|
السلام عليكم
الله يكون في عونك أختي وجعتيلي قلبي انصحك مثلما قالوا بعض الأعضاء, انك: تتراجعي قليلا, يعني لا تجري وراة كثير بيني انك سعيدة خليك واثقة من نفسك اكتبي له رسالة اكثري من الدعاء و قيام الليل |
سؤال وابيك تجاوبيني
هل هو من بداية زواجك منه كذا ؟؟ ولا بعد عدة مشاكل حصل ابتعاد بينكم ؟؟ وبعد ماانسى .. هل قد ابتعدوا عن بعض بسفر او انشغلتي عنه فتره؟ |
حد يكون عنده زوجه طيبه ومتكلمه وميتكلمش معاها حرام عليه ده حتى اجمل حاجه فى الزواج ان يجلس الزوجين بعد عناء اليوم فى الهدوء ويتكلموا فيما امضوا اليوم وفى كلام الحب والرومنسيه الاسترخاء
|
لما تزوجك وشافك هل كان مقتنع فيك ؟؟؟ كم عمرك وعمر زوجك عزيزتي؟؟ |
اقتباس:
:22: |
عزيزتي حاولي أن تغيري من شخصيتك لو بالقليل كوني بأجمل طله لزوجك
ولكن لاتظهري تووددك ولا رغبتك لزوجك وحينما يهم بدخول البيت امسكي كتاب واقرئي فيه يعني اظهري له نوعيه من الشخصيه الثقيله ...لاتعبري بما داخللك لزوجك ولاتظهري تللك المشاعر الجياشه له دعيه هو من يقوم بمدحك دعيه هو الذي يبادر بكلمات الحب والاطراء كوووني واااثقه اشد الثقه من نفسك حينما تتجملي امام المراءه قولي وهو يسمع كلماتك ماجمل بشرتي يالطيف مااحلاني لاتظهري غضبك ابدا حينما يسبك او ينهرك كوني وتحلي بشخصيه الثقيله بارك الله فيك يأختي العزيزه وجمللك الله بعيون زوجك وجعللك اجمل النساء بعينه |
اشكر الجميع على الاهتمام والرد علي بسرعة مشكوررره كثير على النصيحه اخ وليد وجميع الاخوان والاخوات انا من مواليد 1399 وهو من مواليد 1402 بس بعض الاحيان عادي اول مايدخل يضحك ويعطيني كلمتين على الباب ويدخل وعلى النت يطقطق الي النوم مايكلمني وتمر الايام على هذا المنوال يعني لمن يدخل البيت يحب يكون لحاله ومايهتم اذا سويت نفسي مشغوله فالبيت وطنشته عادي ولا كأني موجوده وبعض الاحيان من يدخل من الباب وهو (ماد بوزه )ومايبي احد يكلمه بس في كل الوقات الي رايق فيها والي مو رايق ما يفتحلي قلبه ابد ولا يحكيني عن يومه واشغاله ولا يدور بينا اي حوار نجلس بغرف وحده الي النوم ولا نتكلم واذا حاولت اكلمه ما يعطيني انتباه ولا يرد علي يقعد يشغل نفسه باي شي حتى احاول (اسحب لسانه بالكلام اجيب مواضع ابي يفتح فمه) بس مافي فايده لاحياة لمن تنادي كم مرة فهمته وقلتله اني محتاجتك تتكلم معي وتسولف بس مافي فايده حاولت اننا نطلع لحالنا من غير اطفالنا بس رفض يقول ما ارتاح غير هم معنا انا ابي لنفسي وقت معه بس مافي فايده ؟اول ماتزوجته كان تمام في تعمله معي بعض الاحيان بس انه كان يقولي ماكنت ابي اتزوج مجبور من امه على الزواج لانه كان حق سفرات كثير بس لي معه الان ست سنوات ما سافر خارج المملكه والحمد لله كان بداية زواجنا مشاكل وقسوة منه بس الحين يقول انه حبني ويبيني على كلامه بس افعاله غير محتاره بامري ابيه يعتبرني امه وابوه حبيبته كل شي بحياته بس احسه مايبيني ادخل بحياته الخاصه ولا يكلمني عن همومه ومشاكله ولا عن نفسه ما يحاول يكلمني ابدا000 لا تقولولي دلعيه ترى ماخليت شي من الدلع والكلام الحلو والحركات بس احس انه ثقيل دم ما يضحك الا نادر وما يتكلم الا مع شلته بالجوال فالبيت يحب يكون لحاله :( يقولي ان هذا طبعه مايحب يتكلم او يحب يشكي بس انا اشوفه برا البيت يحب يتكلم كثير مع الناس الي برى من رجال او حريم ( الحريم من المحارم ) بس اذا شافهم اسمع منه قصص وحكي ما ادري عنها وانا الي عايشه معه انقهر لمن اشوفه يسولف معهم ويضحك والحكي يطلع والسواليف الزينه تطلع من فمه سبحان الله يقولون لي الحريم يابختك بزوجك حق سواليف ما درو انه عندي غير ما قد شفت هاذي السوالف ابد 0000وشكرا لكم
|
صدقيني بعد كلامك الاخير
زوجك ماناقصه شيء من ناحيته كل شيء وجده عندك من دلال ودلع وشياكه وفرفشه يعني عاجبه وضعه السكوت ويجد منك الركض ورائه حبيبتي انتي فعلتي مافعلتي وهو يقول انه يجبك وافعاله تشهد لانه لو مايحبك ماكان عطاك اللي تبين وهذا طبع اغلب الرجال العطاء للتعبير عن الحب لكن بحالة زوجك افضل لك تبتعدين فتره عنه ...وكأنك مو مصتقصده هالشيء عاددددددددددي ام وزوجه منشغله بعيالها مهتمه بشكلها وبيتها منشغله بنظافة بيتها او بلجوال(مو لساعات ) اي اي شيء ... واضحكي وسولفي عادي ان تكلم مععععك هو يوم بيمر عادي اليوم ال2 بيبدء يلالاحظ فرررق ويبدء يفكرررر اليوم 3 لالا بيقولك ولا ع الاقل بيقرب منك ... انتي مبادره دائما بكل شيء ابتعدي عنه بيجيك ركضضضضض وصدقيني ان ماقال لك فقدك بيفعل لك . اثقلي لاتقولين مابيحس لا صدقيني بيلالالالاحظ . او ع الاقل روحي لااهلك ابتعدي اسبوع او اكثر وقولي اشتقت لهم وبترجعين وهو فاقدك . انتم تمرون بفترة ملل . |
صادقه اختي همس روحي لاهلك اسبوع ومنها انتي تتعدل نفسيتك وتخليه يشتاقلك ويحس بحسك في البيت وبعدها بشرينا بالمستجدات :)
|
حبيبتي جربي معاه التطنيش
صدقيني راح يجري وراكي |
| الساعة الآن 08:53 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©