|
عودا حميييدا ياتوتة اشتقنالك
بعيييدا عن الخدامات .. اشوف انك حايسه نفسك ياتوتة لو تنظمي وقتك صدقيييني راح ترتاحي وماتحتاجي خدامة ولاتنسي عندك ميزة حلوة وهو انه زوجك مايجي عالغدا يعني معاك وقت تطبخي للساعة 8 مش مثل الي لازم تحضر بيتها و غداها على الساعة 2 او 3 الظهر .. تصحي مع زوجك تجهزي الفطور له و للبنات و تجهزي البنت الصغيرة و تلبسيها و تاكليها و تخليها و بعدين الساعة 6 اول مايطلع زوجك تصحي البنتين و تخليهم يرتبوا اسرتهم (في حال مو متعدين تعوديهم|) ويغيروا لحالهم و يرتبوا ملابس النوم.. يعني مايطلعوا من غرفتهم الا وهي مرتبة و هم ماشاء الله كبار يفطروا و تاخذيهم على المدرسة اذا حابة و خذي معاك الصغيرة .. عادي احمدي الله ان عندكم الجو حلو ولله بنتي اطلعها الصبح و انا واخذة ابني للحضانة و درجة االحرارة اليوم 9 تحت الصفر ترجعي البيت تنومي البنت و ترتبي البيت اذا محتاج و تطبخي طبخة بسيطة للبنات و ترتاحي شوي لين يصير موعد رجوعهم او حتى تروحي صالون اذا محتاجة او تقعدي تحفظي قران بالبيت .. ووقت موعد رجوعهم ترجعيهم و تخليهم يغيروا لحالهم و يتغدوا و مادري اذا موعدتيهم على القيلولة و لا لا سواء نامو او قعدوا يرتاحو شوي .. انتي قومي سوي حلى و حطيه بالثلاجة ارجعي اقعدي معاهم لاعبيهم و لا علميهم .. الى الساعة 6 قومي سوي عشاء لبناتك لزوجك طبعا و رتبي البيت و خليهم يساعدوك لازم لازم تعلميهم يساعدوك بالي يقدرو عليه و لا تقول صغاار البنت اذا ماتعلمت من سن صغيرة تساعد ماراح تساااعدك بعدين المهم على الساعة 8 يكونو مغيرين ملابسهم النوم و ماكلين بس يجي ابوهم يقعدوا معاه شوي و بعدين ينااامو اكثر شي عالساعة 9 و بعدين معاك ساعتين مع ابو الشباب .. اقعدي ارتاحي معاه اشربي كوفي :) و ريحي على قلبك البنت الصغيرة لا تخليها عبئ .. اذا طلعتي طلعيها معاك عاادي ... و سبحان الله باعمارهم الصغيرة و قت ما احتاجو ينامو راح ينااامو.. و لو نومتيها بدري راح تصحى الصبح معاهم شبعانة نوم النقطة الثانية ... حاولي تفصليها شوي عنك .. لا تظلي حاملاها وياستي خليها تبكي ايش بتسوي لها طالما انها شبعانة و نظيفة و مافيها شي تعالي شوفي بنتي .. تبكي لللللللييييين يحمر وجهها و تصير طماطة :) اذا مشغولة خلااص ماراوح لها الا لما افضى .. لو اظل جنبها ماراح اخلص شغلي النقطة الثالثة ... شغل البيت انتي يوميا راح تنظفي وراك شوي شوي و بناتك بالمدرسة اما التنظيف الشامل الحقيقي :) خليه مرة كل اسبوع او اسبوعين وساعتها جيبي شغالة بالساعة تكوني متفقة معاها من مدة .. او استعيري شغالة حد من اصدقائكم .. او حتى خليه ليوم اجازة بحيث انه البنات بالبيت من الصبح و زوجك يساعدك كمان الله يحميهم لك ياقلبي .. حاولت اساعدك بجدول بسيط بس انتي ادرى بوقتك .. اقعدي اليوم و امسكي ورقة و قلم و حاولي ترتبي جدول معين يناسبك وتذكري انها فترة معينة فقط وبعدها البنوتة تكبر و تروح حضانة و ترتاحي و بنتك الكبيرة كمان بتكبر ماشاء الله و بتساعدك اكثر هونيها تهوون حبيبتي .. بس انظري للموضوع بشكل مبسط عشان ترتاحي ربي يكون بعونك و يسهل امورك |
أنا أتفق مع عيوني تحكيني ونورا
طبقي كلامهم لمدة أسبوع على الأقل وحاولي معاها تبحثي عن خادمة ثانية بالساعة ومن تجربتي للخادمات بالفيزا مايجي من وراهم إلا وجع الراااس صحيح البيت راح يكون نظيف أربع وعشرين على أربع وعشرين لكن نفسيتك راح تكون مو تمام وإذا ما قدرتي خلاص فلا يكلف الله نفساً إلا وسعها قدمي على وحده وأسأل الله انها تكون بنت حلال والله يقدم لك اللي فيه الصالح.. |
:* ياغاليتي أنتِ غير موظفة وزوجك مايجي من دوامة إلا متأخر فما أشوف للخادمة أي داعي يعني معاكِ متسع من الوقت ترتاحي وتهتمي بنفسك وتجهزي لقدوم زوجك أنتِ مشكلتك تدبيس نفسك في أعباء إجتماعية غير ملزومة بها مثل كثرة العزايم والمواجيب مو لازم كل أسبوع خليها مرة بالشهر *ونظمي وقتك وبنوتك عوديها زي مانصحتك نورا نصايحها جميلة ومنطقية جداً * ياعيوني الخادمات خطر عظيم على الأطفال وعلى بيتك وأسرتك وحتى ما تأخذي حريتك في لبسك ومع زوجك وأولادك بوجودها بتحسي أن فيه شخص غريب بينكم ويراقبكم وبتكونوا متحفظين جداً *نصيحة من أخت مدام جسمك متعود على الشغل فأحمدي الله وأكملي مسيرتك وكلها كم شهر وتكبر البنوته وترجعي لوضعك الطبيعي وحاولي ماتحملي ورا بعض عشان تريحي شوية ومايكونوا الأطفال فوق بعض لأنك لو جبتي خادمة صدقيني بتخربك وبتركني للرآحة وبتصيري تكرهي الشغل *مايمنع تريحي نفسك وبين فترة وفترة جيبي بالساعات خادمة تساعدك وتريحك بس وجودها معك في نفس بيتك وأنت مو مضطره لها أشوفه ماله داعي :* |
سبب حوستك وضياعك في ترتيب امورك
هم الضيوف .. مو البنات ولا البيت خلي الضيوف مرة بالشهر زي ما قالت سيدة الموقف .. وحياتك بتصير احسن من اول وبتسيطري عالوضع وما راح تحتاجي خدامه .. |
اقتباس:
|
اقتباس:
بالنسبه لترتيب البنات اسرتهم وغرفتهم هذا الوضع ماشي ايام الاجازة وبعد ما يكملوا دراسه في الايام العاديه لانه الصبح يدوب يصحوا ويلبسوا ويفطروا ويكون الباص وصل بابا البيت يعني انا لازم ارتب وراهم ...وانا معاكي كل شي تعويد و بناتي وحده ست سنوات ووحده اربع اشكركي كثيييرا وراح احاول اعيد النظر بوقتي بالفعل وترتيبه واشوف وقته كيف ...تسلميلي يارب |
العقد الفريد
سيده الموقف سندريلا حبيب اشكر لكم ارائكم الرائعه ...حسيتكم جميعا متفقين على الخدامه بالساعات وشكلي راح احاول البحث عن وحده بنت حلال وتلتزم معاي ..والله يسهل يارب اليوم ان شاء الله بصلي استخاره والخيره فيما اختاره الله |
توني شايفه مشاركة كريستاله فعلا انا مفكره بس تكبرالصغيره استغني عن الخدم واعتمد على نفسي من جديد ..مشكوره على رأيك وادعيلي بالخير
|
| الساعة الآن 03:13 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©