|
اخوي
انا حالتي مقاربه لحالتك لكن انا ما اكتئب على نفسي مثلك وما اهتم من الناس ابد تقريباً عندي نفس ما تعاني منه بس الحمدلله جالس اتغلب عليه ولا تتوقع ان الأصدقاء وكثرتهم راح يحل مشكلتك انت رجال مانت حرمه ولا طفل تقدر تسوي كل شي حتى لو لحالك السؤال هنا انت متخرج؟؟ وش شهادتك؟ تعمل حالياً او لا؟ كيف علاقتك مع الصلاة؟؟ كيف علاقتك مع القرآن ؟ عندك اخوان واخوات؟ ابوك شديد عليك ..؟؟ تشاهد أفلام إباحيه؟؟ تمارس العاده السريه؟؟ اذا كان عندك علاقات مع بنات ترا ما هو من صالحك لأن هالشي يحد من علاقتك مع الرجال أمثالك..! شوف اخوي انا ماعندي اصدقاء خارج الجامعه ومن صفاتي اني كريم ومعطاء اساعد زملائي في واجباتهم واطلعهم على تكاليفي الملطوبه مني عشان ينقلون مني بعض الأشياء ومع ذالك ما يعرفوني خارج الجامعه وبعد التخرج بإذن الله تعالى ما راح يعرفوني انا عارف ..!! انا اول كنت مثلك ليه انا كذا وليه كذا وماكنت احس برجولتي الآن على العكس انا ما ينقصني شي الحمدلله رجال ومن متوسط الناس والمال والأصدقاء ماهو كل شي وكلام الناس كثييير لكن ارمي ورا ظهرك انظر لموضوعي http://www.66n.com/forums/showthread.php?t=221389 الأخوان والأخوات كلهم ما قصروا الله يجزاهم خير انا ابيك تشيل كل الأوهام اللي براسك وتحاول تتوظف وتدخل العسكريه ما دام ابوك عسكري يتوسط لك لو باقل رتبه صدقني اذا دخلت العسكريه بتلاقي اصدقاء بالهبل بس اذا تتحمل العسكريه انسى كل الماضي ابدا حياتك من جديد ببساطه لا تعصب ولا تحزن مهما كااان وبعد كم سنه تكون نفسك وتتزوج انت انسان طبيعي وعلى فكره ترا قاعدين نشوف اعداد كبيييره من الشباب كل مالهم ويميلون للوحده كثييير انا من ضمنهم :) طيب مو ضروري يعني تروح للسوق ولا مقهى انا ما احب هالاماكن روح قضي اغراض اهلك واخدم اهلك روح تمشى لو بالسياره ولو انت بالرياض انا مستعد اركب معك وندور ليييين يفتر راسك خليك اجتماعي اي واحد يعجبك من اقربائك تواصل معه وتوقع منه اي ردة فعل ترا انا شبه ما عندي اصدقاء وعايش حياتي عادي نوم - صلاة - بقاله - فرفره - تسجيلات - النقطه المهمه هي غض النظر ولا تتوقع ان المكالمات مع البنات راح توسع خاطرك بالعكس بيضيق صدرك ضيقه ما يعلمها الا الله الزم الصلاة ان اردت سعة الصدر والرزق الزم الصدقه >> انا مجربها اذا شفت احد بالشارع يحتاج مساعده ساعده اذا رأيت كناس البلديه تصدق عليه بعصير او خبزه او ريالين تحس بسعاده عمرك ما ذقت طعمها ولا تحزن ان ما عندك ىاصدقاء عادي هذي طبيعة بعض الناس تلاقيه يتمنى يصير عنده اصدقاء بس ما عنده وهذا قضاء الله وقدره وبهالزمن عدم وجود الأصدقاء افضل ان استطعت تكملة تعليمك كمل الدراسه بالتوفيق لك |
أسلوبك ووصفك للمشكله رائع أكيد انت كمان رائع وقادر على التغير بنفسك صدقني إنت أعطيت نعمه حرم منهاكثير أنا أحسدك حسد محمود ماشاء الله تبارك الرحمن على أسلوبك اللي أكثر من رائع وبهر وشيق ودي كل شويه تكتب كلام عشان أقرأه نمي نفسك في الكتابه بس لايكون لونك حزن أخرج عن هذا الشيء والله يوفقك وأعتقد من عنده فن التحدث ولبق عنده بالخفى أكثر |
ابني الكريم د فرح أنا حسيت بانهياراتك فأنت متهالك ولا يمكن إعادة بنائك إلا بنزع القواعد التي وضعت عليها فكل الأساسات عندك خاطئة فأدت لانهيار البناء الذي هو أنت. وأبي أعرف من المتسبب من الذي وضع قواعد بنائك؟؟ ومن السجان وما هي التهمه ليسجنك وما فائدته من سجنك وكيف سمح لك بالخروج. |
مررررحبااا اخوي
مااااراح اناديك واقولك حزن لا ابداالا انو حياااتك ان شاااء الله من لحظه هااذي راااح تكون فرح انااا مااعرف اسباب قصتك وايش حصل للك بالمااضي لكن صدقني انت تقدر تواجه اتحدي تحدي خوفك تحدي خجللك تتحدي نفسك لاتقول مقدر او لا استطيع تستطيع انت اللهم ولك الحمد بصحتك وعافيتك غيرك يتمنى العااافيه اللي انت فيهااا لكن على ماضي قد حصللك لاتناظر للورااء لانو راح يحطمك راح يستنزف كل طاقاتك انت رجل وتقدر تواجهه خوفك يكفيك هالحين انك انت تدور على حل هااذا اكبر مواجهه لانه رااح تنعرض للك اكثر ردود اصنع سعاده لنفسك وامحي مااضيك ليش ماتقول ابعيش الحب ابعيش الذكريات ابعيش الماضي ابعيش الحااضر اابعيش وابعيش وابعيش ازرع كل شئ حلو بدااخلك لاتقول انا وانا وانا القوي مين يتحدى مخاوفه ويغلب الحزن بدااخله واتوقع انت اقوى مما اتصورر عيش يومك وعيش فرحك ترا العمر نعيشه مره وحده بس وتقرب من الله كثيررر صدقني ربي ررراح يغير من حاللك لحال وبالاخير مقدر اقول الا الله يفرج همك ويفرج كربتك ويرزقك السعاده بدااارين يعلم الله الذي لا اله الاهو اني ادعيللك بصلاتي واني تعاطفت معك كثيررر ولكني اتمنى للك ان الله يغير حاللك من حال وان يرزقك سعادة الدارين ويفرج همك ويشرح للك صدرك وان يخرجك من حلق ضيق الى واسع الطريق وان يجعل سعاده والفرح وسرور يملئ صدرك وان يقيك شر الدنيا والاخره يارب يكتب للك ربي السعاده في الدنيا والاخررره انت توك مشااء الله تبارك الله لاتخلي الحزن والالم يصيبك عيش يومك كله بطوله وبعرضه بسعاده وفرح انت اصنع سعااده لنفسك اسئل الله ان يغير حاللك ويفرج همك مع سلامه |
الدمار الشامل الذي كنت تعاني منه من القيود في تحرير افكارك والتقيد بافكار لا معنى لها هذا يجر الى الانهيار والسقوط بعد.
الناس من حولك كضباب يحولون بينك وبين الاتصال بهم وحتى التحاور معهم صعب.هم غامضون متشتتون ..افكارهم غير افكارك و مشاعرهم ليس كمشاعرك.هذا الذي تفكر فيه وغيره هو نقص في تجاربك وكمال خبرتك بالغير .وهذا ما يجعلك تخشى الارتباط بهم خصوصا انك عشت مقيدا عشر سنين الا خمسا في دائرة لا يوجد فيها احتكاك بالاخرين مما سبب لك السقوط بعد محاولتك النهوظ . فالواجب عليك الان التحول من شخص سجين الا صاحب سجن اسجن الافكار القديمة في مسبحة التماسيح واغلق بابها وحرر جسدك وروحك .وثق بقدراتك واجعل الله نصب عينيك وتوكل عليه فليس لك خلاص من الهجمات الشرسة الا بالتمسك بالدين الحنيف وقراءة القران وترديد الاحاديث النبوية من رياض الصالحين وغيره . الله الموفق اخي تحياتي ليك |
اقتباس:
اسئلتك جيده ولاحظ اني ميزتها و رقمتها .. سأجاوب اول رقمين فقط 1-2 الجواب :- هو القدر وساكمل سرد القصة اقتباس:
اقتباس:
اقتباس:
اقتباس:
توضيح لقصة سجني واطلب منك مشاهده الفيديو مره اخرى ... لانه انا والله كل ما يجيني رد على اليوتيوب اجلس اشاهد الفيديو كل يوم واقرء كل كلمة كتبها انا ماذكرت اني ضعيف شخصية ومن قال لكي هذا؟ كل الذي ذكرته هو تسليط الضوء على الجانب السيء من حياتي وهو الحصار النفسي مما ادى الى تدهور الشخصية انا ما ذكرت انه فيني مرض او شيء من جسمي زيادة وزن او شكلي فا وزني وطولي وشكلي ممتاز ولله الحمد فانا لست اعاني من مرض لا برص ولا بهاق ولا وحمه ولا اي عاقة ولست اعاني من شكلي اذا كان قصدك قبح الوجه فلست اعاني منها ايضا فااللهم لك الحمد وشكر ياذا الجلال والاكرام لك الحمد يارب العالمبن نعم هذه نعمه قد يكون الانسان ينسااها نعم الصحة والعافية.. اما بصمك بالعشره اني بعيد عن الله...... فاوالله العظيم انك أخطيتي 100% في ردك ... لانك ما تقدرين تحكمين من شخص من خلال الفيديو يمكن حكمتي عليه من خلال الموسيقى التي بالفيديو صح؟ فايليت اختي وفرت ردك .............بدعاء طيب صالح لي ياليت .. انا شخصيا اصنف مصيبتي او مشكلتي الشخصية ثاني اكبر مشكلة بالعالم بعد جرائم القتل والمخدرات والاغصاب والاعتداء على الشرف ... لانه لاحد يحس فيها الا الي عايشها .. تليها جرائم الامن والسرقة.... اقتباس:
اشكرك على النصح اقتباس:
بالنسبة بالمجلس صدقت بعض المرات افعلها خصوصا بالمجلس احب الجلوس مع الناس واجلس اسمع حكياتهم وقصصهم ومعناتهم, طبعا الذين ياتون الى مجلسنا من كل الاعمار ممكن سؤال وش معنى 21 يوم؟ اقتباس:
, لساني حالي مثل: الرجل الذي يوتي به يوم القيامة وهو انعم اهل الارض وهو من اهل النار (والعياذ بالله) فيغمس في النار غمسة واحدة، فيقال له:هل رأيت نعيماً قط؟ هل ذقت نعيماً قط؟ فيقول: لا، والله، ما ذقت نعيماً قط!! فانا والله بدون اي استعطاف وبدون اي مبالغه احس اني ماذقت نعيما بحياتي كلها من كثر ماعانيت نسيت كل شي بحياتي!!! نحمدالله على كل حال ونعوذو بالله من نار جهنم والشكوى لغير لله مذله.. واني ارفع يدي وطلب من الله سبحانة وتعالى ان يرحمني و"ان" سبحانة قّدر علي ان اعيش في هذي الحياة وان اتزوجت يارب ارحمني ويسعدني لا اريد متعاب الحياة ومشاكل الزوجية والاولاد والعقوق.. فجسمي ونفسي هلكت من كثر المتعاب والمصايب لا استطيع التحمل اقتباس:
والله كانك تعرف بما يجول بخاطري كنت دائما اقول لازم اثور على نفسي وعلى حظي التعيس والله اني قلت هذا الكلام لامي .. وان شاء الله وبأذن الله الله سبحانة وتعالى لا يخيب ظني .. هذه سنة خير بأذن الواحد الاحد ... محتاج دعائكم مع الثورة .. يا اخووه عـطـر الـحـيـاه اختي : لا يوجد شيء بالدنيا يستاهل الزعل. والله وبالله اني ماشلت عليك باي شي ولادعيت عليك لكي احللك .. ربي يوفقك دنيا واخر ويوفقك بحياتك الخاصه الله يوفقك على الدعاء الطيب ... اخي العزيز غريب 2010 : اشكرك جزيل الشكرر والله ما بنفسي اي ولا لي نفس بالزواج وكاني شارب لترا من شراب الكافور وصدقني انت مو مثلي بالوحده انت حالتك احسن و افضل مني بكثير احمد ربك واشكره على النعم اما انا مثل ماذكرت بالصفحة الاولى حصار قوي جدا جدا محكم الاغلاق عزلني عن العالم .. والدنيا هذه مافي شيء يتساهل الزعل عليه , والله بودي ان ادخل المنتدى بعد مدة وافتح موضوع وافرحكم معاي واقول لكم بكل فرج وسرور انه حالتي تغيرت تغيرت ........ والله ودي وانا اسف اذا ازعجتكم معي فاقده شيء : اشكرك اختي ربي يوفقك والله فاجئتيني كنت مستحي ان يطلع موضوعي يملل القارئ احاول المثاقفه معكم لا اكثر .. اقتباس:
والله انه كلامك كبير مسكت مربط الفرس ما شاء الله عليك والله انه استنتاجك صحيح 100% لكن المشكلة هي المشكلة يعني انه المشكلة انا عارف حالي واعرف مشكتلي واعرف اشخص حالي جيدا والكلام هذا دائما اقوله واردده لنفسي من كان عمري 20 تقريبا : اقول انا خجول ولا اعرف اسولف ولا اعرف اطلع الي بخاطري لاني ما احتيكت مع الناس , واحد من اقرائي مرات يقول لي سالفه اذا ذهبت مع شخص في عمل في شركة او سفر او في مجلس رجال لازم تعرف (تحس) ماهي نفسيته وماهي نيته ... ولازم يكون عندك خبره في الناس وش مقاصدهم!!! دائما يكررها لي وش مقاصدهم!!!! تره بعضهم نفاق ورياء؟ |
الله يفرجها عليك
حزنت يقدر مايحمله اسمك ,,, د حزن لكن ان شاء الله نعتبر ماكتبته ماضي وننتظر جديدك فانت تمتلك قدرات هائله تنتظر منك الافراج عنها بقلب الرجل القوي الذي نعرفه وستصبح افضل من كل ممن هم حولك وستنافسهم يوما سيشعر من حولك بالغيرة منك ومن تقدمك وانجازاتك اسرع واخرج نفسك وقلبك وعقلك فانت رااااااائع وستثبت لك الايام كلامي |
السلام عليكم ورحمة الله ....ماشاءالله اقسم بالله انك دكتور ماشاءالله عن اسلوبك ....ياخي اتمنى ان يكون اسلوبي مثل اسلوبك في طرح المواضيع...اقسم بالله العظيم والله العظيم انني احظر الدكتوراه الان وتخرجي على الابواب يمكن 3 او 4 اشهر بالكثير واكون دكتور انني لاستطيع اعمل مثل اسلوبك في الكتابه ماشاءالله ...ياخي احمد ربك وحدتك هذه علمتك الشي الكثير الاسلوب كل شي لو ان لك اصدقاء كنت في الاستراحات او في الشوارع او المقاهي ولاتعلمت اي شي فانت اخي تعلمت الكثير الكثير ماشاءالله عنك ...والله العظيم انني كنت مثلك ابكي اقول ماعندي اصدقاء ...والان اقول المحظوظ الذي ماعنده اصدقاء من كثر ازعاجهم لي ياخي الواحد في الوحده حلوه له ياخذ الامور ببساطه ...وابداء حياتك في امور نافعه فانت اسلوبك اسلوب أنسان راقي ماشاءالله عنه اتمنى اقسم بالله ان اتعرف عليك واقابلك ونكون اصدقاء ماشاءالله عليك فأنت كنز ماشاءالله...
|
السلام عليكم د حزن
انا سجلت خصيصا لارد على موضوعك انا ماعندي حله لانوا اخواني واخواتي لاعضاء ماقصروا وزي انا مالاحظت بقصتك انو اسرتك مومؤثر عليك ا لى بسب انتقالهم الكثير بس موبسبب المشاكل ووفرولك البلاستيشن والكنبيوتر الي يعتبر فسحتك وغيرها انا بسردلك قصة حياتي حتقول ايش دخلها بالموضوع السبب عشان تتفائل وتشكر الله وانا متاكد انك حتخرج نفسك بنفسك من مشكلتك وعما قريب ان شالله .... محطول واذكر حياتنا بس ببساطه (شفت مسلسل ام البنات )هذه حياتنا مع اختلاف احنا 5 بنات واخ وابونا عاطل يصرفوعلينا عماني. .عادي لوانتي نايم وجاكي احد هبدك بكرسي اوبطاوله عادي يبي يتاكد اننا لحالنا ممنوع الخروج والسوق والصحبات والجولات ولاحتى نت او كمبيوتر يومين نطلعهم بسنه بالعيدين وبس وغيرو وغيروا جميع انواع التعذيب النفسي الي تتخيلها لوسمع صفير بشارع قال هذا صاحب واحده منكم يصفر لها ويبدا العذاب للمسكين الي وقع عليها لاختيار (بابساطه شكاااك ومريض نفسي)... صحيح هربنا منوا انا واخواتي بس مازالت حياتنا معلقه نجحت جبت امتياز بالثانويه العامه بس ماقدر ادخل جامعه جاني ابتعاث طب ماقدر اروحها زواج مانقدر نتزوج هذا لوكان في شخص شجاعه يقدر يوقف بوجه عماني وابوي حياتنا معلقه ناكل ونشرب وبس شخصيتنا مهزوزا مجتمعنا رافضنا (هذول الي هربو من ابوهم الام مطلقه والبنات عوانس .ماشك فيهم ابوهم الي شاف عليهم شي الاب ادري وانت اتخيل التعلقات الباقي)لاعمان يرضوا يوقفوا بصفنا ولاخوال (خيفين من اهل ابوي لانهم واصلين)اشوف بنات عمي وخوالي اصغر مني واكسل مني وناجحه وبالجامعه مع هذا كل يوم نصحا ونبتسم ونقول الحمدالله ... انت لسى عندك فرصه تبدا دراستك من جديد ماعندك احد رابطك انت بنفسك رابط نفسك لازم تتغلب على خوفك والحياه الي رابط نفسك فيها دورة حياتك مو موقف اوعالقه ...تحب الكمبيوترا والتكنولاجيا اهذه لحالها هبه تقدر منها تسوي كذا عمل واضف انك ولد ماعندك مجتمع متخلف نظرتوا دوني للبنت اسفه لواطلت بس حزت بنفسي عندك هالفرصه ومانك قادر تكسبها ...كل يوم تصحى في صلي ركعتين شكر انك ولد موبنت اتوقع حتكون حياتك اسوء لوكنت بنت |
اللهم اني اسألك باسمك الاعظم الذي اذا دعيت به اجبت واذا سألت به اعطيت
ان تشفي د حزن من كل مرض وسوء وان تخفف عليه الامه اللهم انت السلام ومنك السلام تباركت ياذا الجلال والاكرام فوضنا امرنا اليك ولاحول ولا قوة الا بك يارب العالمين |
| الساعة الآن 02:24 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©