|
سحرت قلبو
الاملاء تبعك مرة اتعبنا، ليت مراجعة الكتابة قبل طرحها :( |
حبيبتي...انتي ماغلطتي ابداااااا....
المشكلة في الاهل والناس اللي حولكم... ياريت لو تقدري تجمعي اخواتك واهلك كلهم من غيرها طبعا...وتوضحينلهم انهم هم اللي محسسينها بالاحساس هذا مو انتي...وامك الله يحفظها قوليلها بإحترام بس بلهجة حادة شوي...تداركي اختي اللي هي بنتك قبل ما تضيع اكثر واكثر...لاتحسسها امك انها حمل ثقيل عليها ولاتقولها بعض العبارات المستفزة مثل...ياااارب يسعد يا فلانة وتتزوجي...ولا بعد ماترجع من زواج تقولها يالله متى اشوفك عروس ...ولا قدام الناس لما احد يسأل انه ليش اختها اللي اصغر تزوجت ماتقولهم امك نصيبها ادعوووولها ربي يسعدها...لا خليها تقولهم هذا النصيب وهي في بيت ابوها معززة مكرمة وكلنا نموت عليها اصلا هي المحبوبة في العيلة ومن هالكلام خليها ترفع معنوياتها وتحسسها انه عمره الزواج ماكان سبب تعاسة او سعادة احد ياما ناس متزوجين وكارهين حياتهم وناس مو متزوجين ومبسوطييين... انا اخت زوجي الكبيرة ماتزوجت وتحتها بنتين اتزوجو وهي اكبر حتى من زوجي...لكن ماشالله عليها عقليتها نااااضجة وماهي محسسة نفسها انها ناقصة وانا اشهد عمري ماسمعت حماتي ولا ابو زوجي يلمحولها ولا يقولو قدامها متى تتزوجين ونفرح فيكي....وفي قلوبهم وسرهم ليل ونهار يدعونلها وانا واخواتها نتكلم عن الاولاد والازواج والروحات والجيات قدامها ولا تقول شي بالعكس تفرح وتتناقش معانا وجدا متفاااائلة.... اهلك هم السبب وانتي مالك ذنب...اتمنى تواجهينهم عشان مايحطمونك اكثر ولا يحطمونها اكثر وعشان يعالجو المشكلة...الاساس في حل المشاكل الاعتراف ان هناك مشكلة ومن ثم تحديد اطراااافهاااا...لازم يتعرفون انهم غلطانين عشان يقدرون يعالجون اختك...وحاولو تشغلو اختك بأي شي نادي او تحفيظ او كورسات...اي شي يشغلها ويعيدلها توازنها.. ربي يشفي اختك ويرزقها من حيث لاااا تحتسب ويريح قلبك |
أختي الكريمة تقربي من أختك وكوني علاقة قوية معها أشبه بعلاقة صداقة ستخف كثير من مشكلاتها بسبب زواجك.. غير هذا أنت مثلا لو قالت لك باخذه , قولي مثلا خذيه تريحيني من التعب شوي:15: ولا تكوني انانية في ولدك خلي أختك تحمله تغسله تلعب معه , لا تكوني متحفظة جدا في الكلام عن زواجك تعاملي بأن الأمر عادي لا تبالغي في المدح ولا تصمتي فتظن أنك تخافين الحسد الأمر بسيط فقط احتوي أختك أخيرا أمك وأبوك لا تلوميهم بل كان ينبغي أن تكوني أحرص منهم خوفا على صحة اختك فبينتهم مريضة بالقلب |
أختي :
أولا : زواجك قبل أختك ليس عيبا , ويجب ألا يكبر الموضوع أكبر من حجمه . ثانيا : إن كانت أختك من النوع الحساس , فتعاملي معها بحس مرهف , وقدري ظرفها , قربيها منك أكثر , صادقيها , أهديها , أتصلي خصيصا من أجل الكلام معها . أسأل الله أن يلحقها بك عاجلا غير آجل ويرزقها الزوج الصالح الذي يسعدها . |
اختك حساسة جدا...
حاولي ما جيبي امامها سيرة في اي امر بثير غيرتها... طنشي وكانه مافي شي وعامليها احسن معاملة وما تخلي الشيطان يدخل بينكم والله يهدي الجميع... |
حبيبتي الزواج نصيب ..
وان شاءلله أختك ربي بيرزقها الزوج الصالح يارب .. إنتي اتقربي منها وحسسيها بالآمان معاكي واعطيها مولودك تهتم وتلعب معااه وهكذا .. ولآ تنسي تزوريها بالمستشفى واعطيها هديه مع باقه من الورود لعل نفسيتها تـرتآآآح .. ودمتم بووود =) |
معليش بس من أسلوب ردك على أختك لما فرحت بولدك يتضح والله أعلم ان السبب في المشاكل هو أسلوب تعاملك معها
أتمنى انك تراعي هذه النقطة وتهتمي بمشاعرها وكلامك امامها |
لازم تراعين نفسيتها لاتزعلين بس واضح ان كلام امك صح يعني اسلوبك نوعآ ما يميل لعدم المراعاه
حتى لو تحسست منك يكفي منك تردين لها بإبتسامه وتبرير بحب صدقيني مع الوقت بتفهم انه نصيب ويمكن هي عارفه بس شايفه انكم تعاملوها بشفقه واكيد هي بتتحسس ولاتنسين انتي تقولين انها مو حلوه مره يعني الله يرسل لها بزوج يريحها من صراعها النفسي اللي هي تعيشه كان الله بعونها عامليها بلطف أكثر |
حاولي تحسسينها بتذمرك من الحياة الزوجية بعد المولود.. رددي انا مالي ومال الهم.. تكلمي عن مواقف فيها عطل المولود لحظة صفا بينك وبين زوجك. لا تشوفك مبسوطة بالحيل داريها تري هالنفسيات صعبة المراس وحساسة جداً..
|
غاليتي بصرف النظر عن الموضوع بشكل عام إلا أن كلمتك لأختك لمن طلبت ولدك قاسية بكل المعايير
عارفة ليش لأن الطبيعي - أو في الغالب- إن الوحدة بعد الولادة تكون متعبة وسهرانه فلمن أحد يعرض عليها أخذ الطفل حتى لو من قرايبها مو أختها الرد الطبيعي تكفون خذوه برتاح شوي ومن هذا القبيل.. فراجعي نفسك ممكن تكون ردودك قاسية عليها وطبعاً كلامي ذا مايبرر خطأ أهلك أو مواقف أختك.. الله يصلح حالكم ويرزقها الزوج الصالح اللي يعوضها ويهنيها.. |
| الساعة الآن 08:39 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©