![]() |
اقتباس:
ليه الغرور نورتيني ....هذا اللي خايفه منه احد يجي ويقول انتِ مقصره وانتِ وانتِ..انا من اول قايلتله اللي مايعجبك صارحني وقول وانا بعدله وهو يقول والله ماشاء الله مو مقصره ويوم جات سالفتها ذكرته بكلامه قال هي بنفسي..صعب تحسين انك تقدمين كل اللي تقدرين عليه والشخص الثاني يقابلك بخيانه والدعاء والله ادعي ان ربي يسخره لي واحيانا ادعي عليها ويحز بخاطري ادعي عليهاماقد دعيت ع احد كذا حتى لو كنت مظلومه..واقرا سورة البقره من فتره واحس المشاكل تزيد..واستغفر كثير الحمد لله وربي يعين كتبت رد وطار ورجعت كتبت من جديد هههه |
اقتباس:
الله يسعدك يالغلا..رفعتي من معنوياتي |
عزيزتي ... ما شاء الله عنك .. اللي مثلك .. زوجها يحبها ... ما تفعلينه صحيح .. ولا تخافي طالما أنك تفعلي الصح... مشكلتك ليست فيك .. المشكلة بس أكثري من الأذكار .. والدعاء .. الدعاء .. الدعاء ... وافعلي ما ترينه مناسباً ... حبيبتي ... أنتي ما شاء الله عنك ما ينخاف عليك ... عقلك كبير ... وصدقيني .. النهاية لصالحك بإذن الله تعالى ... وأوصيك وصية .. أنت وعم تطبخي .. صلي على الحبيب المصطفى صلى الله عليه وسلم .. بنية الله يحبب زوجك فيك ... هذه أعرفها من تجربة وحدة كان زوجها يريد أن يتزوج عليها .. وبعد ما فعلتها .. عدل زوجها عن الفكرة من أصلها .. رزقنا الله وإياك حبه ونوره وهداه .. |
أختي الكريمة حلك أولا بين يدي الله سبحانه وتعالى , ادعي الله أن يهديك ويهدي زوجك ويصلح بيتك ... بالنسبة لمشكلتك أختي الكريمة فالذي أراه يا رعاك الله أن تتوقفي عن مصادمة زوجك والكلام عن تلك المرأة , فأراها أخذت كل حياتك بعد دخولها حياته, فهي معه في كل حين حتى في بيتك أصبحت هي محور الحديث.. الذي أراه أن تعملي بنصائح أختي سيدة الموقف فقد أبدعت لا تشعري زوجك بهلعك ولا توجيه ولا تنصحيه بخصوصها , وحاولي أن تعززي عنده الجوانب الايمانية بالمشاركة , ادعي له دوما احضنيه وضميه كطفلة حتى يشعر بحنانك أختي ... ألغي الكلام عنها تماما , وانشغلي ببيتك وبأولادك , وباذن الله يعود لك زوجك لا تدعي عليها قولي فقط اللهم اكفيني شرها اللهم رد كيدها في نحرها ... أرجو الله أن لا يجمعهما فهذه المرأة جمعت قبائح كثيرة أهمها : علاقة بأجنبي وهي على ذمة رجل آخر .. فلا حول ولا قوة الا بالله ونسأل الله السلامة والعافية |
الله يعينج يااختي ويآجرك في مصيبتك
هالناس هذيله احسن حل لهم الحقران ولا كانها موجودة ولا تعبرينها أبدا عندنا مثل بالكويت يقول الحقران يقطع المصران وعليج بالدعاء في كل وقت وفي كل حين مو بس بأوقات الاجابة لا وانما بكل وقت " واذا سالك عبادي عني فاني قريب أجيب دعوة الداعي اذا دعان" اسأل الله بأسمائه الحسنى وصفاته العلى ان يكفيه شر الأشرار وكيد الفجار وان يرزقك على نيتك ويرزق عدوك على نيته اللهم امين |
اقتباس:
امييين يارب...الله يجزاك خير على النصيحه وان شاء الله اطبقها |
اقتباس:
هلا بحكيمتنا الماضي الدفين..صح اني لي فتره طويله وانا بس صدام معاه وكل شوي اجيب سيرتها او هو يجيب سيرتها واجاريه بالكلام ونزعل من بعض كثيير بس والله من القهر اللي فيني انا عارفه بقرارة نفسي انه غلط ولازم اجذبه لي حاولت بالاسبوع الاول قبل المواجهه بس بعد المواجهه ماقدرت نهدأ فتره واحاول اتقرب منه يرجع يجيب سيرتها وكأنه يبغاني افجر كل غضبي وبعدين اطفش واقبل بالوضع لانه يقولي اذا انتِ وافقتي بعدها كل شي بيصير سهل قصده موافقه اهله بس الحمد لله انا قدرت اكسب اهله من خلال تعاملي معاهم باللطف من زمان ولو انه وقت الأزمه امه وقفت بصفه بس اتراجعت لانها صدقت كلامه عني واني اتبلى عليه..وانا ابغاها يعرف اني ردة فعلي قويه مو ع قولته تزعلين شوي وترضين لازم يعرف اني لايمكن اقبل ولا يمكن ارجعله بسهوله وكأن شي ماصار وبصراحه اسلوبه بجد استفزازي يعني يسب بأخلاقي ويشكك فيني وهي يقول عنها شريفه ويقول اتخيلها ومن هالكلام وانا اكون هاديه ولا يأثر هالكلام فيني اكيد بتنرفز وبشيل بخاطري وكل شوي بتذكر هالكلام...بس قررت بعد ماارسلتله قبل يومين وتكره فيني وتحسيها تبغى طول الوقت مشاكل بينا ويطفش مني ويروحلها وبعد مانزلت موضوعي هنا اني ابدا صفحه جديده واضغط ع نفسي واتناسى الكلام الجارح ...وقلتله خلاص ماعاد تجيب سيرتهافي بيتي لابخير ولا بشرووعدني وقال اصلا كل شي منتهي من زمان بس انتِ شكاكه(وهذي يكثر منها كل شي منتهي اجل ليه مطلع شريحه ومخبيها بدوامه وامس حصلت مرسل رساله بس مو عارفه وش فيها )..قلت بحاول نرجع مثل اول بس بالتدريج يعني شوية ابتسامه شوية كلام حلو والين ما نرجع احسن من اول واقدر انسيه اياها وبخليها تموت قهرلما تحس انا رجعنا لبعض ومابينا مشاكل:17: |
اقتباس:
اللهم ااامين.....الله يسعدك يالغلا ومشكوره على مرورك ودعائك |
اقتباس:
صح صح صح صح هذا الصح خليها تموت قهر انكم مبسووووطين ولاتجيبي سيرتها ابداااااااااااااا علشان تعطيه فرصة ينساها وكثفي دلعك بس بدون لصقة وطبعا مادخلت اكتب رد وحل لأن ماقصروا الأعضاء وانت ماشاء الله تبارك الرحمن عاقلة وواعية وفضفضتي وارتحتي وتعرفي الحل بس حبيت أقول ان المشكلة هذه خير لكم لانها وضحت لك انك تحبي زوجك بجنووووووووووووووون :22: |
اقتباس:
والله جد احس بعد مانزلت الموضوع وقلت اللي بخاطري ارتحت كثير ونفسيتي اتغيرت وصار عندي روح التحدي بدل الضعف والاستسلام...وعلى قولتك يمكن اللي صار خير لي علشان اعرف اني جد احبه وما اقدر على بعده:d الله يسعدك يا ام جمانه |
الساعة الآن 02:04 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©