|
نبرات الكلمه االلي تستحي منها بدها الصراحه زواج وباطفال ابد ماينفع مره يدمرون لك الزواج الله يصلحهم يقلبونه ساحة لعب على قولتكم خاصه لاصار فيه زفه بعد وصعب تجلدين لك واحد قدام الضيوف او تطاردينوه لا بعد لاصارت الضيافه فيها من الى ومحطوطه على طاوله عند الباب ويالله يالمبزره وبرابيسهم خاصه الصغننين وصراخهم واوو ويي وابي كيكه وابي عصير،، بنات اختك بنات اخوك وبس غير كذا الصراحه اللي بيزعل عاد وش باسوي فيه المفروض هم بعد يقدرون ان اهل الزوج او الزوجه مدهرين وتعبانين بالحفل ومتكلفين فيه فما يجيبون بزرانهم انا عن نفسي اتفقت مع زوجي بفترة الملكه انوه ممنوع اي بزر يدخل باستثناء بنات اخو زوجي او اخواته وبنات اخواني وخواتي ومانبي اي احراج وذولي ماشاء الله قبيله لحالهم بس اشوى ام زوجي كانت متفهمه وبزرانا كانوا هادين وفاهمين والله يوفق الجميع يارب.
|
اقتباس:
كلامكِ على عيني ورأسي وهذا اللي مسبب لنا احراج بعدين اللي أتكلم عنهم عندهم شغالات وبنات كبار ما هم معزومين يعني كل اللي نتمناه يخلونهم عند أختهم اللي ما انعزمت أهلي عزموا المقربين فقط ببناتهم الكبار يعني رايتنا بيضاء مثل ما يقولون المشكلة أطفالهم كثار الله يحفظهم والقاعة صغيرة وأنتِ عارفة نظام القاعات طاولات وكراسي وين نحط الأطفال ؟؟؟ ومعازيمنا قابلين للزيادة هذا كل الموضوع على فكرة ترى بعض أقاربنا ما يزعلون لأنهم يبغون ينبسطون بدون عيالهم :15: بس بعضهم يأخذونه من جانب شخصي :29: أننا نتعمد ما نحسب أطفالهم وأنا قلت بأول كلامي خلاص قررنا منع اصطحاب الأطفال بس موضوعي لإيجاد حلول لو أحد تعرض لمثل موقفنا |
ضد ضد ضد ضد ضد ضد ضد ضد ضد ضد
جنة الاطفال منازلهم :) ويش لهم بعرس وسهر .. يروحوا يلعبو يدوشو اهل العرس و امهاتهم كمان يضيعوا تنظيم العرس و يخربوا ما تكلفوا فيه اهل الفرح وكله كووم و رصتهم حولين العروس بالصور كوووم .. تقولوا حضانة مو عرس واللي يفرس طلبات الامهات .. هاتي لابني . ماشرب مااكل الام تقدر تدبر عمرها ... مثلا تتفق هي و اخواتها او قريباتها يحلوا اولادهم ببيبت احداهم وشغالاتهم يراقبوهم ... او تعشي اولادها و تنومهم و تطلع (ويكون بالبيت معاهم اما شغالتها او زوجها ينتبه عليهم ) واللي ماعندها حد . لا تجي العرس ... عاادي ماراح يصير لها شي لو ما راحت تتحمل مسؤليتها و تقعد بهم و كلها فترة و يكبروا و ترجع تطلع اعراس .. انا عندي اطفال ومااحب ابدا اخذهم معي لا اعراس و لا حتى جمعات اتذكر مرة عرس جارتنا و هي عزيزة علينا و اصلا كان مسموح اخذ ابني و ما اخذته امي راحت نص العرس و روحت :) تقعد معاه و بعد مارجعت رحت انا .. و اخلااص.. غاليتي خليكم على رايكم .. و اللي عندها عين تتنصل وتقول وين اخليهم خلي عينك اقوى من عينهم و قولي ( اوه الله يعينيك .. لا ان شاء الله بنلاقي دبارة .. خلينا نشووفك .. امانة حاولي تجي) زاللي تتصل و تقول .. انا مش جاية عندي اولاد بنتي و لا عندي اولادي.. قلتي لها تسلمي والله عذرك معاك حبيبتي كانك قمتي بالواجب و زيادة .. وسامحينا كنا قلنا هاتيهم بس اهل العريس منبهين علينا :) خليك صريحة و صدقيني يوم ثاني هم بتصير عندهم مناسبة و بيسوو نفس الشي ومع الوقت الناس بتتعلم و تنشال الحساسيات والف مبرووك لاختك ربي يسعدها و يوفقها |
اقتباس:
كلامكِ عين العقل هذا اللي أقصده :22: والله أنا إلى الآن ما نسيت الحركة اللي سواها أحد الأطفال :15: لما سحب طرحتي وأنا بالزفة :14: بالله وين أصرفها لو أنا طايحة قدام الناس :30: خصوصاً إني انسحبت على وراء وصديقتي أنقذت الموقف بصراحة ما أبغى يتكرر هالشئ لأختي وزينتها تخترب في زفتها يعني أطفالي وأطفال الطرف الثاني بركة وأنا والله ودي يحضرون ينبسطون لكن بيطلع علينا أكثر من بيع السوق مثل ما يقولون والله يوفق العروسين :14: |
اقتباس:
يا سلام هذا الكلام وإلا بلاش :22: الله يبارك فيكِ وعقبال عندكم أمي وهي تعزم لما تتصل تقول تفضلي أنتِ وبناتكِ فلانة وفلانة والبطاقات بتوصلكم بس اعذرونا ما في أطفال :15: الحمد لله إلى الآن ما أحد اعترض :30: يعني جزء كبير من الهم طاح يا عيني على الوالد انحرج غلط مع أحد الرجال وهو يعزمه قال له تفضل على ملكة بنتي ( نبرات ) يقصدني :17: وبسرعة صلحها وقال مو نبرات أقصد أختها قالت أمي بالفأل يمكن وجه هالخاطب خير عليكِ ويمكن مرت ملائكة وقت ما غلط أبوكِ باسمكِ |
أحــب الأطفـال بقووووووه ..
بس في الزواج مـاأبيهم يحضرون . .لأنهم الله يهديهم شووشررره .. زواج أخـوي بعد اسبـوعيـن ..ومـاأتمنى حضور أطفال كثير . . ... |
20 طفله ما شاء الله
بتصير ملاهي مو حفلة ملكه الله يكون بعونكم وذوقيا المفروض الواحد ما يجيب اطفاله الا اذا الطفل انعزم من اهل الزواج او مثلا يكون قريب جدا للعروس او العريس نفس وضع بناتك.. قولو انه الصاله او القاعه من شروطها منع اصطحاب الاطفال حتى ما يخربو مرفقات القاعه واللي يزعل يزعل كمان ما ودنا تخرب ملكة اختك عشان رضا فلانه وفلانه |
اقتباس:
الله يوفق أخوكِ ويتمم عرسه على خير والعقبى لكِ :14: وتبشرينا بأحلى فرح :17: |
اقتباس:
خلاص عزمنا بدون اصطحاب الأطفال :15: والله يعين عسى ما تجينا اتصالات يوم الحفلة بس الرد جاهز يعني نجيب مين ونخلي مين وكلكم عزيزين وغالين ترى 20 طفل :15: هذا مختصررررررررينهم يعني هم أكثر :15: الله يحفظهم كنا حاسبين بس البنات الصغار وما في مجال نختصر أكثر يعني بس خالاتي وعماتي مع بناتهم الكبار فقط عددهم فوق الخمسين ما شاء الله والخاطب نفس العدد تقريباً وأخواتي كثار هذا وحنا مختصرين بس ما في مجال اختصار أكثر أنا ملكتي كانت رجال فقط وصار فيها زعل وقلنا نتدارك الموضوع في ملكة أختي بالله وين نختصر لو كل وحدة عندها 4 أطفال :15: وكلهم غالين بنرضي مين وإلا مين ؟ أكيد حاسين بمعاناتنا :24: |
انتبهو تستحون من فلانه وعلانه وتخلونهم يجيبون اطفال
ترا بجد بيحسوو المكان طبعا عيالك عادي لانكم اهل الزواج بس عيال اقاربكم لا والله ماينفع |
| الساعة الآن 10:32 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©