رد : كيف أحب أمي ؟؟؟
 

حبيبتي لاتقارني بين امك وام غيرك ياقمر
في امهات واباء لايجدن لغة التعبير عن مشاعرهن
تكون اتربت بطريقة جافة وتكرر نفس الاسلوب مع ابنائها
هي بداخلها تحبك وتموت فيك صدقيني ولما تصيري ام حتعرفي هالكلام
لكنها لاتتقن فن التعبير عن المشاعر ,, ربما جرحتك لانها ظنت ان الامر في مصلحتك او لانها تريد لك الافضل

وسبق وقلتلك الام والاب لو كانو مشركين لابد نبرهم ونحترمهم ولايوجد اكبر من ذنب الشرك بالله
اعتبريه ابتلاء يالغلا واحتسبي الاجر في برك لها وانسي كل افعالها السلبية وتذكري ايجابياتها

رد : كيف أحب أمي ؟؟؟
 

والله كلمتك هذهـــ أثرت فيني ...ولايوجد اكبر من ذنب الشرك بالله

بس صديقيني مو بيدي وانا احاول
حتى أمي فقدت الأمل اني ارجع مثل زمان... حست ان حبها مات من قلبي

وانا بحاجة حنان الأم .. وهذا أثر على علاقتي بام زوجي .. احس اني احبها لأني محتاجه حنان
شكلي غلط احبها واضمها واجلس جنبها ابيها تعوضني عن امي ... والحمدالله حماتي طيبة.

دعواتك .. الله يجزاك خير

رد : كيف أحب أمي ؟؟؟
 

صراحه ماتستاهلين يصير فيك كذا

الله يهديها امك وتحمليها لك الاجر

وانشالله تعوضين عيالك عن الحنان اللي فقدتيه من امك

رد : كيف أحب أمي ؟؟؟
 

رد : كيف أحب أمي ؟؟؟
 

أشكرك
الله يجزاك خير

رد : كيف أحب أمي ؟؟؟
 

رد : كيف أحب أمي ؟؟؟
 

قريت قبل شوي المستجدات في قسم ساعدوني

نصيحتي لك، البعد مو حلّ ..
إنت إيش قلتي لي قبل كم أسبوع ؟

اللي يخالط الناس و يصبر على أذاهم خير من المؤمن اللي ما يخالطهم الناس و لا يصبر على أذاهم

فمن باب أولى ( والدتك )

.
.

افهمي نفسيتها ، ضعي نفسك مكانها ، عيشي حياتها ..
وقتها انظري لها ( بنظرة الشفقة و الرحمة )

إنك إنت تعلمتي و درستي، و تزوجتي الحمد لله بزوج طيب و أم زوج طيبة ..
عندك نعم و الحمد لله ربي عوضك لصبرك على أذى أمك ..

فإنت أنظري لأمك نظرة ( الطبيب ) اللي بيداوي المريض ..
و لا تقارني بينها و بين بقية الأمهات ..

هذه أمك و مستحيل تلقي أم غيرها ..
حتى أم زوجك ما تقدري تبدليها بأمك ..

بالعكس، تحملك لأذى أمك مرة ، أفضل من خدمتك لأم زوجك مليون مرة ..

و الجنة غالية و مو سهل تتحصلي عليها،.
زي الألماس غالي ، و مو بالسهولة تتحصلي عالألماس ..

و رضا الأم هو اللي يوصلك للجنة ، يعني رضا الأم ( مو سهل ) ..
فكري فيها شوي معاي،.

ليش ما كانت الجنة من نصيب اللي ترضي ( ولدها و رضيعها ) ؟
لإنه شي فطري و سهل جداً ..

يعني الجنة ما كانت من نصيب اللي ترضي أمها ،،
إلا لإنه ربنا يدري إنه ( صعب ) الحصول على رضاهم ..

و مو كل الأمهات طيبات و حنونات ..
أنا أمي قاسية كانت، لا تحسبيها كانت تسمعنا كلام حلو ..

و وحدة من أخواتك مثلك، تبعد نفسها عن أمي عشان حجتها ( ما أتحمل ) ..
و كانت أمي تقسى عليها أكثر ..

بس دحين أمي الله يرحمها ماتت ..
أختي مرتاحة ؟
خليها ترتاح طول العمر دحين .. ارتاحت من أمي أخيراً ..

.
.

صدقيني ..

استشعري طعم ( طاعة أمك ) .. حولي الألم ( للذة ) و راح تحسي بطعم صراخها عليك ..
و بتشوفيه ( نغم موسيقى ) :D

.
.

أنا ما أقول لك إني كنت مرررررة مطيعة ..

يا ما زعلت أمي ، و يا ما كسرت بخاطرها ، و يا ما اختلفنا ..
بس ارجع اندم ، و أحاول كمان و أدعي داااااااااااااااااااايما في نص الليل و قبل لا أتزوج
( يارب خليني بنت بارة بأمي )

أمي كانت شديدة مرة و ما يعدي يوم إلا و لازم تخاصم ..
و الله عالأيام الأخيرة لها و السنوات الأخيرة ..

ما أعرف كيف و بدون ما أحس .. الكل يقول ( ماما تحب روح الطير ) ..
و الكل يلاحظ معاملتها معاي غيييييير ..


مرات الأم تحب تستفز بناتها ، عشان تحس إنه ما زال لها ( وجووووووووووووود )
و إنها مهمة في حياتهم ..

رد : كيف أحب أمي ؟؟؟
 

حبيبتي نوف والله حاسه فيك ,,,, انا كمان اعاني من قسوه امي العجيبه واللي مخليه الكل يستغرب في تعاملها معاي ,,,

بس الحين ممكن تقولي شبه تحسنت ,, زمان كانت تستفزني وآخد واعطي معاها بالكلام بس الحين هربت من كلامها واستفزازها قدام اللي يسوى واللي ما يسوى ولقيت الصمت هو افضل مأوى صرت اسكت على اي شي وكأني ما اسمع شي وبالنهايه تعبت من سكوتي وهي كمان سكتت ,,, الحين ما صار بيننا غير السلام عليكم ومع السلامه

مع اني احاول ارجع زي اول بس ما لقيت الفرصه المناسبه ,,,

ربي يسعدك حبيبتي ويحنن قلبها عليك

رد : كيف أحب أمي ؟؟؟
 

نسيت اقول لك لا تنتظري منها تفاعل ابدا ابدا بس احتسبي الاجر عنه الله ,,, موفقه

رد : كيف أحب أمي ؟؟؟