|
اقتباس:
مرااحب حبيبتي , شوفي مشكلتك صدقيني سهلة لو نظرتي لها إنها سهلة وأنك قاادرة تحلينها لأنك قووية وواثقة من نفسك , لازم تقنعين عقلك الباطن أنك قووووية . غيري من كل السلبيات في شخصيتك والي هي من أسباب مشاكلكم وأول شي التغيير عشانك أنتي وبعديين هو , لأنك لو تغيرتي مو بإقتناع راح تمليين وترجعيين لسابق عهدك . لاتحاوليين تلفتيين إنتباهه لك بشكل مبااشر , لا حبيبتي خليه يلاحظ بنفسه . ولاتكثرين عليه الإسئلة الي أنتي عارفة أنها تضايقه منك , ولاتظهرين غيرتك عليه . ولاتفتشين وراه نصيحة لوجه الله راح تتعبين أكثر ولاراح تظهرين بنتيجة بس إثم وهم . حسسيه بثقتك فيه وأهم شي ماتذكرينه بااي شي من الماضي يثير غضبه . بعديين تذكري مواقف زوجك معاك وتعامله معاك وكل صفة حلوة فيه وسجليها في ورقة داخل عقلك وتذكريها كل وقت , وتذكري أن غيرك تعاني من الخيانة والبخل واللؤم وسوء المعاملة . أشغلي نفسك عن زوجك لاتخلين تفكيرك محصور فيه فقط , لا فكري في جوانب الحياة الآخرى وفي الإنجاب مثل ماقلت لك , أقري عن الطبخ البيت وعن العناية الشخصية , قصص الآخرين الي فيه موااعظ , عن الإستغفار , قيام الليل والصدقة وسورة البقرة. أكتبي عن مشكلة تعانين منها بعيد عن زوجك وأبحثي عنها في قوقل , راح تنشغليين كثير , لأن المواضيع تجر بعضها . حبيبتي مو عيب أنك تكلمينه وقت العدة لأنك مازلتي زوجته , ولك أجر إن شاء الله , لكن المرات القادمة إن شاء الله مايكون في طلااق أبدا . بس لو غلط عليك زوجك والحياة ماتخلى من المشاكل , لاتدخليين معاه في جداال ونقااش في وقتها , لأن هذا يصعد المشكلة أكثر , لكن لاتعتذريين إلا لما تكونين غلطاانة , خلي زوجك يعتذر لما يغلط. لو طبقتي كلاامي بإذن الله راح تكتشفيين أن البيت مافيه قنبلة موقوتة , وإنها مجرد وهم ولو كانت موجودة فعلا فاانتي أبطلتي مفعولها بإذن الله . ولاتنسين قوله تعالى (ياأيها الذين آمنوا أستعينوا بالصبر والصلاة ) والدعاء الدعاء الدعاء , وعلى فكرة أنا وانتي والجميع في رجاء الله . وسامحيني على الإطالة . [/align] |
اتجهي الي الله ☺
|
تسلمين اختي ملاك الروح الله يسعدك مع زوجك يا اختي ويعف ازواجنا بالحلال ويكفينا شر بنات الحرام
انا سعيدة اني لقيت من تجاوب معي في المنتدى وانا الحمد لله بعد كلام الاخت رجا في الله بديت اتحسن اسال الله ان يسعدها ويسعدكم ولا يحرمنا منكم شكرا لك كثير اختي على النصيحة وان شاء الله بحاول ارود نفسي على اني اهدي نفسي شوي شوي والله يهديك علي ادعولي ويصلح نواياه تسلمين اختي ولاحرمك ربي الاجر |
رجا في الله مدري وش اقولك يالغلا بس والله كلامك اثر فيني كثير لدرجة اني لا جيت انام بالليل وانا احب القراءة قبل النوم اقرى كلامك واعيده وانتظرك تجين بلهفة وشوق الله يسعدك يارب كلامك مرة حلو وعجبني وشدني والله بس شى لفت انتباهي ياغلاهم يوم قلتي اني ماعندي ثقة بنفسي والان غيرتي كلامك عني وقلتي قوية ويش الي خلاك تتغيرين
وانا فعلا حتى لو كنت غلطانة انا الي ابادر بالاعتذار لاني ما اقوى على طول خصامه ولان زوجي كثير مشغول بعمله واحيانا يقضي اليوم كامل بالعمل ويمكن بالليل يكون مرتبط مع اصدقاء له او اخوانه او اي شى ينشغل عني ويمكن يدخل عشان ينام وايضا بعد اهلي عني انا بتبوك وهما بالشرقية وخوفي انه ممكن ينط الاردن باي لحظة احيانا اقوله دق علي من تلفون ثابت عشان اتاكد انه داخل المملكة لا صرت مسافرة عند الاهل يعني كذا عوامل تدفعني اصالحه ومن اهمها عامل الخوف والشك يضعفني يخليني اخضع لكل التنازلات بس ابشرك اختي اني من يومين تغيرت من قريت كلامك والله ياختي يجزاك عني اللف خير ويوفقك بكل حياتك واتمنى تكوني معي على تواصل الله يسعدك بالدنيا والاخرة |
حبيبتي اذاا انتي مو واثقة فية مررة اطلبي الطلاق ولا تعشين طول عمرك بشكك وقلل ترى اهم ماعندك صحتك
الرجال يتعوض بس الصحة ماتتعوض ونصيحتي لك لاتاخذي حبوب نفسييييييييية انتبهي منهاااااااااا شوفي اذا قدرتي تغلبي على الشك كملي حيايتك معة وماقدرتي اطلبي الطلاق خصوصا ماعندك اولاد الامر مايحتااااج دكتور نفسي وحبوب الامر يحتاج جهد منك انتي ابعدي عنك الواساس |
اقتباس:
مرااحب بالغالية , هلا حبيبتي , حتى انا أسعدني ردك وفرحني حس ظن في أختك في الله . أنا أقصد أنك لو رددتي دائما أنا قووية أنا قووية راح يتبرمج في عقلك الباطن أنك قووية , وراح تتغلبين على عدم ثقتك في نفسك . أنا أنصحك لوجه الله لو كنتي غلطانة أعتذري , لو هو غلط حسسيه بغلطه من غير صوت مرتفع وجدال ونقااش , هذا راح يقلب الطاولة عليك , لأنك ممكن تغلطيين في حالة غضب وتصيرين أنتي الغلطاانة , أنا أحب عبارة الصمت أبلغ من الكلاام , وممكن يحسسه هدوءك بتأنيب الضمير أكثر . وأتركي عنك مراقبته , لو هو سافر صدقيني راح تكتشفين بدون ماتتعبين نفسك بالبحث والتفتيش :d, ولاعاد تقوليين أتصل على من ثابت , ممكن مايكون موسافر وموجود في السعودية وبعدها وش راح يجيك من اللوم والتوبيخ , وبرضه راح ترجعيين تشكين وتحاولين تتأكدين . طيب انا لي مثلك ذكريات مع الأردن أيام ماكنت عايشة في الشمال , كان زوجي لما أسافر للريااض يسافرللأردن بدون مايقولي , وسبحان الله أكتشفه على طول بدون مايقول , والله هو أنسان مستقيم ولا أشك فيه , لكن ليه مايصارحني بالحقيقة ماراح أمنعه , أخر مرة سافر عطاني خبر وكنت وقتها في الرياض . طبعا كان يقول أنه يسافر علااج مع خوويه , هذا كاان مااضي وأنتهى وذكرياات , وأنتي راح يكون هذا ماضي أنتهى وذكرى . أنا يسعدني أن يكون بينا تواصل , بس ياليت نلاقي طريقة يكون تواصلنا دائم خاصة أني تمر علي فترات طويلة ماأدخل هالمنتدى , خاصة أن مافيه خاصية الرسائل الخاصة , كان أرسلت لك إيميلي . ويجزااك عني كل خير ياارب ويرزقك الذرية الصالحة ويفرج همك . |
الله يسعدك الحبيبة في رجا الله فديتك والله كنت برى وودي بس ارجع للبيت عشان اكلمك انا بديت بكل الاشياء الي نصحتيني فيها تدرين ايش المشكلة حبيبتي انه يحس بتغيري ويحس انه في احد عطاني نصايح عشان اتغير ويصير هنا نفسه طويل
مثلا اليوم مادق علي طول النهار لين وقت العشا ولا ارسل عالبيبي ولا شى صبرت صبرت وبعدين قلت له وش شاغلك عني طول اليوم واالصراحة ماكنت راضية عن نفسي بس حسيت اني بموت طلعت مع اهلي السوق وجاتني هدية بمناسبة عيد ميلادي عسى عمرك يطول ومع هذا مافحرتني الهدية وخاصا انها من اغلى بشر امي الله يحفظها وقت الهدية صار بالي اتوماتيك مشغول فيه ليش ماكلمني وش شاغله عني وش قاعد يسوي ومن هالاسئلة الي تودي في لانهاية وعلى طول سحبان الله ملامح وجهي تتغير ويصير حتى التنفس اتنفس بصعوبة منتصف الليل وهو قاعد يشيش برى مع اصحابه وهو مو راعي شيشة بس احيانا يقولي ابغى اشيش الهم يوم عرفت انه بمكان شيشة سالته من معك ومن اصحابك وبديت بالاسئلة المعتادة وقعدت كل شوي اقوله تراك تاخرت متى بترجع البيت طفشت من نفسي صراحة وانا والله يالغالية ودي اتواصل بخصوصية بس مدري هل هنا بسمحون لنا والا لا واتمنى انك ماتقطعيني وربي يسعدك وين ماكنتي ويسهل امرك ويسعدك تشرفت فيك يالغالية |
اميرة مكة شكرا لك اختي وجزاك الله خير والله ياختي الطلاق مو سهل على اي وحدة رغم اني فعلا من كثر التعب الي احسه وقت المشكلة احس اني ودي اتخلص من نفسي بس عشان ارتاح وتراودني سالفة الطلاق اقول ماهمني الحين الا صحتي وراحتي بس هل بالطلاق برتاح وبدليل اني مارتحت يوم طلقني وبوقت العدة شكيت فيه وقمت دقيت وينك توقعته سافر الاردن
وهو استغرب قال وشفيها مطلقها وقامت تدق علي وتسالني يعني لو الطلاق ريحني كان اختره صدقيني والله يهديه علي والله ماودي اطلق وودي اعيش معه لاني احبه بس ابي ارتاح من هالهم وابيه يساعدني باستقامته وتقربه الي الله |
السلام عليكم اختي رجا في الله
اتمنى انك طيبة وباتم صحتك وادري انك مشغولة وظرفك معك الله يسعدك وين ماكنتي ابي اختي ابشرك بعد نصايحك لي تغيرت وزوجي حس بهالتغير واعترف لي اليوم اني عسل بتصرفاتي معه كذا وانه مرتاح الحين ولو اتم على هذا الوضع بيكون من اسعد الناس لكن ياختي انا طبقت نصايحك وانا امثل هالشى وامثل اني مرتاحة ومنطنشة وهادية لكن بداخلي بركان يغلي ودي اني اتصرف كذا وانا مرتاحة تماما من ناحيته وتصرفي يكون مريحني انا اولا وبعدين هو وبقولك شى اخر يا رجا حبيتي زوجي تبدا غيرته علي لمن يشوفني هادية ومتزونة بتصرفاتي بس واحس بغيرته بس بطريقة كلامه وكثر اسئلته الي غير مباشرة لكن من طبعي دايما احاول اريحه اذا حس بغيرة اليوم قلت له تاكد اني مااشوف رجل بهالكون غيرك ولاني مقتنعة فيك تماما يعني اعطيه طمئنينة قلب وبالتالي اطلب المقابل اني اطمئن مثل ما طمئنته اليوم قلت له اخاف تسوي محادثات هالنت ويمكن عابرة بالنسبة لك بس اخاف تخرب علينا حياتنا قلت له لا تلومني بحبي لك وحرصي والا ليش اعذب نفسي وانهكها بالتفكير فيك الزايد وودي يا رجا حبيبتي تساعديني اكثر وسامحيني ثقلت عليك اني اتصرف مع زوجي بهالمستوى بس اكون مقتنعة ومرتاحة حتى اقدر اسعد نفسي واسعده |
السلام عليكم اختي رجا في الله.
عليكم السلام ورحمة الله وبركاته. اتمنى انك طيبة وباتم صحتك وادري انك مشغولة وظرفك معك الله يسعدك وين ماكنتي . الله يجزاك كل خير , وآسفة لتأخري بالرد لأني أتغيب فترات وأرجع ورجعت والله اليوم عشان موضوعك. ابي اختي ابشرك بعد نصايحك لي تغيرت وزوجي حس بهالتغير واعترف لي اليوم اني عسل بتصرفاتي معه كذا وانه مرتاح الحين ولو اتم على هذا الوضع بيكون من اسعد الناس. الله يبشرك بالخير حبيبتي , طيب الحمدلله عرفتي مفتاح زوجك بالتصرفات اللي تريحه وتسعده. لكن ياختي انا طبقت نصايحك وانا امثل هالشى وامثل اني مرتاحة ومنطنشة وهادية لكن بداخلي بركان يغلي. لالالالا هذا من الشيطان يوهمك أنك على حق في شكك , بس لو تعوذتي من الشيطاان وكثرتي من الأستغفار راح البركاان يهدأ شوي شوي , والله عن تجربة . ودي اني اتصرف كذا وانا مرتاحة تماما من ناحيته وتصرفي يكون مريحني انا اولا وبعدين هو وبقولك شى اخر يا رجا حبيتي زوجي تبدا غيرته علي لمن يشوفني هادية ومتزونة بتصرفاتي بس واحس بغيرته بس بطريقة كلامه وكثر اسئلته الي غير مباشرة . حبيبتي طبيعي الرجل يغار على زوجته وبالعكس المفروض تفرحيين أنه يغار عليك , يووووووه لو تشوفين زوجي وغيرته علي مرة موقف بغى يوصل للطلاق والسبب غيرة . لكن من طبعي دايما احاول اريحه اذا حس بغيرة اليوم قلت له تاكد اني مااشوف رجل بهالكون غيرك ولاني مقتنعة فيك تماما يعني اعطيه طمئنينة قلب وبالتالي اطلب المقابل اني اطمئن مثل ما طمئنته . كثري من الكلاام الحلو تراهم يحبون المدح يعني وصليه للقمر .:d اليوم قلت له اخاف تسوي محادثات هالنت ويمكن عابرة بالنسبة لك بس اخاف تخرب علينا حياتنا قلت له لا تلومني بحبي لك وحرصي والا ليش اعذب نفسي وانهكها بالتفكير فيك الزايد. طيب وش كان رده عليك؟؟؟ ىياليت ماتجيبين هالطاري مره ثانية نصيحة ترى كلمة تطلع فجأة تعكر اليوم كله وينقلب نكد. وودي يا رجا حبيبتي تساعديني اكثر وسامحيني ثقلت عليك اني اتصرف مع زوجي بهالمستوى بس اكون مقتنعة ومرتاحة حتى اقدر اسعد نفسي واسعده . أبشري حبيبتي راح أحاول يكون بينا تواصل خارج المنتدى , عن طريق الإيميل وراح أستفسر , وياليت المشرفات يساعدونا بالطريقة الصحيحة عشان نتواصل والله يجزاهم كل خير . بعدين حنا أخوات ماثقلتي ولا شي , والله يامجروحة أني كم يوم أهوجس بمشكلة وحدة من الأخواات , مشكلة أكثر مما تتخيليين , الله يفرج همك حبيبتي , وأوعدك نتواصل ومشكورة من جد على حسن ظنك وثقتك بي . |
| الساعة الآن 10:37 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©