|
اكتبي اكثر عن قصتك تشبه قصه زميلتي بس الفرق ماعندها اطفال
اكتبي كيف مهد لك الموضوع وكيف جابك لبيت اهلك واخلاقه والي يشكو منه وانتب كمان احس بالمك الله يرده لك ردا جميلا |
اقتباس:
والظالم مصيره ياخذ جزاه ياحبيبتي انا مطلقة وكان بينا حب ووالخ لكن مجرد ماباعني معاد صرت اشوف الا نه عابر سبيل بحياتي وانتهى مافي بقلبي الحين ذرة محبة له ولا أفكر حتى فيه وانا أبيك تكونين كذا قوية وأبغاك تقوين إيمانك بقضاء الله وقدره ربنا قدرك لك هالشئ فهووووو خيررررررر لك لكن لا تستعجلين فرج الله قريب والله يخليك لا تذلين نفسك خلاص ليش تكلمين وترسلين الرجال مايجي بالغصب وكلي أمرك لله والحياة لم تنتهي عند ولد عمك لا تخسرين صحتك وحياتك وأكررها مليون الله يكون بعونك وتأكدي أنها فتررررة وتعدي بإذن الله لكن حاولي ماتفكرين كثير |
الالله يعينك اكثر شيء يريحك انك تقطعين الامل منه ,,,,
التفكير فيه يتعبك كثير ,,, |
أختي الفاضلة أسأل الله أن يجبر كسرك..
ولكن أنتِ ابنة عمه.. كيف تجرأ وفعلها بك ؟؟!! أصبح باب المشاكل وقطع الرحم مفتوح على مصراعيه الآن مع الأسف.. ومن يفعل جريمة كهذه بمباركة الأهل فهو لا يستحق منك شيء.. لذلك اهتمي بأطفالك (وكثر اهتمامك بهم راح يفقع مرارة أهله ويحنن قلبه عليك إذا بعد تبينه ) ولكن يا أختي قصص الحب للأسف يحب أن يعيش بعض الرجال في سراديبها وصدقيني بعد أن يمل من تلك سيعود.. يبدو أن زوجك يعشق أن يبقى متلهف وفي شوق مستمر وطبيعة الزواج بعد فترة تهدأ فيه براكين الجنون.. لذلك عاود الكره وخصوصاً أن له باع في ذلك الآن.. فقد أعطيتيه دروس وتجارب وهذا ما فهمت من أنك تزوجته عن حب والله أعلم عنكما .. أسأل الله أن يصلح حالك في الدنيا والآخرة.. ويصلح لك أبنائك وينشئا في طاعته سبحانه وعليها.. |
حاسة فيك اختي ......... والظلم عاقبته بتشوفينها فيهم لاتخافين
انتي نفس قصة عمتي انجبت بنتين و تزوج عليها وطردها من البيت بحجة مايقدر يوفر مسكن على قولتك والله عمتي جتنا بشنطتها وتبكي وتردد حسبي الله ونعم الوكيل والله يااختي ماكملنا سنة الا صاير عليها حادث عروستة الجديدة هي واللي بطنها كانت حامل ومتوفيه سبحان الله ماتهنت فيه ولا بالبيت ورجع لعمتي يقول هاذي ذنوبي وسامحيني وارجعي لبيتك ولحد الان تفكرر بالرجعة نصرها ربي بعد مافقدت الامل كنا نقولها عروسته حملت خلاص انسيه والله كانت توقت الجوال الساعة ثلاث كل ليلة ........ والصلاه اول مايذن تقوم تصلي ركعتين وتدعي انسانة راعية صلاة سبحان الله ودين وربي ماضيعها والمفروض اي زوجة ثانيه تتأكد ان زواجها من رجل متزوج لا يأثر على بيته الاساسي ولا يطلق زوجته علشانها لكن حريم مايخافون الله قمة الانانية لكن الله فوق الكل ومطلع وشايف رددي حسبي الله ونعم الوكيل وسينصرك الله صدقيني اختي اما يرجعه لك او يعوضك بأحسن منه |
اقتباس:
والله صدقتي ......... الله يكون في العون |
زوجك اقل مايقال عنه خسيس
لايستحقك |
الله يعينك حبيبتي مادري ايش بعقولهم هالرجال من يشوفو وحده دقت فيوزهم واحنا الضحايا
|
ما يستاهل تبكين عشانه مالت عليه هو راح يتستانس شهر شهرين وبعدين بيتعود عليها ويشوفها شي عادي وصدقيني راح يرجع لك اذا الله كاتب بس غيري بشخصيتك وقتها وخليه يعرف ان الله حق وان بنت عمه ماعاد هي الأولية وانسيه وتفرغي لنفسك وتراك بنعم كثيرة عندك اطفال ماشاء الله وامك عندك وترى الوالدين نعمة والاطفال نعمة من ربي ناظري لنصف الكاس المليان لا تناظرين للنص الفاضي أسأل الله ان يربط على قلبك ويسخر لك الخير ,,,,,,,,, |
اسأل الله ان يأجركِ بمصيبتك ويخلف عليكِ خيرا منها
|
| الساعة الآن 01:09 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©