|
الأخوه اللي قبلي كفوا ووفوا وخلاص أنسي الموضوع يفكروا زي مايفكروا المهم أك ماسويتي شي يغضب ربي
بالعكس لك أجر على هذا الفعل أنتي وزوجك وبصراحه خيره لك أنتي وزوجك أن الرفض جاء منها لأنه جد ماتليق على الرجال بسبب اسلوبها الصعب حتى مع أمها !! الله يهديها بس |
بالعكس ماشاء الله عليك رايتك بيضاء
على قولت المثل يابخت من جمع رأسين بالحلال ! انتي عملتي الي عليك والله يجزاكِ خير وماشاء الله كان صدرك وسيع معها بالرغم من اسلوبه الجاف معك هذا بدل ماتشكرك والعريس حسب ماقلتي من مواصفات مناسب مره |
احسس انو خيرره لك وللعريس
هيه طباعها صعبه الله يهديها .. ولو قبلت فيه بالضغط عليها اتوقع بتصير مشاكل بالمستقبل بينهم لو تزوجته .. وتنحرجوو انتي وزوجك قدام الرجال شكله انسان طيب وربي معاه وموفقه الله يرزقها ويرزقه وانتي لاتندمي على خير سويتيه والله اعلم بالنيات انسى السالفه ولايهمك كلامها لانو الكل عارفها هيه وكمان عارفينك انتي مين ولاراح احد يظلمك بشئ |
الله يهدينا واياها ماتعطي نفسها مجال للتفكير بعقل بسبب عنادها وعصبيتها .. الأحسن انك ماعاد تفتحي الموضوع معها ... |
أبغى أقولك نكتة :d
يقولك في واحد أنقذ غريق ورجع رماه في البحر لييش ؟ عشان يطبق المثل : اعمل الخير وأرميه في البحر :d عادي ، يا ما في ناس تخدمهم وتتفانى في خدمتهم لكن ما يبان فيهم فدايما خلي شعارك ( اعمل الخير وارميه في البحر ) ولا تنتظري شكر من أحد وتوقعي كل الاحتمالات وأسوأها مع إن الموقف هذا بصراحة ما تنحسدي عليه : اقتباس:
ومستعد أمشي في جوازات مو جوازة واحدة لو كنت أقدر بغض النظر عن ردات الفعل القاسية وإذا زوجك يقول امشي في جنازة أنا أقولك يا بخت من وفق راسين في الحلال إنت سويتي اللي عليك وأجرك إن شاء الله ما يضيع سعيك في هذا الموضوع هو سعي إيجابي حتى لو كانت النتيجة عكسية وأنصحك لو في واحدة تانية من قريباتك جالها عريس عن طريق زوجك ما تترددي في لعب دور الوسيطة وما في مانع تشتغلي خطابة :d وعملك هذا هو ترجمة إيجابية لصلة الرحم وإنت حبيت تساعدي أهلك وناسك وكله بأجره بس أهم شي لا تخلي الموقف هذا يعيقك عن عمل الخير مستقبلا الله يوفقك |
ههههه القصة ضحكتني وحاسة انك منفعلة وانتي تكتبي يحقلك
رااي البنت دي ابعدي عنها احسن وخلي وظيفتها تنفعها وانا بي عمر 30 لو جانى مطلق وعندوا بنت مااوافق |
ينقل لقسمه الأنسب
|
بالعكس ياأختي ماغلطتي انتي نيتك سليمه وهي جمع رأسين بالحلال
سبحان الله خير تعمل شر تلقى بعض الناس ماينفع فيهم الطيب اذكر مر علي موقف قريب من موقفك اتصلت علي احدى قريباتي وقالت لقيت لابني عروسه وابيك تروحين مع بنتي تتعرف عليهم لاني تعبانه قلت ابشري بس بشرط ماتسألوني عن رأييي لاني مابي اتدخل قالت خلاص ولما رجعنا صارت تسألني عن انطباعي عن العروس واهلها قلت لها بينا شرط انك ماتسأليني وبعدين تم الزواج وفي ليلة العرس صار مشكله بسيطه بين ام العروس وام العريس وكنت انا قريبه منها وهي تكلم اختها وتأشر علي وتقول هي الي ورطتنا فيهم انا تفاجئت من الكذب عيني عينك وبعدين كلمت بنتها على كلام امها واعتذرت لي قالت ماعليه سامحيها هي حرمه كبيره وتنسى ومره ثانيه بس الحمد لله ماهي مثل المره الاولى قال زوجي زميلي يدور على عروسه قلت جارتي عندها بنت وبعدين وافق زميله وجاءت والدته واخته وزارو جارتي وبنتها وتم الزواج على خير وبعدها خطبو اختها لولدهم الثاني والحمدلله جارتي دائماً تدعي لي وتشكرني |
|
تعرفي انه اللي حصل خيره ليكي؟؟
لانه هذي البنت حتى لو اخذت هذا الرجل رح تفشلك وتفشل زوجك لانه عقلها مو موزون وباين انها مزاجيه والدليل لما كلمتيها اول مره مزاجها كان رايق واتحمست للموضوع وثاني مره مزاجها معكر قلبت الدنيا فوق تحت .. بس على فكره فيه ناس ممكن تفهم قصة انه جبتيلها عريس مطلق ببنت بطريقه خاطئه لانه اتذكر مره وحده من قريباتي تزوجت وبعد ما تزوجت اخو زوجها قالها اخطبيلي احد من قرايبكم ابغى اتزوج منكم بس هذا اخو زوجها سبق له الزواج وعنده طفل المهم البنت كلمت وحده من قريباتي بحسن نيه وتعالي شوفي ايش سوو فيها العيله اخذوها تريقه وانتقاد انه كيف ليكي وجه تجيبي عريس مطلق وببنت لقريبتك البكر.. ممكن تؤخذ بحساسيه .. عموما ربي نجاكي من المصيبه اللي كنتي حتدخلي نفسك بيها ولاه كمان كل ما اضاربت معاه رح يدخلوك انتي وزوجك بالنص لانه انتم اللي جايبينه وانتم اللي مادحينه وهما طبعا مارح يشوفو الغلط على بنتهم اكيد دائما حيركبو الغلط على الزوج.. |
| الساعة الآن 10:19 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©