|
حبيبتي.. الله يفرج همك ويريح بالك.. أنا من رأيي في هذه الحالات المصارحة بأسلوب مؤدب هي أفضل حل.. ومدامك صارحتيه.. ومانفع خلي أحد عاقل من أهلك يتدخل.. فكري كويس واستخيري وادعي .. وجربي مرة تانية إذا حسيتي مافي أمل لازم أحد يساعدكم.. أي علاقة بين شخصين لازم يكون أساسها (الإحترام) أما أسلوب السب والتجريح لضعاف الشخصية.. أتوقع زوجك مضغوط في عمله .. وبيحاول انه يحققلك رغباتك بس موقادر والله أعلم.. إذا كان وضعه المادي بسيط .. استحملي انتو لسة في أول حياتكم.. لازم تشجعيه و تعطيه دفعة ايجابية ووقت الفراغ اشغليه بزيارات .. هوايات .. والله يصبرك يا أختي أغلب الرجال للأسف أسلوبهم جاف ومايعرفو كيف يحتوو المرأة.. مع العشرة.. كل واحد يعرف طباع التاني ويراعيها .. مو يمشيها على التاني ودائما أول سنة زواج تكون فيها صراعات اثبات الشخصية.. إن شاء الله تنحل مشكلتك.. خلي لسانك حلو على طول حتى لو كان معصب.. وأعرف الي ليكي والي عليكي.. |
السلام عليكم ورحمة الله وبركآته
اختي ،،، في البدايه اود ان اذكرك انتي وغيرك بشيء،، الكثير غافلين عنهـ وهو كثرة الاستغفآر اذا اكثرت من الاستغفآر ربي رآح ييسر امورك باذن الله ،،،، امآ بالنسبه لزوجك الله يهديه فانا اتوقع ضعف الوازع الديني عنده هو اللذي مؤثر على حيآتكم وهو الان يعيش في دوامه لا يعلم مايفعله يسلك مسآلك الشيطآن والعيآذ بالله ،،، اما بالنسبه لك فكوني قريب من الله واصبري فان الصبر مفتآح الفرج لا تطلبي الطلاق فهذا محرم ولكن اصبري ولا تحاولي ان تكلميه او ترسلي عليه اي رساله فسوف يعوود هو وياخذك دون شك فانا مرت علي مشآكل اكبر من كذ1 وصبرت ونلت في الحقيقه ولكن للاسف الى الان وانا ابني ما هدمت ولكن لايعني هذا ان الدنيآ وقفت بالعكس لابد ان الواحد يصبر ويحتسب اما بخصوص البيت فلا بد من شقه وهو من حقوقك في الشرع اما اذا كانت لديكم ازمه ماليه فاصبري على ذلك واحتسبي الاجر فان كان رجل فعلا سوف يعوضك عن مافآت واذا عدتم الى بعض ان شاء الله اذهبوا الى الحرم المكي وخذو لكم عمره لعله يتوب عن مايفعله ولدي كلام كثير اختي ولكن لااريد ان اخوض في اشياء ربما تكون صآئبه وربمآ لا تكون فخذي كلامي واعملي به فاباذن الله تتيسر اموركم كل مااطلبه منك هي الدعوه لي ولوالدي |
اقتباس:
^ ^ صدقيني يا أختي أن هالجزء من موضوعك هو سبب كل اللي صاير ، أنا على سبيل المثال بعض الاحيان أطفش من زوجتي لأني أحس أني أقدم وأقدم وأقدم وهي بس تبغى تكون مستقبله وتبغى تكون الدلوعه وتبغاني أضحكها على طول وأفرفشها على طول وأبسطها طول الوقت وأخرجها وأسفرها وكل شيء ، وانا في نفس الوقت ما أشوف أنها جالسه تقدم لي شي ، يعني لدرجة أحس أني انسان وصلت لمرحلة السذاجه من زود الطيبه ، وأضطر اني اسحب نفسي لأني ما لقيت اللي تسولف لي واللي تخليني ارتاح في بيتي حتى في أبسط الأمور ، مثلاً : ترتيب الملابس في الدولاب بعد الغسيل << طبعاً أنا لما اي رجل يجلس مع أصحابه يقولوا حظك تزوجت وحصلت كيت وكيت وكيت ومن ضمن الأمور يقولون تصحى من النوم وتفتح الدولاب تحصل ملابسك كلها مرتبه ومعطره ومصففه صح ، هنا أي رجل ما تكون ملابسه بالشكل هذا يوقف يفكر في نفسه ويقول فعلاً حتى ملابسي الداخليه ما ترتبها في الدولاب , واضطر اني اروح ادورها على نشارة الملابس من وقت غسيلها قبل يومين!! أكيد ان زوجتي ما تفهم أو متعمده ، وحظ الناس اللي حولي امورهم مرتبه الا انا كني عايش عزوبي ، فهذي أمور تضر الحياة الزوجيه وتؤثر على الرجل فيضطر انه يرجع للعزوبيه وشباب العزوبيه وسهراتهم لانه ما اختلف في حياته شي وشاف ان وضعه وهو عزوبي مثل وضعه بعد ما تزوج ، بس الفرق الوحيد انه وقع في ورطه كبيره وهي هالزوجه اللي تبغى واحد يحتويها ليل ونهار ولا يفارقها أبداً وهو جالس في جو مليء بالكآبه بالنسبه له , لانه قبل الزواج الناس كانوا يقولون له والله الحياه الزوجية استقرار وراحه وتحصل امورك مرتبه على الآخر ، تحصل ملابسك مرتبه ومغسله ومعطره ، واذا جيت من الدوام طفشان وتعبان تحصل زوجتك متزينه ومحضره لك كم كلمه حلوه ومحضره مع الكلام الحلو كوب عصير وبعده أكله طيبه،، فيفكر الزوج ان الامور بتكون كذا وينصدم بواقع آخر وانا اتوقع زوجك كذا لانه قال هالكلام وصدقيني هالكلام ما طلع من فراغ ، صدقيني زوجك لو يجي المنتدى ويكتب موضوعه بيقووول كلام كثير جداً وبيحكي معاناه هو يعيشها , بس انتي تفكرين انه تغير بدون مبرر ولا سبب .. أختي أنا ما أحملك الخطأ او لا تفكرين اني ضدك لكن جهل أغلب البنات بالحياه الزوجيه هي من جعل الأزواج يخرجون بلا عوده من المنازل ، وأيضا تصور النساء أن الزواج هو أن يأتي الزوج من العمل مستعجلاً متلهفاً لها وأن يقدم لها أطنان من الورود يومياً لحضرة جنابها وأن يغرقها بالكلام الرومنسي ، وهي جالسه ساكته آكله شاربه لا تقدم ولا تعمل أي شيء لهذا الزوج << فهنا المحضور بالنسبه لنا كرجال .. أختي انظري كيف طريقة تعاملك مع زوجك سواء في الكلام أو في ملابسه أو في نظافة البيت أو في التعامل , أو في أي شيء من الأمور الزوجية ، أنا لا أقول انظري في هذه الأمور من منظورك الشخصي لكن ادخلي إلى المنتديات وابحثي عن كيفية معاملة الزوج وماذا تفعل الزوجه لزوجها وغيرها من مواضيع رومنسيه وغير ذلك ، وصدقيني ستكتشفين ان هناك نسااااء دواهي في التعامل مع الرجل , تعلمي منهم واستفيدي .. عموماً أنا انحرفت عن موضوعك كثير لكن استنتجت من خلال هذه الجمله المقتبسه عالياً أن زوجك يعاني وهذه الجمله خلفها أمور كثيره جداً وحبيت ابين لك انك قد تكونين على خطأ في حياتك الزوجيه لأن اغلب الرجال ممن يشكون لي يعانون من هذه النقاط مما يجعلهم يملون من البيت بسرعه .. اما بالنسبه لموضوع الخيانه فتأكدي أولاً ثم هذا يحتاج إلى موضوع لوحده .. عموماً أعانك الله ووفقك وأما الرجال الذين يعانون كما شرحت عالياً فأقول كما قال الشاعر " مالك الا الصبر والجنه لقاها من لقاها " وفقك الله وتأكدي أن الطلاق ليس بحل أبداً ولا تفكرين فيه ابدا |
ادا عن واجباتي كزوجه لزوجي انا ماقول انا كامله فيني نقص اكيد بس كنت احاول بقدر ماقدر اني ماقصر معاه
ماري احس وجبات الاكل عنصر مهم لسعادته ورضاه فكنت احاول اني ماقصر فيها ابدا بتكلم عن نضامي اول ماتزوجت كنت اصحى بالصباح عشان اسويله فطور كان ياكل بس مو كثير يتعبني واحيان كنت اصحى واسويله في الاخير يقول مابي ليش تسوين فسرت من اليل اساله اش تبغا فطور بكرا يجاوبني ولا شي وكل مره اساله نفس الجواب قعدت فتره شهر اساله عشان ابري دمتي في الاخير استنتجت انوو مايبغا فطور صباحي .. سرت اعوض بالغدا اصحى من نومي على طول عالمطبخ احضر له اكله يجي والبيت مرتب والاكل خالص اش يبغا اكثر من كدا اما ناحيه العشا فمايمديني ابدا يرجع انثاعش وحده وينام ادا جا بدري سالته في ناحيه اكلو ماقصرت مع دالك ينتقصني انتي نفس الاكل دايم انتي قرفت مرات احتار وش اسوي له فارسله مسج يجاوب اي شي فاسويله اي شي هوا قال كدا مو من حقو ىزعل دوقو في الاكل متعب جدا السطله نوع واحد بسس الرز اكس عليه مستحيل ياكله المكرونات فين وفين الاكلات الجديده مايحب يجربها يتقرف خضار بس بطاطس الباقي نوو فاحترت معاه ادا سالته واهتميت انتي بس تسالين بالاكل نشبتيلي خلاص سوي اي شي وسار يقولي انتي ماعمرك سويتيلي لافطور ولا عشا اشلون اسويله وهو مايبي ادا سالت يقول لا ليش يحاسبني ملابسو هوا وربي مو عشان امدح نفسي ولا شي هوا ثوبين عندو فقطط لاغير اغسل واحد يتوصخ الثاني فالغساله مشبوكه اربع وعشرين ساعه استناه يجي يحط ثوب يكون الوقت متاخر بس ماعليه اهم شي عندي كان زوجي يطلع بالمضهر الحلو واصحى الفجر اصلي واكوي ثوبه وشماغه واعلقه وانام بس لاا ماقالي شكرا مع مرور الايام سار يدور شي ثاني سار يقولي انتي ملابسك لها سنه ماغسلتيها هدا دليل عالكسل وانتي بس تبغين وتبغين طيب ابغا افهم اش دخلو بملابسي اهم شي ملابسو مرتبه ودولابو مرتب يدور العيوب ومايدكر الايجابيات الي انا اسويها قسم بالله اقول مايستاهل شي انا بمناسبه مرور سنه كامله على زواجنا قلت بسوي عيد زواج لنا فكنت المح له من فتره انو الله بقى اسبوع بس ونكمل سنه سبحان الله هوا مره ضد الي يسون اعياد يقول تقليد بالغرب قالي واحتفلي الحالك ماني جايب ولا شي قلت عادي اهم شي اني انبسط بعزم امك واخواتك وامي يجو وانتا براحتك افي نفس اليوم رحت مع اخته وجبت له هديه وكتبت له رساله في كلام حلو وخبيتها لليل ناديت اهله على قهوه خفيفه انبسطنا مره وسوالف وهيك بعدها راحو اول مراحو على طول راح الغرفه ينام قلت لا مافي دا اليوم ماراح يتكرر كثير ابيك تقعد معاي شوي تكفى قسم بالله قعدت اترجى واترجى دمعت ورحت وخليته قعدت خمس دقايق الا هو جاي قالي بس شوي وبروح انام تعرفين عندي دوام طيب ادا دوام يقهر ربع ساعه وروح نام المهم قمت جبت له هديته استحى وقالي لليش تجيبين انا ماجبت لك شي قلت لاني تدركتك مانسيتك وفتحها وعجبتو بعد مرور اقل من اسبوع تهاوش معاي مادكر السبب لانو طبيعي بيكون تافهه وقاعد ينافخ وقالي ترا الحفله ماكنت مبسوط عشانها كنت اكدب عليك وانتي قليله ادب كل شي تبيغينو غصب الخ .. ويعني ياليت لما يغيب معوضني باشياء ثانيه لا طول الوقت مشغول لابعد حد اهلي ماكانو يقصرون معاي يودوني يجيبوني كان يتضايق بس اقولو اش اسوي انتا مشغول فسرت بين فتره وفتره الجا لاهلي مو كثير عشان ارضيه بعدها بفتره سار يعيب على اسلوب لبسي وش يرضيه مادري تبعت وياه وتعبني معاه اصاارحه اش تحب اسويلك اش تبغاني البس يقول لا كداعاجبني على مين عاجبو وهوا بس عيوب في عيوب ــــــــ اما مضوع الشك وانو يبغالو جلسه تعبتتت مادري ادا فتحتو في البيت قلب الموضوع عليا ونام ادا ارسلت له جوال رد علي انتي تعبتيني بحياتي وجرحتيني خلاص ادا ماتبغيني قولي لي سرت اشيل بقلبي وياثر عليا بحياتي اسير سرحانه ومعبسه مادري اش اسوي بس الكلمه السريه الي بالجوال ادتني خلاص ماقدر اثق احس في اشياء مخبيها عني من فتره كان يوري ابوه الجوال يقول ان البنات ادوه وقاعدين يضحكون قال الله يشفي البنات بزران وكدا انا نغزني قلبي يعني اكيد في بنات بجوالو وطبيعي بيرد يستهبل هدا ادا كان يدق ويتصل خلاص لااراديا انعدمت الثقه ماقدر اثق فيي من الي شفتو بحياتي |
زوجي اول مارجعنا من البعثه قعد شهر بدون شغل لان على اساس يرجع يكمل دراسه لكن مادري اش سار له فجاه اتاجلت لمده خمس شهور والان تاجلت الى وقت ليس بمعلوم!!
فسار يشتغل مع اهلو هما يشتغلو بالتجاره وهيك والمكان الي يشتغل في اخوه هوا المدير يعني مو صعب ولا مضغوط يقدر يروح بكيفه وشغلته مو اساسيه بسيطه وراتبها لايكفي للمعيشه ومع هدا صابره يروح دوامين بس عالفاضي يعني راتبه الي يستلمو مايكفي التعب الي يتعبو يعطيني خمس ميه سوي فيها الي تسوي موتي احرقي نفسك مازيد عليها ادا ابغا اهدي هدايا منها ادا ابغا اشياء خاصه منهاادا ابغا السوق منها الحين عشاني كنت اطالبو بانترنت يقولي انتي اشتري الجهاز !! يجيب مقاضي البيت مره وحده بالشهر.. مرتين يعتبرني مبدره ويهاوش طيب فياشياء كثيره تقعد اسبوع وتخرب ماتطول ونا اشوف ان مره وحده قليله مفروض مرتين تمشيات نااادره سفرات اتحلمم مجرد شعور بالحلم فقط ومع هدا يجي اخر الشهر مفلس كيف مادري المشكله ياليت يجمع فيها ويشتري اشياء للبيت ياليت يجمع مره ويفاجءني بسفهر لو يومين بس انا راضيه حتى لو بالسياره بمجرد اني افتح معاه الموضوع حصول معركه فوريه وادا ماكانت فوريه اعرف ان اليوم الي بعدو بينكد عليا يدخل في مشاريع بدون استشاره ليا ويضيع الفلوس فيها انا اول كنت اكلمو حبيبي باقي بدري عالمشاريع تونا ممتزوجين خلينا ننبسط نكمل مشروع البيت وبعدها سوي الي تبغاه وربي بوقف معاك وبساعدك بس ابغا ارتاح في بيتي اول عشان نرتاح سار يقولي بعد فتره انتي نكديه وانتي تحبين تحبطيني مافي مره تشجعيني ... سرت اشجعو واجامل على حساب ولا شي انا لما يوضح لي اغلاطي كنت عللا طول اصلح نفسي احاول اغير الشي الي ماعجبو بس هوا مايعدف نفسو جفاف في جفاف |
اقهريه ولاتردين عليه
ارسلي له رساله : ( اشكرك على كل اللحظات الحلوه اللي عشناها مع بعض وانت معك حق .. انا ماعمري سويت لك اي شي حلو .. وانا ابيك تطلقني وتلقى الانسانه اللي تسعدك وانا وانت مالنا نصيب مع بعض .. وانا ابي اعيش باقي حياتي مع شخص رومنسي وحنون يحبني ويقدرني ويدلعني) وقفلي جوالك ولا تخلين له فرصه يسبك او يغلط عليك او يهددك بالطلاق ... انتي اطلبي الطلاق خليه يحس انك بايعته .. خليه يحس بقيمتك وينقهر على خسارتك انا مجربه صدقيني بعدها بيلزق فيك لزقه لكن اصبري واثقلي وان فتحتي جوالك بعد فتره طويله قولي له بصوت منخفض .. لاترفعي صوتك قولي له وفهميه ان انتي وهو ماتصلحون لبعض وانك تعبتي من حياتك معه وتبين اللي يدلعك ويعيشك ملكه وان الف من يتمناك .. وقولي له : انت ماقصرت معي بس للاسف حنا مانناسب بعضنا والله يوفقك مع غيري حاولي تخلين جوالك مقفول علطول او غيري رقمك واجلس شهر او شهرين وبين فتره وفتره فتحي جوالك وشوفي وش عنده بس لاتبيني له ضعفك .. وخليك مصره عالطلاق وان قال لك بتزوج عليك قولي له حلالك روح تزوج لكن طلقني |
اقتباس:
حرام والله التحريض زوجها ليس بسكير والا عربيد ولا راعي خراابيط بس عدم توافق في الأمزجه وهذه لها عدّة حلول أما ماذكرتيه والله في وجهة نظري هو تحريض فقط العناد في الحياة الزوجيه لا يأتي بخيير والله لايأتي بخير. . حاولي تصلحي الأمر بالحكمه دون الشدّ والجذب في الأمور. |
الملاك يونا .. انا ماقولك اني طبقت كل الي كتبتيه بالحرف الواحد
ارسلت له اني اسفه ماقدر انفد لك طلبك اتدكر شكلي ونا ابكي وترد علي الحمدله والشكر هدا اخر مشهد مولم بحياتي راح تشوفه تدكرني راح تكون اخر رساله مني بتجيك بفارق دنيتك استانس وعيش مبسوط ومارس كل الهوايات الي حرمتك منها نام براحتك واصحى براحتك تدكرني بالخير وبدكرك بالخير واستر علي وانا بستر عليك وكتبت ان اليوم .... كان اخر ايامنا سوا استودعك الله واتمنى ان تجد الحياه التي تتمناها بسس ولا ارسلت شي بعدها ولا رديت عليه بعدها ارسلي الى الان جالس اتدكر الشي الانثوي الي سويتيه ليا امانه تتدركين لبسك اربع وعشرين ساعه مثل ماهو ماشوف شي فيه كل سوالفك بصبغ شعري جيب فلوس ملابسي ضيقه ابي فلوس سوي البيت لاتجيب اثاث الا لمن تغير البيت وطفشانه ووو ورب الكعبه ابي شي انثوي متسفحله باسلوبك حتى تتضاربين بصراحه ابغاك تتدكرين انك قد ارسلتي غزل لي ادا انا مقصر بحقك وكل شي قاله غلط ناكر العشره كرهتته زياده وربي اني احبه وموت بعد بس ضاق صدري يوم انه مادكر محاسني دور زلاتي وكتب عيوبي دمعت عيني ليش كدا ضلمني وربي شاهد |
وقالي بخاطري اتدكرك بالخير بس كيف اقوم من النوم باجي ولا في فطور ولا حاجه
اتاخر من الدوام وتنشبين تعرفين عندي شغل ارجع اليل اقعد معايا كيف تبغينني اخدمك حياتك كدا انا كنت اقعد معاك بالبيت اشوف قنواتك فقط وكنت اجبر نفسي عشانك يقولي متى جبرتك على فلم اسلوبك تتدكرين رجعت من الدوام مبسوط هدا وقتي برنامجي ماتقلب وتسحبين الريموت اصلي العصر بدال ماتقولين مع السلامه تقولين بقعد طفشانه دوامك وو وارجع البيت نفس سمفونيتك بتمشى لاتنام واخر شي نطلع ومن اول مانطلع البيت والاثاث وتبيغين تتمشين وتبغين مطاعم تبغيني امسك يدك بالسوق وانتي ماقد مسكتي يدي اول مادخل البيت تبغين الحب والحنان وانتي ماعمرك وربي الكعبه قد قلتي احبك الا مرات قليله ولا مره تاسفتي الا كم مره كيف اسامحك وكيف اعيش * |
ماسويله فطور لانو هوا قالي مابغا .. ماقد غيرت لبسي لانو ماقد قالي وش يحب مره سالته وقالي عاجبني لبسك ..القنوات الي بالتلفزيون وربي شاهد انه هوا الي كان يقولي على اي قناه ويحطها
ادا نسيت يعني عاجبه كلام الحب ارسله بين فتره وفتره لكن مادري ليش نكر كل شي ونسى الاسف اتاسف ادا كنت غلطانه بس هوا يبغا حتى هوا ادا غلط انا اتاسف ماينفع مسك اليد من زمااانن اول ماتزوجت كنت اقوله امسك يدي يقول لا حركات مالها داعي سكت عادي ونسيت الموضوع وهوا مانساه قعد يجمع اشياء قديمه اشياء الحب والحنان كنت باول زواجنا احاول اتجرا اسويله وفشلني ولا عدتها ابدا المشاكل الي يقولها اشياء سارت من زماان ونسيتها بعد عادي وعشان حياتنا عادي لما اقولو صارحني ادا غلطت يقولي مافي شي غلطتي فيه ويجي بعد فتره يفش كل شي فيني مماقدر استحمل كدا |
| الساعة الآن 07:45 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©