|
اقتباس:
وحكمة الله فوق كل شيء وهذا شرع الله سمعنا واطعنا |
يا أخي أنت تزوجت على سنة الله ورسوله وهاذا من حقك إنك تتزو ج وتعدد وزواجك الثاني كنت تبي تعف نفسك فيه وربنا وفقك ويسرها لك وتزوجت وكسبت أجر المرأة الأرملة وعيالها الأيتام وهاذا نصيبك وقدرك إللي ربنا كاتبه لك ومافيه عندك حل إلا إنك تصارح زوجتك الأولى بالحقيقة أول شئ هيئ لها الجو وأجلس معاها جلسة هادئة
وأفتح معاها الموضوع على أساس إنه يخص واحد من أصحابك قول لها لي صديق واقع في مشكلة وأخذ رأيي فيها وعلمها بالسالفة وقول لها صاحبي تزو ج على زوجته من سنتين حرمة أرملة وعندها أيتام وزوجته الأولى للحين ماتدري بزواجه الثاني وبزواجه من الأرملة يبغى يكسب الأجر فيها وفي عيالها الأيتام وبشاهدته هو إن زوجته الأولى ماينقصها شئ طبعا أنت أمتدح زوجته الأولى بحسن صنيعها معاه وبوفائها وتضحياتها له طبعا تكلم انت على لسان زوجها قول لها والحين يبغى يصارح زوجته ومو عارف كيف يصارحها بالموضوع ويقول لها خصوصا إنه يحبها ومايبغى يجرحها ولا يضايقها وكمان أشرح لها عن ظروف زوجته الأرملة وعيالها الأيتام وكم هم بحاجة لرعاية زوج أمهم لهم خصوصا بعد تعلقهم فيه ومحبتهم له طبعا أنت قول لها صاحبي يقول يا اخي أنا ابغى أكسب الحرمة الضعيفة وعيالها الأيتام ولا أنا ماناقصني شئ من زوجتي الأولى ولو كنت أحس بنقص او قصور من أم عيالي كان توجهت للزواج من البنت الصغيرة بالسن والبكر وتركت الأرملة راعية العيال لاكن أم عيالي الله يجزاها خير مافيها قصور والحين صاحبي متوهق وحالته النفسية صعبة ومايدري إيش يسوي وكيف يناقش زوجته ويفتح معاها هاذا الموضوع وتشاورني وأنا عاجز عن إعطائه حل وقلت أقول لك ياأم فلان إذا كان لك وجهة نظر بالموضوع وعندك حل سليم لصاحبي لعلى وعسى أمورة تنصلح وتزين طبعا هاذا جس نبض لها إن شفتها أبتدت تعطيك حلول ووجهة نظر سليمة فتوكل على الله وقول لها بالسالفة وإن شفت الحرمة إنفجرت وشبت وقامت قيامتها و تتكلم عن صديقك بشئ غير طيب فأحسن شئ إنك تسكت حتى تهدأ العاصفة وفكر لها بحل ثاني طبعا إنتبه إسم صديقك لازم يكون مجهول ماتعطيها إسم صديق هيه تعرف زوجته او أقاربه حتى ماتجيب لك العيد عندهم وربنا يعينك وييسر لك ما أستصعب من أمرك . |
تقول يثيرك منظر المتبرجات بالاسواق والمستشفيات .... وتروح تتزوج ارمله عندها عيال !!!!!
|
لاتخبرها خير لك ولها ودع مركبك يمضي بسلام ولكن كمية تأنيب الضمير لديك كبيرة على الرغم من أنك لم ترتكب محرم فلماذا أم أن هناك حلقة مفقودة في موضوعك?
|
انت مكبر السالفة واااااااااااايد انت لم تخون زوجتك بل تزوجت بالحلال عفيت ارمله مسلمه وكفلة أيتام وما قصرت بحقوق زوجتك الأولى ولا أولادها ليه الخوف نصيحه لا تخبر زوجتك ابعد عن المشاكل موفق ان شاء الله |
زوجتك قايمة فيك وتحبك ومهنيتك تروح تتزوج عليها..!! ليش بس..؟؟
يعني الحين عفت نفسك ةصرت ما تطالع البنات بالاسواق والمستشفيات؟؟ ماعلينا والف مبروك ..!! واضح انك انسان عاطفي وتحب ان يعاملوك الناس بمثل ما تعاملهم وتأنيب ضميرك جاي من طيب زوجتك الاولى..!! انت سويت شي من حقك ولكن بعض الحقوق التمسك فيها او ممارستها تؤدي لعدم الاستقرار انا من رأيي انك تكلم زوجتك الاولى انك بتروح تتزوج والسبب ليس نقصاً فيها بل لابتغاء الاجر في الثانية وان زوجتك الاولى هي البكر وهي الحب الاول وافض عليها من هذا الكلام المعسول الين ترضى..!! ولو كان لك ان تهديها هدية جزلة فلا تتردد..!! وبين لها ان يهمك رضاها عن الموضوع قبل ما يصير ومارح يكون هناك زواج وطقطقة وفرح ..!! اكيد رح تكون هناك صدمة ورفض ولكن لو اصريت بان هدفك اخذ اجر الارملة وايتامها رح وكان بزوجتك خير فسترضى مرغمه..!! مع اني ماضنيت ابد..!! ولكن حاول |
آآآآآآآه بس لو دارية ان مضمون الموضوع كذا , مادخلته ..
قسم عورن قلبي وانا مالي دخل ,, فما بالك بزوجتك .. والله العظيم انه جرح جرح كبير , خصوصا اذا كانت المحبه لك بقلبها كبيره .. فبقدر الحب يكون الالم يكون الجرح ... تقول يلفت نظري النساء في الاسواق و و و يعني اللحين تزوجت الثانيه خلاص ماراح يلفت نظرك النساء الاخريات (ماتركت فتنه بعدي اضر على الرجال من النساء) لو بتزوج كل نساء الارض ولم يبقى الا واحده لاشتهت نفسك تلك الواحده .. على العموم الزواج من ثانيه حقك وشريعة الله .. لكنه يبى من ضمن الامور التي لا نرغبها نحن النساء مثله مثل الابتلاء من مرض او فقر او نحوه هي من اقدارالله التي لا تهواها النفس ,لكن مع ذلك لابد للنفس من التسليم لقضاء الله وقدره ... برايي لا تخبر زوجتك , لاتخبرهاااا اذا تحبها ومعزتها بقلبك كبيره لا تخبرها ,, لا تهديها الهم وهي مو ملزومه فيه , لا تقتل الحب بقلبها لك << وهذا رايي لو ادري ان زوجي بيتزوج علي الحب بقلبي بينزل مع الاسهم الحمرا فقط اصبر على البلا , بكون معه جسد بلا قلب وطالما زوجتك الثانيه على علم ولم تتزوجك الا وهي راضيه عن الوضع ..بمعنى متنازله عن المبيت من الاساس فليش تخرب بيدك ... بتكون مشاكل ليس لها اول ولا اخر ... اقتباس:
وين عايشه على هالمقوله ؟؟؟ اساسا هو ماطلب علم ولا فقه ولا داريه ... كاتب موضوعه وخصصه للمتزوجات وبالاصح الزوجات الاولات لانهن اعرف وادرى بشعور الزوجه .. لان سؤاله بالمختصر المفيد ايهم اهون على قلب زوجتي المصارحه ام التكتم ؟؟؟ هو همه شعور زوجته الاولى قبل كل شئ ... سؤاله مش فقهي ولا ديني , سؤاله استفسار عن التصرف الصحيح من مبدأ العاطفه .. |
لاحول ولاقوة الا بالله الحين انت ندمان والا مبسوط مع الثانيه وماتبي الاولى
لفت نظري الاخو اللي كاتب شرع الله والله محلل طيب شرع الله ما اختلفنا لكن من شروط صحة الزواج الاشهار صح |
8
والزواج هذا مشهر , موب بالسر ... يكفي ان ولي امرها واخوانه عارفين .. |
:* |
| الساعة الآن 01:40 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©