|
اخي
مش دايما اللين مطلوب .. احيانا الشدة تكون مطلوبة .. حاولت معاها باللين و الطيب مانفع ... خلاص فهمها بحزم .. انا مابتحمل اثم بسببك .. اذا انتي مقاطعاهم براحتك لا تروحي و لا تزوريهم .. انا مابجبرك لكن انا مش مقاطعهم و لا بيني و بينهم شي .. بازورهم و اودهم و اوصل صلة الرحم واذا هم غلطوا نحن نكون احسن منهم و ما نرجع الغلط بغلط... وخلاص .. زعلت . عادي بتزعل يومين و لا ثلاث و تنسى بس على الاقل تكون حطيت النقط على الحروف وتعلمها تفصل بين مشاكلها و بينك .. اذا جلست تحايل .. انت الخسران .. لانها بتتعلم انه كلامها مسموع بالصح و الغلط .. هذا رأيي اذا مش حابب الشدة و حابب تجيها بالحيلة شف مين اعز صاحباتها .. وقول لها انا خاصمت زوجها و من اليوم و رايح ممنوع تزوريها او تكلميها .. شوف ردت فعلها ... اكيد بتعصب و تعاند و تقول لا و يش دخلني بينكم ساعتها ارجع افتح لها هالموضوع وشوف رايها الله يوفقكم و يسعدكم |
يا اخوي مو لازم تقتنع زوجتك
لا طاعة لمخلوق في معصية الخالق واكثر ما تعجل العقوبه في الدنيا قاطع الرحم وان صلة الرحم سبب من اسباب طول العمر وسعة الرزق ذكرها بالدين وكن صاااااااااااااااااااااارم وقل انا مالي شغل فيكم ما اقطع اهلي علشان خرابيطكم اقتررررررررررررررررررررررراح كحل اخير اذا كنت جيد في التمثيل واخوانها واهلها متفهمين وواقفين في صفك كلم اخوانها من دون ان تعلم واعزم واحد منهم وتهاوش انت وياه على ان يكون هو الغلطان في حقك ثم قل لها لا تزوري اهلك خلاص خربت علاقتي فيهم اجل انتي بعد خربيها خلها تحس بالغلط الي تسوية طبعا انت اخبر بعلاقتك فيهم اذا بتحس انة ينفع او انه ممكن يزيد الطين بله مع اني اميل للاقتراح الاول كن صااااااااااارم ومو لازم تقتنع في امور تغضب الله |
الله يهدي النفوس يارب
|
انت من اليمن؟؟؟؟؟؟؟؟؟؟؟؟
لازم تفهم زوجتك انه القطيعة حرام ومو على اي كلمة خلاص الواحد يقاطع اذا بتقاطع كل من يغلط عليها بتعيش وحيدة طول عمرها شد عليها شوي وقولها انه انت مالك شغل بسوالف الحريم واختك ما راح تقطعها وروحتك لاختك مو معناته انه انت ضدها بس لازم تفهم اذا مو باللين بالشدة لاطاعة لمخلوق في معصية الخالق والتسامح مو معناته ضعف بالعكس هي ارضت ربها وبالمقابل ربها بيرضيها وبتكبر اكثر واكثر في عيون الناس انا ياما اتهزات وانهنت وعشت ايام الله لايعيدها ومن ناس قريبين مني كثير بس للامانة في البداية ماقدرت اتواصل معهم او حتى اكلمهم بس مع الوقت ضغطت على نفسي ورحت لهم رغم الضغوط النفسية اللي تعرضت لها حتى انه ضغطي ارتفع مرررررة وكان راح يغمى علي بس مشاكلي كانت مرة كبيرة وصلت للطرد والطلاق بس ربي ستر والحمد لله الحين لما اروح لهم او ازورهم تحسهم مستحيين على نفسهم من اللي سووه ربي يهدي الجميع ويهدي زوجتك بالتوفيق |
اقتباس:
كلمتها وذكرتها بكلام الله لكن الله يهديها بتعاند وانة لازم تكبر عقلها , انا معترف انهم زعلوها لكن انا ايش ذنبي تخليني اقطع اختي لما اكلمها بهذا النطق تقولي انت زوجي ولازم توقف معي الله يهديها الى عقلها قدنا عندي اكتئاب من هاذي المشكلة |
طيب اذا رحت وزرت بيت اختك . ايش بتسوي زوجتك ؟؟؟ ايش اقصى مرحلة من الزعل ممكن توصل لها زوجتك ؟؟؟
|
اسمح لي اخي
انت الغلطان 100% يعني زوجه زي ذي عنيدة مسيطرة ولا تعرف جنه ونار ( وش تبي فيه) بعدين لا تقول انا مو ضعيف شخصيه لا انت ضعيف شخصية ونصين عليها تتحكم فيك وتمنعك. من صله الرحم وتقول مو ضعيف شخصيه اجل ضعيف الشخصيه في نظرك وش تسوي له الزوجيه ما اشوف اكبر من اللي قاعدة تسويه فيك ما اقول الا الله يسامحها ويسامحك علي فكرة تري زوجتك مابتكون اجمل البنات ولا احنهم فلا تخاف انك تخسرها واعتقد زي ذي الزوجه مو خسارة انك تخسرها بالعكس احسه مكسب لك لان اذا المشكله مو بين اهلك خلتك تقطهم اجل لو المشكله مع اهلك وش بتسوي بتخليك تطردهم مثلا واسمح لي من أسلوبك اتوقع انك بتسويها في المستقبل اذا استمرت معك مثل هذة الزوجه نصيحتي اتقو الله في صله الرحم وعندنا مثل يقول ( اذا كان هذا اوله ينعاف تاليه) الله يكون في عونك هذا ابتلاء من الله تحياتي |
الموضوع بسيط بس يحتاج منك شوية جديه ..
فهمها بكل حب ووضوح .. هي الحبيبه .. والغاليه ولايرضيك ماحدث ولكن مقاطعة الاخت لاترضي الخالق اولا وولا ترضيك انت .. وولو كان الامر معكوس لما قبلت .. قبلت به ياهلا لم تقبل دعها واستمر بالذهاب الى اختك .. وع قولتنا كبر المخده .. بنظري الامور بينا النساء مشاكل معتاده مالم يتعدى كرامة زوجتك لاتتدخل فيه واعلمها بذلك .. واتوقع زوجتك صغيرة سن .. الله ييسر امرك. |
درامـا بانورامـا .. خــف شوويه على صاحـب المـوضوع ..
عمـومـا ,, أفضـل أسلـوب تتعـامل فيه مع المشكلـه .. أنـك ماتلتـفت لطلبهـا بقطيعـة أهلـك .. تـواصـل مع أهلـك كمـا كنت .. ولا كــأن صــار شــي .. أليــن تحس على نفسهـا وتشـوف أنها كبرت السـالفه وهي صغيـره .. وتـاخذها درس بعـدين أنها ماتكبـر المشاكل وتوصلها للقطيـعه .. لكـن اذا شافتـك تسـايرهـا وتليـن معاها في هالتصـرف راح يكبر راسها أكثر .. ومثـل ماقالت شوجي اذا بنـزعل من كل مشكلـه ماخلصنـا .. |
مع رد الأخت نورة
خليها راكبة راسها أهم شي إنت انتبه تقطع رحم هذا اختك مهما حصل بين الحريم يخلون خلافاتهم على جمب خليك حازم معها وإنه هالشي مافي نقاش فيه نقطة انتهى |
| الساعة الآن 10:30 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©