الله الله يجزاكم خيير ويدخلكم الجنه بسلاااام يااااارب -والله كررت في قراءه الردود فابرد على قلبي ولازلت بكررها

الله الله يجزاكم خيير ويدخلكم الجنه بسلاااام يااااارب -والله كررت في قراءه الردود فابرد على قلبي ولازلت بكررها ~ الله يرحمني برحمتك بس انا اذا انوجعت من شي وفضفضت انقهر اقول الاجر راح علي الي عنده معلومه عن الي يفضفض لايبخل الله يجعله بموازين حسناته

اححح انا من فتتتره لفتتتتره اتذكر طليقي بعض احيان اشتاق وبعض احياان اقول نعمه فرقاه لان المشاكل تخليني احس بنعمه وبعدددين الي يقهرني مثل الشوارع الاسواق والاكل كل شي اشوفها تذكرني بطليقي وانوووجع عاد مو كل شي بس الي يكون عشت معه ومريت عليه بعد طلاقي وبعض احيان واتوقع قليل يصير اذكر وانسى بلحظته اما اكثر شي انقهر وبنتي حالها يوجعني يارب ارحمني امي تقول انتي لاخلتيها تكلمه بتغثك دايم خليها تنساه طيب وش الفايده انا امرض منها على انها تنساه وبعدين اذا جيت منطقتهم اخذها وتذكره وصار تعبي خساره وش اسوي وبعدين الصراحه احسه مايحس فيها زيي يطوووول عنها مايهمه ومايدوره بالتلفون واذا اخذها دقايق ولا مرجعها ولا يوديها ملاهي ولا شي حتى فلوس مايصرف عليها وياليت مره بس عطاها عشره وجدها مايقصر عطاها مره واعتمد عليه على كلام النااااس لان جدها شبعان على ماقالو وهي ضعيفه تحبه مررره وتحدى تخلي احد يسب ابوها وبعض احيان انقهر من امي اذا شافتها تبغى ابوها امي من القهر تقول ابوك طشك مايبيك ومن هالكلام وانا احاول اقول لامي مايصلح ياثر على نفسيتها وتضحك علي تقول هذي ورع ماعليها وانا والله اشوف بنتي تنقهر وتفهم وتحفظ بس انا حساااسه جدا تبكيني على طول الله يجزاكم خير افدوني لعل يطيب قلبي المجروح الي يشوفني يقول مستانسه وانا الله يستر ما بداخلي ولله الحمد موكل وقتي موجوعه كله عشان راضيه بقضاء الله

أختي أم لمار4 كل ماتمرين به شيء طبيعي جميع المطلقين يمرون فيه فمنهم من يتعافى منه سريعا ومنهم من تطول معه
هذه الحاله تختلف من شخص إلى شخص حسب قرب الشخص من الله وقوة عزيمته وعدم أنحنائه لعواصف الزمن اللتي
تهب علينا من كل جهه عليك بالأستغفار والأكثار من قرأة القرآن وقيام الليل والصدقه وحاولي أن تهتمي بنفسك وتشغليها
في طاعة الله فالذي رزقك بزوج كفيل أن يرزقك بزوج صالح خير من زوجك وقولي الحمد لله أن أبنتك عائشه بين أحضانك
وليس كغيرك لا يكاد يرون أطفالهم إلا قليل فيعيشون بين هم الطلاق وهم بعد أطفالهم كل أملي أن تتجاوزي هذه المرحله
بكل صبر وعزيمه وتوكل على الله وكل ما أدرتي أن تبوحي بما يجول بخاطرك فجميعنا اخوه ونشارك الجميع همومهم
.................شااااب

طريقة سهلة لاذهاب الهم والغم والحزن ووسوسة الشيطان
اذا اصابك شىء مما ذكرته لك فامسح بيدك اليمنى على وجهك بنية صادقة وانت تقول حسبنا الله ونعم الوكيل ترى العجب من صنع الله فكن من الشاكرين. مع الاكثار من الاستغفار علاح مهم للهموم والاحزان
سلامى لكم جميعا

السلام عليكم الله يسعدك ويوفقك ولا يرد القدر الا الدعاء والحمد لله والشكر دام الواحد بصحه وستر الباقي مايهم والا بذكر الله تطمئن القلوب

السلام عليكم ورحمة الله


الله يجبر كسرك و يعوضك الرسول عليه الصلاة و السلام يقول آمر ابن آدم كله خير ان اصابته سرآء شكر و كان خير له و ان آصآبته ضرآء صبر و كان خير له ,, و في الاخير هذي دنيآ مآرآح نعمّر فيهآ المقر في الجنه اختي و ابشري بالنعيم الذي لا ينقطع بإذن الله تنسيك همك في الدنيآ و الاخره

اما بالنسبه لبنتك فأنا عندي لك حلول و بالله التوفيق اقول /

عوديهآ على ان تكون المكآلمآت تحت أمرتك وتصرفك يعني ماتكلم الا بعد ماتوافقين ادري انها صغيره وممكن ماتتكلم بس المقصد هو انه اذا قلتي لا هو نايم تقتنع وتروح ماتقعد تزن عليك يعني في اليوم الواحد تعذري لها مره نايم انا كلمته وطلع نايم اذا قالت كلمتيه انتي قولي ايه كلمته وقلت له انك تحبينه وهو قال انه يحبك و بيرسل لك فلوس تشترين فيها العاب و ملابس جديده بكذآ ينغسل قلبهآ ويتشفى

اكسبي حبها لمكالمة ابوهآ فـي اكلهآ و نومتها بدري و اصدقي معها مثلا نامي بدري على شان بكره اشحن جوالي و اخليك تكلمين بابا هو بكره بيكون بالشغل ونكلمه واذا نامت فعلا ً خليها تكلم و بكذا تضربي حجرين انها تتربى ع ماتبين و كلمت ابوها وكبرتي برضوا في عينها و تتحسن صورتك اللي ان شاء الله انها حسنه و تثق فيك و في وعودك لها

ماعليك من اهله و لا عليك من اهلك و اسمحيلي اختي في هذا الكلام ترا انا واقعي و هذي مشوره وانا ادين فيها امام الله سبحانه و تعآلى محد محآسب معك و لا احد معطيك حسنه يوم العرض فـأنتي عاقله اوزني امورك واحتياجاتك انتي وبنتك بنتي تبي تكلم ابوهآ ماني قاطعه قلبهآ على شان ام او خاله ام عمه او احترام لهم ماني مخليه البنت تكلم قدآمهم

قاعده اختي اللي يرضي الله سبحآنه و رسوله صلى الله عليه و سلم سويه و لا تاخذك في احد رأفه

اما بالنسبه لتجربتك انا اشوف انك تمحورينهآ الى شحنآت ايجآبيه لصآلحك سوق مريتي فيه كان مثلا ً معك لا تخلين هالذكرى تخليك مقوقعه و يدخل لك ابليس مع هالباب ويآخذ من حسنات صبرك وينزل دموعك قولي الحمدلله و حسبنا الله سيؤتينآ الله من فضله انآ ألى ربنآ راغبون .. وشوفي سلبياتك بهالمشوار ايش كانت وقولي بزواجي الجديد رآح اتجاوزهآ
تذكرتي مثلا ً ليله او سفرهـ سوآ تذكري الايجآبيآت وقولي الحمدلله ان ربي كتب لي اعيش ليله حلووه في حيآتي رغم ان غيري مو لاقي يآكل وانا مو من كثر تعبدي و صدقآتي .. لا تكوني سلبيه


مو شرط تتمي مطلقه استخيري وان لقيتي في رجعتكم خير و رتحتي لهالشي ارجعي له ولو لعيون هالمزيوونه الله يحفظهآ
دامك تغيرتي و صرتي غير مايمنع اذا كان كبريآئك يمنعك انه يتدخل احد بيحيث يبين انك ماتدرين وانه بيجي يظغط عليك و لا تحرجوني ومابيه وانا عايفته وشوي شوي تلينين وياشيخه لا تشرطين رضوه الرضوه علينا بس ارجعي له و الله ان الدنيآ مو مستآهله كل هذآ اللي تسوونه في انفسكم اللي يشوفنآ يقول مافيه دآر الاخره و يعوضنآ ربي على كل مصيبه و على كل هم و حزن يقول الرسول عليه الصلاة و السلام بمعنى الحديث ود اهل العآفيه يوم القيامه ان يعودوا للدنيآ وان تقرض جلودهم بالمقاريض مما يرونه من ثواب اهل البلاء *


و سعي صدرك و ربي بيعوضك كوني مع الله يكون معك في شدتك و بلاءك

اكثري من الاستغفار ففيه تفريج كربات و جلاء حزان و همومي ..( وقلت استغفروا ربكم انه كآن غفارا يرسل السمآء عليكم مدرآرآ و يمددكم بآموآل و بنين و يجعل لكم جنآت و يجعل لكم انهآرآ )


لا تتركي درب للشيطااان ارجووك اختي والله يعطيييييييييييك حتى يرضيييييييييييييييييك

وبنتك بتكبر وبتنسى المهم انتي لا تتركين نفسك في مهب الريح و التسويف رآجعي حساباتك و قرري قبل ان يضمر القلب و ينسى الزوج ممكن هو مثلك يعآني و لكن هو الكبريآء اللعين ..

اخوك في آلله

الله يجزاكم خير وش كثر فرحتي اشوف احد يرد علي ويعطيني نصايح
ياخوي هو الي مطلق وحتى بوقت العده طلبته بالرجوع ورفض وتزوج الحين وعايش حياته وتخيل بنتي الحين حنا بالمنطقه حقته لنا ثلاث اسابيع وماطلبها وبنتي تطلبني تقول بروح لبابا وتمنى تكلمه بس انا اصرفها وش اسوي اسكت نفسي وانا موجوعه اقول هذا ربي كاتب رزقها بابو كذا وهذا حياتها وحياتي لازم نرضى واشوى يخف اوجعي ويزيدني رضاء ياااارب تقبل اعمالنا واغفر ذنوووبنا ولاتجعلنا من عبادك الخاسرين امييييين ياااارب

احح وش فايدته اقط بنتي عليه غصب وهو مافكر الله يسعد بنتي وابعد عنها كل الشر وهي واخوواننا المسلمين

الله يجبر بخآطرك آختنآ


ومو عذر لا تسوّل لك نفسك انك تقولي هو مآ سأل هو ما حرص انا ماني محرصه

عادة ً الرجل يعامل بنته في هذا الوقت معاملته لك يعني يقسى عليها في زعمه انه يقسى عليك
والا مافيه رجل بالدنيآ الا وده يحضن بنته ويشم ريحتها و يلاعبهآ الخ من اللي مايخفى عليك

لكن مايبي اي شي يحسسك انه ضعيف فالواجب عليك انه تعملين الاتي ديانه لله و لا عليك من كلام الناس

ارسلي له رساله فيها احترام و تقدير بدون ميول لأي سلوب كان سواء جفاء او نقيضه من الحنيه
محتواها ان بنتك تعبانه وبس تهذري فيك وبابا متى يجي يوديني
يا ابو لمآر انا امنت بالقضاء و القدر ولكن البنت مالها ذنب تعال خذ لك يومين اجازه البنت مشتهيه شوفتك
لو تبي نحجز لها ماعندنا مانع بس تعرف انا ماقدر اروح معها واخواني مشغولين

وانتي تعرفين مفاتيح قلب طليقك

ان مافاد دقي عليه في وقت هي تبكي وخليها تكلمه طلعي قلبه حتى لو تبكي من قرصة نمله من غير شر انتهزيها فرصه و دقي عليه خلي قلبه يطلع وبيحن عليهآ و بيجي صدقيني اعرف رجال يبكون ليل نهار ودهم ببناتهم بس يمنعهم قولة ايييه عرفنا نقطة ضعفه اربطوه ببنته ترا الرجال عقليات ومو كلهم سوآ

انتي جربي ولا تيأسي من رحمة الله

حاولي مره و مرتين بنفس الوقت ازرعي حب الاب في قلب بنتك زي ماقلت لك اعمليهآ لوجه الله و بتشوفين اثرها ع صحتك و حيآتك

يعلم الله اني ادعي لك ان ربي يرحم ضعفك و يكتب لك خيري الدنيآ و الاخره