|
ما شاء الله تبارك الله
الله يزيدها صحه وعافيه يارب طيب أختي معناته اللبس ما كان كافي ودام البراز وانت بكرامه زي ما قلتي معناته برد دخل بطنها يعني غير حالة الزكام والبلغم وهذا مرض ثاني وبطنها يمكن يعورها انتبهي لها ومثل ما قالوا الأخوات زيت الزيتون من شجرة مباركة وأقسم الله بها في القرآن دفيه وادهني بطنها وظهرها وكمان رجولها ومعروف زيت الزيتون يدفي سبحان الله حتى في عز البرد يااااالبي لو ما احنا في منتدى كان قلت لك حطي صورتها خلينا نشوف السما ما تشوف شر وما قدامها إلا العافية يارب عجبني اسمها ما شاء الله لو ربي يرزقني ببنيه ثانيه من أول الأسماء اللي بحطها سما بإذن واحد أحد |
طيب ،،
،، كمون ،، شمر ،، زعتر بري ،،، .. بابونج او حتى نعناع .. كلهااا نفس مفعول اليانسون .. مع شوية سكر نبات عشان تستسيغ طعمه هالطعمه ،،:15: |
العقد الفريد ..
الف شكر لاهتمامك حبيبتي .. مادري والله بس ماتبكي و لا تشتكي فديتها .. بس تلعب و تضحك ماشا ءالله عليها عشان كدا اسال اذا في عوارض ثانية لبرد البطن !!! لو كانت توجعها كانت بتبكي بتعصصصصب خاصة و انها خبيرة في هذا المجال :) من يوم ولادتها لبداية الشهر الرابع و هي تبكي من الغازات و الم البطن بس الحين الحمدلله الحمدلله ماعاد في شي الحين قاعدة افرفر بالنت .. مكتوب انه التسنين ممكن يسبب لون اخضر بالبراز و انتو بكرامة وهي دخلة مرحلة التسنين . فا احتمال يكون هذا كمان سبب يوووه على قولة زوجي .. اشغلتينا بهالفصعوونة ليت والله اقدر ارسل لك صورة .. كنت رسلات صووور مو بس صورة :) ربي يرزقك باحلى بنوووتة و تسميها اجمل اسم .. و يحميك لك اولادك من كل شر شوشو .. عندي نعناع ,, اغليه و اعطيها ماءه صح .. يالله اليوم بشتغل عليها نعناع و زيت زيتون :) مشكوورة حبيبة قلبي |
البنات غير الاولاد دايما ممغوصات
نسبه الحموضه عندهم بمعدتهم زايده عن الاولاد ويقولو تتحسن على الرابع من تبدا الاكل بس يضلو بين فتره و الثانيه ينمغصو بنتك جوعانه براز اخضر جوع اكليها اكثر من وجبتين بالشهر الثامن قليل خاصه مع البرد ومعدتهم صغيره فيحرقو الاكل بسرعه وهي بفتره نمو اكليها كل ساعتين ثلاثه انت ملاحظه انه اولادك اسمهم فيه حرف السين لا تقولي انك كنتي مخططه |
يمامة ايوة مخططة :) :) على حرفي . مسوين امبراطورية سين :)
معقول تكون جوعانة ؟؟؟؟ لانه ماشاء الله وزنها تمام لطولها و سااكته ماتبكي طيب لو جوعانة بتبكي ولالا ؟؟ اول كنت اعطيها 3 وجبات و من بعد اللون . قالت لي امي يكمن 3 وجبات كثيرة عليها لانه بنتي (على قولة الانجليز بتييت :) )) حجمها صغير و معدتها صغيرة فا ماتقدر تهضم الاكل بسرعة قللي لها عشان كدا رجعت اعطيها وجبة او جبتين باليوم بس خربطتوني يا يمامة :) .. الحين قاعدة نشوف موضوع البرد لو ماطلع من البرد برجع اشوف موضوع الاكل ... اسبوع بسوي لها 3 وجبات و اشوف هل في فرق ولا لا ... مشكوورة حبيبتي و ربي يسعدك و يحمي لك اولادك ياارب |
يمامة .. مشكوورة ياقمر
قراته من قبل.. لاني قبل ما احط سؤالي هنا سويت لفة على مواقع الاطفال بس مافي شي من اللي قالوه انطبق على سما عشان كدا رجعت اسال لعل و عسى حد من العضوات مرة بوضع زي هذا مع طفلها فاتفيدني ... قرات هذا المقال من شهر تقريبا و شكيت انه ممكن فعلا طريقة الرضاعة تكون غلط وسمعت كلامهم وسويت اللي قالوا عليه وركزززززززت فعلا اني احاول اعطيها من الحليب المركز :) و قعدت فترة و اللون راح و لازلت مستمرة على نفس الاسلوب بس اللون رجع .. معناه مش من الرضاعة صح ... مادري .. زوجي يقولي عاادي لا توسوسي و لا تركزي و اشغلتينا فيها حتى الكاكا تفتشي فيه :) ونتو بكرامة ... الحين زي ماقلت برجع اشوف موضوع البرد قد يكون هو السبب ولو تكرر الموضوع برجع اخذها لطبيبها و اريح بالي مشكووووورة ياقمر ربي يسعدك و يوفقك |
أول شي خطر على بالي هو التسنين بس ممكن يكون من البرد مثل ما قالوا الأخوات خاصة انك قلتي انها اليوم مزكمه استني كمان يومين و إذا ما تغير شي وديها على ممرضة الأطفال الله يخليها و أخوها لكم إن شاء الله :) |
فقددتك ياعسل ...
لوفي بسالك لكن لا تضحكي .. انتي من اول من كبار الشخصيات؟؟ و لا جديد ؟؟؟ والله ماعاد اذكر ؟. المهم ياستي التسنيين مووجودة مسكينة يامن تراها تحححححك الله يعينيها تسلمي حبيبتي .. ربي يحمي لك اولادك من كل شر |
يمنع منعا باتا وضع أي رابط يؤدي لموقع آخر
الإشراف |
اهلا بنورا وبنتها سما الله يخليلك اياها
على فكرة لون البراز الاخضر على حسب معلوماتي يكون اغلبه من البرد وطبعا اذا بنتك .. بتحبي على الارض فاحتمال كبير يكون برد لانه بطنها بكون عالارض وبتتعرض للبرد.. حاولي تلفي بطنها بمشد خفيف تحت البلايز .. هاي المشكله بعاني منها في بنتي لانها بتحبي .. والله يعينا |
| الساعة الآن 09:36 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©