|
موضوع التعارف قبل الزواج ممكن يكون له اثر سلبي بعد الزواج وبعدين سنتين بصراحه فيها نظر واذا كان من اسرة تربيتها محافظة صدقيني التربية لها تاثير واخاف من الشك بعد الزواج يعني تخيلي انك تزوجتيه وفي يوم دخل عليك وانتي جالسه على النت تضمني انه ما راح يشك او يقول مين اللي عندك بالمسن او تكلمي مين بالجوال
|
ايش قاعدة تستنين
اكيد عطيه عنوان بيتك اذا صادق جا و اذا لك نصيب تكوني كلمتيه بالحلال افضل من الحين ما تتعلقين به اكثر و بعدين يكون كذاب او اهلك ما يوافقون عليك عندها رح يكون عذابك مضاعف |
والله يا أختي الفاضله ..
أحسن شي الاستخاااره .. استخيري مرررة واتنين وتلاته واربعه كمااااان .. خصوووصاً نحن الان في رمضاان .. ورااح اكتب لك دعااء الاستخاارة .. ___________________ عَنْ جَابِرٍ رضي الله عنه قَالَ : كَانَ رَسُولُ اللَّهِ صلى الله عليه وسلم يُعَلِّمُنَا الاسْتِخَارَةَ فِي الأُمُورِ كُلِّهَا كَمَا يُعَلِّمُنَا السُّورَةَ مِنْ الْقُرْآنِ يَقُولُ : إذَا هَمَّ أَحَدُكُمْ بِالأَمْرِ فَلْيَرْكَعْ رَكْعَتَيْنِ مِنْ غَيْرِ الْفَرِيضَةِ ثُمَّ لِيَقُلْ : ( اللَّهُمَّ إنِّي أَسْتَخِيرُكَ بِعِلْمِكَ , وَأَسْتَقْدِرُكَ بِقُدْرَتِكَ , وَأَسْأَلُكَ مِنْ فَضْلِكَ الْعَظِيمِ فَإِنَّكَ تَقْدِرُ وَلا أَقْدِرُ , وَتَعْلَمُ وَلا أَعْلَمُ , وَأَنْتَ عَلامُ الْغُيُوبِ , اللَّهُمَّ إنْ كُنْتَ تَعْلَمُ أَنَّ هَذَا الأَمْرَ (هنا تسمي حاجتك ) خَيْرٌ لِي فِي دِينِي وَمَعَاشِي وَعَاقِبَةِ أَمْرِي أَوْ قَالَ : عَاجِلِ أَمْرِي وَآجِلِهِ , فَاقْدُرْهُ لِي وَيَسِّرْهُ لِي ثُمَّ بَارِكْ لِي فِيهِ , اللَّهُمَّ وَإِنْ كُنْتَ تَعْلَمُ أَنَّ هَذَا الأَمْرَ (هنا تسمي حاجتك ) شَرٌّ لِي فِي دِينِي وَمَعَاشِي وَعَاقِبَةِ أَمْرِي أَوْ قَالَ : عَاجِلِ أَمْرِي وَآجِلِهِ , فَاصْرِفْهُ عَنِّي وَاصْرِفْنِي عَنْهُ وَاقْدُرْ لِي الْخَيْرَ حَيْثُ كَانَ ثُمَّ ارْضِنِي بِهِ . وَيُسَمِّي حَاجَتَهُ ) |
ما في رجل عاقل يتزوج فتاة خانت اهلها .. كيف يضمنها ؟؟؟
|
بآآلعككس مو شررط يككون في شكك بينككم
ووآآضحح انه جـآآد معكك أنتي أستخيري واللي يريحكك سوويه ومآتدرين يمككن تعيشين أحلآآ حيآآة معه ؛) موفقه ياارب |
يا أختي لاترسلين له رقم جوال الوالد
ولا الوالده رجااااااااااااااااااااااااء كثير شباب يتظاهر للبنت أنه يحبها بعدين يتركها ويهددها أطلعي معاي أو بفضحك وقتها تخسرين كل شي نفسك واهلك وربي اقول لك عن تجربه إحدى البنات قريبه لزميلتي تقول تعرفت على شاب ووعدها بالزواج تقدم لها وبعد الملكه طلع معها وبعد ما أخذ اللي يبي طلقها شوفي الحقاره يعني يالغلا لاتستعجلين كثير بنات يتأخر زواجهم والحمدلله مؤمنين بالقضاء والقدر ومع ذلك ماتعرفو على شباب عن نفسي عمري فوق ال30 وماتزوجت والحمدلله وقتي مشغول بالقرآه والنت والأشياء المفيده ارجوووووووووووووووووووك لاتقولين للشاب أي معلومات عنك والحب اللي بينكم عاطفي ومصيره يكرهكك بس يآخذ منك أعز ماتملكين ويرميك وراح تتذكرين كلامي |
تسلموون بجد ريحتووني
وكلامكم نفس الي يدوور في بالي بس ورربي من اول تعرفت عليه يقولي كلمي امك بموضوعنا خبريها انا شاريك واحبك وابي ادخل من الباب وابي علاقتنا تكوون عادية مافيها شئ من الشبهه والحرام وكمان خايفة انو يبغاني عشاان الفلوس لان ظروفنا الحمدلله ممتازة وظرووفهم يعني مو مررة واشياء كثير بس من كلامكم ونصايحكم لي خلاص بديت افكر اني احذفه والله يكتبلي الي فيه الخير واتمنى هالمقوله انها ماتنقال لا لي ولا لغيري خانت اهلها كيف تبغاها تصوونك <<بجد مقووله صراحة حتى التعبير مو قادرة اعبر عنها لانها قمه في الحقارة مع احترامااتي |
كيف حبيتيه ؟
ايش تعرفي عنه ؟ مجرد نك في الانترنت ؟ وهو اصلا عارف انك راح ترفضين تعطينه ارقام اهلك ؟ و لو سويتيها والله مايتقدم ؟ لان نظرته لك انك فتاة انترنت و تعرفتي على 60 شاب قبله ؟ واتوقع انك فتاة عاقله وفاهمه وتعرفين مصلحتك زين ,, والله يوفقك و يسهل امرك |
اعررف عنه كل شئ
واول مرررة ارتااح لوااحد كل ذا الرااحة وهتلر زماااني انا حطيت موضوعي عشاان تنصحني مو تتشمت فيني وترضى ولا ماترضى |
أي فتاة اخترقت حاجز الدين وحاجز الوالدين والأهل وحاجز العادات والتقاليد والمجتمع وحاجز العفة والشرف هذي الفتاة خائنة ومنتهكة لحرمات الله ولحرمة أهلها ولايمكن الوثوق فيها أبداً والإرتباط بها
وحرااااااااااااااااااااااااام تكون زوجة وحبيبة وأم لأطفال بتضيع أطفالها وأول ما تزعل من زوجها تجلس تكلم أصدقائها اللي تعرفت عليهم قبل الزواج وزوجها المسكين يكد ويتعب في العمل عشانها وهي خااااائنة اقتباس:
ضاحكين على بنات بالسنة والسنتين ويعطيها معلومات عنه كلها كذب في كذب وماشاء الله حسيتي معاه براحة كبيرة طيب والشباب اللي قبله مساكين والله ليه ما ارتحتي معاهم يمكن حتى هم يبغون يتزوجونك وحتى هذا اللي بتزوجينه في بنات كثير قبلك مروا عليه ويمكن عنده غيرك 100 وحدة كل وحدة يعطيها كلام من حلو من جهة وأنه جاد وبيتزوجها ويطلبها رقم أهلها عشان يبتزها ويقلب عليها وفي الأخير أنتم الضحايا يضيع العمر والوقت على تفاهات وخرابيط وكلام فاضي وأنتم ماخذين الموضوع بجدية صحصحي قبل لا يفوت الآوان واذا فات الفوت ما ينفع الصوت |
| الساعة الآن 02:03 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©