|
وأنا أقرأ قصتك ... عرفت أنك لست متزوجة .. وهذا هو السبب في الاحساس الذي تشعرين به .. عزيزتي ... يبدو لي أنك شخصية رائعة جدا جدا... لكنك بحالة نفسية سيئة ... ربما حالة كآبة حاولي أن تجدي أصدقاء يشاركونك اهتماماتك .. سيخفف عنك هذا الكآبة التي تعيشينها .. اذهبي أنتي وصديقاتك مثلاً لعمل هذا البرنامج .. وحتى لو أخذتي البرنامج من هنا .. حاولي أن تشركي معك أحد من صديقاتك .. وربما تجدي هنا من تشترك معك في هذا البرنامج .. وتشجعو بعض على البرنامج .. |
نوآرة يا سلام على كلام البنات..
كفو ووفو.. بالنسبة للبرنامج ريحي راسك وخليك متعاملة مع صالون تروحي لهم كل نهاية شهر والله تفرقين.. واستخدمي الفيتامينات واشربي عصاير طبيعية يوميا وحليب..وكلي سمك وخضار طازجة مسلوقة.. واشربي موية كثير كثير.. وتدعين لي.. جزاك الله خير يانوآرة إن شاء الله بطبق نصائحك |
أنا برنامجي سهل والحمدالله مرتاحه منه
أكل فيتامينات زهور الربيع وهاذي ثالث علبه لي أخلصها أنا كنت أستخدم غيرها بس بصراحه هاذي غير شكل فرقت فيها + امشي ساعه يوميا + كريمات قبل النوم وبعده طبعا قبل النوم كريم الليل من أولاي لوجهي + كريم للهالات السود +كريم زبده الكاكو من فازلين ليدي ورجليني شعري أزيته كل أسبوع وبلسم طبعا في كل مره اغسله اختي بالنسبه للمال أحمدي الله المال نعمه كبيره فرفشي في فلوسك وفرحي نفسك وأخوانك وكوني كريمه علي نفسك وأهلك وأصنعي نجاحك لاتوقفين حياتك علي الزواج الله يوفقك |
اختي الروح الهائمة يمكن اشعر بحالة نفسية سيئة واشعر بالاحباط والكآبة يمكن لاني غير مهتمة في نفسي .. يمكن لاني غير جميلة .. يمكن لاني الى الآن لم اتزوج لادري ماالسبب ؟ اتمنى تطبيق البرامج واتمنى من البنات يتفاعلو في البرنامج اختي ملامح قمر جزاك الله خير على الافكار بطبقها إن شاء الله |
حبيت افيد باللي اعرفه
انصحك للشعر الحنا اعجني حنا قبل الاستخدام ب 3 ساعات مع مايونيز وحطيه على شعرك ساعتين وغسليه وبعدها استخدمي اي زيت حلو انا استخدم ارت وفيه زيوت ثانيه مره حلو املا مثلا وحطيه 4 سعات مع تغطيته وشوفي النتيجه وادعي لي لكن اذاحنيتي انسي نك تصبغبن لانه يعدم الشعر واستخدميه كل اسبوع مره مع الاستعمال بتلاحضي الفرق نعومه وسواد وسطول بسرعه |
جزاكم الله خير على اقتراحتكم
لقد تحدد زواج اخي في شهر شعبان (8) واريد اكون بمظهر احسن من الآن واريد بان يتحسن وضع بشرتي وشعري قبل زواج اخي فهلا تكرمتم بوضع جدول للاهتام بـ ( البشرة + الشعر + الجسم ) |
اقتباس:
حبيبتي وأختي الغاليه أنا اقول لك ولك علي تدعين بس ثلاث شهور أستمري وتطلعين قمر أنتي قلتي ماعندكم صالونات ومراكز تجميل كل شي عندك في البيت تقدرين تجيبينه *أولا عدلي نظامك 1- النوم بدري مثلا من الساعه عشر 2- الفطور له أثر كبير في تحسين الجسم والصحه وإضافه لكذا تنظيم وجباتك 3- الوجبات حاولي تكون صحيه *ثاني شي لازم لازم يكون لك برنامج رياضي حاولي تشترين سير ودراجه شوفي أي مكان حتي غرفتك حطي فيها السير والدراجه ونصف ساعه يوميا أضغطي علي نفسك وأمشي مع الوقت راح تكون عندك عاده المشي علي السير وتستمتعين فيها *ألحين العنايه بالجسم طبعا لازم لك حاولي كل أسبوعين تاخذين لك حمام ساونا هذا تشترينه http://www.dr-ksa.com/products/sawna.jpg تقريبا هذا نفس حقي مفيد للجسم نعومته كذالك لو تبين تنحفين مع السير راح يكون ممتاز شوفي فوائده اقتباس:
وهالأيام تركته عشان البرد وأنا أنزكم بسرعه طريقتي في إستخدامه تحطينه في غرفه مقفله وتجلسين وتعبينه مويه وتخلينه لما يكون حار بعدين تدخلين فيه خمس دقايق والله يعينك علي الحرار بس حلو ينعش :d >> طبعا راح يكون جسمك كله رطب من الحرار بعدين تطلعين منه وتدهنين جسمك بزيت اللوز المر و زيت الجلسرين مع ليمون وتدخلين مره ثانيه فيه مده عشرة دقايق وحطي معك ليفه عشان تفركين جسمك بعد العشر دقايق روحي للحمام خذي لك شور بارد عشان تتسكر المسام أنا بعدها أغسل جسمي بصابون مغربي وبس نعيما خلصنا حمام الساونا :d يتبع رد ثاني نكمل ياقلبي |
طيب ألحين الشعر
أهم شي ياقلبي إهتمي فيه من ناحيه التزيت في الأسبوع مرتين او أكثر مرره مفيد للشعر عندك زيت دابر حلو بس رايحه تصرع بس ياقلبي إصبري الزين يبي له وإذا ماجاز لك حطي لك زيت السمسم حلو يرطب الشعر وخاصه الشعر الجاف وزيت خروع يطوله ويسمك الشعر وزيت جريجير ممتاز للشعر أخلطي هالزيوت بكميات متساويه وفي الأسبوع مرتين حطيها علي شعرك وحطي تعرفين الاكياس إلي للشعر حطيها عليها وكان تشترين لك أله بخار للشعر إلي في مشاغل يحطونها لحمام الزيت أنا مو عندي بس فيه بنات يشترونها ويحطونها في بيوتهم بدل كل مره حمام زيت في مشغل * البشره أهتمي تنظفينها قبل تنامين وترطبينها راح تطلع لك روعه مع الوقت وأساليني مافيه مانع من الأقنعه بس مااتأثر مره أهم شي كريم مرطب , واقي شمس , كريم للهالات السود الكريم المرطب حاولي دايم ترطبين بشرتك وجسمك عشان تطلعين ناعمه ولا تنسين كل ثلاث شهور المشغل بدكير ومناكير وأخر شي روحي لطبيبه أفحصي وخليها تعطيك فتامينات ومكملات غذائيه مره تقبل تخليك قمر وخلاص ياحلوه أتمنى أفدتك وبصراحه حمستيني ودي أنا بعد أبدا برنامج اغير شكلي وش رأيك نبداء مع بعض :d والله جد إعتبريني مثل أختك ويالله نحمس بعض وإذا وحده من البنات تجي معنا خير وبركه منتظره ردك يالله كل أسبوع كل وحده تقول وش أنجزت بس شوي أنا ثلاث أسابيع أعذرني بكون كسوله شوي :29: عشان علي إمتحانات من بعدها نشوف من أكثر وحده تكون تمام وتنظم في البرنامج إلي راح نسويه :29: ويارب تطلعين لنا أحلى وأجمل من العروس في زواج أخوك ونشوفك عروس قريب إن شاءالله |
قلبي أهم شي أبيك يكون عندك عزيمه وصدقيني أنتي جميله بس مشكلتك ماطلعتي الجمال إلي ربي عطاك
وحبيبتي أهم شي وربي الحفاظ مافيه جمال يستمر إذا الوحده ماحافظت عليه أشوف بنات عندنا مافيهم من الزين بس بالعكس عيوب كبيره فيهم بس ماشاءالله عليهم حفاظ علي أنفسهم ألحين تشوفينها تقولين حلوه مع إنها عاديه وأقل يالغلا الجمال قاعده أهم شي عنايه غيره ماراح يطلع جمالك |
| الساعة الآن 08:20 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©