![]() |
الي فوق رأي فقط ..
وإلا أنا مو مؤيده لك أبدآ ... هذا الشي الي تسوينه حرام.. |
مارح اجرحك ان شاء الله
بس ما اقدر اقول ان تصرفك صح مقدرة حالتك النفسية وادري انك مظلومة ومحرومة ولكن انتي مرتبطه بزوج بميثاق غليظ لا يقارن أبداً بعلاقتك المشبوهة بذلك الشاب يكفيك شرف انك بذمة زوج معترف فيك شرعا بغض النظر عن تقصيره وهالحبيب من الحين يتعذر وحريص على طلاقك عشان تتفرغي له ولو حريص على مصلحتك مايحاول يفرق بينك وبين بنتك! وأكيد عايشة بعذاب لأن عقلك وضميرك رافض هالعلاقة بس نفسك وعواطفك مندفعة واذا طاوعنا عواطفنا صدقيني بنتعذب إذا انتي حرصية على نجاح علاقتك الجديدة اخلصي نيتك من الآن وابدأي صح وفكري بمصير بنتك ولابد تختاري ياحبيبك اللي مانتي متأكدة من زواجك منه يا بنتك إذا تسمعي نصيحتي التفتي لبنتك وعيشي واقعك بكل صبر وتأكدي إن الله مع الصابرين |
من ترك شيئاً لله عوضه الله خيراً منه-الحل تتركين اللي تكلمينه فوراً ش يضمن لك انه راح يسعدك ؟؟ ترا اللي تكلمينه انسان عادي وفيه عيوب زي زوجك بالضبط وزي باقي الناس -اذا عشتي معاه راح تكتشفين هالشي مو من ورا جوال -انا استغرقت فترة خطوبتي سنتين كنت ايامها اكلم خطيبي كنا نعشق بعض واحسه ملاااك ماجابت ام بالدنيا زيه حبوب ورومانس وهدايا وشغف وشوق ماتتخيلين كيف ويوم تزوجت اتضحت لي عيوبه واكيد بعد اتضحت له هو عيوبي لانو مااحد كامل لدرجة قبل فتره اكتشفته يخوني وقبل كان مايشوف غيري -الخلاصه:مااحد كامل بس ارجعي لزوجك وانتي توجهي لربك بالمحافظه ع الصلوات بوقتها وكثرت التصدق والاستغفاااااار
|
اقتباس:
يا اختي الشيطان دخل عليك من مدخل انك فاقده حناان والحب وان المصدر الوحيد لهذا الشي هو هذا الشااب,وانا مستعده احلف لك ان هذا الي تكلميه يلعب عليك,واستغل حااجتك لسماع كلمه حلوة والحنان والحب,ولو فيه خير كان يوم عرف انك على ذمه رجال تركك من باب المروءة على الأقل ,لكن هو ما فيه خير وجالس يتسلى بأعراض خلق الله ,,وانتي انساانه فيك الخير واكبر دليل جيتك هنا عشان تشوفي حل لمشكلتك,وانتي تعرفي بقرارة نفسك ان الي تعمليه غلط×غلط.. اختي تذكري من ترك شي لله عوضه خير منه, يمكن العوض يكون بصلآح زووجك وهدايته لك.. الله يهديكم لبعض ويحنن قلب زوجك عليك ياارب.. |
أكثر شيء عجبني عادات قبيلة الشاب ( الأول يتزوج من قبيلته وبعدين يتزوج من يريد ) طيب متى راح يتزوج ان شاء الله من قبيلتهم عشان يتزوجك لكن هناك مشكلة ( أنت على ذمة رجل آخر ! ) بالله عليك مصدقة المسلسل الذي أخرجه هذا الشاب أنت على ذمة رجل و خنتيه ( تتوقعين هذا الشاب سيتزوج خائنه أرخصت نفسها ) و اعجبني جو التراجيديا في آخر موضوعك فاقده الحب و الحنان فقررتي ( أن تفقدي قيمتك وتصبحي بلا قيمة ) تحدثتي عن الانتحار يعني ماذا تتوقعين أن يكون الرد لا تنتحرين أرجوك و عيشي جو الخيانه وماهو لازم يكون لك شرف و قيمة دام لقيتي حب مزيف و كاذب لا تسوين فيها ضحية لأن دور الضحية ( غير لائق بك تماماً ) في مثل جميل يقول ( لكل ساقط لاقط ) لا يوجد شاب في الدنيا يبحث عن زوجة تعيش في الوحل لا يوجد شاب في الدنيا يبحث عن زوجة لم تحفظ نفسها لا يوجد شاب في الدنيا يبحث عن زوجة لا تضع لنفسها قيمة لا يوجد شاب يبحث عن زوجة ( متزوجة ! ) هو فقط يراك ( كتجميل للوصف ) و عاء يفرغ فيه شهوته لا أكثر و لا أقل لا خسارة أبداً في فقد الحب أو الحنان أو حتى السعادة الخسارة الوحيدة أن نفقد أنفسنا و نكون بلاقيمة و لا شرف و أن أن تكون قيمتنا و شرفنا عرضة للمتاجرة و المزايدات و الموت في كوننا نحن من عرضناها و استرخصناها انظري لحلولك عندما فقدت كما تقولين ( الحب و الجنان ) استرخصتي نفسك و بالغتي في ذلك حتى وصلت للتفكير في الانتحار نصيحتي لك أكرم نفسك عن كل دنيء و عزي نفسك تجديها |
لا يبرر فقد الحب والحنان الخطأ .... أقدر عاليا مشاعرك المتعبة ... وأقدر كم أنتي متعبة مع هذا الزوج .. وأسأل الله تعالى أن يفرج عنك ... ولا تخافي فلكل مشكلة حل ... وسنساعدك هنا على حل لمشكلتك مع زوجك .. لكن ومع كل هذا لا أجد لك مبرر للكلام مع رجل آخر ... لن أقول لك حلا إلا أن تتوقفي فووووووووووووووووووووووورا عن العلاقة مع هذا الشاب .. وتتوبي لله .. وثم نتناقش ونعطيك حلولا فعالة بإذن الله .. كيف تستطيعين أن تعدلي زوجك ... رزقنا الله وإياك حبه عز وجل .. |
اقتباس:
والله الشيطان زين لكي هذه العلاقة المحرمة هل ترضين زوجك يكلم غيرك فأتركيه فأنتي عانيتي بدنياك احذري تخسرين اخرتك والله ليس الا شيطان لبسه لك انه يحبك هذا يضحك عليك ومستغفلك وياما فعلوا مثلك والله خسروا اولادهم وازواجهم وانفسهم اسأل الله لك الهداية ولي وللمسلمين |
يابنت الحلال حرام عليك ليش تسوين في نفسك كذا؟؟
الحين طالبه الطلاق عشان عيوب زوجك ...ولا عشان حبيبك يتزوجك..لو كان عيوب زوجك ليش ماطلبتي الطلاق من زمان.. وكيف تقولين اثبت لك حبه...ترى سهل اي واحد فينا يثبت للثاني الحب حتى لوكذب هذا اللشاب يكذب عليك واقسم بلله يضحك عليك ومستحيل يتزوجك...هو يقول لك احبك لانه هاالكلمه سهله يااختي ماهي صعبه..انتي وين عايشه ماتشوفين وتسمعين القصص الي يشيب لها الراس وماتسمعين عن ضحايا العلاقات وكم وحده تطلقت عشان واحد ثاني ولالقته بعد طلاقها..روحي لفي على المنتديات واقري عن ضحايا العلاقات حتى الي تم زواجهم حياتهم جحيم وندمانين قد شعرراسهم.. وعمرنا ماسمعنا عاده من العادات انه الاولى تكون من العائله والثانيه من برا..يعني من عاداتهم ياخذون ثنتين..كذب عليك وربي.. واذا تبين تتاكدين من كلامي سوي نفسك تطلقتي وخبريه..وقوليله يلا تعال خذني الثانيه...انتي ليش ترضين على نفسك هذي البهذله.. اتي ماتحسين انك تحبين زوجك ومو متحمله منه شي لانك بعيده عنه ..ماعطيتي نفسك فرصه تتقربين له.. شوفي انتي ماطلبتي الطلاق من البدايه لانه ماكان فيه احد ثاني في حياتك ولانك كنتي راضيه عن زوجك حتى لو مو مقتنعه اقتناع تام والان طالبه الطلاق لانك متعرفه على واحد ومتأمله فيه..وواضح جدا انك طالبه الطلاق عشان هذا الشاب ومو عشان عيوب زوجك..وتتراجعين عن قرارك مو عشان بنتك للاسف وخوفك عليها عشان خايفه من ابوك..فلو كان فعلا زوجك مو كفو ماكان خفتي من ابوك.. انصحك نصيحه لوجه الله لاتتأملين في هذا الشاب...لاتكونين لهذي الدرجه مغفله..ولاتقولين متاكده انه يحبك مثل ماقلتلك هو يعبرلك عن مشاعره تجاهك وكلها كذب..لان الكلام سهل يااختي..لكن لو طلبتي التنفيذ تعالي شوفي الاعذار الغير منطقيه.. تهدمين بيتك وتشتتين بنتك عشان خرابيط ..نصيحه مني اصلحي نفسك مع ربك عشان ينصلح حالك مع زوجك واكسبي زوجك وخليه يتعلق فيك لاتنكدين عليه وتطلبين الطلاق كل شوي. او تطلبين شقه لحالك. وتكرهينه عيشته وتقولين مايحس..قدمي له الاهتمام والحب والاحترام عشان يقدمه لك بالمقابل ويطلعك بيت لحالك من دون ماتقولين .. عيوب زوجك الي ذكرتيها قد تكون ردة فعل لمعاملتك له..مثل الزن والنكديه..ويصير مايبي يسويلك اي شي امه ماعليك منها..اكيد بيجي يوم وتروح في حال سبيلها.. احمدي ربك مليون مره ان زوجك مو حق خمور وبنات وخيانات واهانات وضرب.. لاتخلين الشيطان يغلبك وتفرحينه بخراب بيتك...لانه حريص على تفرقة الزوجين..وموهمك انك ماتقدرين تستغنين عن هذا الشاب..ولو تقربتي من ربك اكثر ودعيتي في كل صلاه بتلاحظين انك ماتحبينه ولاتفكرين فيه الشاب هذا اقطعي علاقتك فيه فورا...مهما كانت العلاقه بينكم..لانه اولا واخيرا يتسلى فيك وواتحدى انه يتزوجك او يحبك ..وقوي علاقتك بربك عشان يبعد الشيطان عنك وتقدرين تبتعدين عن الحرام.. عيشي لنفسك ولبنتك ولبيتك واهتمي في زوجك...ولاتفكرين في الحب والحنان..لان الزواج مسؤليه وتعب وتربية اطفال وكلها انتي مسؤله عنهاحتى الحنان والحب انتي المفروض تقدمينه لزوجك وبنتك عشان تحصدين ثماره وتشوفين كيف زوجك يتغير للافضل.. الزواج مو حب وخرابيط طول الوقت ..تكذب عليك الي تقلك زوجي طول الوقت رومانسيه وكلام حب..هذا بس في المسلسلات والافلام الله يهديك يااختي.. |
انتي في غفلة عن مراقبة الله لك
راجعي حساباتك واهتمي بما يدور في بيتك وابحثي عن الحلول انتي تبتعدي عن الحل للبحث عما يشبع عاطفتك وطريقك ليس حلال انتي خنتي بيتك وزوجك وابنتك اتركي هذا الرجل وطريق الشيطااان بيتك وزوجك وابنك بحاجتك وحاولي مع زوجك بالبحث عن الحلول احتوي زوجك وانظري الى ايجابياته ولاتنسي انه اب ابنتك اكتبي ايجابياته واكتبي سلبياته وعند كل سلبية منها اكتبي الحلول المقترحة لديك وحاولي اصلاحها ولاتنسي الدعاء وخاصة تحري اوقات الاجابة وابتعدي عن مشاهدة القنوات غير الاسلامية واخرجيها عن بيتك اصلح الله حالكما |
ماشاءالله الاعضاء كفو ووفو بالردود العقلانية المقنعه
ما عندى شى اضيفه على ماقالو وانتى اكيد ادرى واعلم لكن اختى عندي تعليق على عشيقك اسمحيلي بهذا التعبير اضحكنى عذره واستغرب من تصديقك له يقول العشيرة ما ترضى بان اتزوج من غيرها الا بالثانية ياعينى الى هذه الدرجة الاستلطاخ دعيكي منه فانه ذئب جالس ينهش بلحمك لن تحسى بالألم الان لانك مخدرة بجو الحب سوف تعضين اصابعك ندم على هذه الفعل اذا افقتى من التخدير لستى الاولى من تعذبت من زوجها ولكن فعلكي هذا قبيح جدا اسال الله ان يريكي الحق حقا وان يرزقك اتباعه وان يريك الباطل باطلا وان يرزقك اجتنابه |
الساعة الآن 02:04 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©