المشاركة الأصلية كتبت بواسطة ليه الغرور؟ (المشاركة 2725412)

ماشاء الله مع مواصفات زوجك واخلاقه العاليه واسمك الهم ذبحني؟؟ طيب ليش؟؟ اجل كيف لو عشتي مع زوج مافي ولاذرة رحمه زوج ينتقد كل شي فيك او زوج يضرب او يطلق اذا مالقى اكل او مالقى ملابس نظيفه...

لاتدوري طريقه ولا شي انتي ماعندك مشكله...هذا طبع زوجك ولازم تتكيفين معه...اذا على الطرد انتي عارفه انه بيكون معصب الرجال وبالذات اصحاب القلوب الطيبه اذا تهاوش مع زوجته يقلها روحي بيت اهلك لانه وقتها معصب ومايبي يمد يده عليها وماعنده غير روحي بيت اهلك...

وزوجك بكل هالمواصفات انسان نادر جدا نصيحه غضي الطرف عن طبعه السيء..وحاولي انك ماتستفزينه...يعني اذا تبين طريقه تتخلصين من طبعه حاولي ماتعصبينه او تردين عليه الكلام...

انا قلت هاللكلام لانك وصفتي زوجك بمواصفات رائعه ...تشفع له اي غلطه يسويها..وايضا انتي ناقشيه ووضحي له في لحظة صفاء بينكم ان هالشي يضايقك واطلبي منه انه مايكررها

وبالنسبه انه مايعملك الحاجه الا بعد اسبوعين من طلبها...يعني انسان مهين او كسوووول...والحين قوليلي عمرك شفتي رجال مش كسول...اغلبهم كذا...لازم تزني عليه عشان يخلص حاجتك..

وبروده...مافهمت وش تقصدي من البرود هل برود اعصاب او برود جنسي...؟؟

المشاركة الأصلية كتبت بواسطة GREEN222 (المشاركة 2725436)

سهل جداااااااا

وقت الهواش آية الكرسي ردديها كثيرا على ماء واشربو انتي وهو


اسهل واسرع دواااااااا

المشاركة الأصلية كتبت بواسطة المتفائل بالله (المشاركة 2725445)

السلام عليكم ورحمة الله تعالى وبركاته
أتفق مع رأي الأخوات هنا تماماً ، وأزيد علية أن لاتؤاخذية وقت الغضب ، ودائماً دائماً في حال حدثت اي مشكلة بينكِ وبينة تذكري إيجابياته ، ولاتدعين بعض السلبيات التي في شخصيته تؤرقك ، واعلمي بأن الكمال لله وحدة ، وصدقيني بيت الزوجية بمشاكلة ارحم من بيت أهلك ، والزوجة لايتحملها إلا زوجها ، حتى اهلها وإن تحملوها يظل للزوج نكهة أخرى .

شيء جميل !!
أعجبني فيكِ بأنكِ لم تستمعي لكلامة عندما طلب منكِ لملمة أغراضك ، ف هذا طباع المرأة الناجحة ، دائماً متمسكة في زوجها وبيتها أياً كانت الظروف

الحل !!
في جلسة هادئة وجميلة تكونون فيها مؤلفة قلوبكم ويفضل بأن تكون في غرفتكم الخاصة ، أثني علية بالكلام وامدحية لينفتح قلبه للعتاب " الرومانسي " أكثر ، وبالكثير من التودد ووووووووالخ ، قولي له بأنكِ تحبينه وبأنكِ لاتريدين بأن تسمعي منه هذا الذي يؤرقك مرة أخرى ، وذكرية بأبنتة دائماً ، وبأن هذا من الشيطان ، فلا تدع الشيطان يدخل بيننا ، فهو عدو الله وعدو المؤمنين .

كل التقدير .

المشاركة الأصلية كتبت بواسطة pink choco (المشاركة 2725446)

المشكلة ماهي مستحيلة الحل عشان تتكيفي معها ..

المشكلة بسيطة ولها حل ...

اذا قال لك مرة ثانية اطلعي ،، خذي أغراضك واطلعي ..
و شوفي بعدها كيف راح يبطل هذا الكلام ..!

هو يكرره عليك عشان عارف انك ما راح تطلعي و يستمتع بانك تترجيه و تستسمحي منه ..
تعتذري مرة مرتين ما عليه .. لكن علي طول صدقيني مو حل أبدا ..

جربي مرة و شوفي كيف راح تنحل مشكلتك ..

المشاركة الأصلية كتبت بواسطة مشكلتي زوجتي (المشاركة 2725517)

خليك ذكية... هو مكرمك ومو مقصر عليك بشي رغم بعض اهمالك وهذا نادر في الرجال.. هو يعلم ان بيت اهلك فيه مشاكل ووضعك في بيتك افضل.. فبالتالي هو يضغط عليك بس عشان تتأدبي حسب مفهومه..
لا تخربي بيتك.. مثل ماهو يتعامل معك بطيبه عامليه بالمثل
رددي فوق راسه كل يوم وبكل مناسبة فرح او زعل جملة( مالنا الا بعض مهما صار) >> لها مفعول عجيب


انا ارى ان جرح كرامتك بطردك ولكنه ماطردك هو هدد بطردك ولكن له هدف انه يردعك ويخليك تعودين لطوعه بس وهذا امر عادي دامك انسانه عاقله وتعرفين مصلحة نفسك>> فلا تخلي للشيطان مجال بينكم


من ناحية الكسل.. كثير من الرجال تشغله امور كثيرة ينسى او يهمل بدون قصد كما زعمتي...
ومرات الاكتئاب يخلي الرجل مايهتم ولا يقدر يزين شي


لاتهتمي فترة وتعدي بس خليك عاقلة وذكيه.. ودلعي هذا الطفل الكبير

المشاركة الأصلية كتبت بواسطة مس جوري (المشاركة 2725562)

اذا قال لك بعدين قولي له بسلوب هادئ وبحزن ولو فيه كم دمعه يكون احسن اذا ماتبغاني ما انت مجبور علي وانا لو بيدي ما أفارقك ولو ثانيه ولو ألف الكون مألقى زيك بس نفسي عزيزة ماأقدر اعيش مع واحد مايبغاني اذا سكت لمي اغراضك وانتي تبكين وتناظرينه نظرات شخص مايبغى الفراق صدقيني راح يعتذر ويتأسف احضنيه وقولي من قلبك انت ماتدري الكلمة هاذي تخلي قلبي ينزف نزف انطرد من بيتي ومن زوجي حبيبي حط نفسك مكاني...
جربي هذي الطريقه وعطيني خبر.

المشاركة الأصلية كتبت بواسطة عاشق الجواهر (المشاركة 2725599)

السلام عليكم

قد يكون ردي فيه الكثير من القسوة لكن اعتقد من وجهة نظري ان هذا هو افضل حل

زوجك ربما لم يجرب ان يعيش ببيت خلا من زوجة وابنه يحبها ويدللها متى ما يشاء وكيفما يشاء

اختي الكريمة .....

زوجتي تركت البيت اكثر من مره على مشاكل تافهه وكنت كل مره ارجعها ولم اطردها قط كانت تذهب بملأ ارادتها واعيدها بعد ان افتقدها هي وابني

فنصيحتي : اذا قال لك زوجك ضفي اغراضك انا ماعاد ابيك ببيتي قومي بكل هدووووء اهم شئ بكل هدووووء وافتحي شنطك وخذي بعض اغراضك الضرورية واغراض ابنتك وجهزي كل شئ واستعدي للذهاب لبيت اهلك

ان اوصلك لبيت اهلك وكما وصفتي انه يحبك ويحب ابنته بجنووون لن يتحمل اسبوعين الا وهو امام منزلكم بحجة انه يريد رؤية ابنته

هنا ابوك يتدخل ويطلب منه الدخول للبيت واجلسوا ابنته عنده ليلاعبها قليلاً هنا انتي ادخلي للمجلس سلمي عليه وتناقشوا بالموضوع

وقولي له انا خايفه وما احس بالامان على كل مشكله تقولي ضفي اغراضك وروحي بيت اهلك اذا تبيني ارجع خلاص لاعاد تطردني من بيتي بكره بنتنا بتكبر وش موقفك وهي تشوفك تطرد امها ؟؟؟

عموماً هذه الأحداث مجربة وأدت ثمارها ان الزوج بطل على كل كبيرة وصغيره يقولها ظفي اغراضك يالله بوديك بيت اهلك

استشفي زوجك جيداً واعلمي هل ينفع معه هذا السيناريو او لا

وحتى لو تغيرت الاحداث قليلاً ان ابوك اتصل عليه وقاله تعال اليوم تقهوى معاي ان اطال الوقت ولم يسأل وعند قدومه حاولوا حل المشكله معاه

ان كان رأيي في غير محله او خطأ اللهم اعمي بصيرتها عنه

المشاركة الأصلية كتبت بواسطة هدوووء أنثى (المشاركة 2725630)

انا مع راي اخوي عاشق الجواهر والاخت بنك ولاراح يكررها صدقيني