منتدى عالم الأسرة والمجتمع - غرفة نوم الزوجين

افضل شئ انك تعلم الطفل الإحترام والذوق واي شئ يريده من غرفة النوم يطق الباب ويستأذن قبل لايدخل غرفة النوم وكمان تعلم كل اطفالك ان الغرفة لوتقفلت وامهم وابوهم نايمين ما يزعجونهم ولا يدقوا الباب إلا لضرورة القصوى صراحة انا ما اقفل غرفة نومي بالمفتاح لأني اخاف على اولادي وبناتي يصير فيهم شئ واترك ابواب غرفهم مفتوحة بس مو بشكل كامل لأن المكيفات اذا كانت تشتغل مشكلة انك تقفل باب الغرفة نهائيا يمكن ينقطع الأكسجين عن الغرفة وتصير كارثة او تسخن توصيلة المكيف وينفجر لا سمح الله واولادك نايمين والحذر واجب في وقت البرد الدفايات مشكلة وفي وقت الصيف المكيفات مشكلة وكمان معظم المعدات عندنا والأدوات الكهربائية جودتها مو ذاك الزود وينخاف منها وانا عن نفسي قد سبق وصارت لي حوادث كثيرة في بيتي بسبب الأدوات الكهربائية ولولا قدر الله ولطفه كان من زمان في خبر كان وانصح كل أم وكل أب قبل ما ينامون يتفقدون مفاتيح تشغيل المكيفات اللي يشغلونها منها ويلمسوها من الخارج اذا كان تحس فيها بحرارة تقفل المكيف علشان يرتاح شوي ويبرد المفتاح ومن ثم اعيد تشغيله لأن نفس الأسلاك اللي بالمفتاح من شدة الحرارة تتآكل وتذوب ويمكن لا قدر الله تسبب في كارثة الحرص واجب على ابنائنا هم امانه في اعناقنا مو نقفل كل شئ بيننا ونضع حواجز بداعي الخصوصية واخيرا اصحى على فاجعة ويمكن لا سمح الله كل الأسرة تروح في خبر كانا فالحرص واجب والأطفال هم كذا دائما عندهم حب استطلاع لو منعتهم من شئ وقفلت الغرفة منهم يبقى بالهم مشغول وش فيه داخل الغرفة هاذي مقفلينها وما يبغونا ندخلها نهائيا وش السبب لاكن تقدر تسكر الباب بدون ماتغلقها بالمفتاح وتمنعهم منها بداعي انها مرتبة ونظيفة وماتبغاهم يحوسونها لك وتقدر تقول لهم انتم لكم غرفكم الخاصة روحو رتبوها وضبطوها واغلقوها ماراح ادخلها ولا راح اخربها عليكم وكل واحد يحافظ على نظافة غرفته البنات والأولاد وحتى الأم والأب لما يدخلوا غرف اولادهم قبل الدخول يطرقون الباب عليهم علشان الأطفال يتعلمون هالصفة ويطبقونها لما يريدون الدخول لغرفة نوم الأم والأب وبكذا راح ترتاح وتطمئن من هالناحية المفتاح ما استخدمه إلا للأوقات الخاصة اما خلافة يبقى المفتاح موجود في الباب بدون استخدامه

وكمان يلزمنا إنا ناخذ كم لفة انا وابوهم بتناوب في اليل على غرف الأولاد والبنات علشان اتفقدهم واتفقد اجهزة التكيف عندهم واغطيهم زين والحمدالله هذا نظامي ماشية عليه ومرتاحة معاه.