منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   العلاقات الأسرية والإجتماعية (http://www.66n.com/forums/forumdisplay.php?f=91)
-   -   شاركوني همي مع أزمة الشغالات :-D (http://www.66n.com/forums/showthread.php?t=237350)

روح الطير 25-07-2012 02:46 AM

رد : شاركوني همي مع أزمة الشغالات :-D
 
مس داني ،،

حبشية ، كلهم حبشيات اللي شفت منهم الويل ..
و الله خدامتي الإندونيسية كانت روعة ، و لحد دحين أنا و هي بالفيس بوك نتواصل ..

كنا صح مرات نتهاوش و مرات هي تبكيني و مرات أنا أبكيها ..
بس مثل الأخوات كنا .. و بعد ما سافرت هي ، رجعت تتواصل و ندمت على الأشياء اللي عملته و تبغى ترجع ..
و سامحنا بعض .. ربي يسعدها فين ما راحت ..

مسز داني 25-07-2012 02:51 AM

رد : شاركوني همي مع أزمة الشغالات :-D
 
الله يعين
أنا أفكر استقدم
أثيوبية يعني حبشية و متررررددة كثيرر مما اسمعه
ناس يذموا و ناس يمدحو
أفكر بكينية مسلمة
,,,

حزينه على ذاتي~ 25-07-2012 03:26 AM

رد : شاركوني همي مع أزمة الشغالات :-D
 
بالعكس هم مريحين جدا ..

أنا ما أحب جنسية الأندنوسيه و الأثيوبيه ..

الجنسيه الفلبينيه تقدر العمل و تجتهد بس الصفه السيئه

فيهم .. يدلعون نفسهم و يحبون ذاتهم و يحبون يلفتون النظر

يعني الغيوره لا تجيب فلبينيه و لا بتنهار .. شغالة أهلي فلبينيه كبيره

ما شاء الله عليها مقدره للعمل .. شعب عملي يقدر العمل

و الله ييسرهم لنا : )

% قلبي حنون % 25-07-2012 03:38 AM

رد : شاركوني همي مع أزمة الشغالات :-D
 
الله يسخرلنا الناس الطيبين ..
والي عندها شغالة طيبة الله يثبتها ولا يشردها ههههههههههه
الشغالات على قولكم ينكتب فيهم مجلدات
الطيبة والبطالة لها حركات

انا الي نفسي اعرفه
في السعودية رواتب الشغالات وصلت 2000 و3000
وفي الامارات راتبهم 600

حراااااااام عليهم ..:19:
وتجيكي ماتعرف شي ولو تعرف تقول مااعرف
وتتشرط ومايعجبها العجب .. كم غرفة ؟ كم بزورة ؟ عندك سواق؟
اجازة كل اسبوع ..انا بس سوي نضافة .. اختي في المستشفى لازم اروح ..
لازم هدية حق مدير وبعدها بيوم لطشت الميتين وخرجت
.. حسبي الله ونعم الوكيل ..

العدل يارب الانصاف يارب

اتحمست :d

% قلبي حنون % 25-07-2012 03:52 AM

رد : شاركوني همي مع أزمة الشغالات :-D
 
حبيبتي روح الطير ..

الخادمات زيهم زي اي موظفة في شركة..
التعامل مع الموظف والمدير ..

صحيح نكون طيبين معاهم ونعاملهم بما يرضي الله ونبتسم وكل شي
بس لازم يكون في حدود هي تسوي شغلها الي تاخد راتبها عليه..
تقوليلها تفاصيل شغلها وبس ..
سوي كدا وكدا هذا لازم كدا ..
أنا أحب كدا .. مستر مايحب كدا..


ترى يخافوا لما تقولي مستر ..:30:
ممكن زوجك يكلمها مرة لو في شي مقصرة فيه
يسألها مثلا هذا ليش مو نضيف؟
وطبعاً لازم نقدر تعبهم .. قوليها الله يعطيكي العافية .. جزاك الله خير

واذا شي ماسوته ..
عااادي بكل هدوء :25: قوليلها جيبي البخاخ نضفيه

أحسن شي .. تسوي جدول لكل يوم
تكتبه عندها في ورقه وتريحي مخك

والي تجيكي في نص الشهر تقولك ماابغى شغل .. وانتي محتاجتها مره
قوليها ماعندي راتب غير اخر الشهر .. مستر ماياخد راتب غير اخر الشهر ..


يعني الموظف الي يشقى ويتعب ماياخد راتبه غير بعد شهر وهي على كيفها تبغى حق يومين


برضو اتحمست :d

سيدة الموقف 25-07-2012 05:28 AM

رد : شاركوني همي مع أزمة الشغالات :-D
 
:*

الله يكون بعونك ياروح ويساعدك
الخادمات فعلاً شرٌ لابد منه
حتى إلي ماعندها لازم تجيبها مرتين أوثلاث بالأسبوع تساعدها
وضحكتيني لما قلتِ عمتي:d الله يالدنيا والله وصارو عماتنا
ولو ماعندي شغالة بس لازم أطلب فزعتها بالتعزيل وإذا عندي
عزومة لأنه ينهد حيلي بس إنها تعيش معي وتديربيتي ما أقدر
نفسياً ما أرتاح لها
الآن سكنت ببيتي وهو دورين وفكرت أجيب وحدة لأنه كبير
وماراح أقدر زي قبل لما كان دور واحد بس وش أسوي بالنفسيه
الخوافه إلي تقول أكرفي ولا تجيبي وحدة تذبح عيالك

بس أفكر أجيب وحدة وأخليها ببيت أهلي وإذا عندي شغل أجيبها
ولاخلصت أرجعها

وأنت انتبهي لأولادك منها وحاولي ماتتهاوشي معها كثير
وخليك بعلاقتك معاهم رسمية ودائماً أمسحي على رأس أطفالك
وقولي (أستودعكم الله الذي لاتضيع ودائعه)
وإذا سوت لك شيء أو زعلتك قولي (اللهم أكفينيها بما شئت)

وابتعدوا عن الشغالات إلي مالهم إقامة أو عمالة سائبة
وخليكم في السليم

:*

روح الطير 25-07-2012 06:06 AM

رد : شاركوني همي مع أزمة الشغالات :-D
 
اقتباس:

المشاركة الأصلية كتبت بواسطة ناآاني (المشاركة 2820318)
ههههههههههه
صدقتي والله
انهم هم لابد منه
اسعارهم ارتفعت وبركتهم قللللت

قبل الشغالات الوحده منهم تموت على الشغل تبي اي بيت يضفها بس
الحين لا
تتشرط وتسأل
البيت شقه والا دورين
جم بيبي فيه
تبي موبايل

!!!!!

قسما بالله اني احس براحه عجيبيبه اذا بيتي مافيه خدامه
لكن
اذا موجوده
تتعبين تراقبين ولارم تكونين على راسها عشان تمشي سيده

الله يعيينا. بس

معاك حق ..

و الله إنه زوجي لو عليه ، يجيب كل يوم أكل من برة ..
بس أنا عشان الطفلين ، لازم أفكر في تغذيتهم و أأكلهم أكل صحي ..

بس ما أقدر أقوم حتى من جنب الصغير عشان أعصر له أي عصير ..

لو أولادي كبار و يقدروا يخدموا حالهم ، ما كنت فكرت أجيب و أتحمل طولة لسان الشغالات ..

اللي يقهر إني و الله مدلعتهم .. :29:

روح الطير 25-07-2012 06:09 AM

رد : شاركوني همي مع أزمة الشغالات :-D
 
اقتباس:

المشاركة الأصلية كتبت بواسطة توفي وفيصل (المشاركة 2820367)
كان عندي خدامات وشفت العجب العجاب ..

والان انا والعج اصحاب ..<<<<<<<امزح..

ومستغنيه عنهم الى اجل غير مسمى ..


تدري ؟

قبل لا أحمل بولدي الصغير و قبل لا أجيبه ، ما كنت أبدا أبغاهم و لا حتى دحين ..
بس غصب عني دين أحتاج لشغالة ..

ماعندي أحد يساعدني ..

و ولدي الكبير أمي ربته وقت كنت مسافرة ، فولدي التاني - بالنسبة لي أول تجربة في حياتي -
و كل الطفلين لهم متطلبات ..

و لإنه بعد رمضان راح تخلص الإجازة فلازم ألاقي وحدة تتعود على نظامي قبل لا أبدأ دوامي

أكررررررررررررررررررههم .. :29:

روح الطير 25-07-2012 06:13 AM

رد : شاركوني همي مع أزمة الشغالات :-D
 
توفي و فيصل ..

مشكلة أمهاتنا ، إنهم حنوناااااااااااااااااااااااااات مرة ..
و الله أمي الله يرحمها زي كذا كانت مع شغالاتها ، و أنا انعديت منها ..

حتى مرة أختي شافتني كيف أعامل شغالتي ..
قالت لي إيش فيك كذا ؟ تفكريني بأمي الله يرحمها ..

.
.

مع كذا الشغالات كل وحدة أشوف منها العجب العجاب ..

و يمكن أمك تستحملها عشان ما تبغى وجع الراس ..
و أنا صاير تعاملي معهم رسمي ..

روح الطير 25-07-2012 06:20 AM

رد : شاركوني همي مع أزمة الشغالات :-D
 
مسز داني ..

حبشية جنسيتها ،.

أنا أبدا ما أترك أولادي عندها ، بس إذا خلصت شغلها و ما عندها شي ..
أشغل تلفزيون الصالة و أفتح المكيف و أجيب الألعاب و أحط أولادي الإتنين ..
و أناديها ، أقولها تجلس معاهم و أنا أروح المطبخ أجهز الفطور و ما أخليها تمسك شي بالأكل ،، لا تقطيع و لاشي ..
و بحيث صوت أولادي يوصل لي و أنا بالمطبخ ، و كل 5 دقايق أجي أعدي و أشوفها إيش تعمل ؟

و ولدي الكبير علمته يجلس معاهم و ما يتحرك ، لإنه ينقل لي أي شي تعمله الشغالة ( غلط ) ..
و حتى و أنا بالمطبخ ، كل بعد نص ساعة ،، أعمل شي لأولادي و أحطه عندها ..
مثلا مرة أهرس موز ، و أعطيها تأكله بالملعقة .. و مرة أعصر له برتقال ..
و مرة أعطيه بسكوت في يده يجلس ياكله ،،

و هي طول ماهي جالسة معاهم ، الجوال ما ينزل من يدها ..
يعني مرتاحة مرة ، بس جالسة جنبهم ..

و مجرد ما أخلص كل شي ، أروح أصلي و أجلس معاهم و أقولها تروح تغسل الصحون ..

ما اعتمد عليها أبدا ..

.
.

حتى مثلا تنظيف الثلاجة ..

أخرج الأشياء مثلا اللي ما أبغاها ، و أرتب الثلاجة .. بعدين أناديها تمسح ..
تقوم تمسح بالكذب و تروح تكمل قرقرة بالجوال .. :(


الساعة الآن 11:09 AM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©