الف مبروك

الله يسخر لج البلاد والعباد يا رب

الف مبرووك
والله ييسر كل امورك

مبــروووك مبـروووك مبـروووك ..
ماتتخيليـن وش كثر فرحت لما شفت معرفك ..
وينك كل هالغيبـه ؟؟
..
طمنينـا عنك وعن بنووتك الحلووه ؟؟
..

الف الف الف الف مبروك ياخيتي والله إني دايم افكر فيكي بشري كيف وضعك اللحين الله ييسرلك الخير حيثما كان

الله يبارك فيكم ..

أموري ماشية مثل ما هي ،، الاخ كان يرسل لي مسجات
بس غيرت الشريحة و كسرت القديمه .. عشان ارتاح
المفروض يطلق بس جالس يماطل و يطول المدة ..
راح جاب عمي يتوسط فيه عند ابوي ، يبغاني ارجع له غصب ..
و قام يعطي و عود ، على باله أني الي الان اثق فيه ..
طبعاً ما قابلته و ما زلت على موقفي و الله بيعوضني ..

الحمدلله نفسيتي افضل من قبل ، خاصة بعد ما شلته من بالي
لكن مرة جت بنت عمه للبيت و تقول لامي بتشوفني ...
أنا هنا ما قدرت أتحمل .. و اصلا ما شفتها ..
تقول لامي أنا ما ابغي اخرب بيتها ، عقليها و خليها تفكر زين
و نصير مثل الخوات ...
أنا اعرفها عاقلة و حنونة و الكل يعرف أخلاقها و ادري انها
ما راح تظلمني و لا أظلمها ..
يعني ترضي زوجها يطلقني عشان ترجع ..
و فلان ( تقصد زوجي ) رجال و النعم فيه ، ما فيه وحده يخطبها
و ترفضه و لا تخاف منه ظلم .. و هذا شرع الله وووو ..

طبعا هي ما فكرت الا بنفسها و لا راح تحس فيني و لو كانت مكاني تغير رأيها
بعد كلامها زاد اصراري علي موقفي ..
هي دورت راحتها و زوجي بعد ، و أنا لازم بعد ارتاح ..
و بنتي مسببتلي ضغط ، راحت شافت أبوها في السوبر
و جلست تصارخ بابا بابا اخوي بيسكتها لكن ما قدر ..
فأخذها أبوها و يوم رجعها كل شوي تبكي بابا بابا ..
أحزن عليها بس ما اقدر اسويلها شي ..

و هذي اخر اخباري ..

مشكورة بنت مكة ..