رد : أنا وحيد بلا أصدقاء .. :(
 

انا مثلك ما عندي صديقات ابد كل صديقاتي بالانترنت حيل انطواائية ،، لكن لو بتشافى من ريحتي و السحر اللي خلا كل الناس تكرهني ، بكون اكثر العائلة اجتماعياً و هذا ع كلامي ... طيب وش رايك تعزم الجميع في بيتك و تسوي اشياء و تتعرف عليهم ..

رد : أنا وحيد بلا أصدقاء .. :(
 

لعلكم تكرهون شياء فهو خير لكم عزيزي الحياه طويله قدامك فانصحك بان لا تدي الموضوع هاذا
الاهميه الكبيره عشان لا تكبر معاك

رد : أنا وحيد بلا أصدقاء .. :(
 

وعليكم السلام ورحمة الله وبركاته

أخي الصغير أياً كان اسمك أنا سأتحدث معك بلغة الكبار لأنك ماشاء الله عليك رجال وعندك مزايا ليست عند كثير من أقرانك

أولاً/ مشكلتك ليست كبيره مثل ما توصفها أنت مشكلتك هي في الواقع مشكله بسيطه لعدة أسباب منها :

- أنك أول شيء جعلت مشكله من لاشيء
- أنك تقول أن أصدقائك لايرغبون في الخروج يعني انت طبيعي ومثلهم بالظبط لكن تتميز بروح إجتماعيه
- أنك تُحب أصدقائك وهذا دليل كبير على صفاء قلبك وطيبتك وأخلاقك وتربيتك الجميله .. إلخ

ثانياً/ عندك أخطاء في قضاء يومك لأنه مثل ماهو واضح ان حياتك كلها انترنت في انترنت وهذا غلط يا اخوي الغالي صحيح ان الانترنت تسليه وفائده لكن الشيء اذا زاد عن حده ينقلب ضده ، انت لازم ما تجلس كثير على الانترنت ضروري انك تقلل من جلوسك عليه واتجه لأشياء ثانيه غير الانترنت ، اجلس مع اهلك مع اخوانك روح مثلاً لأمك وقول لها وش تبون اجيب لكم محتاجين شي اروح اجيبه وبكذا انت تجمع بين التسليه والأجر بعد ، مثلاً حاول تقرأ كتب خفيفه ومفيده في البدايه بتكون القراءه صعبه وممله بس مع الوقت بتتعود على القراءه وتتمتع في القراءه.

وانا متأكد بإذن الله تعالى انك في المستقبل بتنسى تماماً المشكله الصغيره هذي بس كل المطلوب منك انك ما تقول عندي مشكله وانا غير عن الناس اللي في عمري ، واذا كبرت بكره ان شاء الله وصار عمرك 16 و 17 بتلاحظ ان الوضع تغير شوي بس انتبه تصاحب ناس ما فيها خير يكونون يدخنون أو يسوون أشياء غلط ، وعلى فكره ترا انا اول كنت اتوقع انه عندي مشكله مثلك واسأل أعضاء المنتدى عن موضوعي اللي كنت حاطه في المنتدى وكيف تغيرت الحين والحمدلله وصرت طبيعي واخالط الناس وعندي زملاء اطلع معاهم وبالعكس صرت والحمدلله أعينهم على ترك المعاصي والأشياء الغلط والحين جالس اقنع واحد من ربعي يترك الدخان والحمدلله بدأ يتركه وانا ساعدته ، شوف كيف تغيرت أول كنت أقول أنا ماعندي أصدقاء وانا غير مرغوب فيني والحين بفضل الله عز وجل ثم بفضل بعض الأعضاء والعضوات في هالمنتدى صرت إنسان نافع واجتماعي وماعندي مشكله ان شاء الله

وأحب أدعي لك وأقولك عسى الله يوفقك ويحفظك من كل مكروه ويعينك على حل المشكله البسيطه هذي

أخوك غريب :d