|
الف مبروك الخطبه
والله يوفقك ويسعدك شوفي انا نفس شخصيتك وابدا ما احب انقاد لو ايش يكون ملكت وصار يملي علي قرارت وعلي اتبعها ويأمر بعد ويبي يتحكم وبصراحه ما جاز لي اقول له طيب وابشر بس يمكن لو كان اسلوبه زين كان ممكن اعطيه وجه لكن هو قالبها عناد فعلى حسب هذا الانسان اللي راح ترتبطين فيه وصدقيني مافي شي اسمه ان العنيد ما يسمع كلام غيره ما اتوقع فيه مثلي بالعناد ومع ذالك لو يكون اللي قدامي محترمني ومقدرني لو يبي عيوني اعطيه وابعد العناد على جنب وانتي نفس الوضع لو قدرك ما بيكون فيه مكان للعناد الا بحالات نادره اما اذا اخذك بالعناد والقوه فشي طبيعي بتكون ردة فعلك العناد اذا اخوانك سألو عنه وانه رجال والنعم فيه ودين واخلاقه حلوه وافقي اما اذا شفتي ان الكل مو مرتاح وينصحونك فلا تجازفين بالتووووفيق |
بقولك كذا نقطه بغض النظر عن الخطيب ..
اولا / احنا من يحط الحواجز والفوارق .. انا جامعيه وهو ثنوي . انا ماستر وهو ثنوي .. ومن هالكلام .. الثقافه هي ثقافة عقل .. لكن لايعني كلامي هذا على اطلاقه .. والرجال فعلا يختلفون .. والاهم من هذا هو ان يقوم بحقوقك وان تقومي بحقوقه .. وبيني وبينك احيانا المراه تعطي الرجل جووه عشان يمشي المركب :d وانا فاهمه شخصيتك تماااام ... بس بقولك نصيحة اخت فيه امور قد تتعارض مع شخصيتك او ممكن تسهين عنها .. كونك تعودتي لك حياه مستقله وقرارات مستقله ممكن مايخليك تتقبلين بعض الاوامر من زوجك .. اوصلك اللي اقصده بمثال .. اردت ِ مثلا الذهاب لمناسبه او زياره .. المعروف طلب الاستأذان من الزوج فيرفض لاسباب معينه .. لاتاخذني الامر بغضب ونفور - كونك ماتعودتي احد يتحكم بتصرفاتك وقراراتك- تذكري حينها ان طاعة الزوج واجبه واحتسبي الاجر ..، / بالنسبه لزوجك انت ِ استخيري وتعرفي عليه اكثر وقت الخطبه .. وصدقا ان كنتِ ترغبينه بحق .. لاتسمحي لاحد ان يقلل من شأنه عندك .. اسال الله لك ِ التوفيق .. |
اقتباس:
وفعلا كلامك صحيح انا بالاسلوب الزين تاخذين مني الي تبين والابتسامه شقاقيه بعد :d لكن بالأمر لا للاسف ولكني الحمد افقه ف الشرع واعرف حقوق الزوج وان الطاعه واجبه ( لكن ودي ان الطاعه تكون من كل قلبي مو بس لانه واجب شرعي ... عشان احس بالسعاده في حياتي ) ومن ناحيه السؤال طبعا سألو عنه والحمد لله وللمعلوميه الخطبه تمت الحمد لله من فتره بعد استخارتي اكثر من مره والحمد لله مرتااااحه جدااا الله يعطيك العافيه بس افآآآآ ليه محطمين قلبك :( ولا يهمك طنشييييييييي وعيشي حياتك:22: |
اقتباس:
امين يارب واياك وهاذي المشكله اتضايق من داخل اذا احد قلل من شأـنه |
هلا فيك اختي ....
الله يتمم عليك بالخير ويوفقك .. النقطه الأولى من ناحيه اختك اللي حايها انها فيها نوع من الحسد عليك .. والله اعلم ... وللعلم انتي قرارك 100 بالميه وبأذن الله راح تتوفقي.. النقطه الثانيه ,,, فيه بعض رجال يحس بالنقص اذا كانت زوجته مسؤله بمنصب او راتبها اكثر منه ,,, وهذا خطأ ... اما من ناحية الخضوع وغيره ,, اولا التفاهم هو اهم شي .. من البدايه انتي قولي شروطك وان الحياه اخذ و عطا ,,, والزوجه قادره ان تجعل من بيتها نار او جنه ,,, واغلب الرجال يبونها متفاهمه اما من ناحيه المرونه هذا لازم يكون طبع بالبنت من أول ,,, وع فكره انتي خايفه انك تغير اطباعك او اي شي من عشان خاطرك .. بقولك شي لازم البينت تضحي وتتنازل عن اشياء عشان تقدر تتفق مع زوجه وكذالك الزوج لازم يتنازل عن اشياء عشان ما يضلم زوجته ,, لأن كل منهم عايش ما يقارب 25 سنه بأطباع مختلفه فلازم يتنازلوا عشان يتفقوا ... ولتمنى حياه سعيده لك وين مارحتي ,,, وايش ما صار لاتتنازلي وتجلسي بالبيت لأن انتي تكوني الخسرانه ,, نحط اعتبار لا سمح الله صار بالدنيا شي (( هذي النقطه حمايه لك يا اختي )) والله يوفقك بحياتك... |
اشكرك يا اخ طلال جزاك الله خير كلامك يطمن
واحب اوضح اختي خايفه علي مو اكثر من كذا بس اسلوبها ماعجبني ومستحيل يكون حسد او غيره واكيد باخذ بنصيحتك بعين الاعتبار الف شكر لك |
اقتباس:
وللعلم ذكرتيني بموقف خطيبتي اختها الكبيره كثيره كلام وزوجها اسلوبه مو حلو وياها ,, وانا مهتم بخطيبتي اهتمام غير طبيعي حتى بدراستها دخلتها تخصص انجليزي لأني مجهز لها منحه خارجيه ,, فأختها الكبيره مو عاجبها الوضع تقول لا اتزوجي وانتبهي منه لا يكون ياخذك بحلو اللسان وبعدين يتركك .. فجلست مع اختها الكبيره فتأكدت انه حسد وهي دايم تقول لها ان خايفه عليك ,, فأنا صارت وياي نفس مشاكلك ,, فلله الحمد لأن قراري براسي وما احد يغير قراري الأمور زانت وياي ,,, فكلمه اخيره ,, انتي طلعتي يتيمه ونجحتي واعتمدتي ع نفسك وهذا دليل لأنك مميزه بالمجتمع والوقت الحالي ,, فأنصحك لا احد يوقف بطريقك ويمنعك ان تكملي درااساتك العليا ووظفيتك ,, ولا تتنازلي عن هالشيئيين الوظيفه والدراسه ,, لو تنازلتي راح الخساره ع راسك وانتي الوحيده تندمي ,, الله يوفقك وانا ادعيلك لأنك نادره بمجتمعنا ,, |
اقتباس:
كلامي مو على اطلاقه .. بعض الشباب شهادته اقل لكن عقله واعي .. وبعضهم شهادته على قد عقله .. وبعضهم ماهما اخذ شهادات عقله محجر .. فعشان كذا قلت لك تعرفي عليه اكثر فترة الخطوبه وطويلها واستخدمي ذكائك واختبريه ببعض الامور :22: اتمنى لك كل التوفيق .. |
الف الف الف مبروك الخطبه وعقبال الملكه والزواج
ربي يوفقك ويسعدكم والاعضاء ماقصروا يعطيهم العافيه بس ماحبيت ادخل واخرج بدون ماادعيلك تحياتي |
تعرفي، تفكيري بالزواج هو نفس تفكيرك بالزواج تقريبا .. و تقدم كم واحد يا غني او شهادته عالية و اهلي يقبلوا فيه ..
بس أنا ارفض لأني اشوف فيه شي احس ماحد شايفه .. المهم .. تقدم زوجي و كانت الصراحة شهادته متوسطة و غيره و غيره .. بس انه حنون و قلبه ابيض و متواضع و طيب جداً قريباتي قالوا لاخواتي ( ايش هذا، كييييف اختكم تقبل فيه ؟ ماهو كفؤ لها ..) لانه قريباتي اهم شي عندهم الفلوس و المركز و المنصب و مو مهم الدين و الأخلاق .. و هم تزوجوا الناس الاغنياء او اللي متوظفين وظايف عالية .. بس سبحان الله.. تعدي كم سنة و يظهر معدن كل شخص .. اللي قالت عن زوجي انه غير كفؤ .. خلعت زوجها لانه طلعت عنده عيوبه أخلاقية و دينية و سرق فلوسها و اللي وقفت ضدي بالزواج هذا و قللت من شأنه لانه حالته المادية ضعيفة، تقول ليت يوم زوجي يقول لي مرة وحدة بحياته ( حبيبتي ) .. و يحن علي و يعطيني كلام حلو .. أنا ما ابغى ذهب ووالماس .. طفشتتتتتتت عايشين كأننا إخوان .. النتيجة .. انه بمرض امي .. بان معدن زوجي قدام امي و حبته كانه واحد من أولادها .. و ماحد نفع امي من ارحامي مثل زوجي و لدرجة انها تخجل طول عمرها تطلب شي من ازواج أخواتي بس مع زوجي كانت من جد تعتبره ولدها و صارت توصيني عليه .. طبعا كل واحد عنده عيوب، بس عيب عن عيب يفرق الصراحة .. و زوجي عاجبته شخصيتي المستقلة و يعجبه عنادي مرات .. فمو كل الرجال واحد .. :)* |
| الساعة الآن 05:25 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©