منتدى عالم الأسرة والمجتمع - محتارين في المتقدم لأختي

أتفق مع الأخوات ، البنت إذا مو مقتنعة فماراح تقتنع حتى بعد الزواج ، ومثل ما قالوا لا تضغط على نفسها لكونه ابن عمها أو يحبها ، لأنهم الحمدلله توهم على البر وماحصل شيء يخليه يتمسك بها أو يخلينا على الأقل إحنا كأعضاء نحس بالأسف عليه! .

لا توقفين مع أحد ولا تحاولين تقنعينها حتى مايرجع كل شيء عليك مستقبلاً ، اجلسي معها واسأليها سؤال الأخت للأخت ، هي أنتِ تبينه ؟! ، تحسين إنك بتقدرين تتكيفين معه ؟! ، أو أنتِ تضغطين على نفسك لأنه ولد عمنا ؟!

حسسيها بالراحة وقولي لها خلي كونه ولد عمنا على جنب ، واعتبريه خاطب من عائلة فلانية ، هل تشوفين فيه الزوج المناسب لك مستقبلاً ؟!
والباقي على اختك سواء وافقت أو رفضت فهذي حياتها وهي اللي راح تتزوج وتبتلش مو أنتم .

الله يوفقها ويسعدها ويحقق لها مرادها يارب .