|
اقتباس:
طيب حبيبتي انا سؤال سالتكياه وكنت ابي اجابته شوفي غاليتي زوجك مايعتبر بخيل ابدا ابد بالعكس احسه كريم جدا لكن يمكن يمكن ساحرينه او مسوينله شئ من ناحيتك والله اعلم حاولي تروحين انتي واياه لشيخ واذا كان فيه سحر راح يبان .... بالتوفيق |
اتعلمين متى انبثقت مشاكلك ؟
عندما رُسخ في رأس زوجك اعتقاد , " من يتزوج فتاة صغيرة وهو في آخر عمره سيتم أخذ ماله الذي تعب بتجميعه طيلة عمره " ! مشكلتك هي , تقصير زوجك + استغلال اهل زوجك الغير محتاجين له وتهديد زوجك بالسحر وعندما قرأت انهم يهددونه بالسحر قفز سؤال الى رأسي ! , هل زوجك يعرف شئ بالدين ؟! كل شئ يدور حول الإعتقاد الذي يملكه هو ليس بخيل بالمعنى الحقيقي للبخل , هو حريص , والحرص يُفهم لدى العامة بخل وقد يكون يشعر بالأسى على ماله الذي يضيع لأهله فتجدين انه يقصر في حقك او حق نفسه حتى مازلت اطرح سؤالي : هل زوجك يعرف شئ بالدين ؟ |
شااكره لك شووق
الجانب الاخر جداا احس هالفكره في راسه كثير يقول مااحد يلعب علي كثير يسوي معي حركاات اعرف انه ماايجرأ يسويها مع زوجته ولا مع خوااته وامه موقف تووه صااير لي قبل شووي دخل علي بالمطبخ وانا اكل بطيخ(حبحب)قاال ليش تاكلين وهو باارد وانتي حامل ولو زكمتي بتاخذين بناادول جلست اضحك واحسبه يمزح معي ماادريت الا وكااس مويه زي الثلج كبه علي قاال لابغيتي المرض انا اعرف كيف اخليه يجيك انا ماانقهرت من الحركه الا لسبب الشغاله جاالسه قدامي حتى صرخت يوم كب المويه علي مررره كاانت باارده وفجااه وانا اكل كبها علي والله بكيت وهو وااقف فوق راسي ومااعرفت ليش هو يمزح هو جااد؟؟ طلع وهو يضحك على شكلي انا احلل الموضوع لاني اليوم طلبت منه فلوس قدام عياله واعطاني 100 وحسيته كااتم غيض بوجهه زي اللي حس اني احرجته واني متعمده اخذ منه قدامهم عشان مايقول لا!!! فسرت موقفه الغبي انتقاام وماادري تحليلي صح او خطأ مره ضاايقه فيني الدنيا اكره شعور الاحساس بالحرماان والنقص راح اقولك اخوي كيف شخصيته وتعلقه بالدين زوجي حافظ القراءان مع تفسيره 24 ساااعه يستغفر ويسمي ويهلل ويكبر عنده عيب واحد من ناحيه الدين عينه طويله ع الحريم بس بالنظر لا اكثر يعني ماايكلم او يتماادى داائماا يقوم الليل ويصلي ويدعي داايم يصلي السنن احياان احسه مسحوور واحياان اقول اذا انا مسحوره فهو مسحوور اذا جلس معي قطع في اهله وانتقدهم وانه كااشف كل حركااتهم واذا جاء قداامهم ينقلب ارنب خوااته سبق وان ثنتين منهم بصقو في وجهه(اعزكم الله) امه لها املاك ابوه له املاك زوجته لها املاك وكلهم عينهم ع اللي معه عشاان كذا كنت مااطلب شي عشان احسسه اني غيرهم واني صاادقه معه واني احبه له يعني كثير يقولون 1500 كثير وانتي جاالسه والله كل شي فيها يعطيني الفلوس ويقول لو تنقص لاعاد تطلبين طيب وين اروح اطلب من مين ماافيه شي رخيص اعبي الغاز من الفلوس اشتري الادويه من الصيدليه بفلوسي مراجعه الحمل من المصرووف والله تدمرت نفسيتي احيااان اقول مسحور واحياان اقول اطلق رجاال طيب بعد زواجي اكتشفت ان كل اثااث بيتي اثااث حرمته بس ملبس الكناابات وكنت اقوله الاثاث مو جديد مستعمل والله ماجاء في بالي انه حق حرمته ويحلف بالعزيز الجبار انه جديد حتى السخانات والمكيفات وكل شي حرمته رضووتها سكنها بفلهاااا تطير العقل وانها ترمي كل اثاثها علي وانها هي اللي تجهز مطبخي اردى اثااث واقل ادوات مافيه خلاط مافيه طحاانه ماافيه الاقدر ضغط صغير كل شي بالعدد كله جبته بعد الزواج من اهلي وعقب سنه بنى لي دور جنب حرمته وحلفت مااشيل اثااثها قاال خلاص حط لي كنب بالصاله ورفض يكمل الباقي كل شوي يمااطل فيني والله ياناس ماافهمته حتى السخان حقهاا كاان خربان ويطلع صووت ومره كنت ناايمه ومااسمعت الا صوت قوي يوم جيت الا السخان يطلع دخاان وحاالته صعبه انحشت برى البيت ودقيت عليه وجاب العامل قاال العامل بالفم الواحد الله كبير لو فيه تاخير خمسه دقيقه نفر كلو مووت انصعقت يوم سمعته قلت ليش تركبه لي وهو كذاا ليه ماجبت جديد قال بذمتك لاتعلمين اهلك والله اني غلطاان وربي ستر عليك اكيد انك قااريه اذكارك المصيبه كيف اصنفه بخيل وهو يعطي اهله وزوجته بالالف يووم نجح ولده من الابتدائي طلب سيكل راح بيشتري له وجاب له واحد ب 360 حلفت امه انه يرده قاالت هو يبي واحد ب 600 وانت تقدر تجيبه وجاابه له وهو مو مقتنع يوم قلت ليه شريته وانت تقول ان هذي خرابيط ومالها داعي وانا اطلبك لولدي مرجيحه ب 200 ورافض قاال انتي غير امه قليله حيا وطويله لسان والله لاتحقد عيالي علي انا اتجنب شرهاا!!!!!!!! يدري ان خواته يبون يسحرونه ويحذرني منهم ويحذرني اني انسى لي شي عند حرمته ويخااف وكل مامشى يتفقد سبحته وطاقيته وشماغه واذا طلبو منه فلوس عطااهم ولايدري وش يبون فيها يعني اخته تطلب 3000 وتقول ابي اجيب فيها عزايم ودهون لامي وقرايه للمشايخ يعني سعر مبالغ فيه ويعطيها ولامشى من عندها قال ادري تكذب بس ربي يحط كيدها في نحرها حرمته تحذف كنبها برى في الحوش بدون استئذان وتجيب العمال يمترون ويفصلون ويدفع وهو ساااكت وانا بترجي وبكى وبالقوه اطول شي يااااااااااااااااااربي احبه ولا ابي اكثر من حقي او اقلها يعدل بيني وبينهم تكفون اعطوني حل ابي رايكم بموقفه يوم كب علي المويه اولى وش تتوقعون قصده والله مره مصدوومه احسها بقلبي حسره !!! |
لي عودة ان شاء الله /
|
اختي زوجك يبيله وحدة قويييييييييييية
تعرف من اين تؤكل الكتف لازم يصير عندج دهاء وذكاء النسوان وانتي غلطتي اكبر غلطة انج قمتي تجيبين أغراض من اهلج البيت بيته المفروض هو اللي يجيب ويصرف على البيت وولده حتى لو قعدتوا من غير شي مرة عن مرة راح يعرف شنو الواجب عليه الله يعينج وييسر امرج الحل الحين لازم انتي بنفسج تتغيرين واذا طلبتي من فلوس اطلبي مبلغ وقدره مو 1500 اللي ما توكل خبز ولازم تقوين قلبج |
اختي الكريمه كنت اود ان اشارك لكن الموضوع طويل لو اختصرت المشكله في خسمة اسطر الوقت ليس معنا عموما من فهمي اعطيك قاعده كل زوج يوجد فيه خصله ذميمه ( بخل - حده - غيره زائده - كذب - استغلاليه ) والواجب علىنا ( اصلاح هذه الصفه ) واذا لم نستطع ( معايشه هذه الصفه ) والتكيف معها اذا لم تستطيعي اصلاحه ف ( اصبري عليه ) لايوجد انسان ليس له عيب الا ( محمد ) صلى الله عليه وسلم |
لاتزعلي مني بس احس انك كل شي تحوليه جددددد
يعني ممكن هو بيعلق تعليقات عفوية وانت تاخذيها جدددد وتجلسي تحللي كلامه وكلام قريباته زوجك ابدا مو بخيييييييل وانت لازم تتعملي كيف تتوقفي عن النظر لصرفه علا الاخرين من اقاربه وتتوقفي عن الاسراف احس انك تبغي تعيشي حياة بذذذذذذخ واسراف بس زوجك عارف فين بيضع فلوسه ونص كلامك غير منطقي تبدا اعذريني عالصراحة انا متزوجة وعندي ولد وحامل مثلك ولبسي الحمدلله ماركات وولدي كمان,, لكن من غييييييييير بذخ ابدا يعني مثلا, ملابس الشتا ايش فيها لو لبستي ملابس السنة اللي فاتت؟ والشتا اللي عندنا كله شهر او شهرين بالكثير عندي بلوفر شريته من ايام الزواج ولحد دحين شايلته وقطعتين للشتا تشتريها السنة هذه بتكفي للخرجة وولدك يوم زوجك اشترا له 10 قطع من اللي اسعارها 23 ،، تقولي ليييييه ماجاب 50 قطعة دام انها رخيصة؟ ونفس الوقت قلتي انه ولدك كل شهر مقاسه يتغير ؟؟؟؟؟؟ يعني كل شهر تبغي 50 قطعة لولدك والشهر كله علا بعضه 30 يوم ؟؟؟؟؟ ترا 10 قطع تكفي وزيادة واشتري له طقمين من ماركة وشيليها للمناسبات وخلاص بتكفيه كمان اقل شي 3 اشهر ، , اما حكاية قارورة الرضاعة والمصاصة كل شهر ؟؟؟؟؟ و كل ساعتييين تغيري له الحفاض الله يعزك? من جدددددددد حرام ترمي فلوس زوجك هنا وهنا |
حرام عليك زوجك مو بخيل..البخل في كفه وهو في كفه..ماشاء الله..وللاسف بعض الردود تزيد الطينه بله لانهم يفكرون بنفس تفكيرك واسلوبك ويشجعونك ويعمونك عن الاشياء الي يسويها زوجك.
انتي اكيد فيه احد يحرضك على زوجك..الا مليون في الميه فيه احد يزن على راسك.. اللله يهداك بس يااختي..زوجك صحيح راتبه 20000 بس ترى وراه بيتين وحرمتين وعيال يصرف عليهم مو بس انتي وولده.. واكيد فيه قرض لاتقولين مافيه .لان مافيه رجال ماعليه قرض ومو شرط يعلمك انه مديون بعض الرجال مايبينون انهم مديونين ..ولايبان عليهم.. ولاتنسين راتب الخادمه.. ولاتنسين الفواتير كهرباء وتلفونات..يعني ماشاء الله برغم انه فاتح بيتين ومتحمل مسؤليات ومصاريفهم ماشاء الله مايقصر معك ويعطيك فلوس ..بس انتي الله يهداك شايفتها قليله..صدقيني ماهي قليله ..لو حسبتي مصروف الجامعه كل يوم 50 اضربي 50 في 30 يوم كم يطلع....لا والله انه مو مقصر معك.. وسالفة السحر شيليها من راسك حرام عليك...السحر اكبر من كذا ترى.السحر مرض.لو كان مسحور كان ماشفتي وجهه عندك..وكان ماجاب لك حتى المويه..ولا اعطاك ريال..واضح انه سليم ومافيه الا العافيه انا الاحظ انك تهتمين بنظرة الناس وكل شي عشان الناس خصوصا يوم قالت امك بتشتريلك الايفون وتقولين للناس انه هو جابه لك..بصراحه هنا ..انصدمت.. انتبهي لنفسك ولاتسمعين كلام فلانه وعلانه..وحافظي على زوجك تراه مو مقصر معك بس انتي منعميه عنه وكلام الي يزنون عليك معميك عن كرمه.. زوجك طيب وواضح انه يحبك.. وبالنسبه للمشتريات..يعني المصروف حق 1500 ماشاء الله يكفي...لانه مو كل شهر بتجيبين هدايا للناس ومواجيب ومو كل شهر بتشترين لبس وكذا لولدك..فهمتيني..وفيه نقطه مهمه..بخصوص لبس ولدك ومقاساته يعني انتي يوم تشترين لبس لولدك لاتخذين مقاسه بالضبط .خذيله اكبر من عمره ب6 شهور عشان اللبس يطول عنده خصوصا اذا كان غالي..لان الاطفال يكبرون بسرعه..يعني لو كان عمره سنه خذي مقاس سنه ونص..وملابس الشتاء..اشتريله جاكيت فخم وحلو ولبسيه فوق ملابسه وقت مايكون برد..موشرط تشترين كذا لبس للبرد..خصوصا انه البرد عندنا مايطول.. انتي مشكلتك مره مسرفه..ومنتي حاسه بمسؤليات زوجك..يعني مو معقول كل شهر تغيري الرضاعه ..والحفايظ الله يعزك ان كان ولدك يتحسس منها غيري نوعها خاصة اذا كانت بامبرز..مره مو كويسه زي زمان صارت تجيب حساسيه للاطفال..غيرها وشوفي النتيجه..عشان لاتظطرين تغيرين كل ساعتين.. انا عندي طفلين البسهم للعيد اكثر من لبس من افخم الماركات..وانا معاهم يكلفنا 4000 ريال واذا نقصت ازيد عليها 500 ريال 2000 لعيالي و2000 ليا بس للسنه كلها وللمناسبات كلها الي تصير بعد العيد..لاحظي السنه كلها..وباقي الشهور اشياء بسيطه جدا..الا اذا صار زواج قريب لنا او مناسبه خاصه فينا..يعني لكل حادث حديث.طبعا انا متفقه مع زوجي على هذا المبلغ ووافق واحيانا يعطيني زياده لانه عارف انه ماراح اشتري شي بعد العيد..صدقيني لو اتبعتي هذا الاسلوب وتسدين اذنك عن التحريض بتعيشين سعيده ومبسوطه..حتى زوجك بيتغير ويعطيك من دون ماتطلبين.. الان انتي حامل تعاليله بالكلام الحلو..والدلع صدقيني بيرضخ لك..البسي فساتينك القديمه ووريه عشان يصدق انها صغرت ومايصلح تلبسينها..واتفقي معاه على مبلغ تقضين فيه للعيد وبيني له انك ماتشترين طول السنه بس للعيد...والي انا استغرب منك انك تطلبين فلوس قدام عياله او قدام اي احد..مدري ليش؟ واخيرا لاتشترين هدايا لزوجك..انتي وولدك اولى.. واغراض البيت انزلي كل شهر..قضي..حق شهرين.... وانا شخصيا دايما والدي الله يحفظه يعطيني فلوس انا واختي واحنا متزوجات خصوصا في رمضان مع ان مو ناقصنا شي والله..وترى اغلب الاباء يعطيون بناتهم....وزوجك نفس الشي وهذا يدل على حنان زوجك وطيبته المفروض تحمدين ربك.. ونصيحه مني لاتخلين زوجك يندم على زواجه منك...بطريقتك هذي بتخلينه يندم.. |
اقتباس:
لاتتعبين نفسك وتفكرين ليش كب المويه..هو لو في باله شي ولا بينتقم كان تكلم ولا صارخ عليك ولا اتبع اسلوب الرجال مو يكب المويه على راسك... اتمنى لك حياه هادئه وسعيده |
اقتباس:
كلام عقلاااني وجميل بيض الله وجهك ياختي والله يرزقك على قد نيتك ويسعدك بالدنيا والاخره ويحفظك من كل سوء ويستر عليك بالدنيا والاخره |
| الساعة الآن 01:41 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©