|
هلابك وابل الندى
حلوه بعض المراهقين اللي ما صدق خبر وصار رجال فعلا هذا موجود ومشاهد وهذه مشكلة نفسية تحتاج لعلاج شكرا لك |
اقتباس:
هلا اخوي ابو وئام حفظ الله لك وئام وأدام الله عليكم الوئام ^_^ شوف اخوي انا ادف العربية حقت الولد واشيل الأاكياس وارفض ان زوجتي تشيل كيس واحد لكن بالمقابل تقدر اني امشي بثقل احيانا الطفل يمل من العربية ويبي اشيله فأشيله واحط الاغراض بالعربيه ودف يا دفاف التفت ادور المدام احصلها تمشي قدامي وتدخل محل وانا بالقوة الحقها وادخل وراها وتاخذ لفه سريعه تفقدية وتطلع خلال 30 ثانية وانا وراها ويسير من خلفها عربية الأبناء والأكياس والزوج المنهك فأناديها تعالي وقفي جمبي عيب تمشين قدامي وتنطلقين من محل الى محل كأنك في سباق للهجن وتعودت تمشي جنبي وتأشر على المحل قبل تدخل وانا اقرر ادخل معاها ولا لا لأن احياننا المحلات زحمه ومليانه نساء ما يحب الرجال يدخل وأخذت وقت على ما تعودت ما تسبقني لكن هالشئ يحصل مره بالشهر او بالشهرين او بال 3 أشهر احياننا لأن زوجتي اغلب طلعاتها للسوق مع اهلها اخواتها وامها يتشاورون وش يشترون والوان الخ الخ الخ ويستانسون ويغيرون جو وانا معاها ما تسمع الا خلاص لازم تدخلين كل المحلات وش فيك ما تعبتي انا تعبت انا ما اقدر امشي انا ركبي بدأت توجعني <<< تقل متزوجه شايب منتهي الخلاصه تمشي الزوجة قدامزوجها وهو وراها بالعربية والأغراض عيب وهي تتنقل من محل الى محل وهو وراها كأنه عامل عندها عيب مفروض الزوجه تقدر هالشئ وترجع تمشي بمحاذاة زوجها |
الزوجان إذا كانا متفاهمان لحد كبير..فما ارى انهم يكبرو العدسه على اشياء زي كذا..وعني انا طالما واثق من شخصيتي كيف هي مايأثر فيني لو سحبت العربه الطفل وعربة السوق..إلي بتهز هيك اشياء ارى انه يحتاج يوطد ثقته في نفسه..وربي يهدي الجميع إلى كل خير
|
عادي ابصراحه
انا اللي اجوفه الحين زوجه تمسك ايد زوجها بالسووق وزوج يدز العربانه عن زوجته وهي تختار الاغراض ..وبعدين هذاك اول عيب ومايصير الناس تغيرت الحين والشباب مايستانسوون الا اذا زوجه مسكت ايده ومشت يعني من اللي اجوفه بخواتي وفي الاسواق يوم اسير وجي .. وعندي اختي ماترضى زوجها يدز العربانه هي ادزة عنه وهو يحلف يقولها خليني ادز هي ادزه تقول والله ماادز انا بدز .. وهو يقول يابنت الحلال وخري حلفت وهي تقول وخر مايخصني يعني جي ساعات كل واحد يحلف على الثاني الله يخلف عليا من ادش الجمعيه وراي خدامتي عشان ادز العرباااانه ... ومرات اروح بروحي وادزهااااا هههههههه واذا خليفه معاي خليفه مايمشي معاي تحصلونه عند الاكترونياات يتفحصهن ويعطيني لستته يقولي خذي كل اللي مكتوب لاتنسين شي و بروحه يحوووط ... واذا مشى معاي استاانس لانه يستوي ضراابه هو يقولي خذي هاي الشركه وانا اقوله لا هاي احسن وجي ونخليهم مكس الاغرااض .مانوقف مكان الا قالي لاه وانا اقوله لاه هاي .. خلف الله عليا هههه وجود الزوج مع الزوجه شي حلو .. جدام ورى المهم موجود .. وانا وحليلي اجوف لاازواج والاخوان يدذزووون عربانه خواتهم وحريمهم وانا خدامتي ادز العرباانه .. الله لايحطكم في مكاني والله يوفج اليميع .. هي صح نسيت اقولكم .. اذكر قبل اربع سنين كنت مع امي الله يرحمها واختي وابويه . وكل واحد يروح بروحه يخلص اغراضه ويدفع بروحه وجي ابوي كان يدز العربانه عن امي وامي اللي كانت تحط الاغراض .. انا بروحي كنت اشرى ساماني واختي بروحها وجي الله على ذيج الاياااام صج اشتاقلهاا وااااااايد .. .. |
سوف أقول لك بصراحة
بنسبة لعربة التسوق فشيء طبيعي الرجل هو من يجرُّها ولا أسمح لزوجتي أن تجرّها هي أما بالنسبة لعربة الطفل فمن المستحيل أن أجرها أنا من الممكن لأنني طويل جداً والعربة صغيرة وقصيرة نوعاً ما فمن المستحيل أن أجرها إلا إذا أجبرتني الظروف :d أما إذا ذهبنا لجمعية لشراء حاجياتنا بسرعة ولم يكن معنا عربة الطفل فأنا أحمل طفلي بين يدي وأجرّ عربة التسوق لأن طفلي الرضيع ثقيل نوعاً ما وزوجتي لا تستطيع أن تحمله طوال الوقت تتعب بسرعة ومعها حق إذا حملته أنا بعد ربع ساعة تجد يدي تشنجتا من حمله :25: أما أن تمشي أمامي أو خلفي قد تستغرب لو قلت لك بأنني أفضل أن تمشي أمامي لأراقب من ينظر إليها ولأطمئن لعبائتها بأنها لا تبرز مفاتنها أو تشف تحت الضوء وما إلى ذلك أما إذا لم يكن هناك رجال(وطبعا هذا مستحيل في مجتمعنا) فأفضل أن تمشي بجانبي لا خلفي ولا أمامي سؤال جميل بارك الله فيك |
اقتباس:
|
هذه النوعية من الرجال يتواجدون في كل الدول العربية
وفعلا مثل هذه المعاملات البسيطة إما تنشر السعادة أو التعاسة الزوج الذي لا يمشي مع زوجته جنبا لجنب ويحمل عنها الأشياء الثقيلة فهو يشكو من مرض نفسي وهذا لا يعني أن يحمل كل شيئ يمكن لزوجته مشاركته فيما تقدر حمله لكن ما قولكم في زوج لا يريد أن يخرج مع زوجته لافي الدوام(لأنهم في نفس العمل) ولا في الأسواق بالأحرى يحمل عنها الأشياء أو يجر عربة الطفل الله يهدي الجميع أظن أن الرجال في مجتمعاتنا يعيرون العادات أهمية أكثر من سعادتهم مع زوجاتهم |
اقتباس:
|
سحب العربية تحتاج جهد اضافي والمرأة بنيتها ضعيفة مقارنة بالرجل ..
وبذااات عرباات السوبرماركتات ثقيلة وحوسه>> ومشي الزوج بجانب زوجته يشعرها بالاماااان ولكن اذا بتجيبلها مشكلة بسبب عقدة نفسية عنده مو لازم !! |
اقتباس:
حياك الله يابو الجواهر وان شاء الله حياتك كلها جواهر في جواهر بين عليك التفاهم مع زوجتك الله يخليها لك ويخليك لها وهذا هو المطلوب والاساس في حياتنا الزوجية لكن فيه ناس يتناقص الشئ هذا و يعتبره ذل له وانه رجل ما يمشي وراء الزوجة او يحمل الاغراض وهذا موجود في مجتمعنا ومقدر لك رأيك انه لابد الززوجة ما تسبق زوجها وانها تمشي بمحاذاته وهذا هو الصح والافضل على الاطلاق شكرا لك مرورك يابو الجواهر تحياتي |
| الساعة الآن 06:25 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©