يا بدو انها مسيطره عليك وهذا غلتطك اقطع علاقتها في قريبتها وخليك حازم وشيل البلاك منها وقالها خلاص لحد هنا وخلاص كفايه دلع استحملتك وانا متزوج ليش ابغا استقر مدام انتي متعلقه بي قريبتك ليش اتزوجتيني وظلمتيني ولمن تشوفك شديد راح تتعدل طالما شايفتك متساهل راح تزيد واتمنى انك تشد عليها بس بعقل وشكرا

موضوعك مررة طويلة يتعب في القراءة فجالسة أقرا ردود الأعضاء عشان أفهم
هذي النصيحة جدداااا رائعة وفي الصميم أعجبتني وحبيت أقتبسها
جزاك الله خير

اخي الفاضل
مشكلتكم بدأت من قبل الزواج حينا طلبت منك ان لاتمسح ايةشيء من جوالك واصرارها على ذلك عندها نظرت انت انه مثل ماانا هي بعد وهذا حقك لكن تدري وش الغلط انك وافقتها من دون ان تضع حدود لخصوصيتك فنعد واقع الحياة هي وجدت نفسها اخطأت بذاك الطلب لانها ماتوقعت يكون عليها بعد فماتنازلت عنه لان كبرياءها يمنعها
اخي الكريم ينقصكم الحوار الحوار الحوار والله انه لبمثابة مجداف الحياة الزوجية الى بر الامان
زوجتك فيها خير وانت فيك خير لكن الشرارة بدت من الطلب ذاك فأنا اقترح منكم ان تجلسوا جلسه ودية هادئه وخذ ورقة وقلم وفضفضوا لبعض مو الهدف من الفضفضة زيادة المشكلات لا بل معرفة مابداخل كل طرف ووضع حلول لكل مشكلة يعني تكتب المشكلة وحدة وحدة وتقترحون حل لها انتم الاثنين حل يرضي الطرفين لاتتنازل انت مثل كل مرة لا اطلب اللي تراه يريحك وهي لابد تستجيب بحكم طاعة الزوج وبعد انت لازم تصير ثقيل وحااااازم فترة فقط الى ان تراها مشت معك بعدها خف شوي واذا عن علاقتكم الخاصة اشعل في قلبها نار الغيرة والله انها تحبك وتغار عليك لكن ماتبين غيرتها لك عشان ماتستخدمها نقطة ضعف لها وهي عارفه ان نقطة ضعفها الغيرة
مشاكلكم والله تااااافهه والزواج رباط مقدس اكبر بكثير من ان نجعل المشكلات التافهه تعصف به ومع ذلك لازم ماتهملها اقصد المشاكل الصغيرة والتافهه هذه لان ممكن تتطور وتصبح اكبر واكبر ولاتنسى ان الجبال من الحصى ولاتفكر اخوي بالطلاق ابداً والله حرام تغربل نفسك وتغربها بعد لان كلاكم فيكم خير وتحبون بعض لكن شوي من تغيير السياسات تصير حياتكم ولااروع لاتنسى ان المراءة عاطفية امسكها من عاطفتها ولاتستجيب بطلقني انت بنفسك تشوفها تقولها ولاهدئت جات تتراضاك
والله نسب الطلاق من السنة الاولى مخيفة فحافظ على حياتك فانت ربان السفينة وليست هي
واقترح اذا مانفع معك شيء ان تروحون الى مصلح اسري يساعدكم وفعلاً مثل ماقالوا الاخوان الاطفال يقربون الزوجين من بعض ابحث عن سبب عدم الانجاب ووضح لها اني احبك واحب اجيب طفل منك يشبهك وووو من هذا الكلام
انا مو متزوجه وان اخطأت سامحني ويسامحوني الاخوان وان اصبت فمن الله *

معليش اسمح لي زوجتك تتدلع عليك
واثقة انك تحبها ....... واثقة انه في كل مرة انت بتعذر ... واثقة انك بتقبل عذرها ...

زوجتك يبي لها حزم شوي ... وشد عليها شوي اذا زعلت لاترضى بسهوله ....

انا مااحرضك عليها قم بواجباتها على اكمل وجه لاتبخل عليها بحب وحنان بس الحزم مطلوب

غيرر كذا علاقتها بقررريبتها غريبه شوي ... انا اعرف اذا الوحدة تزوجت تنسى الناس كلهم على الاقل اول سنه زواج


خللك حازم وشف النتايج كيف

انت الغلطان

لاتقول الزوج لازم يتصرف ع طبيعته مع زوجته
انا معاك في هذي النقطه ولكن بشرط أن تكونو متفاهمين وليس بينكم مشاكل وعناد

النقطه الثانيه :
أنت رجل والله ميزك عن المراءه بالعقل لازم تستخدم عقلك ولا تجعل عواطفك هي اللي تجعلك تتخذ قراراتك
أجعل إرضائك صعب لا تستسلم بسهوله خصوصاً في الامور اللي ممكن أنها تخرب حياتكم
خل الطيبه ع جنب ياخي لاتهدم حياتك بطيبتك ..

بعدين شفتك أكثر من مره تقول معقوله هالأمور التفاهه تخليها تسوي كذا ؟
أقولك أيوه معقوله إذا صارت كثيره


بالنسبه للعلاقات الجنسيه وتقول انها ماتستجيب لك أو ماتحس بالحب خلال هذي الفتره

هذا شي طبيعي يـ عزيزي لأن زوجتك تفتقر إلى الراحه النفسيه ويمكن أنت بعد ماتفكر في هالأمور مثل أول
بسبب التعب النفسي و التفكير في المشاكل اللي صايره بينكم ..

أنا أتمنى تكون حازم شوي مع زوجتك ولا تتراجع في كلامك وتصبر لأن مابعد الضيقه الا الفرج يالغلا

الله يوفقك ويسعدك

/

الله يوفقكم ويفرج همومكم ويسعدكم دنيا وآخره ، كلامكم ونصائحكم درر وربي ..
بس انا لاحظت تناقض وتلخبطت ، تقولون خليك حازم واثقل شوي طيب اذا صار موضوع صغير وتافه وثقلت وحزمت صرت انا اللي كبرت الموضوع!!
ولو صار رديتها من شي رغبتها فيه وسوت اللي انا ابيه مرغمه وتضايقت هل احاول اراضيها ولا ازعل بعد ، وقتها شلون بنتراضى ؟؟
ادري غثيتكم معي بس تحملوني

اخي نقصد تاافه ان تقام الدنيا عليه ولاتقعد والنفوس تشيل على بعض لاجل تواافه وتتأثر علاقتكم بسبب هالامور الزواج ارقى من ان تنغصه هالمشكلات
حااازم لا يعني لا مافي تراجع في كلمتك
ثقيل يعني لاتبين محبتك ولهفتك عليها واااجد من طبع البشر الفرار من اللي يركض وراه عاملها بالحسنى والطيب وحاول تكون غامض شوي في مشاعرك خلها تقول تغير مدري شكله ماعاد صار حبني مثل مانت تقول عنها ومعاد صار يغير علي مثل مانت تقول عنها يعني شعلل الغيرة بقلبها والله انها بتجيك ساعتها دغري ساعتها قولها ماتهتمين فيني وداايم عند اهلك ومشاكل تافهه تخلينها كبيرة وحقي ماتعطيني ووووو خلاص خليك بكيفك وانا حر باللي اسويه اسهر واروح واجي مع اللي ابيه دامك ماحتويتيني القصد نقطة ضعفها الغيرة وبتقول عصفورة قالت وفي نفس الوقت خلك حازم وامرك هو اللي يمشي وانهي ياشيخ مسئلة التفتيش في جوالات بعض معها واطلب منها ان تنسون السالفه هذي قلها البلاك دااامك عليه اربع وعشرين ساعه براحتك انا على كيفي بسوي اللي ابيه اربع وعشرين ساعه زوجتك عنيدة ماتجي بالعناد تجي باللف والدوران حسسها انها تغلط معك وتغيرك سبب تصرفاتها وفي نفس الوقت ابعد عن الغضب والصراخ لانها ماتجي به بالعكس تتعب والله العالم انها تمثل انها تتألم عشان تلين قلبك ابعد لذلك ابعد عن النقاش الحاد معها واستخدم اسلوب انك تطبخها على نار هاديه وشغلك خليه من تحت لتحت وان تصير غااامضفي مشاعرك واشعل الغيرة وبتشوفها كيف تحمل واصبر اخي لأن هذه في النهاية امرأة وضعيفه وانت صاحب القوامه بالبيت ومنك يجي حل لحياتك والله يوفقك لكل الخير ويهدي بالكم وسركم

يا أخي ..
أري أنك أفسدتها عليك بضعف شخصيتك .. فليس هكذا يكون الرجال .. كان يجب عليك و من فترة الخطبة الاتي :
- ان تتعود علي إحترامك .. و ان تفكر في الكلمة الف مرة قبل ان تنطقها
- ان تتعود علي الاعتذار ان اخطأت و بسرعة و بدون إلحاح
- ان تعودها علي ان تكرار الخطأ سيكون له رد فعل قاس و مؤلم (معنويا)
- يجب ان تفهم انك رب الاسرة و ليس هي .. انت ولي الامر و ليس هي .. لذلك انت من عليك المراقبة و التوجيه و ليس هي ..
- يجب ان تعلم تماما حقوقك عليها كزوج .. فاذا كان من حقك عليها ان تستأذنك في الذهاب لاهلها للزيارة فمابالك بقريبتها ..
- يجب ان تعلم هي انك من حقك ان تطالبها بقطع علاقتها بأي شخص تراه سيضر بها او بأخلاقها حتي لو مجرد شك .. فعلاقتها بقريبنها علاقة غير مريحة علي الاطلاق
- يجب ان تعلمها ان تسدد فاتورة اخطائها .. فما تفعله هي .. ستتحمل هي وحدها نتائجه (كسرها الجوال) فما كان ينبغي عليك ان تشتري لها اخر
- يجب عليك ان تعلمها ان تخشاك و تعمل لك حساب و لو بنظرة
- يجب ان تعلمها دينها .. فانت ولي امرها
- يجب ان تفهم ان تودد المرأة لزوجها و تزينها له هو قربي من ربها .
- يجب ان تعلمها ان زواجك منها مكسب كبير لها و انها لن تجد مثلك بسهولة
- يجب ان تعلمها انك يمكنك ان تستغني عنها بسهولة ان ظلمتك و اهدرت حقوقك
- يجب ان تعلمها انه يجب عليها استشارتك في كل شيء يخصها و لا تطالبك هي بالمثل .

و لكن الواقع الان يا اخي واقع معكوس تماما .. كان الله في عونك