|
مو حرام ولا عيب
بس لان صرنا هالايام نسكع واحد يقول اشتقت يكون عندي طفل صغير افكر اتزوج على زوجتي مع انه عنده عيال وزوجته سليمة بس ربي مارجع رزقهم فقال بتزوج الثانيه برايك هنا في داعي لزواجه؟ ولا نقرا قصص الرجال يطلبون الزواج بالثانيه لاسباب غريبه لذلك نطلب منهم الصبر مو لان التعدد حرام وانا برايي احنا ننصح الرجل بعدم التعداد لان قليييييل مانسمع رجل معدد وعاااادل وعن نفسي لو زوجي طلب الزواج بالثانيه لاي سبب لن ارفض ولكن ساترك لها الجمل بما حمل بدون نقاش وكل واحد له ظروفه بس بشكل عام محد يقدر يقول التعدد حرام ولكن يجب العدل فهل كل من يطلب الزواج بثانيه سيعدل؟: |
بسم الله الرحمن الرحيم السلام عليكم ورحمة الله وبركاته و عليكم السلام و رحمة الله و بركاته من خلال متابعتي للمشاكل في هذا المنتدى وغيره وجدت بان المشاكل كلها تتكرر من الرجال فمعظمهم لا تكيفه زوجة واحده!! او انه يعاني مشاكل مع زوجته! و بعضهم يشتكي من زوجة واحدة و لم يعد يعرف كيف يكبح جماحها و بسب تهويل موضوع الزواج من اخري ونبذه في المجتمع نرى انه قد يلجا الى علاقات الكترونية و جوال وقد تصل الى الزنا الذي يلجأ الى مثل هذه العلاقات فنقص الوازع الديني لديه هو من يدفعه الى ذلك و ليس عدم اكتفائه بزوجة واحدة، فمن لا يضع خوف الله في قلبه فحتى لو كانت له اربع زوجات فانه سيلجأ الى العلاقات عبر الهاتف او غير ذلك من الوسائل وطبعا البنت اللي راح يتعرف عليها اكيد لو لقت من يستر عليها ما كانت تصرفت هالتصرف لو اعتمدنا على هذا المنطق لكانت كل العازبات صاحبات علاقات مع الرجال، و هذا غير صحيح فالعديد من الفتيات و المتأخرات و المطلقات لازلن نظيفات و محافظات على شرفهن، و بالمقابل و للاسف الشديد اصبحنا نسمع عن عينة من المتزوجات يخن ازواجهن بالرغم من انهن مستورات نحن نعيش في دوائر مفرغة وذلك بسبب ابتعادنا عن الشرع!!! رجل يحتاج الى امرة غير زوجته و فتاة عازب مستعده لعمل علاقة و زوجة تكتشف الخيانة فيجن جنونها وتعيش في بؤس يا اختي الرجل مش حتى يكفي زوجته و اولاده بالاول و بعدين يقول مو مكفيتني وحدة سؤالي لماذا لا يقدم الرجل على الزواج لو احس انه ممكن يقع في الحرام؟! وسؤالي الثاني الى اعضاء المنتدي لماذا اذا جائكم رجل يقول ستاتزوج تنصحونه بالصبر هل الزواج شي مكروه مثلا او ماذا!؟ و للاجابة على سؤالليك الاثنين فاقول ان الزواج مسؤولية كبيرة جدا، خصوصا بعد مجئ الاطفال و راجعي رد "العقد الفريد" فقد كفت و وفت بارك الله فيها اتمنى من الله ان يرزقك الزوج الصالح الذي تسكنين اليه عاجلا غير آجل |
التعدد ليس حل سحري لكل المشكلات يا أختي الكريمة .. ومن وقع في الحرام من رجل أو امرأة لم يقع الا بسبب اتباعه لخطوات الشيطان ... التعدد مشروع اسلامي هائل ونتائجه رائعة لو تحقق على الطريقة التي أمر بها الله سبحانه وتعالى ... هناك معارضات تجاه التعدد وسببها أمرين : 1- رفض من قبل النساء سواء المتزوجات أو العازبات , فالمتزوجة طبيعي ترفض زواج زوجها عليها , والعازبة قد ترفضه لانها لا ترغب بشريكة بسبب غيرتها .. 2- رفض سببه الرجال وهو السمعة المنتشرة عن المعددين أنهم غير جادين.. كمناقشة خاصة للسببين لا أرى أن في السبب الأول جدل لانه طبيعي وفطري أن ترفض الزوجة ولكن الغير طبيعي هو ما ينتج عن هذا الشعور من تصرفات الزوجة مثلا كالسحر والتعدي على الزوج ووو الخ فكل هذا يردعه الايمان ومخافة الله سبحانه وتعالى .. وكذلك من ترفض من غير المتزوجات قد لا ترى في نفسها قدرة على تحمل الغيرة فتؤثر عدم الارتباط بمعدد أاماالسبب الثاني وهو الأقوى بالنسبة لي أن ما ينفر من التعدد هم الرجال أنفسهم , التعدد يحتاج رجل بمميزات كثيــــرة كالحكمة والفطنة والقدرة على العدل وقوة الشخصية وسعة الصدر وهذا في الغاللب لا يجتمع في كل رجل .. هناك نساء تظن أن التعدد لها جنة , ولا نلومهن وقد تكون فرصها مقتصرة على المعددين ولكن الأمر أعمق مما طرح في الموضوع بكثير .. فالموضوع صور وكأن الحائل عن التعدد هو الصورة والتهويل من قبل المجتمع من قبل الزوجات وغيرهن , وكأن أزاوجهن جاهزين للعدل والاحسان وتنشئة أسرتين والحائل فقط الزوجة, بينما الواقع هو غير هذا الا في من رحم الله سبحانه وتعالى ... وخلاصة رأيي : أشجع التعدد مع الرجل العادل القادر قوي الشخصية , ولا أشجعه مع عكس هذه الصورة وتذكري دائما أن التعدد ليس حل سحري |
اقتباس:
وأستهتار في بنات المسلمين عدد اليوم طلق بكره والله والله الشباب والبنات نسبه كبيره ضااااااااااااااااااااايعين ضاايع فضيع رمضان راحت حرمته شوفي الجرايد في رمضان شهر عظيم بنت تطلع مع شباب وشباب في إستراحه سكرانين وضايع وأغاني في السياره في العشر عند الأسواق ومعاكسات وشباب تحتاج الامه لهم لكن ضايعين أو مضيعين وين الأب عنهم هل عشانه ولد ماراح يسأل عنه وعن تربيته البنات في الجامعات عندنا في الرياض ماتبي شاب خلاص تبي شايب عشان توسع صدرها الأفكار أنحرفت العقول راحت وانتو عددو بنات عادي تتزوج مسيار عشان تطلع علي راحتها البويات ملو الجامعات شذوذ البنات مع بعض بعضهم ماتبي رجال خلاص تبي البنات شي فضيع والله تدمع له العين من الضايع إلي نعيشه للأسف الأب ضايع أعدد ونساء ومشاكل والعيال ضايعين الطلاق زي السلام عليكم والعيال مشردين كأنهم أيتام وين راحت الأمانه وين الخوف من الله في الرعيه هل نقول تعداد عشان نزيد أعداد المطلقات العنوسه السبب الرئيسي لها الشباب مايتزوجون كثيررر شباب يبي يتزوج لكن ماعنده قدره هل نقول لا أجلس بدون عفاف ونروح للمتزوج تزوج ثانيه اصلا حتي الزكاه تدفع للشاب إذا يبي يتزوج عشان يعف نفسه وألحين نقول ماتكفي زوجه واحده وهذا عنده شهوه الشيخ سعد البريك لما سألو الشي إلي ماتبي ياخذونه عيالك منك قال التعداد هو شيخ ومعدد لكن عرف غلط التعداد وهو صعب جدا صح أنه مباح لكن مو سنه ولا هو مستحب ومن قال قدوه بالنبي لا هذا شي خاص في رسول الله صلي عليه وسلم رسولنا الذي خير البشر لم يرضي علي فاطمه أن يتزوج عليها علي رضي الله عنه الدليل أن هذا شي غير محبب للنفس ولكن مباح وإلي يقولون تعداد عادي طيب بصراحه ترضين يتزوج عليك زوجك ؟ ترضين أبوك يتزوج علي أمك ؟ ترضين لخواتك ؟ خلنا نكون منصفين ولانشوف الموضوع من باب شهوه الفرج ونكون مثل الحيوانات بدون عقول الكل يعرف أنه التعداد له ضاااارئب كبيره للزوجه الاولي وللعيال وللزوج ونرجع للعنوسه ألحين شباب تعدو 35 سنه بدون زواج وكثير ضاعو في إستراحات وسفرات وخراب وبعض الدول فيها السعوديين خمور وزنا والعياذ بالله والكل يعرف كذا ليه مانروح نعف هالشباب بالحلال والله كم من الشباب يتمني الفرصه أنه يتزوج ويعف نفسه ليه نفكر في التعداد ونخلي الشباب العزاب المساكين يااختي مهما كان الشابه تبي شاب مثلها ومو شايب يروح يترك عياله وعائله ويركض وراه بنت أصغر من بناته وين إحترام شيبه وإحترامه للاحفاده وعياله أنه مسؤل عنهم وتلقين ولده في عز شبابه يتمني زوجه تعفه عن الحرام لكن لا الأب همه نفسه تسمعين قصص من مشايخ الأب ياخذ فلوس ولده يتزوج والولد المسكين جالس بدون زواج وبعدين من قال الخيانه سببها العنوسه غلطان متزوجات وبعيالها تخون سببها إنشغال الرجال سببها فراغ العاطفه عند النساء والعيال والكل ضايع أغاني مسلسلات تركيه كلها حب وغرام قنوات فاسده تبث السم في البيوت والرجال متسدح في الإستراحه الله المستعان على حال شباب وبنات المسلمين الله يصلح الحال |
هناك نقطة أود اضافتها تدعم مناقشتي السابقة وهو يا أختي الكريمة لو عملتي استفتاء للرجال ( المتزوجين ) هل ترغبون بزواج تعدد شرعي أو زواج مسيار , الغالبية التي ليس لها أسباب جذرية في التعدد أو لهم أهداف سامية من التعدد سيختارون المسيار زوجة بالحلال يتردد عليها لا يجد عندها الازعاج متفرغة له لا طلبات ولا ازعاج فقط حب وجنس ودلال ودلع وطلعات مشاوير للترويح ... |
توني أنتبه أن كاتب الموضوع امرأة !!
بصراحة ما توقعت أن فيه نساء يشجعون على التعدد ، |
اقتباس:
طيب ممكن أنه يشبع هالجانب مع زوجته إذا بينهم تفاهم وود ويكون أقرب لي أولاده وأسرته سؤالي إلي اشوف واضح مو تعداد كثر نسبه المطلقات يعني نادر معدد ويمسك زوجته الغالب الطلاق للأولي او الثانيه ماامصير الأطفال بعد الطلاق ؟؟!!!! الزوجه لو كانت صغيره في السن في الغالب تتزوج هل منطق نقول يالله عددو عشان نقضي علي العنوسه والخيانه اصلا في حالات كثير خيانة المتزوجات كثيره تتزوج رجل كبير وتخون مع الشاب للأسف |
اقتباس:
|
الله يعافيه لانوى التعدد يشبع زوجته الاولى اول عقب يفكر
لا رومنسيه ولا لبس وجه يفتح النفس ولا احترام ولا جماع زي الخلق ويعدد ؟؟؟؟ شين وقوي عين صراحه اذا الرومنسيه اصبحت من المحرمات وعيب وياويلك لو ولعتي شمعه قال ايش تحرقين البيت هههههههههههه وانتي صغيره عقل ويبغى يعدد ؟!!!!! بناتنا التفتوا لمهند والمسلسلات التركيه والكوريه لانهم غسلوا يدهم من التماسيح اللي عندنا مايلبس زين الا ليلة الدخله بجامه حرير مستلفها من خويه المداعبات حدث ولا حرج داخل مصارعه بوسه وحده وضمه وعلى طول يبدا قال ايش دخلها جو ماتشوفين اغلبيه بناتنا جالهم الشد الاارادي من جفاستهم تبغين الدلع عاكسي زوجك من غير مايدري يطلع الكلام الحلو والرومنسيه اللي حتى ماقالها لك بالملكه جماع ياويلك تبادرين عيب ولاتربيتي الادهى والامر لازم من اول شهر تحملين كنك مصنع للانتاج ياويلك عمره يركض ويبى ولده يصير طوله طيب لسى مااستقريت معاك وش ذنب الطفل يكون ضحيه واول ماتطلع من النفاس جيبي الثاني !!! نجي لمسلسل التعذيب والموت البطيئ من اول شهور زواج تراني بتزوج عليك زوجه ثانيه يعنني يغايرها اسواق ومطاعم حسب المزاج هواش وزعل وتوصل للضرب > من صفات سي السيد زيارة الصديقات من المحرمات احتمال العذاب يوصل لاهلها ويمنعها تزوهم او تزوهم كل اسبوعين مره واذا في مناسبه لاهلها لا والف لا > كذا عباطه وكله كووووووم انا رجال وعيبي بجيبي اخون اتزوج ولااعدل حر كيفي صدقيني ان البنات اللي اعرفهم مختارين العنوسه بدل الهم طالما مدلعات عند اهلهم وسواق ووظيفه وش لهم بوجع الراس المصيبه والطامه الكبرى صايره موضة الطلاق على لسانهم والله ماادري يربي ماحبيتها انتي طالق امممممم زوجتي ضربتها وكفختها تخيلوا ردة لي الضربه انتي طالق معليش يااخوان متزوج لي 3 سنوات وعندهم عشر طعش ولد انا بطلق مو كفوووووو زواج قال ايش تعدد اقولها لك من الاخر اي وحده ربي رزقها بزوج متفهم ومثقف ويخاف الله فيها تعض عليه باقوى ماعندها تراهم قله |
اتمنى ان لا يحمل الاعضاء والعضوات فيي قلبهم شيء علي فقط تساؤل مو ناقصة دعاوي خخخخ
|
| الساعة الآن 12:40 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©