منتدى عالم الأسرة والمجتمع - حياكم على سفرتي المتواضعة

colors
يااهلا باحلى الوان .. الحمدلله رب العالمين
انا و تاكيتي بالف خيييير اللهم لك الحمد و الشكر

الله يسلمك و يعافيك يارب .. شوفي ياستي مالقيت مرادف ثاني:*-

بس هو زي الطبق الجانبي حار في العادة يقدم بجانب الرز
وبجانب الكثييير من الاطباق.. عبارة عن طماطم وفلفل اخضر حراق
وفص ثوم و كبزرة والبعض يضيف عليه جبنة بيضة كمان و طبعا ملح
تضربيهم بالخلاط و خلاااص و يممييييييي
برمضان ناكله مع السمبوسة كمان ...
ومن فترة قريبة انعزمت عند صاحبتي باكستانية و عملته
واستغربت سالتها ايش اسمه قالت شتني (زي مانسميه احنا)
فاطلع من الصلصات الهندية اذا صحت تسميته بالصلصة الجانبية
نورتي يااقمر

بنوتة مكة ..
نورتيني ياعسل .. تسلمي يارب من كل شر ..
يالله السفرة الجاية من عندك :)
وولايهمك الحين يوصلك طبق فيه فطاير و كرات البطاطس
كم بنوتة عندنا ...

لوفي ..
تسلمي ياارب .. هني و عافية على قلوبكم ياعسل
شوفي ياستي الحلى هذا عبارة عن
الطبقة الاولى : كيك مفتت (ممكن تستبدليه ببسكويت الشاي مثلا)
الطبقة الثانية : بالخلاط حطي ظرف دريم ويب و ظرف مهلبية pudding يعني
و علبة قشطة و اذا تحبي نكهة الكوفي زيي :) حطي ملعقة صغيرة كوفي
و اذا ما انخلط زودي شوية حليب و اخلطي .
وبس .. انا رشيت بين الطبقتين كاكاو و على الوش لوز مجروش
وصحة و هنا عليك
على فكرة عملتها من فترة بس بصينيه .. طبقة بسكويت مغمس بالحليب
وطبقة من الخلطة الي فوق و هكذا الين ما تخلص المكونات
وحطيه بالثلاجة فترة 3 ساعات و بعدين طلعيها و قطعيها زي الكيك
روووووعة روووعة رووووعة احلى من الكاسات بصراحة
اذا سويتيها ارزعي لي التطبيق هنا :)

مدلولة..

الله يسلمك يااارب .. شوفي غاليتي \العجينة هذه فعلا رهيييبة
استخدمها للبيتزا و الفطاير و خلية النحل و باماانة ماروح مكان
الا ويسالوني عنها خاصة خلية النحل تطلع روووعة
المقادير ..
3كاسات طحين
ربع كاس زيت
ملعقة زبادي (يمكن الاستغناء عنه)
بيضة
3 ملاعق سكر
رشة ملح
ملعقة خميرة
ملعقة صغيرة بكنج باودر
وكاس الا شوي حليب دافي

لما تعجنيهم بتطلع لك العجينة لينة جدا هي كدا لا تزودي طحين
كل ماكانت طرية و لينة كل ماطلعت الفطاير اروع

اذا بتسوي فطاير او بيتزا
تعجني المقادير و بعدين خلي العجين ترتاح ساعتين و سويها

واذا بتسوي خلية نحل
على طول بعد ما تعجني المقادير
خلي العجينة ترتاح 5 دقايق و ابداي كوري خلايا النحل
واعمليها بالصحن وخلي فراغ مقدار اصبع بين كل كرة و الثانية
و ادهني الوش بالحليب المركز
وخلي صحن خلية النحل يتخمر 3 ساعات
وسويها بالفرن و ادعيييييلي

ومن نفس العجينة سويت الاقماع و كمان ممكن تسوي السينابون
يطلع رووعة كمان

عجينة بتاع كلو :)

دبدوووبي...
نووررتيني ياااعسل وينك مختفية ..
لا لا لايغرك سكوتي شوفيني ست بيت :)
بس اكسل انزل الصور :)
ربي يسعدك حبيبتي نوورتيني