|
اقتباس:
وعليكم السلام ورحمة الله وبركاته اهلا بك عزيزتي بوح سماوي كم أحتاجك أنت وكل أخت تنفعني في هذا الجانب بالتحديد الذي قيل لك في صالة المغادرة .. أخبرني عن تجربتك عزيزتي كيف بدأتها وماهي الصعوبات التي واجهتك وكيف تغلبتي عليها ... ومن ثم اتحفينا بتجربتك الأكاديمية وفقك الله لكل خير |
/
أهلاً بكِ يَ أنسْ .. طبعاً أنآ ما تركت حجابي مثل ما انا بالسعودية اللهم الألوان اختلفتْ قليلاً .. كان أول سؤال يوجه إلى أول ما وصلت هناك بعد نص ساعة من وصولي.. ليش انتي حاطه هالشئ وليش ( متنقبة ).. طبعاً كنتْ متجهزه لهالسؤال كثير و سبحان الله قدْ ما تكوني متجهزه إلا ان الله يلهمك بإجابةَ تقويك .. مع ان كان لغتي مو ذاك الزود بس الله انطق لساني .. نجي للعبادات .. بصراحة راح تحسي إيمانك يقوي أكثر .. دايم يكثر في لسانك الحمدلله آني مسلمة .. لآنك راح تشوفي حياتهم كيف .. تحسي اللذة و السعادة عندهم مسأله وقتيه .. اما احنا المسلمين تحسي في عبادة تشعرنا باللذة و الخنوع لله .. خلي سلوكك الحسن يظهر حتى في تعاملك مع المحيط اللى حولك ؛ ممكن تلاقي سب ع حجابك و هالشئ بس ابد لا تلتفين له ولا يزعزك هالشئ هم قلة انا كنت اواجه اكثر شئ في فترة الصيف من السياح وأخص ( الأمريكان ) و بعد الألمان ؛ بس اهل الدولة اللي انا فيها قمة في الرقي و يحترمون الواحد اللي يحترم دينه و ثقافته ؛ اذا جاك سب او هيك لا تحرقي نفسك عشان تردي عليهم استخدمي اسلوب الطناش ؛ أو كلمة كنت استخدمها دايم إذا رفعوا ضغطي و زودوا حدهم .. u don't have right to say that يعني مو من حقك تقول هالكلام .. وكمان كم كلمة زيادة هههه لآن اعرف في بلد حرية و لك حقك في الدفاع .. بس حسب الآدمي أو الآدمية اللي قدامي.. :d ؛ من ناحية العبادات .. كان عندنا استاذ مع انه مو مسلم و لا له ديانة بس وقت الصلاة عارف متى بالضبط كان يقول لنا اخرجوا ولو اخر دقيقة وحده عن الوقت يقعد يتأسف .. بعض الجامعات تخصص غرف للصلاة .. المهم لايضرك .. لو دخل وقت الصلاة وكنتي بالجامعه وماعندك محاضره ؛ لو تصلي بالكلاس ما عليك من احد هذا الشئ بينك وبين ربك ولا تخافي .. وما راح احد يقولك ليش .. يمكن سبحان الله احد يهتدي على يدك بسبب هالشئ .. على فكرة / مع الابتعاث الصورة عن المسلمين تغيرت .. لأن قبل كان يتلقون الكلام اعلامياً وكان مثلما نعرف مدسوس فيه السم .. لكن الابتعاث الحمدلله أعطى الصورة الحقيقة عنا المسلمين و عنا كشعب سعودي .. يعني لا تخافي من ناحية التقبل .. او فكرتهم كونك مسلمة .. حتى لو كنتِ في اقليم مافيه ولا مسلم .. الله راح يكون لك معين و راح يشد من اصرك .. ( آمممـ رآح تشتاقي حيييييييييل لصوت الأذآن ؛ لصوت المساجد بالصلاهـ ).. / أكاديمياً الحمدلله مافي صعوبة إذا توكلتي على الله و اجتهدتي وبذلتي كل الأسباب ؛ بتمر عليك لحظات بتحسي كارهه المذاكره و كارهه تقري شئ بالانقلش .. و حانه للوطن و الأهل .. بس طبيعي جدددددددددداً خدي لك قسط راحه وروحي امشي او سوي اي شغلة لين هالشئ اللي براسك يطيح و بعدين صلي ركعتين وردي لكتابك بتضحكين ع نفسسك .. لا تحطي في بالك انك في غربة و و .. حاولي تأقلمي نفسك وعيشي مثل ما انتي هنا .. لآن لو حطيتي ببالك هالشئ ما راح تتقوي بتفكري متى ترجعي .. سوي لك جدول للمذاكره ؛ للبيت ؛ للترفيه .. الجدول يرتبك اكثر .. و تقدري تعطي كل شئ حقه .. : لو في اي سؤال ثاني تفضلي ! بجد مو عارفه شنو اكتب الكلام كثير .. بس تأكدي راح تخرجين في النهاية من هالتجربة بشئ مفيد .. |
اختي اذا تسمحيلي انا اقدر افيدك وادلو بدلوي
اختي تدرس في مانشستر تقول انه النظام هناك انه البروفيسور يضع صور جميع طلابه وتحت كل صوره اسم الطالب حتى يكون على درايه بمن يدرس معه ومن لا يدرس وحتى لا يحصل غش او خداع بان يمتحن طالب مكان طالب اخر وتقول المنقبات يجبرن ان يعطين صوره مكشوفة الوجه حتى توضع في غرفة البروفيسور اختي غير منقبه ولكن لها زميله منقبه واختي تقول انها طول فتره الدراسه لا تعرف شكل وجه زميلتها ولكن لما ذهبت لمراجعة البروفيسور وجدت صورة زميلتها وعرفت شكل وجهها من الصور الموجوده في مكتب البروفيسور وعندما استفسرت اختي فهمت انه بطاقة التعريف للطالب يجب ان تكون مكشوفة الوجه وكذلك عند البروفيسور.. والله اعلم كذلك فهمت منها ان المدن الكبيره المعتاده على السياح او المهاجرين المسلمين هي التي لا تجد المنقبات او المحجبات فيها اي صعوبه مثل لندن او مانشستر او شيفلد نوتنغهام .. اختي تنصحك بعدم الانخراط كثيرا مع الطالبات العرب وحاولي ان تختلطي مع الاجانب حتى تتحسن لغتك بشكل اسرع.. اختي تمدح في طريقة تعاملهم بشكل عام ولا اراها تشتكي ابدا منهم.. الله يوفقك ويختارلك الاصلح واذا عندك اي سؤال ممكن اسالك اياها .. |
على فكره اذا كان الابتعاث عن طريق بعثات الملك عبدالله فالابتعاث الى بريطانيا مغلق بسبب الاكتفاءمن العام الماضي ..
اما لو كان الابتعاث عن طريق العمل او الجامعه فهو مفتوح .. |
سااااااامحني توني اقرأ الموضوع
والله لاهية باللي انا فيه عموما انا لما رحت هناك عقدت 10 شهور فقط وكنت مرافقة لزوجي أسوا ما في الحياة هناك انج ما تسمعين صوت الأذان وتحسين الحياة مجرد آلة تعمل مافيه روحانيات أبدا واحلى ما فيها الجو والطبيعة بالنسبة لي حسيت بنعمة الاسلام اكثر وانا هناك من جميع النواحي النظافة الادب الدين كرامة الانسان طبعا النادي السعودي ما قصر معانا حتى إحنا الكويتيين عطانا اكثر من حقنا بالنسبة للنقاب احس في بعضهم يخافون وفي بعضهم يحترمون على حسب طبعا يعتمد بالأول والأخير على الزوج وعلى الشخص نفسه وما شالله السعوديين مكتسحين بريطانيا عدل في كل المدن تقريبا الله ييسر أموركم ويسعدكم |
اقتباس:
|
اقتباس:
الله يوفقك ويرضى عليك |
للقسم الانسب : )
|
اقتباس:
اقتباس:
لآن بعضهم بيحسب انك ( لص ) أو ( ارهابيه ) هذا التصور اللي وصلني حسب ما قريت .. طبعاً بعد مارحت البلد الشهرين الأولى كنت على هالحال ؛ بعدها ما أدري ما احس اقتنعت بالعباية الملونة .. فَ رديت لبست أسود بس الشال ألوان .. و الحمدلله مافي ضرر ,, في المناسبات العامة أوقات كذا تطق فيني ألبس اسود × اسود .. ابد ماكان فيه مثل ماسمعت .. إذا احد سألني ليش لابسة اسود مو ملون .. اقولهم هذا متعارف عندنا وتعودنا عليه .. و صاروا يوصون عبايات من السعودية عجبتهم :D و الله اكتر من وحدة من استاذاتنا جوو احتفاليتنا بالعيد لابسين عبايات مثلنَآ .. وفرحانين انهم زينا .. يعني من هالناحية بعض الناس بتشوفه انو غلط وان في بلدك سوي هالشئ بس هنا لا .. الاغلبية ما يتكلموا بهالشئ لأن بالنسبة لهم حرية شخصية و لازم نحترم كل واحد اياً كان جنسه ودينه .. / اقتباس:
طبعاً نجاوب نحاول نلامس الجانب اللي نحبه .. مرات نقول احنا المرأة عندنا في الاسلام زي الجوهرة لو أنها مكشوفة تفقد لمعانها لهذا نحنْ نحافظ على لمعانها وتبقى هالجوهرة مدثرة لا تظهر الا لخاصتها ونبين انو المحارم بس . . مرات نضرب مثل الحلاوة المكشوفة و المغطاه .. مرات نقول انو احنا نحافظ على بشرتنا و نقاوتها لأن لو كانت مكشوفة راح تضرر و تصير كدا وكدا طبعاً هذا بعد توضيح انو هذا امر ديننا و أن شرع هالشئ لأسبابْ ,, و الله كثير كانو يقولو طيب بنجرب و يجربوا و يتصوروا وحيييييييييل مبسوطين .. ممكن يسألونك يقولوا / طيب في البيت انتي لابسة وتنامي فيه بعد ههههههه .. طبعاً نقولهم لا و نشرح لهم انو في البيت احنا غير بس هدا نلبسه لا خرجنا من البيت إذا كانو بنات نسوي جمعة طبعاً ونعزمهم ومررررررررا ترى ينبسطوا و يصير معاك اكثر .. الحمدلله في تقبل كثيييييييييير .. عاد حلو تدخلي فيهم اقل شئ كلمة حلوه لو ( شكراً ) تعبر والله .. / اقتباس:
ف سكتت فيزود العيار مجرد ما تردي اصلا ينزل راسه وينفجع لأن مو متوقع .. في كوفي مثلاً .. يجيك و ويقولك مثلا انا ما اشوفك ! و يستهبل و يحاول انو يضحك عليك .. فهالحالة ما ينفع اسكت لأن لو تسكتي بيرفع ضغطك .. كونك تعطينه كلمه وحدة يعني انقلع عن وجهي :P أو مثلاً في الباص أو الترين ... الخ .. في ناس بترمي كلمة وهي ماشية ؛ تقولك غبيه ودينك غبي ؛ في ناس تقولك انتي في بلد حرية بطلي دي الهباله في ناس تحسبك مرغمة من زوجك أو هيك و مستعبدك وانتي خايفه منه ههههههههه و في ناس تحسب انو بس عشان السعوديين لازم تتحجبي فيجيك يقولك ماكو سعودي وريني :( والله غالبها شئ يضحك ما يحتاج انك تشغلي بالك من هالناحية لأن بتقدري تدافعي عن حقك بِ أريحية .. :18: / اقتباس:
يعني يقولك ليش انتي مثلا متنقبة وهذي كاشفة وجهها لييييييييش ؟! ما اتذكر والله اذا في غيرها بس هذا لأنو كثير يصير .. وعادي مافيها مشاكل مجرد جواب خلاص يسكت ويمشي في حاله .. : الكلاسات المختلطه أبد ما أثرت فيني ؛ اختاري مكانك وين ما تحوبي احيان نسوي أحزاب هههه البنات في جنب و يكونو الاولاد ع الجنب الثاني .. :11: طبعاً اذا كان في شئ انحطيت مع ولد أو هيك بس في حدود اللي كلفت به وانتهى .. / بالنسبة للقروبات .. في البداية عانيت كثير خصوصا آنآ كنت احب ابدأ في البحث أول بأول وهما يماطلوا طيب الواجب الاسبوع الجاي ليش مستعجله انتي ولمن تجي ليلة التسليم و العرض تعالي شوفي كيف الحوسة .. وتجي يوم التسليم اللي مو متجهز واللي ماكمل شغله و .... الخ .. ومع الاسف يكون اكثر شئ من بنات بلدك حتى الاجنبي والله ماعنه زود شكلهم تأثروا .. بس التيتيشر في الاخير يعطي كل واحد حقه يجلس معاك ويسألك و الحمدلله الوضع تعدل في الأخير .. يمكن احنا تعودنا ع العمل الفردي ؛ بس العمل الجماعي عندهم مرررررررررررررا مهم يعني كل اسبوع لازم وآجب مع ( قروب ) .. طبعاً غالباً يعطونك الحرية تختاري افراد مجموعتك .. بس بعض الاستاذه يمسك الكشف و يوزع بالاسامي عاد انتي وحظك .. فإذا انحط ولد معاك ,, ما قد واجهت صعوبة لأن يحدد كل واحد شنو يسوي ثم يسلم للرئيس عن طريق ايميل و قبل التسليم نراجع العمل وكلن يأدي دوره و انتهينا .. شوفي اقولك الحمدلله خطوة أبد ما ندمت عليها ؛ بالعكس اتوسعت مدراكي ؛ و أحلى شئ انك تشوفي ناس تحب الاسلام منك و ناس بالكثير تتعجب من دينك وتسلم عليه .. غير انك لمن تعلمي ( مسلمة جديدة ) وتاخدي بها .. وناس تحترمك وتحترم دينك و ثقافتك .. أنا أقولك تجربة خرجت منها بَ أشياء جددددددداً مفيدة الحمممدلله .. :22: ( هذا ما يعني ما في مظاهر سلبية فيه بس الجوانب الايجابية تغطي والله عليييها حيل إذا انتي ما التفتي للسلبي منها ) في الأخير انتي في جهاد في عبادتك وفي تعلمك وفي كل شئ و في صبرك على الأذى .. الله يوفقك و يفتح عليك و نسمع فيك آخبار حلوه يآآآربْ .. آعذريني لو في خطأ أو عدم تناغم في التعبير لأن اكتب وما أقرأ وش كتبت .. :rolleyes: و لا ترددي بأي سؤآل .. |
وعليكم السلام ورحمة الله وبركاته
أختي أنصحك بالإستخاره إنت وزوجك الله سبحانه وتعالى سيختار لك الخير أينما كان |
| الساعة الآن 11:04 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©