|
سلام عليكم . وش لي حادكم تنامون بغرفه كل واحد ينام لوحده افضل لو حدث شي اثناء النوم حركه او صوت غير مرغوب فيه ممكن يسوي يسوي رد فعل نفسي وتكوين انطباع عن الاخر الحمدلله يوم كنت متزوج ماكنت انام الا لوحدي بغرفه والمره تنام هي وصغارها وكنت مستانس ومبسوط :d لاحد يجي يقول المره هجت منك عشان هالسالفه :( لكل انسان قناعه ووجهه نظر
|
اقتباس:
تخيل انك تعاقب شخص طول الوقت بينما هو ما أخطأ خطأ يستدعي هذا العقاب كيف بيكون شعوره ؟؟ انفصالكم بالغرف أدى لجفا وهذا الجفا يزيد مع الوقت ومع الجفا يصير التنافر حتى أثناء النهار وما تعود الأنثى تشعر بولاية زوجها عليها ولا تحب تسمع منه كلمة ويصير فراقه سهل . أتكلم عن واقع تجربة مو تنظير أخي الكريم .. تجربتي وتجربة من أعرف من النساء حولي .. كل زوجين منفصلين بالنومة أجد الود بينهم مفقود والاحترام قليل إلا من رحم ربي لكن بدرجات تتفاوت بحسب مدة الانفصال |
انا عن نفسي كنت انقهر من انه ينام بالملحق...
بس الحين لان زوجي راعي شخيــــر عظيم جدا جدا ... من جد مادري من وين يطلع هالصوت ع انه نحيف ولا فيه لحميه ولا شي...فصرت المح له انه يعالج او ينام بمكان ثاني والله وش اسوي غصب عني انا حساسه ممرره في النوم ..لو ترقا نمله ع مخدتي حسيت فيها<<< مبالغه:) بس الحين له 3 شهور ماينام معاي بصراحه صرت ازوعه ماتحمل منه شيء ابغضه سبحان الله صدق اذا بعد عن المخده بعد عن القلب...انتظر بس يخلصون العيال من الاختبارات واهج عند اهلي لاني طفشت منه الله لايعاقبني بس.. وانت اذا مافيك شي بس انك تنزعج بالنوم ارجوك لا تخليها عااااااده والله بتتغير حياتكم للاسوء نصيحه.. تقبل مروري.. |
نعم يؤثر على الزوجة حتى لو قالت ما يأثر ,,فسيظهر أثره بعد فترة ,,,
لحل وسط اشدد عليها ان تنظم نوم الأطفال , أو ان تنومهم خارج الغرفة(غرفة خاصة لهم) ثم تأتي لتنام في غرفتها |
اقتباس:
صديقتي زوجها يشخر وما تنام أغلب الليالي إلا ساعتين أو 3 لكنها تقولي مستحيل أترك غرفتي حطي قطن بأذنك ... اصبري الى أن تتعودي .. اعملي أي شي حتى تحافظي على بيتك |
رد
نعم يؤثر لانه اذا تباعدت المخدهـ قلت المودهـ... مادامك اعطيتها حقوقها كزوجه :25: لازم تنام عشان الدواااااااااااااااام... مرت علينا وكنا متافهمين لكنها فتره وعدت ونصيحه مني كوني انثى لاتطول مده بعدك عن غرفة نومــك... |
أخي الكريم.. الإبتعاد الجسدي.. يليه إبتعاد نفسي.. وعاطفي..إلخ أكيد.. الموضوع يؤثر على علاقتكم سلباً.. والتساهل فيه يخليها عادة.. أي زوجة تحتاج قرب زوجها منها.. بكل النواحي.. لأنها تحس بحبه و قوة العلاقة بينكم وبالأمان.. عندك سريرك في غرفتك.. تروح المجلس ليه؟؟ كم أعمار أطفالك؟؟ إذا لسة رضيع .. من الطبيعي ينام معاكم .. ومحا يزعجك كتير لو صحي مرتين بالكتير.. لو كبار .. لازم توفرلهم غرفة خاصة.. أو تستحمل وتنظمو وقت نومهم إلين ربنا يفرجها عليكم.. |
يقال ابعد المخدة تبعد المودة :)
اكيد من الافضل النوم بغرفة وحدة .. و التعود على النوم جنب الشريك وان كان على صجة الاطفال فا عودوهم يناموا بدري بغرفتهم .. سواء باللين او بالحزم |
ضد هذه الفكره تماما
ايش ايلي ينام لوحده لا والف لا حلو الزوجين يناموا مع بعض وقبل النوم يكون هناك حكايات ومزح واذا كان علي الاطفال الزوج الذي يريد ان يحافظ علي بيته يتحمل ازعاج اطفاله ويطول باله ويعتبرها نوع من المسانده للزوجه حتي لو عنده دوام بشوية ترتيب للوقت تنتهي المشكله ا |
عندي طفلين
الاعمار سنتين و سنه تقريبا صعب جدا انظم نومهم بالدقيقه وبالثانيه بس زوجي مهمه عنده الدقيقه والثانيه لان دوامه من الفجر وماعندنا الا غرفة نوم وحده لما يريد ينام اخذ الاطفال واطلع برع الغرفه لين مايتعبون بعدين ارجع الغرفه عشان انومهم واخر شي انام صح اللي اسويه ولا غلط |
| الساعة الآن 10:53 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©