![]() |
وعليكم السلام ورحمه الله وبركآته وصباحك يا اختي سبحان الله يا تناهيد ..! سبحان اللي مسخرني ادعي لك يا اختي الغالية انتي الوحيده اللي دمعت عيوني وانا اقرى كل مواضيعك فيه شي مؤلم .. انثى حقيقيه وضعيفة .. لكن لك رب ما يضيع عبيده وهذا من فضل الله علي وعليك ويمكن عشاني مثلك محرومة من ضناي ..:( بقولك شي سويه بحياتك وبترتاحين انا في بدايه طلاقي عشت صدمة قويه بسبب أولادي عندي بنت وولد وكانو متعلقين فيني مرة بشكل محد يتصوره وربي وفجأه ينحرمون من الأم مرة كان صعب علي وأكيد عليهم قبلي كنت خايفه عليهم يصير لهم شي ولا يتربون ويصيرون عيال شغالات وخايفه من اشياء كثير لكن ربي هداني ووفقني أني أدعي لهم كل صلاه وأتعود على قيام الليل عشان ادعي لهم وكل صبح اقرى المعوذات أرقيهم وهم ماهم قدامي صدقيني أخلاقي زانت وصرت أي شي اسويه أقول عشان ربي يحفظهم لي .. عشان ربي يصلحهم ويقر عيني فيهم لا كبرو .. وتعودت على حاجات حلوة صرت اسويها اشتري هدايا لأطفال جيرانا واسوي لهم حفلات نجاح واجمعهم اوزع عليهم حلويات واشياء يحبونها وقبل فتره نزلت السوق شريت جكيتات برد وأهديتهم يعني اشياء ما تتخيلينها كأني اجيب لعيالي وامي دايم تهاوش انتي فلوسك تضيعينها وانتي وانتي وانا ما همني والله لان عندي هدف ابي اوصل له وكل الشي ذا عشان ربي يسخر لهم ناس يعاملونهم مثل ما اعامل الأطفال , لدرجه اني ادعي ربي اتزوج واحد مطلق ولا أرمل معاه عيال عشان اربيهم بحنان واخذ اجرهم تفكيري بس ششلون ما يحسون بفقد الأم وانا والله الحين مرتاحه نفسيا مو مثل العام .. وكل هذا بفضل ربي ان هداني لشي اسويه وارتاح نفسيا شفتي كيف ربي رحيم سبحان الله بس وينا احنا بس .. صدقيني ما كتبت هالشي رياء ومابي يضيع اجري لكن انتي ما تعرفيني وانا ما اعرفك بس حبيت اقولك شلون ارتحت بعدهم وابيك انتي بعد تفكرين وش ممكن اسوي خير بحياتي عشان ولدي .. اعذريني يا اختي طولت بالكلام لكن عنوان موضوعك لحاله مؤلم ويحزن تذكرت نفسي شلون كنت وحاسه فيك مره مرة يارب يزيل همك ويفرح شوفك بضناك ويوفقك للخير |
اقتباس:
انا الغلطانه المفرووض من البدايه ماسمحت له ياخذه لكن وش اسوي توقعت اني اذا خليته معااه بيرجعني وبيعتذر عن اهانته لي بس صآر الي ماخطر على باالي جآب الخدامه لولدي حبيبي وراح ماتردد في اتمام ملكته وزواجه .. انا ماقدر اجبره يحبني او يعيش معاي غصب عنه لآوالله كنت ابغى قلبه كنت ابغاه يبادلني المشاعر الحلوه الي احملها له بقلبي هو يعرررف مكانته عندي ويعرف غلآته ويعرف وش كنت اسوي عشان ارضيه يآآآآآآه كم وكم اتذكر وربي اتعذب آآآآوف منه ومن قلبه الي مايحس لو تعاشرين اي احد لو مده اسبوع بس وتدرين بعدين انها مريضه او متضايقه ترحمين حالها وتتذكرينها بالخير مـابالك بالي عطيته حياتي وقلبي وشبابي حتى كرااامتي الي اهانها تنازلت عنهآ وبالاخير يتلذذ اني اتعذب وخاصه اني محرومه من ولدي حبيب وبعيده عنه والله اني مارحت زعلانه عند اهلي الا بس ابيه يحس بغلطه ماكنت حاسبه حساب انها فرصصه وجآته .. يمكن يكون اللوم علي لكن وش اسوي هو قالي لو عندك ذرة كرامه خلآص روحي بيت اهلك رآح الي اغلى منك مااجات عليك وربي قلبه قآسسي مررره وقاعد يسسوي العجب لزوجته الجديده وانا ياحليلي بس خليني سآكته .. لو بيوم جاه شي بحياته راح يتذكر تناهيد الي صبرت على ضروفه المر فيها قبل الحلو الله ياذكريات باقي عالقه بذهني معاه والله ابكي لا بس جات على بالي اقول معقوله هي حقيقه والا حلم كييف اهون عليه كيف ..؟؟ اما من ناحيه ولدي والله لو بيدي لا اسافر الحين واروح اجيبه الله يسسسسهلها اليوم بكلم ابوي بالموضوع واشوف وش يقول يارب سهلها ويسر علي كل عسسير اذا اخذته خلآص ماعاد ابغى شي .. وبوصل لطليقي رساله مع زوج اختي يقول له المبلغ الي عنده هو بذمته الي يوم الدين وقت مايبغى يرجعه وانا ماراح اسامحه مهما كآن الله يفرج همي ويعوضني خير ياااارب |
الله يرده لك ياااارب ويريح بالك
لاااااتنسين ارحناااا بهاااا يابلاااال الصلااااه والبكي والدعاء وانتي تصلين راح تحسين براااحه وكفايه انك شكيتي همك للرؤف الرحيم |
لا حول ولا قوة إلا بالله شي يفطر القلب
غلط بصراحة نحط كل أحلامنا وأمانينا بسلة واحدة !! طيب وان ضيعنا هالسلة نضيييع بكره معاها !!! أختي دام أبوك متفهم كلميه وهو اللي كلمته ماشيه بالبيت وفلوس ومدري ايش اتركيها على جنب وإذا أمك وأخوانك همهم فلوس ليه ساكتين عنها طيب؟؟ وما يفلحون يجيبون الطاري إلا إذا قلتي ولدي!!!!! لا تتركين ولدك وحاولي بكل السبل وأنصحك إذا وافق أبوك لا يكلمهم على طول .. يجيب ناس يستحون منهم وما يرفضون لهم طلب أفضل ويتدخلون بينكم و الله يسهل الدرب اللي فيه مصلحة ولدك |
اقتباس:
آآمين يااارب الله يسسسمع منك وعد ان شاء الله اول ماتصير تطورآت بالموضوع هذا راح ابششركم ربي يسسعدك :d |
الله يفرج كربك بارب ويقر عينك بابنك إن شاء الله بتلاقي بحضنك انا براي تقفي وتصارعي الكل كرمالابنك لانو مصير الزمن ينسيهم هالايام ويرجعوا ما احلاهم معك هي فترة وبتعدي تاكدي ابنك اهم من الناس كلها ومن المادة وضمة ابنك بتنسيك الدنيا ومافيها زعل اهلك احكي مع ابوك وفضفضي و يمكن يحس فيك ويجبلك ابنك والله على كل شيء قدير على فكرة صابني متلك وكتير قالولي رجعي ابنك لزوجك وانا مارضيت قلت اخسر زوجي ولا اخسر ابني والحمدلله هو معي هلا وإن شاء الله بيسعدك الله فيه متل ما بسطني يارب
|
لاحول ولا قوة الإ بالله إن شاء الله يرجع لكِ إبنكِ وتشوفيه على طول قدامكِ |
اللهم رد لها ابنها حتى تقر عينها
|
اقتباس:
يا عزيزتي لا تلومي نفسكِ كثيراً .. هذا قدر الله وإرادته .. و لا تكممي نفسك عن الحديث أو البوح ؛ إذا ضاقت عليكِ والله فرجها عند ربّ العالمينْ .. فقط انطرحي بين يديه وبثّي الشكوى وأسأليه أن يلهمكِ صبراً و أن يعوضكِ خيراً حدثيه بكل مافي نفسكِ فَ والله الذي لا إله إلا هو أنها لـ أروع جرعةُ صبر و رضا تنآهيدْ أجركِ لن يضيعْ بإذن الله ؛ و كلما ما قدمتيه يبقى عند رب العالمين جزاءها وستنالين أما قريباً عاجلاً أو بعيداً آجلاً .. السعادة يّ عزيزتي لا تتوقفْ عند هذا ؛ الحياة تخبأ لنا الروعة في المقابل عكسها هناك كميةَ من الاشياء السعيده التي مهما وضعنا المكبر لتقريب حجمها وتوسيعها لا حظناها .. لكنْ كِ طبع انساني عندْ أول عرقلةٍ نهزم .. الله يرد لكِ ابنك رداً جممممميلاً ؛ ويعوضكِ خيراً و يلهمكِ صبراً و يقيناً .. اسمعي هالمقطع لعلها ضمآده .. http://www.wathakker.net/lib_audio/d...ad_faqeer_.mp3 دعوآتي القلبيةِ ؛ |
أسأل الله الحي القيوم باسمه الأعظم الذي إذا دعي به أجاب وإذا سئل به أعطى..
أن يرد لك ابنك في القريب العاجل ويمتع ناظريك برؤيته..ويداك بضمته إلى صدرك.. |
الساعة الآن 02:46 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©