|
[QUOTEبغض النظر عن عيوب خطيبي الكثيرة ][/QUOTE]
لاحول ولاقوة الا بالله قريت موضوعك اكثر من مره وانا مريت بنفس حالتك بس مع خطيبتي سابقا كل حوار يدور بينا ع طول ينتقل لامها واخواتها واحيانا اسئلها وماتجاوب الا اليوم الثاني لا وتجاوب كنها تنقل من ورقه او كنها تسمع ومهي حافظه واجهتها وطلبتها ان اللي بيني وبينك ارجو مايتعدانا خاصه الهواش والاستفسارات اللي كنت بستفسرها منها كأنها بدت تتغير نوعا ما وبيني وبينك ما الومها كونها بنت وغشيمه وماتدرك بعض الامور وانا رجل غريب عنها وماكانت بينا ذيك العلاقه القويه فأتوقع كان ينقص العلاقه الحب والامان والتضحيه والشفافيه هو كان في حب من طرفي لكن حيل الله اقوى المقصود ياستي ان زوجك لسا علاقته معك مهيب ذيك الزود اعطيه امان وحب ونسيه حب وامان اخواته وبعدها ان شاء الله بيتسنع |
اقتباس:
كلنا عيوب وأخطاء وأتوقع بنت مثلك ماراح ترضى بشخص كله عيوب .. (( دائما ألاحظ في هالمنتدى خلاص دام ماأحد يعرفني لي الحق أنتقص من شخصية زوجي , خطيبي ....الخ خلو ضميركم يحكمكم .. :) ..)) ثانيا : كلمي خطيبك بالتصريح والتلميح ..مرة ..مرتين... وبيفهم ..هو مايسوي هالشي إلا بحسن نية ..إنتي بأسلوبك فهميه بإنك تتضايقين ..يا عزيزتي والله لو يعرف هالشي يضايقك ماسواه ..:) تمنياتي لك بالسعآآدة .... |
اقتباس:
الله يجبر بخاطرك , اي والله فرفوشة وش زيني :23: على شوية قشارة عشان ما امدح نفسي بالنسبة لإقتراحك , تراي مألفة مجلد اسمه ( صديقاتي وازواجهم ) وعلى اجزاء بعد من كبره , مابقى الا أطبعه في دور النشر جربت هالطريقة , كثير واستهلكتها لما قلت بس , ولا نتيجة انا مشكلتي مع زوجي انه شخصيته راعي سواليف بقوة + الرجل الوحيد في بيتهم + متعود يقول لأهله كل شيء عن حياته من قبل مايتزوجني اصلاً والنتيجة كوكتيل صعب التعديل ما ادري احس التلميح ماينفع مع هالتركيبة الجهنمية ماينفع الا تصريح ووضع النقاط على الحروف شكلي بدخل في مواجهة قوية قريباً والله يستر |
اقتباس:
كلامك صحيح , مشكلتي حادة واخذ موقف , واضحة وينقصني الدهاء الانثوي طبيعة شخصيتي اقدم واعطي بشكل لامحدود , عاطفياً وجسدياً وغيره , في حال كنت مرتاحة مع الشخص ومافيه منغصات او ع الاقل المنغصات ليست مصيرية اما اذا وجدت صفة سلبية ودائمة او مستمرة اشعر كأنها تضغط علي, احس بإنزعاج شديد و انفر + ما اقدم أو اعطي + ادخل في مواجهة مع الطرف الثاني وما ارتاح او ارجع لطبيعتي لحد مايتغير الوضع ويصير زي ما ابي طبعا كون شخصيتي بهالتركيبة فهي تتيح لي الموجود اصلاً , ولا تمكني من الحصول على غير الموجود بمعنى مثل هالصفة او غيرها تخليني انفر وما اشبعه اهتمام وثقة واحترام على قولتك , بالعكس ممكن اقصر بشكل كثير في هالنواحي , وممكن على النقيض اعامله بالعكس , لاشعورياً مني , كتعبير عن عدم رضاي بينما لو كنت مرتاحة اقدم واعطي حب واهتمام بشكل لامحدود, بشكل لايمكن تتخيلينه عموماً انا احاول اسيطر على نفسي من بداية خطبتي , لاني اخترت ان استمر بالخطوبة والله يعين |
اقتباس:
تسلمين ايه تكفون علموني الدهاء حقكم ذا تراي ما اعرف الا:29: دعابة :d |
اقتباس:
انا وجهي صار كذا :( يوم قريت ردك وش السيناريو المستقبلي الحزين اللي كتبتيه لي :( اهم شيء نقل الخبر لحظة وقوعه :29: حرام عليك كني ناقصة :( والله ما ادري يابنت الحلال , كل اللي قاعدة تقولينه يتناسب مع شخصية خطيبي وبقوة لكن ظنوا بالله ظن الخير وانا راجية ربي ان يعطيني على قدر نيتي ومايخيب ظني , والله يستر ـــ<< ضاق الصدر :( |
اقتباس:
[/QUOTE] والله عطيته حب وحبحبت فيه لما طلع الحب مع خشمه الرجال فيه طبع , والطبع يغلب التطبع اجل اقوله شيء اشاورة فيه يقولي اصبري اسال امي واردلك بكرى زين اني مسكت لساني وقتها |
اقتباس:
ليتك تعدل مشاركتك الأولى عشان ارد عليك ادري انك كتبتها بحسن نية , بس عدلها الله يعطيك العافية |
اقتباس:
بالنسبة للنقطة الاولى مع انها جانبية ومالها علاقة بمشكلتي , بس برد عليك شوفي ياعمري اولاً انا دخلت المنتدى محتقنة وكتبت موضوعي وانا تحت ضغط نفسي , لذلك اللي تقرينه من الفاظ غير مستغرب ثانياً بعيداً عن المثالية الزايدة وتنميق الالفاظ والنفاق اللي بغير محله , انتي اذا صرتي زعلانة من شخص ما وواصلة معك وكلمتي امك او اختك او صاحبتك اياً يكن طبيعي بتتكلمين عنه باسلوب معين ممكن يكون اسواء من اسلوبي بكثير- ولاتقوليلي لأ لأنك ماراح تكونين صادقة وقتها- وانا اتصرف بهالسجية وبهالطبيعة وهالصدق مناسبني تماماً واشوف العكس يصنف تحت الهياط بالنسبة لكلامك الاخير الله يعطيك العافية , لكن للعلم هو يعرف ان هالشيء يضايقني ويسويه :( |
الان سؤالي
اذا كانت المعطيات زي ماقتلكم هل الصراحة والوضوح والنقاش الجاد بيجيبون نتيجة ايجابية ولا بيصنفون تحت اطار فرض الشخصية + تحاول تبعدني عن اهلي بمعنى زوجي الشقيق الوحيد لاخواته واللي كل ماطق عود عود ركض يقولهم واللي مايخبي شيء عن امه ومايسوي شيء الا بشورها هل تشوفون اني اذا قلتله بشكل مباشر يافلان لاتقول لاهلك اللي بيني وبينك , ولاتعلم احد , ورايك خذه من راسك لانك رجال كبير وماسك منصب يعني مايحتاج كل ماقتلك شيء تقولي اسأل أمي , وانا احب الرجل قوي الشخصية واحترم الرجل اللي ياخذ قراراته بنفسه وبلا...بلا.. هل تشوفون هالشيء بيجيب نتيجة ايجابية ؟ او ان الوضوح بهالشكل مايناسب الرجل السعودي وممكن ينفره مني او يكرهه فيني او انه يأخذه على اني قاعدة افرض شخصيتي عليه او املي عليه افعاله ارجوكم حللوا شخصية زوجي خصوصا الرجال وعطوني ارائكم ولامانع من الاسئلة ط بصراحة البربسة انا ماتتناسب مع شخصيتي ابد ما اعرف استمر مع شخص وهو يبربس , احس بضيق شديد , الى متى بقعد المح وافوت واطنش لازم يكون فيه وضوح بهالنقطة بس اخاف اعميها لاحكيت |
| الساعة الآن 05:40 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©