|
الحمدالله أني أحب جلسه البيت وأعشقها هههههههه
من جد ليه أروح أتعب عمري واشتغل وأقوم الصبح ليه أتزوج أجل عشان يريحني ويصرف علي وعموما الرجال يستمتع وهو يصرف عليك والحمدالله خطيبي ماايبني أتوظف وأنا قايله له لازم مبلغ محترم كل شهر في حسابي وبعدين ماتسوي عليك تتوظفين وظايف مختلطه كلها رجاجيل شوفتهم تجيب الهم أستغفرالله لو أنا مكأنه ماأوافق و ممكن مايبيك تتوظفين وبعدين لاتضحين بحياتك الاسريه والمرأة مهما كانت تحب البيت والأطفال عشان وظيفه الوظيفه مهمه للمرأة في هالزمن عشان الرجاجيل مالهم أمان بس ولو أتوظف بتوظف عشان أضمن مستقبلي مو أحتاج لي أحد أما إذا زوجي الحمدالله ثقه ورجال كفو لا والله البيت أولا فيني والراحه نعمه والله الله يصلح حالك |
ملامح قمر كلامها صح وشلك وشل الشغل خلك مريحه في بيتك تنامين وتصحين لا دوام وراك ولاهم
اختي عيالك وبيتك اهم شي لاتفرطين فيهم عشان وظيفه اصلا منتي محتاجتها وعندك الي يصرف عليك ريحي نفسك وزوجك وهوان شاء الله ماراح يقصر |
يآآحبيبتي,,
احمدي ربك واشكريه بدآآمه يحبك ولآ يقصر معك بشي ويغآآآآآآآآآر عليك لآترفسين النعمه بيدك حآآفظي عليه وامسكيه بمعآآمله الطيبه وحآآفظي على هدوئه لآتخلين النقآآط الصغيره تفرق بينكم وتصير بينكم مشآآكل اهتمي بشي الكبير الآسآآآآآآس لبينك وبينه وبعدين ان شا الله بتحصلين لك وظيفه يحبهآآ قلبك غيرررك يعآآآني وربي مآآحصل هآآشي !! آدعي لي ربي يصرف عني خطيبي.. |
هو رجال عادي
بس يمكن فعلا من غيرته مايبغى كمان ايش لك بالشغل بكرا بيكون عندك بيت وعيال ومسؤؤليه |
والله زوجك كفو ,,
مابقي الا هيا زوجتي تصير زميلة صاحبي في نفس العمل !! |
السلام عليكم أختي الكريمة ..
لا أريد الحديث كثيراً في هذا الموضوع .. ولكن أكتفي بقول رسول الله صلى الله عليه وسلم في الحديث الشريف زينــة المرأة بيتهــا .. وقد نهانا الإسلام عن مشاركة المرأة للرجل في ميدان العمــل .. ولكن أين نحن من هذا الكلام ؟؟ صدقيني أخي الكريمة .. المنزل أفضل مكان لك .. لا تريدين هذه الوظيفة أو ذيك الوظيفة .. وأسأل الله لي و لكم العيشة الهانئة السعيدة |
وش فيكم هو يبيني اتوظف قال عشان تصرفين عل ننفسك وصراحه ماحبيت كلمته وانقهرت وعشان كلمته ابي اتوظف الوظيفه اللي تريحني ويقولي انا ابيك تتوظفين مابيك جالسه
|
^
طيب يا عزيزتي توظفي بس مو بمكان اختلاط كل رجل يغير مو بس زوجك.. الشي هذا المفروض تقبلين فيه اذا ما ودك تتوظفين خلاص قولي له مابي ابي زوجي الحبيب يصرف علي وادلعه اخر دلع جيبيها من تحت لتحت لا تقولين مباشرة انت الي واجبك تصرف علي |
أختي العزيزه فدراليه
ماراح أتكلم في مسألة عملك و الاختلاط او جلوسك في البيت بس انا أستغرب من استغرابك رفض زوجك لعملك في الشركه التي يعمل بها وفيها اختلااااط,, فابودي اسألك كونك سعوديه وتعيشين في السعوديه.. لو افترضنا ان بيتك انتي وزوجك (اذا الله وفقكم لبعض) عباره عن مجلس كبير فقط.. وجا لزوجك ضيوف,, رجال فقط (اصدقائه ,زملاءه وجيرانه),, وقالك يابنت الاجواد تغطي واجلسي معنا (8 ساعات) بس بزاوية المجلس (طبعا المجلس كبير) ولا تتكلمين,, هل توافقين؟؟ ولا تشوفينه شي غريب وخصوصا في مجتمعنا؟؟ تخيلي لو ان الشي هذا يصير يوميا... اذا شئ عادي بنسبه لك.. يحق لك الأستغراب.... أنا ما شوف فيه فرق بين المثل اللي ذكرته وعملك مع زوجك في عمل مختلط ومع وجود زملاءه... .بل بلعكس ستضطرين للحديث مع زملاءه.. ومعظم السعوديين لا يقبلون بذلك... |
طيب ليه حلال عليه يشتغل في عمل مختلط ومعه نساء وحرام علي؟ ليه هو يغار وانا مااغار مثلا؟؟؟
|
| الساعة الآن 12:58 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©