|
رد : طفلي اسمر
صحيح ولد اخوي كان اسمر مررره بس مملوح ..
والحين اشقر وشعره اشقر ..وابيض كانه مو سعودي .. احمدي ربك انه ولد مو بنت .. انا بنتي سمرا بس مملوحه .. ودايم اقول لها انتي سمرا بس حلوه .. مااخليها تقول انا بيضاا ..عشان ماتحط ان جمالها يعتمد عالبياض .. وبصراحه الكل والحمد لله ..يمدح بجمالها وهي ..الوحيده السمرا .. واحلى من كثار بشرتهم بيضاااء .. |
رد : طفلي اسمر
ليش نعتبر إن اسمرار البشره نقص أو عيب؟؟؟!!!!!!
إحمدي ربك أن من الله عليك به وهو كامل الخلقه..قال تعالى (إنا كل شئ خلقناه بقدر) صدقيني له حكمه سبحانه هو الاعلم وهو أحكم الحاكميين.. أنا ولدي كان جذاااب وحليو وكل من شافه صوره في عيد أو مناسبه حتى في السوق ياخذونه ويسلمون عليه,,وبعد سبع سنين تعب في الدماغ وإلحين لو تشوفينه الحمدلله ع كل حال ماتصدقين إنه هو إللي بالصور,, والحمدلله صاابره لا تكره المكرووهـ عند حلوله إن العواقب لم تزل متباينه,,,كم نعمة نستهين في شكرها لله في طي المكاره كامنه..كم مغبوط بنعمه هي داؤه |
رد : طفلي اسمر
الله يسامحك بس على هالسؤال ويهديك
ياخوفي تكوني إنتي الزعلانة من هالشي مو ولدك لاتكبرين هالشي براسه قولي الحمدلله على الخلقة الكاملة والصحة والعافية |
رد : طفلي اسمر
اول شئ الف مبروك وجعله الله قرة عين لك ولأبوه يارب ثاني شئ
شكلك وانتي تتوحمين كثرتي في الكاكاو والشوكلاته واهملتي الحليب علشان كذا طلع الولد مسمر انا جايبة ولدين واحد يوم كنت حامل فيه كنت اكرف الحليب كرف وطلع اللي يشوفه يقول عنه مصري والثاني يوم كنت حامل فيه توحمت على الشوكلاته وطلع شكله اسمر هو صح مو ذاك السمار يعني اللي بالمرة بس مفتح على خفيف لاكن ماشاء الله تبارك الله طلع مملوح وجميل عاد الحين عندي بنت وولد كلهم سمر بس حلويين ماشاء الله تبارك والباقين كلهم لونهم ابيض والحمدالله اشوفه شئ عادي صح ولدي بعض الأوقات يسألونه اصحابه اللي بالمدرسة واللي يلاقيهم في المسجد يقولون له ليش اخوك ابيض وانت اسمر سبحان الله يضحك لهم ويقول لهم خلقة الله مو انا اللي خلقت نفسي ودائما يروح ويجي مع اخوه للمدرسة وللمسجد وللبقاله ولما يصدف احد ويسأله هذا اخوك يقول له ايوه بعض الناس مدري كيف تفكيرهم يقولون له انت بالملامح تاخذ من اخوك لاكن لون بشرتك غير عن لون اخوك طيب هذا اللي الله كتبه واللي الله خلقه ليش نعترض او نتضايق من خلقة الله المفروض انا نزرع الثقة في نفوس ابنائنا ومانخليهم يتأثرون بأي كلام يمسهم او يمس اشكالهم بالعكس لازم كيف يردون على اللي ينتقد افعالهم واشكالهم ونخليهم واثقين في انفسهم ومايسمحون لأي احد يكسرهم او ينال منهم لا بفعل ولا بقول انا في البيت ما اسمح لأي واحد من ابنائي ان يسخر من شكل ولون اخوه مافيه مجال للعنصرية ابدا مو كلنا خلقة الله الأبيض والأسمر والأحمر والأشقر والأخضر اخضر من فين انا جبتها هاذي يالله ماعليه مشوها المهم انتي شوفي يا اختي ترى الطفل اول ماينولد يكون لونه اسمر ولو بكى يصير ازرق او احمر المهم مع الوقت لون بشرته راح يفتح بالتدريج ولو مافتح وانا اختك خلاص معناته ان الله خلقه بهذا اللون فلا تتضايقين ولو كبر لا تحسسونه او تعلقون على لون بشرته لاكن عززي الثقة بنفسة وعلميه كيف يرد على اللي ينتقد شكله ولون بشرته بالنسبة لسالفةةالحليب والشوكلاته امزح معاك وعلشان الحوامل مايسونها و يفقعون كرشهم بالحليب ترى امزح معاكم لا تصدقون . |
رد : طفلي اسمر
مو مشكله أن أنتي تبين تبيضين ولدك .. المشكله في عمره هههه صراحه جدا صغير و دايم في هذا العمر ما يوضح الملامح و لا اللون لا صار عمره 7 او 8 شهور حطي خلطات على وجهه حاليا أعتقد انه صغير .. : ) |
| الساعة الآن 06:16 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©