووود=) |
ياحليلك تمرجل ياوليدي
ماقصرو معك خلوك تشوفها وانت قبلت بها وش تبي زود ... انا رفضو اشوفها ولقيتها اقل بكثييييييييييير من اللي براسي ومن اخواتها ومن اخوانها بعد ... لا ومن امها -صدق - ومع كذا قبلت فيها لاني انا اللي رحت لهم ... صحيح بعدها ماصار نصيب وصار الطلاق باسباب اخرى ... سؤال ؟؟؟ انت مزيون واللا كشبار وتبي ملكة جمال ... |
| الساعة الآن 08:29 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©