|
اقتباس:
الله يهديك وليش تقول لا وش فيها الطقاقه حلاة العرس بطق وترا الطق مافيه لاموسيقى ولايحزنون اهي شافت انك رفضت هاذا الامر شكلها قالت اجل وبعدين لو اطلب شئ ثاني انا اتوقع انها تحسبك بخيل يوم قلت لا قالت خلوني اهج قبل مايسيطر علي ببخله |
شكرا للجميع
من ناحية البخل والكرم اتوقع يكفيها اني بوديها اوروبا هي اصلا بحياتها ماسمعت ان اهل ديرتنا احد منهم راح اوروبا ....... انا ادري ان فيه اسلامي بس ماكنت مقتنع فلذلك رفضت الى هنا الوضع طبيعي لكن انها تطلب الطلاق تفكير :15: يعني الموضوع وصل لحد المساومه ومشكلتي مااحب هالطريقه ابدا ..... |
عليكم السلام ورحمة الله وبركاته أخي الحياة الزوجية ليست ساحة مقايضات ( انا بوديك اوروبا يعني اسكتي ) ولا هي تهميش للآراء ( موضوع الطقاقه مو ضروري ) برأيي أن أولى أساسيات بناء حياة زوجية سعيدة : التجاوز وترك الجدال والتعصب في الرأي وكلاكما لم يحسن ذلك. أرخ ِ الحبل قليلا ً ، وتجمّل كثيرا ً وآثر على نفسك لإسعاد أحبابك. وفقكما الله وأسعدكما. |
طيب والله السالفه ماتسوى
انت قول لها بجيب لللك طقاقه وانتهينا والله ترا ماتنلام حلاة العروس تنزف وطقاقات يطقون لها تبي تفرح كلمها وراضيها اكيد ضاق صدرها هاذي ليلة فرحها مستحيل عمرها راح تنسها ولا ارسل لها رساله الف صلاة وسلام عليك ياحبيب الله محمد ياورود ويازهور ويابلابل ياطيور يادرر وسط البحور ياخلايق يابشر الف صلي عليه سيدي سيد البشر :14::14::14::14::14: الله يوفقكم يارب ويجمعكم على خير |
صح مهمه الطقاقه
بس ماتوصل لدرجة أنها تخيره بين الطقاقه أو الطلاق فهذي وبكل صراحه تفاااااااهه كان ممكن تجيه بطريقه حلوه تقنعه فيها مو ياأيه ياطلاق !!! |
أنا أفهمك أخي
السفينة يقودها ربان واحد ومساعده لا ربانين القرار النهائي يعود لك لو كنت مكانك ، لن أطلقها و لن أشتري لها الطقاقة و أتركها تنتظر حتى تعود إلى عقلها |
كم عمر زوجتك كي نفهم تفكيرها
|
أخي الكريم
مو على طقاقة أو مصورة,بتطلب الطلاق لكن رفض بدون سبب فقط. مو معقول لازم فيه سبب !! هل كذا مزاج ,,,لأنها أعتقد اتخذت قرارها على أساس تحكمك و فرض آرائك بدون أي مبرر..هل كان هناك مواقف أخرى لرفضك أشياء بدون مبرر,, |
الله يهديها يارب الطقاقه مو سبب ابدا للطلاق
اسمعني اخوي يمكن زوجتك صغيره وتسمع كلام اللي حوالينها يمكن هي فعلا تحبك بس يضغطون عليها بالكلام اللي حوالينها اذا انت تحبها حاول تحل الموضوع بشكل ودي او كلم ابوها وتفاهم معه يمكن الحريم يخططون من وراه وهو مايدري وعندي نصيحه اخوي حاول تتطول فترة الملكه اكثر عشان تفهمون بعض اكثر لو الله اختار لكم تفترقون الحين احسن من بعد الزواج واستخير الله يوفقك |
اقتباس:
انا قلت لكم فيه طلبات اما محرمه او مااقتنعت فيها وكانت طريقتي فيها التاجيل( يصير خير) او المناقشة والاقناع ... يعني مافيه شي قلت انا ماابي وخلاص ... انا اتمنى تاخذون الموضوع ككل ... انا مااشاوركم الطقاقه مهمه واللا لا ؟؟؟ تلخيص الموضوع ( البنت تطلب طلب وتساوم عليه بالطلاق انا هالشيء ازعجني ومااشوف البنت تستاهل التضحيه اني اتنازل عن رايي رغم اني احبها لكن عالاقل الوحده لاصارت تبي تغلى يكون عندها شي يحمس زوجها يضحي ويتنازل لاجلها) البنت عمرها 20 والزفه عندنا عيب يعني مافيه بنات ينزفون بالعايله من بيتها لبيت زوجها او الفندق ... |
| الساعة الآن 08:44 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©